Arabic Discussion Forum with a Special Interest in Travel and Immigration

Eng.Fathy Elbanna · 16th July 2013, 11:08 AM

عندما قرأت قواعد المشاركة التى هى فى مضمونها تعتمد المبادئ العامة
وتحفظ حقوق الأعضاء وتسمح لهم بطرح الأطروحات والنظرات الخاصة معتمدة على تلك المبادئ والغير خارجة عن إطار الأخلاق العامة واحترام الأديان وحرية الفكر
ومع التطور الطبيعى للأحداث وخضم الحرية الهائل الذى انهال علينا بعد الثورة التى أنهال من جذورها شلال الحرية الجارف
والذى للأسف لا نمرره على الأخلاق العامة والآداب والعرف ولا الأديان بسماحتها وإنما استعملناه بطريقة الفجعان
الذى لم ير الحرية قط فيلتهم ما أمامه من مظاهر ليست فينا وليست من مبادئنا وإنما هى وليدة انتكاسات الغرب
والفوضى التى نحسبها من عظيم الحرية حتى صار طبيعيا أن نشتم ونسب ونوحى بكلمات جنسية فأصبح من الحرية
أن نستهين بالشعائر ونسب الحكماء والعلماء ونرمى المحصنات ولا نرعوى بخلق وذوق الحوار وأصبحت تخالط كلماتنا ما نشاء من الاسفاف واللفظ البذئ
ومع التطور الطبيعى للروشنة والاسترجال والشقلطة التى ملأت الأجواء والذى تتوافق مع التطور الطبيعى للحاجة الساقعة
أنا بأطالب بتخصيص باب كامل للأشخاص اللى معندهمش تحكم فى النفس فهى تسوقه كما تشاء ،،هذا الباب ممكن يلم ... والطيور على أشكالها تقع
ونسميه باب الفوضى
أو أى اسم مشقلط للمسترجلين اللى فاكرين ان السب واللعان اثبات للحجة أو قوة فى الشخصية أوحتى شئ من الحرية
وده طبعا لو سمحت ليهم الاإدارة بممارسة الفوضى - أقصد الحرية بالمهلبية بتاعتهم -
يتقابلو مع بعضهم فى الباب ده ويمارسو هوايتهم وتنتعش روحهم !!!!!! طبعا مستغربين !!!
آه والله فيه ناس بتنتعش روحهم لما ينالوا من حد بالسب واللعان أو حتى الايحاءات .... بيبقوا مبسوطين خالص واحنا يهمنا الناس تبقى مبسوطة

وبالتالى نخلص من مداخلاتهم السخيفة اللى لا تسمن ولا تغنى من جوع ولا تضيف للموضوع أو حتى تنقده نقدا بناءا
بل توتره وتضيف له خزعبلات تشتت من مساره...
مع احترامى للناس اللى محترمين من جواهم ... بس للأسف عايشين اللحظة .... واللى مستنى يفوقوا ويعرفوا يعنى ايه حرية ويعنى ايه مسؤولية
__________________________________________________ ____
يا شعب المنتدى العظيم .... انتوا جزء من المجتمع
والاإدارة هى النظام اللى أتمنى يفرق عن النظام الحالى ..... اللى سايب كل واحد اتهطل فى دماغه يهلفط زى ما هو عاوز تحت ستار الديموقراطية
فالمبادرة اللى اتمنى ان الاإدارة تتبناها وتبحث فيها هى (( يا ريت نحط حدود لألفاظ الناس ))
وتوجيه الكلمات الساقطة للشخصيات اللى بتمثلنا وتمثل هيبة البلاد أو الدين أو هيبة الأفراد نفسهم
شكرا ليكم
يا اما الحل التانى بفتح باب للفوضى يلتقون فيه وينتعشون بالسباب

آسف على طلب زى ده
بس الكابوس اللى انا فيه فظيع

دكتور مهندس جمال الشربيني · 16th July 2013, 05:13 PM

دعوه لموضوعي

مستر "عاوز" وأنـــــــــــــــــــــــــا

إقتراح وجيه جداً جداً
وبيفكرني بالمشكلة المزمنة التي
تعاني منها مصر
ألا وهي مشكلة القمامة المصرية
وعدم إمكانية التخلص منها
فكما هناك في الغرب
عملية تصنيف للقمامة
بإستخدام الألوان
فلا بد وإذا لزم
أن تكون هذه القاعات
متميزة بألوانها
وتكون هناك قاعة يكتب إسمها
باللون الأحمر
للمشاركات شديدة البذاءة
وأخرى باللون البنفسجي
للمتوسطة البذاءة
والأخيرة باللون البرتقالي
للخفيفة البذاءة
وفي هذه القاعات الثلاثة
يكون التقييم بالسالب (-)
أي يتم الخصم من الرصيد البنكي
للعضو بادئ الموضوع
أو للعضو المشارك في الموضوع
وإقتراح مثل هذا الإقتراح
المقدم من العضو
Eng.Fathy Elbanna
مقترح
الموضوع
كان لا بد أن يكون الإقتراح
مصاحب بتصويت
ديمقراطي شفاف ونزيه

حشيش · 17th July 2013, 10:00 PM

أشكر الباشمهندس فتحى البنا على المقترح ... الإقتراح سبق وطرحه أخونا العزيز تصحيح من قبل وأنا فتحت موضوع بهذا الخصوص فى سبتمبر 2012 بعنوان: إقتراح بإنشاء قسم حر (جداً)

أتركك فى البداية تلقى نظرة على الموضوع ولنا عودة إن شاء الله لإستكمال الحوار ... تحياتى

mr popo · 18th July 2013, 11:19 AM

غير موافق قواعد المشاركه في المنتديات تقووم علي الاحترام وسماع وجهه النظر الاخري بالاحترام وكمان تبادل المعلومات والمنفعه والنزول بمستوي المنتدي لمنتدي غرف الشات مش في مصلحه المنتدي وتصنيفه وشكله دي وحهه نظري اتمني مما تضايقش حد شكرا

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
يا بلادي لا تئني	أدب وشعر وقراءات متنوعة	تكسير	1	748	12th January 2016 08:01 PM
مصر والسجان	أدب وشعر وقراءات متنوعة	Eng.Fathy Elbanna	0	560	30th August 2014 05:39 AM
بأمارة أيه فى تغيير ؟!	أدب وشعر وقراءات متنوعة	خالة عواصف	3	958	14th August 2014 06:30 AM
نفحات رمضانية ... يا باغي الخير أقبل	شؤون إسلامية	Eng.Fathy Elbanna	4	687	28th June 2014 07:19 AM
كل سنة وانتوا طيبين يا مطاريد	ترحيبات ... مناسبات ... علاقات عامة	جني الحسن	10	1237	18th June 2014 04:17 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

إقتراحات ... مشاكل تقنية

اقتراح بفتح باب جديد