التقديم لأستراليا (العاملين المهرة)

[Dr. Ahmad]

بسم الله الرحمن الرحيم

انا حبيت استفهم . ليه التوبيك ده مش نشيط زي بتاع كندا؟؟؟

انا هحاول اشترك ببعض المعلومات اللي عندي عن الهجرة لاستراليا ممكن حد يستفيد منها.

اولا الهجرة لاستراليا فيها ميزة أو عيب لدى بعض الناس وهي انك نش هتقدر تقدم ابليكاشن من غير ما تعادل الشهادة بتاعتك. الميزة في كده انك بتكون جاهز للعمل في مجالك على طول من غير تعب وعناء.
الميزة التانية هي ارتفاع المرتبات بشكل غريب بس للاسف ضرايب عالية جدا.
الميزة التالتة هي الجو المناسب للمصريين.
واهم عيب فيها انها بعييييييييييييد

 

[Dr. Ahmad]

قبل ما حد يفكر في الموضوع اساسا لازم يعرف لوكان هيتوافق عليه مبدئيا ولا لأ. وده تحت شروط وهي:
1)السن: لازم يكون اقل من 45
2)الوظيفة لازم تكون مطلوبة .
3)اللغة: على الأقل يكون الاسكور 6 في كل الفروع الاربعه في ال ielts
او طبعا بما انك لازم تعادل الشهادة الأول فممكن الهيئة اللي هتعادل شهادةحضرتك تتطلب اسكور اعلى . وبالنسبة للتخصصات الطبية في امتحان بديل هو oet
4): انك تعادل الشهادة بتاعتك. ودي اول خطوة تعملها حتى قبل الانجليزي الا لو الهيئة اللي هتعادل الشهادة بتاعتك طلبت الانجليزي الاول. والمعادلة بتكون اما تقييم او امتحان ودي بتفرق على حسب الوظيفةبتاعتك. عشان تشوف شهادتك هتتعادل ازاي زورونا في الرابط التالي
https://www.immi.gov.au/asri/
5) انك تكون اشتغلت في وظيفة مطلوبة لمدة سنة مدفوعة الاجر 20 ساعة في الاسبوع او اكتر في خلال السنة اللي قبل التقديم
أو
درست سنتين في استراليا في معهد معترف بيه من قبل cricos
مع العلم ان العمل شرط اساسي للحرفيين
6)ان تكون لائق طبيا و خالي من الجرائم

لو حققت الشروط دي مبدئيا ممكن تتقبل بس لسه في حساب نقط لازم تعمله زي بتاع كندا بالزبط. كل اللي فات ده مجرد حاجات لايمكن الاستغناء عنها.

 

 

[هالة المقدسي]

مرحبا
سمعت فيه قوانين جديدة اقرتها الحكومة الاسترالية حول الهجرة الى استراليا .هل لديكم فكرة عنها
شكرا

 

 

[eng esam]

اقتباس المشاركة الأصلية كتبت بواسطة هالة المقدسي مرحبا سمعت فيه قوانين جديدة اقرتها الحكومة الاسترالية حول الهجرة الى استراليا .هل لديكم فكرة عنها شكرا

فعلا في خبر حلو انشاء الله لكل الناس اللي ليها مشكله مع الايلتس
في شهر يوليو القادم في هيضيفوا نوع جديد من التاشيرات القصيره من 4 شهر الي 12 شهر واسم النوع ده هو short term mobility visa australia
بس برضه لسه مظهرتش معالمها
في شهر يوليو هيظهر كل شيء وربنا يوفق الجميع

 

 

[ايجبتاوى]

اقتباس المشاركة الأصلية كتبت بواسطة eng esam فعلا في خبر حلو انشاء الله لكل الناس اللي ليها مشكله مع الايلتس في شهر يوليو القادم في هيضيفوا نوع جديد من التاشيرات القصيره من 4 شهر الي 12 شهر واسم النوع ده هو short term mobility visa australia بس برضه لسه مظهرتش معالمها في شهر يوليو هيظهر كل شيء وربنا يوفق الجميع

حسب ما قريب لازم يبقى معاك عرض عمل

 

 

[eng esam]

اقتباس المشاركة الأصلية كتبت بواسطة ايجبتاوى حسب ما قريب لازم يبقى معاك عرض عمل

457 Visa دي موجوده حاليا ودي لازم يكون معاك عرض عمل وابلتس 5 او شهاده من الكليه باللغه
هي تقريبا للناس اللي رايحه مهام عمل وراجعه او ممكن تديك فرصه تبحث عن عمل وكله هيظهر قريب

 

 

[Eng. Abotaleb]

السلام عليكم ورحمة الله وبركاته
انا مهندس ميكانيكا خريج الاكاديمية العربية للعلوم و التكنولوجيا (الاكادمية البحرية) الاسكندرية دفعة 2012 هل الشهادة معترف بيها ولا لاء ؟
ولازم اعمل ال assessment ولا لاء ؟
شـكــ وبارك الله فيك ـــرا لك ... لك مني أجمل تحية .

 

 

[Dr. Ahmad]

نيجي للوظايف المطلوبة. لستة الوظايف لسه متغيرة قريب. وكل شوية يغيروها وكانوا عملوا حاجه اسمها الوظايف الملحة . عموما لو حد هيقدم جديد فاللستة الجديدة هتكون مجمعة الوظايف في استراليا ونيوزيلاندا مع بعض.
https://www.immi.gov.au/skilled/gener...ccupations.pdf

طبعا الكلام ده ينطبق على الناس اللي ما عندهاش عرض عمل اواللي الولايات مش كفلاهم لان التانيين دول ليهم لستة وظائف اخرى.
احنا هنا بنتكلم عن الهجرة العامة.

باقي بس نعرف ازاي نحسب الدرجات ودي عايزالها قعدة.

 

 

[Aromaa]

انا مش عارفه اوصل لللسته بتاعته الوظايف المطلوبه و مش فاهمه بتكون تحت عنوان ايه بالظبط ممكن حضرتك تفهمني وشكرا

 

 

[msragab]

اقتباس المشاركة الأصلية كتبت بواسطة Aromaa انا مش عارفه اوصل لللسته بتاعته الوظايف المطلوبه و مش فاهمه بتكون تحت عنوان ايه بالظبط ممكن حضرتك تفهمني وشكرا

لفيزا 189 هناك لستة ال SOL :
(الرجاء حذف المسافات قبل و بعد النقاط)
www . border . gov . au/Trav/Work/Work/Skills-assessment-and-assessing-authorities/skilled-occupations-lists/SOL

و هناك أيضا لستة الCSOL:
www . border . gov . au/Trav/Work/Work/Skills-assessment-and-assessing-authorities/skilled-occupations-lists/CSOL

بعد تحديد الوظيفة هتلاقي ليها كود .. تاخدي الكود دة وتكتبيه في الموقع دة :
www . anzscosearch . com

هيقولك الوظيفة متاحة للهجرة العامة ولا لاء وايه الولايات اللي محتاجة الوظيفة دي
ساعتها تروحي على الصفحة دي وتجمعي النقاط بتاعتك وتشوفي معاكي كام نقطة من قايمة points test :
www . immi . gov . au/Visas/Pages/189.aspx

لو نقاطك تجيب 60 او اكتر .. تقدمي على فيزا 189 ودى فيزا عامة ومن حقك تقيمي في اى مكان في استراليا لو نقاطك 55 .. تشوفي مين الولاية اللى محتاجة وظيفتك وتقدمي عليها ساعتها هتديلك 5 نقاط زيادة وتجمعي الـ 60 نقطة المطلوبة .. بس هيشترطوا عليكي تستقري في الولاية دى لمدة سنتين من تاريخ وصولك لاستراليا

كل الكلام ده الخطوط العامة والعريضة وبيندرج تحتها تفاصيل كتير .. بس راجعي الكلام دة مبدئيا وبالتوفيق

"منقول"