مدونة .. م الغزالى .. العين تسمع .. والإذن ترى!

[نفرتارى]

الصحف المصرية والعربية

تحياتي لك

رغم اني مش بدخل بقالي وقت لكن لما بدخل اول حاجه
اعملها اني ازور المدونه الرائعة الرقيقة الغنية بكل ما فيها حقيقي
من سرد لحكايات جميلة ممتعه وشيقه

كل سنه وحضرتك والاسرة بخير وسعادة يارب
وديما تمتعنا بما تكتبه وتحكيه من روائعك

سلامي وخالص تحياتي

 

 

[م الغزالى]

اقتباس المشاركة الأصلية كتبت بواسطة نفرتارى تحياتي لك رغم اني مش بدخل بقالي وقت لكن لما بدخل اول حاجه اعملها اني ازور المدونه الرائعة الرقيقة الغنية بكل ما فيها حقيقي من سرد لحكايات جميلة ممتعه وشيقه كل سنه وحضرتك والاسرة بخير وسعادة يارب وديما تمتعنا بما تكتبه وتحكيه من روائعك سلامي وخالص تحياتي

وأنتى والأسرة الكريمة بخير

متعك الله بالصحة ووفقك إلى مايحب ويرضى ، شكراً أختى الكريمة على مرورك وطيب كلماتك
خالص تقديرى لك

 

 

[م الغزالى]

الحمد لله وكفى

طبعاً واضح إن مداخلاتى كترت فى المنتدى الفترة الماضية وده سببه إنى كنت مصاب وطريح الفراش بعد وقوعى من على السقالة إياها التى كنت قد تحدثت عنها فى تدوينة سابقة
الحقيقة كنت إنتهيت فى الويك إند من طلاء الغلاف الخشبى الخارجى للمنزل وقد أتت جارتى إياها وقالت لى "أنا مندهشة إزاى إنت فكرت تشترى سقالة وتعدهن بنفسك، أنت مثل يحتذى vorbildlich " ، حمدت ربنا إن الأمور عدّت على خير وإنتهى اليوم وإنتهى الطلاء ولكنى قد لاحظت أن حامل "البلكونة الفرنساوى" ليس مثبت جيداً وقررت فى صباح الإثنين بسرعة أثبته ومش حياخد 5 دقائق وفعلاً طلعت أثبته وبعد قليل وجدت نفسى بأقع وشفتنى وكنت واعى إنى بأقع لذا كان الضرر أخف وربنا لطف بى ولكن هناك رضوض وجروح و خلوع والام فى الكتف والظهر !!!

ياشماتة أبلة ظاظا فىّ !!!

قدر الله وماشاء فعل ومن يومها عرفت إنه فعلاً العظمة كبرت (مش عارف أية عظمة بالضبط بس اللسان الشعبى بيقولها كده) ، رحم الله أيام زمان لما كنا بنط أسوار وأدوار !!!

المدام قالت لى أنا كان قلبى حاسس إن فيه حاجة حتحصل لك ولما إنتهى الدهان حمدت ربنا إن كله تمام وماكنتش أعرف إنك حتتشاقى وتشتغل تانى عليها (كان ناقص تشدى لى ودانى الست دى ) ...!!!

... ماعلينا ....

أجازة الصيف على الأبواب وحأغيب شوية وحتى ألقاكم مرة أخرى هنا أترككم مع رائعة أمير الشعراء و محمد عبد الوهاب و الغواص فى بحر النغم و...

جبل التوباد حيَّاك الحيَّا ... وسقي الله صبانا ورعى
فيك ناغينا الهوى في مهدهِ ... ورضعناه فكُنْتَ المُرْضِعا
وَحَدَوْنا الشَّمسَ في مغربها ... وبَكَرْنا فَسَبَقْنا المَطْلِعا
وعلى سَفْحِكَ عِشْنا زَمَنا ... ورعينا غَنَمَ الأهلِ معا
هذه الربوةُ كانت مَلْعباً ... لشبابيَنا وكانت مَرْتَعا
كَمْ بنينا من حصاها أَرْبُعا ... وانثنينا فمحونا الأربُعا
وخططنا في نقا الرَّمْلِ فما ... حَفِظَ الرِّيحُ ولا الرَّمْلُ وعى !
لم تَزَلْ "ليلي" بِعَيْني طفلةً ... لم تَزِدْ عَنْ أمسِ إلا إصبعا
ما لأحجاركَ صُمَّاً كُلَّما ... هاجَ بى الشَّوقُ أَبَتْ أن تسمعا؟!
كلَّما جئتكَ راجعتُ الصِّبا ... فَأَبَتْ أيَّامُهُ أَنْ تَرْجِعا
قد يهونُ العمرُ إلا ساعةً ... وتهونُ الأرضُ إلا موضعا

 

 

[MFaisal]

ألف سلامة عليك يا بشمهندس غزالى

 

 

[NazeeH]

ألف سلامة عليك

وبهذه المناسبة نحب نتوجه بالشكر الجزيل للسقالة اللي خلتك تشرف عندنا كتير في الفترة الأخيرة

اقتباس العظمة كبرت

عمري ماسمعتها بالشكل ده .. دايما بسمعها وبقولها "العضمة كبرت"

أجازة سعيدة

 

 

[م الغزالى]

كل عام وقراء المدونة و أصدقائها بخير وصحة وفى أحسن حال و....

 

 

[NazeeH]

اقتباس المشاركة الأصلية كتبت بواسطة م الغزالى كل عام وقراء المدونة و أصدقائها بخير وصحة وفى أحسن حال و....

كل العام انتم بخير..



أكلة شعبية من المغرب العربي ..
تسمى لحم القلة في الجنوب التونسي ..
وفي مراكش اسمها طنجية..

 

 

[م الغزالى]

!!! الأجازة وسنينها!!!



يا إلهى.. كل هؤلاء الحجاج فى المطارات وكل هؤلاء المعتمرين فى الموانئ وكل هؤلاء المصلين فى الشوارع وكل هذه السرقات فى البلد!!! (جلال عامر)
----------

الأجازة الصيفية السنة دى قضينها فى خرابستان (فسادستان - بلطجستان -إشتغالاتستان ...سميها كما تحب فهى مصر المحروسة سابقاً) !!!

80 كيلوجرام هى مقدار وزن أمتعتنا أنا والولدين منها مايقل عن 15 كيلوجرام ملابس صيفية والباقى مابين أكل ومستلزمات الحياة لنا خلال خمس أسابيع سنقضيها فى مصر منها 4 أسابيع تقريباً على شاطئ البحر المتوسط !!!

أحب أقول إننا بننزل مصر فى المقام الأول نشوف الحاجة والدتى وثانياً للكورس المكثق للغة العربية وحفظ القرآن للأولاد. رغم إن الحاجة متعلقة بالأولاد جداً لكنها تعلم تمام العلم أن قوة تحملهم فى القاهرة لن تزيد عن خمس ليالى وبعدها تأتيهم نوبة هيستريا و صراخ إما الخروج من القاهرة أو العودة لألمانيا، حيث قلة النوم من الدوشة والضجيج وقلة التربية لشعب يسهر بالليل وينام بالنهار !!!

أنا من الناس اللى كنت بأحاول التمس العذر للناس بأشياء كثيرة ولكن يبدوا أن قدرتى على التماس العذر قد نضبت وجفت و من بعد فقدت القدرة على التعاطف خاصة بعد الإنقلاب العسكرى الأخير وتحول الأمر من عدم التعاطف إلى الرثاء لحال شعب متعايش بجد وبسلام تام مع الزبالة و الأكل الفاسد والمسمم ويعيش بكل أريحية فى بيئة مسمومة وملوثة تلوث تام بمعنى الكلمة !!!

الحقيقة كنت نازل ومقرر أن أبيع ما أملك فى مصر وتكون أخر أجازة لنا فيها ، وإن كان على الحاجة فإسبوع فى كل رأس السنة نقضيه معاها فى البيت. بالنسبة لى أصبحت الأجازة فى مصر كابوس على الأقل بالنسبة لى فما بين مرض وتلوث معوى و قضاء الأجازة فى إنتظار الصنايعية ينتهوا من أعمالهم فى إصلاح ماأفسه عوامل التعرية البحرية فى البيت ...الخ ، حتى الليموزين التى تقلنا من وإلى مطروح دايماً يحصل فيها شئ كل مرة وتتعطل رغم إنى بأدفع 1600 جنيه فى المشوار الواحد !!!

الجديد السنة دى إن إحنا كنا حنموت على الطريق مابين هضبة عجيبة و زاوية أم الرخم حيث كنت واقف أنا و الولدين منتظرين التاكسى وإذ بسيارة مليئة بالمصطافين والبيه بيعمل بيها حركات يمين وشمال "غرز يعنى بيخوف اللى راكبين معاه "وقد شاهدته بيكرر هذا الأمر من على بعد وتنبهت له ويأتى بجوارنا ولأ أعرف لماذا فلتت عجلة القيادة من يده ويشاء السميع العليم أن أطيح بالأولاد على جانب الطريق حيث الحجارة والنباتات الشوكية اليابسة و لله الحمد تمر السيارة على قدمى وهذا من لطف ربنا بى !!!

أحمد الله أنى أُحضر معى كل الأدوية والإسعافات الأولية من المانيا ورغم هذا تلوثت رجلى ولم ترجع لحالتها الطبيعية إلا من يومين فقط !!!

الأدوية تم غشها فلم يعد بها فاعلية حتى المبيدات المضرة بالصحة غشوها فكان هناك هناك باكو صغير من الحبيبات القاتلة للذباب وكنا نشتريها من قبل بجنيه أصبحت بـ 3.5 جنيه ولم تعد لها الفاعلية السابقة و معاها زادت أعداد الذباب الصحراوى النهم هذا العام زيادة مهولة ونحمد الله أننا أتينا بمضادات الناموس وإلا كانت المسألة أسوأ بكثير !!!

لم نتناول أى فاكهة فى مصر سوى التين وهو من مزرعة بجوارنا ِ(بيحاسبنا على 14 جنيه للكيلو علشان لا فيها مبيدات ولا رى صرف صحى) والمانجو الذى وصيت عليه قبل ماأنزل مصر من عند مزرعة أصدقاء لنا وبرضه الكيلو بفلوس كتير !!!

اللحمة مش غاوينها قوى ولكن بأدبح معزة ونقطعها ونشويها لما نزهق من السمك !!!

السمك الموجود فى الأسواق طبعاً مضروب كله مزارع تتغذى على مصارين الفراخ ومخلفات الذبح وحاجة تقرف !!! بنشترى السمك البحرى من الصياد الكيلو بـ 120 جنيه للوقار !!!

قعدت 5 أيام مابين إرتفاع درجة الحرارة والعرق الغزير والإرتباك المعوى الذى إنتهى بإسهال رهيب ومازال أثاره معى حتى الأن رغم إن معظم أكلنا جايبينه معانا أو بنصنعه (خبز - كريب - فطائر)، الطماطم والخيار بنقلل منهم بعد أن "نقيفهم بالتقشير وننقعهم فى خل قد أتيت بإيسانس منه من الخارج والنقطة الواحدة بمثابة زحاجة الخل المصرية المضروبة " ، يبقى الطعم فيه شئ غريب وأظنه مبيد بيرشوه لإطالة عمر الخضروات !!!

نفس الحكاية تكررت مع الأولاد والمدام التى لحقت علينا 3 أسابيع منها إسبوع نايمة فى الفراش حيث زارنا الطبيب الذى هو مجرد حلاق صحة متنكر وقال إيه من أحسن أطباء مطروح !!!

أبيع بالخسارة وأخلص ؟

حد حيقول لى هو فيه عقارات بتخسر ؟ أقول له أه نحسبها !!!

لو أنا كنت شارى عقار من 6 سنين وكلفنى وقتها 30 الف يورو يعنى 180 الف جنيه وجاب لى الأن 400 الف ولا حتى نصف مليون (إقسم بقى على 14 جنيه يجيب كام يورو) شوف أنا شطبت بكام وأحسن عفش فيه و أجهزة وكل مستلزمات مطبخ وفرش من بره بكام ؟

طيب بعت حأشترى دولارات ولا يورو من السوق السودا بكام وشوف حأعرف أخرجهم إزاى ؟

حتى الأرض التى إشتريتها من كام سنة، تدهور سعر الجنيه أكبر من إرتفاع قيمة الأرض لذا هى أيضاً خسران فيها رغم أن الخسارة فيها أقل حيث لا تحتاج تصليح ولا توضيب !!!

السنة دى أخذت شبكة كنت إشتريتها من النرويج وقلت أضعها فى البحر أمام المنزل فى الليل وأصطاد سمكى بنفسى فى الصباح وجدت بها مايقارب 30 أرنبة (قراد)....إنه غضب من الله على هذه البلد !!!

كنت زمان بأشدد على المدام وأقول لها عاوز أموت وادفن فى بلدى دلوقت وصيت الأولاد يدفنونى فى أى مكان أموت فيه وخلاص !
-----------

ولايزال النيل يجرى حتى أوقفه الكمين وسأله معاك حاجة تثبت إنك النيل فقال .. بص للظلم اللى مالينى. (جلال عامر)
-------------
لم يبقى من بلادنا بتاعت زمان غير أغانى بنفتكرها من وقت لأخر


ولا حول ولا قوة إلا بالله !!!

 

 

[عالي مستواها]

ربنا يعين تعبت نفسيا وانا بقرا
حاجه تحزن بجد

لسه كنت بتفرج على السمك اللي بيتزرع

وبياكلوه مخلفات الحيوانات يييييع قرررف

واللي بيزرعوه عارفين اللي فيها ايه وبياكلوه

اهم حاجه الفلوس والارباح وصحة الغلابه

دول مش مهمه ومش بيفكرو فيها اساسا

 

 

[حشيش]

اقتباس المشاركة الأصلية كتبت بواسطة م الغزالى !!! الأجازة وسنينها!!! يا إلهى.. كل هؤلاء الحجاج فى المطارات وكل هؤلاء المعتمرين فى الموانئ وكل هؤلاء المصلين فى الشوارع وكل هذه السرقات فى البلد!!! (جلال عامر) ---------- الأجازة الصيفية السنة دى قضينها فى خرابستان (فسادستان - بلطجستان -إشتغالاتستان ...سميها كما تحب فهى مصر المحروسة سابقاً) !!! 80 كيلوجرام هى مقدار وزن أمتعتنا أنا والولدين منها مايقل عن 15 كيلوجرام ملابس صيفية والباقى مابين أكل ومستلزمات الحياة لنا خلال خمس أسابيع سنقضيها فى مصر منها 4 أسابيع تقريباً على شاطئ البحر المتوسط !!! أحب أقول إننا بننزل مصر فى المقام الأول نشوف الحاجة والدتى وثانياً للكورس المكثق للغة العربية وحفظ القرآن للأولاد. رغم إن الحاجة متعلقة بالأولاد جداً لكنها تعلم تمام العلم أن قوة تحملهم فى القاهرة لن تزيد عن خمس ليالى وبعدها تأتيهم نوبة هيستريا و صراخ إما الخروج من القاهرة أو العودة لألمانيا، حيث قلة النوم من الدوشة والضجيج وقلة التربية لشعب يسهر بالليل وينام بالنهار !!! أنا من الناس اللى كنت بأحاول التمس العذر للناس بأشياء كثيرة ولكن يبدوا أن قدرتى على التماس العذر قد نضبت وجفت و من بعد فقدت القدرة على التعاطف خاصة بعد الإنقلاب العسكرى الأخير وتحول الأمر من عدم التعاطف إلى الرثاء لحال شعب متعايش بجد وبسلام تام مع الزبالة و الأكل الفاسد والمسمم ويعيش بكل أريحية فى بيئة مسمومة وملوثة تلوث تام بمعنى الكلمة !!! الحقيقة كنت نازل ومقرر أن أبيع ما أملك فى مصر وتكون أخر أجازة لنا فيها ، وإن كان على الحاجة فإسبوع فى كل رأس السنة نقضيه معاها فى البيت. بالنسبة لى أصبحت الأجازة فى مصر كابوس على الأقل بالنسبة لى فما بين مرض وتلوث معوى و قضاء الأجازة فى إنتظار الصنايعية ينتهوا من أعمالهم فى إصلاح ماأفسه عوامل التعرية البحرية فى البيت ...الخ ، حتى الليموزين التى تقلنا من وإلى مطروح دايماً يحصل فيها شئ كل مرة وتتعطل رغم إنى بأدفع 1600 جنيه فى المشوار الواحد !!! الجديد السنة دى إن إحنا كنا حنموت على الطريق مابين هضبة عجيبة و زاوية أم الرخم حيث كنت واقف أنا و الولدين منتظرين التاكسى وإذ بسيارة مليئة بالمصطافين والبيه بيعمل بيها حركات يمين وشمال "غرز يعنى بيخوف اللى راكبين معاه "وقد شاهدته بيكرر هذا الأمر من على بعد وتنبهت له ويأتى بجوارنا ولأ أعرف لماذا فلتت عجلة القيادة من يده ويشاء السميع العليم أن أطيح بالأولاد على جانب الطريق حيث الحجارة والنباتات الشوكية اليابسة و لله الحمد تمر السيارة على قدمى وهذا من لطف ربنا بى !!! أحمد الله أنى أُحضر معى كل الأدوية والإسعافات الأولية من المانيا ورغم هذا تلوثت رجلى ولم ترجع لحالتها الطبيعية إلا من يومين فقط !!! الأدوية تم غشها فلم يعد بها فاعلية حتى المبيدات المضرة بالصحة غشوها فكان هناك هناك باكو صغير من الحبيبات القاتلة للذباب وكنا نشتريها من قبل بجنيه أصبحت بـ 3.5 جنيه ولم تعد لها الفاعلية السابقة و معاها زادت أعداد الذباب الصحراوى النهم هذا العام زيادة مهولة ونحمد الله أننا أتينا بمضادات الناموس وإلا كانت المسألة أسوأ بكثير !!! لم نتناول أى فاكهة فى مصر سوى التين وهو من مزرعة بجوارنا ِ(بيحاسبنا على 14 جنيه للكيلو علشان لا فيها مبيدات ولا رى صرف صحى) والمانجو الذى وصيت عليه قبل ماأنزل مصر من عند مزرعة أصدقاء لنا وبرضه الكيلو بفلوس كتير !!! اللحمة مش غاوينها قوى ولكن بأدبح معزة ونقطعها ونشويها لما نزهق من السمك !!! السمك الموجود فى الأسواق طبعاً مضروب كله مزارع تتغذى على مصارين الفراخ ومخلفات الذبح وحاجة تقرف !!! بنشترى السمك البحرى من الصياد الكيلو بـ 120 جنيه للوقار !!! قعدت 5 أيام مابين إرتفاع درجة الحرارة والعرق الغزير والإرتباك المعوى الذى إنتهى بإسهال رهيب ومازال أثاره معى حتى الأن رغم إن معظم أكلنا جايبينه معانا أو بنصنعه (خبز - كريب - فطائر)، الطماطم والخيار بنقلل منهم بعد أن "نقيفهم بالتقشير وننقعهم فى خل قد أتيت بإيسانس منه من الخارج والنقطة الواحدة بمثابة زحاجة الخل المصرية المضروبة " ، يبقى الطعم فيه شئ غريب وأظنه مبيد بيرشوه لإطالة عمر الخضروات !!! نفس الحكاية تكررت مع الأولاد والمدام التى لحقت علينا 3 أسابيع منها إسبوع نايمة فى الفراش حيث زارنا الطبيب الذى هو مجرد حلاق صحة متنكر وقال إيه من أحسن أطباء مطروح !!! أبيع بالخسارة وأخلص ؟ حد حيقول لى هو فيه عقارات بتخسر ؟ أقول له أه نحسبها !!! لو أنا كنت شارى عقار من 6 سنين وكلفنى وقتها 30 الف يورو يعنى 180 الف جنيه وجاب لى الأن 400 الف ولا حتى نصف مليون (إقسم بقى على 14 جنيه يجيب كام يورو) شوف أنا شطبت بكام وأحسن عفش فيه و أجهزة وكل مستلزمات مطبخ وفرش من بره بكام ؟ طيب بعت حأشترى دولارات ولا يورو من السوق السودا بكام وشوف حأعرف أخرجهم إزاى ؟ حتى الأرض التى إشتريتها من كام سنة، تدهور سعر الجنيه أكبر من إرتفاع قيمة الأرض لذا هى أيضاً خسران فيها رغم أن الخسارة فيها أقل حيث لا تحتاج تصليح ولا توضيب !!! السنة دى أخذت شبكة كنت إشتريتها من النرويج وقلت أضعها فى البحر أمام المنزل فى الليل وأصطاد سمكى بنفسى فى الصباح وجدت بها مايقارب 30 أرنبة (قراد)....إنه غضب من الله على هذه البلد !!! كنت زمان بأشدد على المدام وأقول لها عاوز أموت وادفن فى بلدى دلوقت وصيت الأولاد يدفنونى فى أى مكان أموت فيه وخلاص ! ----------- ولايزال النيل يجرى حتى أوقفه الكمين وسأله معاك حاجة تثبت إنك النيل فقال .. بص للظلم اللى مالينى. (جلال عامر) ------------- لم يبقى من بلادنا بتاعت زمان غير أغانى بنفتكرها من وقت لأخر ولا حول ولا قوة إلا بالله !!!

قلبت عليا المواجع يا دكتور ... أتفق معك فى كل كلمة وردت فى مشاركتك ... ايوه كل شيئ فى مصر خسارة فى خسارة سواء مدخرات فى بنك أو إستثمار فى عقار أو فى قطعة أرض لكنها خسارة بدرجات متفاوتة كما ذكرت! ... حتى تحويل مدخراتك وشقى عمرك بعد بيع شقة أو عقار من مصرى إلى يورو أو أى عملة محترمة ستقابلك البيروقراطية والبلطجة إن حاولت تحويلها إلى محل إقامتك بالخارج ... فلو أخذت المبلغ معك كاش ومسكوك فى المطار سيصادروا المبلغ ويحولوك للنيابة! ... ولو أودعت اليوروهات فى البنك فستجد صعوبة شديدة فى الوقت الحالى فى تحويلها نظراً للشُح الشديد فى العملة الأجنبية فى البنوك فحيدوخوك! ... بلد طاردة للكفاءات والإستثمارات وتحويلات المصريين بالخارج ... إنها بلد يحكمها العسكر يا عزيزى منذ ستة عقود فلا تتعجب إن رأيتها فى القاع فى كل شيئ! ... تحياتى لسردك المتميز