التقديم لأستراليا (العاملين المهرة)

[zemanova]

الصحف المصرية والعربية

اقتباس المشاركة الأصلية كتبت بواسطة Thomaeng ايه يا zemanova روحت فيين posted via mobile device

هندســة هاقولك ع الخلاصة بخصوص كتابة ال CDR وما إذا كان مشروع التخرج مناسب ولا لأ
ال technique اللي لازم تحطه ف دماغك وانت بتكتب ال career episodes (وده بناء علي تجربتي الشخصية وتجارب ناس كتير اتكلمت ف نفس الموضوع) إنك لازم (من البداية) تربط المهارات المطلوبة منك واللي هتلاقيها مكتوبة ف ال summary statement بالتفصيل بال paragraphs الموجودة ف ال CDR .. وخللي بالك من اللي انا قلته (من البداية) .. مش بعد م تخلص كتابة ال CDR

هاوضح أكتر ..

هتشوف ف ال summary statement المهارات المطلوب منك إظهارها أثناء وصفك لطبيعة عملك .. هتفهم كويس إنت المفروض تكون competent في إيه وإيه بناء علي وصف كل مهارة المكتوب بالتفصيل .. وبعد كده تبدأ تكون فكرة عن اللي المفروض يتكتب .. يعني م الأخر تخللي ال summary هو اللي يحدد لك تكتب إيه .. يعني تبدأ بالعكس.

نفس ال technique ده في ناس كتير بتحب تطبقه ف امتحان الأيلتس .. وبالأخص ف reading module .. إنك تقرأ الأسئلة قبل م تقرأ القطعة نفسها .. عشان لما تقابلك إجابة السؤال دماغك هتتعرف عليها مباشرة وده بيقلل الوقت اللازم للإجابة

أما لو عملت العكس (زي حالاتي) وبعد م خلصت كتابة بدأت تكتب ف ال summary هتلاقي مهارات مطلوب منك تتكلم عنها إنت مذكرتهاش تماما ف ال career episodes بتاعتك .. وبالتالي تضطر ترجع ت edit ف اللي انت كتبته قبل كده وأحيانا تضطر تلغي paragraphs كاملة وتكتب paragraphs جديدة عشان تمشي مع المهارات المطلوبة منك

المثل بيقولك if the monkey needs a banana .. give it a banana أو بمعني تاني ,, هو كاتبلك الحاجات اللي عايز يشوفها ف التقرير, ومحدد لك المهارات المطلوب منك تتكلم عنها .. خلاص اتكلم عنها زي م هو واصفهالك بالظبط. زي م فؤاد المهندس ف مسرحية "سك علي بناتك" عمل مع شعبان حسين لما كان كل شويه يتصل ويطلب 6 كيلو سمك وجمبري

موضوع انك تكتب عن مشروع التخرج بأه من وجهة نظري هتقابلك فيه مشاكل بسيطة - من وجهة نظري - هاقولك عليها دلوقتي حالا ف البوست اللي جاي .. وإن كنت انت خمنت أنا عايز أقول إيه قبل م اقوله

 

 

[zemanova]

نكمل مع بعض ..
مشكلة مشروع التخرج من وجهة نظري ك career episode وعلي الرغم من إنها محطة مهمة ف الحياة المهنية لأي مهندس, إنها هتكون فترة خالية من بعض المهارات المطلوب إثباتها ف التقرير وبالذات لو كان مشروعك فردي (يعني مكنتش مشترك مع مجموعة من زمايلك في عمل جماعي خلال فترة المشروع زي حالاتي) .. وهاوضحلك أكثر ..

خد عندك مثلا مهارة زي دي: Effective team membership and team leadership
زي م قولتلك لو كنت شغال ف مشروع فردي ومن غير group غالبا المهارة دي مش هتعرف تثبت حصولك عليها من خلال مشروع التخرج غير لو كنت هتغير ف بعض الحقائق وتقول إنك كنت شغال مع group

مهارة تانية مثلا زي: Ethical conduct and professional accountability
لو ركزت ف ال indicators المكتوبة تحت ال element ده هتلاقيها حاجات صعب بالمنطق تكون مرت عليك ف مشروع تخرجك .. حاجات زي ال ‘due-diligence’ ومراعاة حقوق الملكية الفكرية ومهامك كمهندس محترف ف المحافظة علي السلامة والبيئة وكلام مجعلص كتير كده مش عايز اعقدك بيه لأنه معقدني أنا شخصيا

حاجه كمان زي: Application of systematic approaches to the conduct and management of engineering projects
دي مهارة لها علاقة مباشرة بموضوع ال projects management وال business planning وال financial control .. مش هتعرف - من وجهة نظري - تربطها بمشروع التخرج نهائيا غير لو انت أساسا كان مشروعك بيتكلم عن كده .. فهمت أنا قصدي إيه ؟

مش قصدي أغلس عليك .. بس انا قبل م ابدأ مكنتش لاقي حد يوضح لي النقاط دي .. وزي م اتفقنا إبدأ بقراءة ال summary statement بتمعن وبعد كده إعمل flashback علي المواضيع اللي عايز تكتب عنها .. مع الأخذ ف الإعتبار نقطتين:

1. ال summary هياخد منك وقت أطول م اللي هتاخده ف كتابة ال career episodes عشان ت assign كل مهارة ع ال paragraph بتاعها
2. give the monkey a banana >> أو م الأخر إكتب اللي هم عايزينك تكتبه

 

 

[zemanova]

بصراحة كده يا جماعة أنا مستخسر نفسي ف المنتدي ده .. أنا حاسس اني اتكلمت كتير أوي ومش سامع حد بيسقف
المشاركتين الأخيرتين دول كانوا محتاجين موضوع منفصل يكون عنوانه مثلا "كيفية كتابة ال CDR"
أنا بعد كده هاحط رقم تليفون للأستشارات ومش هاقبل بأقل من 20 جنيه للإتصال الواحد .. واللي مش عاجبه .. ممكن يدفع 10 جنيه بس

 

 

[msragab]

اقتباس المشاركة الأصلية كتبت بواسطة zemanova بصراحة كده يا جماعة أنا مستخسر نفسي ف المنتدي ده .. أنا حاسس اني اتكلمت كتير أوي ومش سامع حد بيسقف المشاركتين الأخيرتين دول كانوا محتاجين موضوع منفصل يكون عنوانه مثلا "كيفية كتابة ال CDR" أنا بعد كده هاحط رقم تليفون للأستشارات ومش هاقبل بأقل من 20 جنيه للإتصال الواحد .. واللي مش عاجبه .. ممكن يدفع 10 جنيه بس

و عندك واحد تسقيفة للزعيم الكبير

لأ بجد مشكور على المجهود الواضح في مشاركاتك و جزاك الله خيرا

و مبروك على المشاركة رقم 100. أعتقد انك تقدر كده تستخدم الرسائل الخاصة

 

 

[Thomaeng]

شكرا جزيلا يا هندسه
انا لو قعدت اشكرك من هنا لبكره والله هيبقى قليل
النصائح دى مهمه جدا و هتفيدنى انا وغيرى اثناء الكتابه
مره تانيه شكرا يا هندسه وجزاك الله خيرا

 

 

[liketlove]

اقتباس المشاركة الأصلية كتبت بواسطة zemanova بصراحة كده يا جماعة أنا مستخسر نفسي ف المنتدي ده .. أنا حاسس اني اتكلمت كتير أوي ومش سامع حد بيسقف المشاركتين الأخيرتين دول كانوا محتاجين موضوع منفصل يكون عنوانه مثلا "كيفية كتابة ال CDR" أنا بعد كده هاحط رقم تليفون للأستشارات ومش هاقبل بأقل من 20 جنيه للإتصال الواحد .. واللي مش عاجبه .. ممكن يدفع 10 جنيه بس

---------------------------
جزاك الله خيرا يا هندشة والله جهدك مشكور
:flowe r1:

 

 

[zemanova]

اقتباس المشاركة الأصلية كتبت بواسطة msragab و عندك واحد تسقيفة للزعيم الكبير لأ بجد مشكور على المجهود الواضح في مشاركاتك و جزاك الله خيرا و مبروك على المشاركة رقم 100. أعتقد انك تقدر كده تستخدم الرسائل الخاصة

يا سيدي ولا زعيم ولا بتاع .. أنا اتعلمت منكم ومن المنتدي واستفدت حاجات كتير ودي مجرد محاولة مني لرد الجميل

اقتباس المشاركة الأصلية كتبت بواسطة Thomaeng شكرا جزيلا يا هندسه انا لو قعدت اشكرك من هنا لبكره والله هيبقى قليل النصائح دى مهمه جدا و هتفيدنى انا وغيرى اثناء الكتابه مره تانيه شكرا يا هندسه وجزاك الله خيرا

يا عزيزي لا شكر علي واجب ..
أنا بس عايزك تدعيلي عشان أنا خلاص تقريبا هارفع ورقي ع ال EA Account ف خلال يوم أو اتنين وبيني وبينك قلقان جدا
طبعا في حالة التقييم كانت نتيجته كويسة هابعتلك نسخة من ال CDR .. وكل حبايبنا المهندسين .. وربنا يوفقنا جميعا ان شاء الله

 

 

[liketlove]

السلام عليكم جميعا
انا لسة جديد في مغارة استراليا انا كنت شغال على كندا من فترة بس للاسف جبت في الايلتس 6.5 overall
انا عايز اعرف الأوراق المطلوبة
وكيفية تقييم الشهادات
وحساب الدرجات
وتكاليف التقديم
وشاكر لأفضالكم
ولو امكن تساعدوني في حساب الدرجات
خريج 2006 بكالوريوس هندسة اتصالات والكترونيات
اعمل منذ 2007 وحتى الن في مجال شبكات الكمبيوتر
معايا شهادات ccna and ccnp
و microsoft hyper v
و VCE
وهل دي محتاجة تقييم
متزوج وعندي طفلين
وجزاكم الله خيرا

 

 

[zemanova]

اقتباس المشاركة الأصلية كتبت بواسطة liketlove --------------------------- جزاك الله خيرا يا هندسة والله جهدك مشكور

الله يحفظك .. وأنا ف الخدمة قدر المستطاع

بخصوص تساؤلاتك إديني فرصة أحاول أجمع لك إجابات مفصلة ودقيقة .. وإن كنت هاحتاج مساعدة من msragab باعتباره مهندس كمبيوتر وممكن تكون جهة المعادلة بتاعتكوا واحدة ف الحالتين

 

 

[liketlove]

اقتباس المشاركة الأصلية كتبت بواسطة zemanova يا سيدي ولا زعيم ولا بتاع .. أنا اتعلمت منكم ومن المنتدي واستفدت حاجات كتير وده مجرد محاولة مني لرد الجميل يا عزيزي لا شكر علي واجب .. أنا بس عايزك تدعيلي عشان أنا خلاص تقريبا هارفع ورقي ع ال EA Account ف خلال يوم أو اتنين وبيني وبينك قلقان جدا طبعا في حالة التقييم كانت نتيجته كويسة هابعتلك نسخة من ال CDR .. وكل حبايبنا المهندسين .. وربنا يوفقنا جميعا ان شاء الله

-------------------
جزاك الله خيرا ياهندسة وربنا ييسر لك امورك