ثورة مصر 25 يناير 2011 ... يوم الإرادة المصرية

[Farida]

الصحف المصرية والعربية

مش فاهمه سؤالك يا شانا ايه دخل امريكا و اسرائيل باللى احنا فيه بصى يا شانا اسرائيل ميته فى جلدها لأن حليفها مركون على جنب و امريكا ولا كان عندها خبر عن اللى حصل فى مصر يعنى طلعوا شوربه هما كمان

 

 

[Farida]

مين اللى عمل قوائم الرفض و القبول ..........القائمه طويله ولو حانقول حانقول ياما

 

 

[VERDI]

اعتذار
لا لا لا.. مافيش اي حاجة بالنسبة لي تستدعي الاعتذار والله, وانا مش بتضايق نهائي من اي نقاش موضوعي مهما كان فيه اتهامات,, وبتمنى ده من الاطراف الاخرى ومنك بالاخص, لاننا هنتواجه كتير تقريبا فاعملي حسابك

اقتباس المشاركة الأصلية كتبت بواسطة اسلامنا طيب يااخوانى بالنسبه لللافته لحد دلوقتى كل ما ابحث عن فتوى الشيخ القيه قال فقط ان التصويت واجب شرعى حتى على موقع الاخوان فدلوقتى مش عارفه مين قال الكلام ده لذلك بناشدكم اللى قال الكلام ده مش جماعه الاخوان اللى قاله الشيخ المحلاوى حسب ما مكتوب فى اللافته ولو الاخوان هما اللى علقوه اللافته يبقى نقلوا فتوى شيخ وعرضوا للمجتمع فلو حبينا نتكلم فى اللافته نتكلم على صاحب الفتوى وهو شيخ جليل حتى وان اختلفنا معاها انا فى انتظار الشيخ المحلاوى يطلع يوضح رأيه بكل وضوح هل قال الكلام ده ولا لأ لو قال انه لم يقل ذلك فبطلب من كل واحد وانا اولكم يشيل اللافته ويلفها ويرجعها لاى اخ يعرفه فى المنطقه ويقوله الخبر طلع كاذب ========= اعتذار واجــــــــــب من منطلق الثوره المضاده وان هدفهم انهم يفرقونا عن اهداف الثوره واللى لمستوا على مستوانا هنا فى المنتدى فانى بعتذر لكل من الاخوه حســـــــــام وفيردى لو كان كلامى اتفهم بصوره هجوم وهو غير ذلك تماما لو المنتدى صوتى كنتوا عرفتوا انى بتناقش عادى من غير تهجم على اى منكم انتوا اخواتى الكبار فتقبلوا اعتذار اختكم الصغيره على اى شىء بدر منى واستحملونى لانى ديه مش طبيعتى انى اتناقش بالطول ده واكيد انتم حسيتوا كده من ساعه ما اشتركت فى المنتدى لكن فى حاجه مضيقانى شويه عندى فباين لبست فيكم انتم حقكم على واعتقد رصيدى لديكم يسمح ومتأكده انكم هتقبلوا اعتذارى وصافيه لبن خلونا نقطع اى باب للثوره المضاده هنا

ايه حكاية الرصيد اللي يسمح المنتشر اليومين دول
كلكم كده شاحنين, طيب انا عايز حقي ناشف بقى مش هنخلص بيه اعتذارات

تحياتي ليكي اختي اسلامنا وان شاء الله مايكونش فيه اي زعل ولا اعتذارات خالص
واشكرك على البادرة الطيبة

 

 

[بنت شعنونة]

فريدة
من كتر حيرتي
قررت ان الحل الوحيد هوا اني اتخيل ان اسرائيل "فرد" وانه ها يصوت معانا في الانتخاب
ها يختار اييييييييييييييييييييييييه؟
اقوم انا اختار العكس
بس
تفكير مخ ذو خليه وحيدة
بس دا اخر ما تفتق ذهني عنه

جاوبوا بقى؟
ها؟

 

 

[يوبي]

دعوه لموضوعي

ضنك.....بعد ثورة الأستحمار

اقتباس المشاركة الأصلية كتبت بواسطة VERDI الاخوان مش أكثرية الاخوان فقط هو اللكبر قوة سياسية عددا لكن لا يقارن على الاطلاق بالشعب هم بيقولوا انهم تقريبا مليون ولا حاجة ايه مليون من 80 مليون هل غير الاخوان يؤيدون فكر الاخوان؟! هنا مربط الفرس

طيب مادام الناس عارفه كده
ليه كل ما يتكلموا يستخدما الاخوان و انهم فارضيين رأيهم علي الشعب
طيب نسيب المليون بتوع الاخوان يقولوا :نعم" و نحترم حجتهم
و باقي ال80 مليون يقولوا اللي همه عاوزيينه
و نشوف النتيجه في الاخر

 

 

[fatfouta]

عصام العريان على اون تى فى اللافتة لا تنتمى الينا اطلاقا واحنا بيننا بيانات رسمية واضحة جدااا


والشيخ المحلاوى ليس من الاخوان المسلمين

من يقول نعم او لا فهذا حقه وواجبه الوطنى واحنا اتفقنا على الديمقراطية

الرأى والرأى الاخر دون تقييد حرية

اتوجه برسالة لكل المواطنين المصريين بمنتهى الصدق والوضوح

ويقول نعم او لا فهذا حقة ولا يوجد اثم عليه

يجب ان تنزع اللافته لانها لاتتكلم باسم الاخوان المسلمين ولم توضع بمعرفتنا

 

 

[alex fox]

اقتباس المشاركة الأصلية كتبت بواسطة بنت شعنونة فريدة من كتر حيرتي قررت ان الحل الوحيد هوا اني اتخيل ان اسرائيل "فرد" وانه ها يصوت معانا في الانتخاب ها يختار اييييييييييييييييييييييييه؟ اقوم انا اختار العكس بس تفكير مخ ذو خليه وحيدة بس دا اخر ما تفتق ذهني عنه جاوبوا بقى؟ ها؟

طب أفرضى اسرائيل طلعت فردين مش فرد واحد...
واحد قال نعم والتانى قال لا...
هاتعملى اييييييييه ؟

 

 

[fatfouta]

هشام البسطويسى على اون تى فى

انا بشكر الدكتور عصام العريان انه يتنصل من هذه اللافته لانها خطأ فى حق الديمقراطية

 

 

[يوبي]

دعوه لموضوعي

ضنك.....بعد ثورة الأستحمار

اقتباس المشاركة الأصلية كتبت بواسطة حسام وهكذا تحول الموقف السياسي كالعادة الى خلاف ديني بعد أن كان خلافا سياسيا يحيا الاخوان المسلمون وتحيا جماعات الاسلام السياسي

و انا معاك يا باشا

 

 

[يوبي]

دعوه لموضوعي

ضنك.....بعد ثورة الأستحمار

اقتباس المشاركة الأصلية كتبت بواسطة VERDI ده استهزاء باللي افتى الفتوى دي اللي استهزء بالدين علشان غرض شخصي رغم انه ينسب نفسه للدين هناك جملة مستترة في كلامي تقديرها ( ناقص يقولوا) اعتقد انها واضحة

انت ليه مصمم تنسب الكلام ده للاخوان
ممكن المصدر اللي حد من الاخوان قال فيه الكلام ده
و انا مستعد شخصيا بالابلاغ عنه كشخص اساء التعبير الي مكتب الارشاد
و علي فكره المصدر الرسمي لجماعة الاخوان حاليا
موقع اخوان اون لاين
لو الكلام ده من حد تاني يبقي المسؤليه عليه كشخص
و برضه احب اعرفه اذا كان اخوان!!