حواووشي الثورة

[ozoozo]

الصحف المصرية والعربية

ياعم حوواشي ايه ابو 5 جنيه ده انت فاكر نفسك في امريكا

ماشوفتش المرشح بتاع باكوس وهو بيقولك العادي بجني وربع والمخصوص بجنيه ونص

وبعدين لحمه ايه الي من عند الجزار دي ده انت ناقص تقولنا اغسلوا ايديكم قبل الاكل

الحمه يابني تنزل المدبح اخر النهار او تجيب لحمه مجمده وتملاها شغت ورزباله وشويه دهن وياريت لو حتتين ليه تدي احساس بالدسم

 

 

[Virus]

اقتباس المشاركة الأصلية كتبت بواسطة شينكاوي لو انت من النوع اللي بياكل بضاعته حلك موجود متستنضفش اللحمة واشتري من جزار انت بتشك فيه وبالتالي لا يمكن تقرب علي رغيف واحد من اللي عندك

يامعلم ياكبير ياجاهز انت...دماغك متكلفة قوي يا ابو مصعب

 

 

[شينكاوي]

اقتباس المشاركة الأصلية كتبت بواسطة nash تصدق وتآمن بالله ... لاااااااااااا إله إلا الله ... انا فهمت الواد مصعب بيعمل كده ليه

ابدا يا افندم مصعب وقعقع سبيشال كيس طيب تعرفي انا مش اخر مرة قلتلك خد 6 غرز في راسه من ورا بعد ما خف منهم من كم يوم وقع علي دماغه من قدام فراسه اتفتحت في القرن اللي بيبقي في الجبهة ووشه اتعور دا غير اللي بيعمله اخوه, علي فكرة مصعب وقعقع لهم نصيب في الشغلانة دي يعني اللي يفتح الباترينة لو عاوز حد يشتغل ناضورجي للتموين والصحة موجودين واجرة العيل فيهم مش هتزيد عن 15 جنيه في الكم ساعة اللي هتفتح فيهم الباترينة وبكدا يبقي تضيف ال 30 جنيه علي تكلفة الرغيف فيبقي الرغيف ب 5 جنيه ونص .

 

 

[شينكاوي]

اقتباس المشاركة الأصلية كتبت بواسطة ozoozo ياعم حوواشي ايه ابو 5 جنيه ده انت فاكر نفسك في امريكا ماشوفتش المرشح بتاع باكوس وهو بيقولك العادي بجني وربع والمخصوص بجنيه ونص وبعدين لحمه ايه الي من عند الجزار دي ده انت ناقص تقولنا اغسلوا ايديكم قبل الاكل الحمه يابني تنزل المدبح اخر النهار او تجيب لحمه مجمده وتملاها شغت ورزباله وشويه دهن وياريت لو حتتين ليه تدي احساس بالدسم

استحملنا شوية يا اوزو ما انت عارف اني جديد علي الكار دا وانا متخصص كبدة بس , يعني يا اوزو اللحمة اللي بتقول عليها دي مضمونة ولا نظام كل قطتك واسلخ حمارك ؟ متنساش اننا بنعمل حاجة للصفوة ولازم نستنضف لهم لكن لو هنغير المكان وننزل علي عزبة الصفيح والغفير والبساتين والحتت دي ممكن نلجأ لللحمة المجمدة اللي انت بتقول عليها , شكلك يا اوزو مدكور قديم وهارش الحاجات دي .

 

 

[!! Lidooooo !!]

طب ولو جالك زبون صفوة يا شينكو و قالك عايز حواوشي اسكندراني

ودة زي مانتا عارف مبيبقاش في عيش زي اللى فوق دة

بتبقى عجينة جواها اللحمة المفرومة

هتعمل ايه .. علما بأن خسارة زبون أكيل لا تعادلها كنوز الدنيا وكداهوت

 

 

[شينكاوي]

شوف يا ليدو انا من الناس اللي بتؤمن بالتخصص ولي وجهة نظر معروفة عني ان كثرة المنتجات بتضيع الموظف وبتضيع العميل معه فعلشان كدا انا ضد انك تملي الليستة بتاعتك وخلاص بدون هدف بمعني ان هناك زبون قد يكون هو التارجت بتاعك وفي زبون مش مفيد لك في مرحلة ما من مراحل انتشارك , في المرحلة الاولي من باترينة الحواوشي انا بفضل انك تكون صاحب بال واحد لأن صاحب بالين كداب بمعني بما ان امكانياتك لا تتعدي المبلغ اعلاه يبقي يكون تركيزك علي منتج واحد لكن لو الموضوع مشي معك وقررت ان تغير نظام الباترينة لمحل وقررت ان يكون عندك صنايعية فهنا تقدر تخدم اكتر من نوعية من الزباين وتنتشر , مشكككككككككككوووووووووووووووووووور علي الطبق وحتة الليمونة اللي معه.

 

 

[nash]

ربنا يحفظه يا شينكاوي يارب ومش هاوصيك اكيد انت عارف طلع صدقه بنيه ان رب العالمين يحفظ الولاد ....

خلاص عالبركه هادرس الموضوع وهاخلي الولاد يتمرنوا عالجري لزوم اللياقه

 

 

[Tornado]

فكرة حلوة جدا بجد

عارف الافكار دي ممكن نساعد بيها الناس يعني بدل ما تدي مبلغ كل شهر لعيلة محتاجة ممكن تلم فلوس وتعلهم مشروع زي ده وتفهمهم تقسيمة الفلوس وهيطلعوا مكسب ازاي وبكده يبقى حليت مشكلة اسرة محتاجة وفي نفس الوقت من غر ما يكونوا بياخدوا صدقة ولا يمدوا ايديهم لحد

لو سمحت يا شينكاوي ممكن افكار زي دي كمان ولو حد عنده افكار زيها يقول علشان نقدر نفيد الغلابة اللي محتاجين حد يساعدهم ويدلهم على طريق الكسب الحلال الشريف بعيدا عن التسول والسرقة

شكرا يا عزيزي شينكاوي

 

 

[Tornado]

والله في 6 اكتوبر ايام الكلية مكنش فيه حواوشي الا ب 10 جنيه

 

 

[شينكاوي]

انت لماح وبشدة يا تورنادو , الموضوع قد يبدو في صورة نكتة سمجة او موضوع فكاهي لكن مش دا هدفي انا عاوز اقول ان من يريد ان يكسب قوت يومه بالحلال في مصر يمكنه ذلك بموارد مالية قليلة وشوية دماغ , صحيح ان الناس اللي ممكن تستفيد من الموضوع دا معندهاش رفاهية المشاركة في المنتديات او قراءة مشاركتنا لكن الواحد بيبقي عنده امل ان هناك من يستطيع ان ينقل الفكرة لمن يحتاجها , علي فكرة بالنسبة لبعض الناس اللي ممكن تستحقر الفكرة او تقولك ايه الافكار الشوارعجية دي عاوز اقولهم انك قد تستحقر فكرة ان يكون كل دخلك في اليوم 20 جنيه لكن في ناس كتير ال 20 جنيه بتحل لهم ازمة كبيرة وبتعيشهم ومن لا يصدقني فعليه ان يخطف رجله لاقرب جمعية شرعية ويسألهم عن كفالة اليتيم وكيف ان هناك يتيم ينتظر اهله ال 20 جنيه شهريا ومش يومياً من المتبرع , ربنا يغنينا جميعاً بالحلال ... عندي مشروع تاني يا تورنادو وهو عبارة عن محل فراخ متنقل بس دا ينفع في القري والمراكز الصغيرة وعاوز حد يكون فعلاً محتاج ولا يستكبر علي الشغل وراس المال تقريباً هيكون معقول لو الشخص دا متوفرة له بعض الامكانيات زي عنده اوضة في بيتهم يقدر يستخدمها للفراخ وكمان يكون عنده حمار دكر مش متجوز او بغل مخصي .