Top 8 Reasons NOT to Immigrate to Canada

[ياسر جعفر]

الصحف المصرية والعربية

إخوانى و أخواتى الأعزاء
من الأخر .. و علشان زى ما بيقلوا قطمه أبرك من نحته

أولاً : قرار الهجره .. قرار شخصى جداً جداً جداً .. و كل واحد قدم على الهجره ليه أسبابه الخاصه و لا تنطبق غير عليه هو فقط خلال مرحله زمنيه خاصه بيه هو فقط و لا تنطبق غير عليه هو فقط
يعنى إللى بياخد قرار الهجره النهارده .. بعد عدد ما من السنوات (بإفتراض ثبات معظم ظروفه) في إحتمال كبير إنه يرجع فى كلامه مثلاً أو يمشى فى طريق أخر

ثانياً : أى واحد فينا قبل ما بيهاجر بيمر بمرحله بيقارن و بيفاضل فيها بين جميع الخيارات المتاحه و المناسبه لحالته ثم بعد فتره من التفكير العميق و دراسة الموضوع و مقارنة المزايا و العيوب بياخد القرار على مسؤليته الشخصيه .. بالظبط زى أى واحد فينا بيلعب شطرنج مع الدنيا .. و طبعا محدش بيحب يخسر فى اللعب فما بالك فى الحياه

ثالثاً : أكتر واحد بيطصدم لما يوصل على أى بلد سواء للعمل زى الخليج أو بلد مهجر هو الشخص إللى كسل يدرس الموضوع بشكل جيد و بحياد تام و عاش أحلام اليقظه و عمل مصيبه اسمها Over Expectations

أخيراً أى بلد فى العالم .. دائماً و أبداً بتكون جاذبه لناس و فى نفس الوقت طارده لناس أخرين

أرجو أن أكون نجحت فى إيصال مقصدى بدون التأثير على أحد سلباً أو إيجاباً .. و الله الموفق

 

 

[shampania]

وجهات نظر بردو كل واحد له نظارتة شايف بيها الدنيا على مقاساته هو
مرة كندا كويسة والهجرة ليها تمام
ومرة كندا ضياع
اما بالنسبة ليا كندا مستقبل جيد ان شاء الله

 

 

[Night Angel]

فى الحقيقه وللامانه الموضوع من منتدى اجنبى لكن مبقاش السيت بتاعه يفتح من فتره كبيرة - وليست افكارى - ولكن حبيت احط الافكار ماذا يقول الاخرون عن كندا واشوف ردودكم هتكون ايه - بس فعلا من تجارب العديد من الكتاب فى المنتدى - الايجابيات اكتر من السلبيات - بالتوفيق لكل من ارد الهجره -

 

 

[أكسيلانس]

عزيزي سبيدر ,, شكرا علي طرحك لهذه الاراء

و لكن رأي أن لكل دواء أثاره الجانبيه ,, أنت في معظم الاحوال لا تخير في أخذ الدواء ,, لانك مضطر أشتياقا منك للتعافي مما ألم بك من مرض ,, رغم ما كتب فيه من أعراض جانبيه ( بداية من الصداع و التشنجات , تأثيره علي كل خلايا المخ و الكبد ,, أنتهاء بالتبول الا أرادي )

لن يأخذ هذا الدواء ألا من كانت علته شديده و مرضه مزمن ,, يأس من شفائه بالطرق المعروفه ,, مثل بكره تفرج و البلد دي أحس من غيرها ,, ورزق هنا رزق هناك --- و للعلم قد يكون هذا كله صحيح ,, و لكن من منا لا يريد أن يجرب العلاج الجديد و الاخذ بالاسباب حتي لا يجئ يوما يقول يا ليتني كنت مغامرا ,, لأفوز باللذات ,,

كل من كتب عن كندا من سلبيات صحيح .,, و كنت قد سألت عن العد العكسي للخارجين من كندا سنويا من المهارجرين - و جدت أن العدد يزيد عن 50 % من أجمالي المهاجرين السنوي يعني بالضبط 6 من كل 10 من المهاجرين يعود الي بلده أو يذهب الي مكان أخري و لا يستقر بها الا 4 من كل 10 - و رأي أن كندا قد تكون أشبه بالتوكيل الذي يقوم بالصيانه ( بس علي نظاقه ) تذهب أليه لتحصل علي شهاده من جامعه ليها لازمه - و تحمل باسبور له قيمه ,, وتعلم أولادك علي الاقل 5 أو 6 سنين عدلين ,, و يكون ليك كبير يحميك ( و المثل عندنا بيقول - الي ملوهوش كبير يشتري له كبير ) و الاربع سنين الهجره علي الكام سنة أنتظار مع قرشين التحويشه هما الثمن للدواء و الباسبور و التعليم و شراء الكبير - يا تري تجزي معاك و لا خسرانه ,,, أحسب أنت و قول يا مون بيه

تحياتي

 

 

[tafshan]

الكل قال اجابات عن اسئله ما حدش سأل عليها .. السؤال هو هل ما طرح سبيدر صحيح ام لا ؟؟

من كل تجارب المنتدى الاجابه معروفه : اه هى دى كندا ..

يمكن بالنسبه لى دهشت من معلومة الخدمات الصحيه .. و دهشت اكثر ان ما حدش قال الكلام ده غلط .. الناس بتسافر كندا و بتدفع تحويشة العمر و تشتغل زبالين ( راجع موضوع عامل في كندا ) مقابل الخدمات الصحيه و التعليم .. و في الاخر طلع بمبه ؟؟

كمان التعليم لو ما بيوصلش لشغل ... طب ما ممكن مع الوقت ولادى يقرروا يسيبوا الجامعه بارادتهم و يشتغلوا زبالين زي ابوهم على الاقل يبقوا اتعلموا صنعه بدل القاعده في البيت !!!!!!!

قبل ما حد ما يضرب اللى عايز يسافر يسافر في اي حته في الدنيا .. عرفت الموضوع باه اسهل ده الوقت و خاصةً لو قلت لهم انك معاك قرشين حلوين الهجره بالاجرائات الجديده بقت بتأخذ سنه لسنه و نصف بالكثير و تنول الهجره المنشوده ..

زمان كانت الهجره سببها مفهوم .. فرصة عمل مع امتيازات مناسبه ..

لكن ده الوقت انا شايف ان الهجره بقت من اجل الهجره ..

يعنى لما فلوسي تخلص و ما الاقيش شغل او اشتغل عامل عند واحد انا احسن منه و انا عارف ده .. تفتكروا تأثير ده نفسياً ح يبقى ايه ؟؟ تفتكروا ان اللى بيروح يأخذ المعونه الاجتماعيه بتبقى نفسيته عامله اذاى ؟؟

قصص النجاح الى شفتها كانت نجاح في الحصول على وظيفه اقل من الوظيفه اللى كانوا فيها .. هل ممكن يعتبر ده نجاح ؟؟ مش عارف ..


في ناس بتعرف تسافر و تتشرط و هى بتسافر و نهاجر و بيبقى لها فرص جاهزه .. الناس دى هى اللى عملت الواجب اللى عليها صح .. يعنى اشتغل و عمل CV حلو و اخذ شهادات و خبرات و غير وظيفته كل 5 سينين بالكثير بغرض تنويع خبراته .. ما سبق هو الطريق المفروض كلنا نمشى فيه و هو ده اللى ممكن يخليك لما تشتغل في كندا ما تشتغلش عامل .. اكيد ظروف التوظيف فيها سيئه جداً بس ده اختيارك .. فعلى الاقل تبقى ما خسرتش قوى ..

 

 

[3omda To]

اللي بيشتغل زبال في كندا بيشتغلها شهر اتنين اول ما يوصل
مش هيقضي عمره زبال
واللي بياخد اعانة البطالة بياخدها في الاول على بال مايشوف هيعمل ايه
وماهياش عيب على فكره اني الجأ للدولة لتوفير الاساسيات هو ده الطبيعي في المجتمعات المتحضرة
مش زي مجتمعات الواحد ممكن يموت لو مامعوش حق الدوا
وبصراحه في اسر عايشة على الدولة الكندية افضل بكثير من ناس شغالة في مصر

 

 

[هنداوي]

فيه حاجات غريبة مكتوبة
CULTURE ايه وبتاع ايه
واحد صاحبي كان شغال في مصر نجار مسلح وبعدين مرمطون في مكتب سياحة
طلع قطر اشتغل محاسب بـ 6000 ريال قطري
انا لو قلته .. بس مفيش culture حيقولي كلام قبيح جدا

 

 

[3omda To]

اقتباس المشاركة الأصلية كتبت بواسطة هنداوي فيه حاجات غريبة مكتوبة CULTURE ايه وبتاع ايه

انا عارف بيجيبولنا الاسامي دي منين

 

 

[ehabtaher]

بلد بتعلم اولادك مجانا وتديلك دراسه لاولادك لحد 18 سنه مجانا ورعايه صحيه فى حاله الطوارى مجانا
وبيقولولك اتعب نفسك شويه وعادل شهاداتك او ادرس او انت حر اشتغل اى شغلانه
والشغلانه البسيطه اللى حا تشتغلها حا تديلك مرتب اكتر من اللى بتاخده فى مصر
حتقول لى طيب ما هو الايجار اغلى والاكل اغلى وووو
حقولك لا
الايجارفى مصر دلوقت زيه زى كندا يعنى ماتقوليش فى تورونتو بالف دولار
طيب مافى القاهره على النيل ب خمستلاف جنيه

ماتختارش منطقه وتقارنها بارياف مثلا

قارن نفس المستوى فى بلاد مختلفه تلاقيها مش فارقه فى السعر

اقل ايجار فى مصر دلوقت فى مكان معقول ب 1000 جنيه واقل تكلفه لاكل وشرب فى مصر مع الكهرباء والمياه والمواصلات 2000 جنيه
يعنى لو حاتشتغل ب 3500 جنيه فى مصر حقولك ممكن تستحمل شويه حتتعدل بعد كده

لكن لما تشتغل ب 1500 فى الشهر ومش عارف تعلم اولادك كويس ولا تسكن كويس ولا تتعالج كويس

يبقى ليه ماجربش حته احسن خصوصا ان اكانياتى الان تسمح محدش عارف بكره حا تسمح ام لا

وبعدين مين اللى قال ان شغل زبال هى دى الشغله اللى انت مضطر تشتغلها علشان تعيش فى كندا اصلا ممنوع المهاجرين يشتغلو زبالين هما اللى مش عايزينهم يشتغلو الشغله دى لاغراض استراتيجيه

انا شخصيا حافتح ورشه قطاع خاص مع العمده هو تبريد وتكييف وانا تدفئه (انا شغلى فى الشتا وهو فى الصيف)

 

 

[surgeon]

أولا : الموضوع ده مكانه مش هنا
ثانيا: اى حاجة فى الدنيا فيها ايجابيات وسلبيات , والواحد هو اللى بيحدد مكاسبه واحتمالات الخسائر.
ثالثا: الهجرة بتبقى هى هدف معظم الاخوة والاخوات اللى بيدخلوا المنتدى , السلبيات قتلت بحثا ونقاشا , لدرجة الواحد حاسس بالحاجات ديه قبل ما يروح يستقر هناك.
رابعا : ده رأى شخصى
الناس ديه والله محترمة قوى انهم بيقبلوا يعادلوا شهاداتنا وندخل معهم فى السيستم. واللى حيشعر بده اللى بيشتغل هناك او اللى بيعمل المعادلات بتاعتهم.