Arabic Discussion Forum with a Special Interest in Travel and Immigration

Remooo · 6th June 2011, 05:42 PM

رقم واحد بس من غير نضارة

nash · 6th June 2011, 07:05 PM

كنا شله جميله شاطرين ومشاغبين ويمكن شطارتنا كانت بتشفع لشيطنتنا شويه ...

ترتيبي في الفصل دايما وابدا علي 42 بنت الخامسه مكرر فكنا أحنا السته مبهدلين المدرسه بس بأدب والله ....

عادي جدا وانا آنسه في ثانوي إما أقف متزنبه ووشي في الحيطه ..وإما أنطرد من الفصل ... وعاده في حصه النحو وكده كده هو نفسه ( الأستاذ ) يعني اللي بيدرسني في البيت ... كان معايا في إعدادي وعلي حظي الأسود طلع معايا ثانوي ..هو يدخل الفصل من هنا ويشاورلي علي الباب ..وانا بهدوء أطلع... وفي البيت كان ييجي ويديني الحصه ولا كأنه بيضطهدني الصبح ...

الحقيقه كنت بحس بملل وأنا مش لاقيه حاجه اعملها ... فكنت اروح يا إما المكتبه ... يا إما أشوف مدرسه أو مدرس ولاد حلال وأترجاهم يستأذنوا الأستاذ أن المديرة مثلا عايزة فولانه وفولانه وفولانه باقي الشله يعني ... طبعا كان بيطلعهم.... نقعد بأة كلنا مستخبيين عند أمينه المكتبه لغايه ماتخلص الحصه والمقابل نقعد زي **** نرتب في كتب المكتبه ... وعاده لما يشوفني حد حتي الفراش ... يقولي تااااااااني يا ناش ...

طيب انا مقدرش يعني افضل في مكان واحد طول اليوم ... أعمل ايه؟؟ أموت نفسي ....

قسما بالله ... يوم ظهور نتيجه الثانويه العامه ... المديرة أتصلت في مامتي وقالتلها ... مبروك عليا ناش نجحت ... وعملت أنا حفله جميله بالليل انا والشله وطيعا المديرة حضرت وأستاذ النحو وفي اليوم ده جاتلي كميه هدايا .... أيييييييييه اياااااااام

كلزار · 13th June 2011, 06:02 AM

ايام الفصل
كنا اربعه
اتنين ولاد وانا وزميلتي
وكنا نقعد في اخر تختيتين
مالناش دعوة الصف ا ولاد واللا بنات
المهم كان المدرس او المدرسه يتعصبوا علينا
وفرقتنا
وكل واحد مننا راح فصل من الفصول
واتفقنا اننا نسيت المدرسه ونحول كلنا ازهر
كنا في خامسه ابتدائي
انا وزميلتي دخلنا ازهر
والاتنين التنين ضحكو علينا لانهم ماكانوش حافظين قرآن

بس كنا متفوقين جدا ودا بفضل القرآن الكريم ومش بفضل المدرس

من بعد كدا فضلنا في التخته الاولي
حتي في الجامعه كنا في اول بنش
واخدنا مراتب واحنا طالعين
واهي الشهاده على الحيطه مين يشتري

Remooo · 23rd January 2012, 06:23 PM

النهاردة وانا قاعدة افتكرت حاجة معرفش ايه اللى جابها على بالى

ودى حصلت اما كنت فى اعدادى يعنى من خمس ست سنين كده

كانوا بيعملوا عندنا مسابقة الطالبة المثالية
واحنا دفعتنا كانت 7 فصول
وفعلا اختاروا البنات بنت من كل فصل
وكانت الاولى على كل فصل هى الطالبة المثالية وده لل 6 فصول
وده مش مصادفة
وده لانه فى الغالب والمعتاد ان البنت الشاطرة على ايامنا كان بيبقى لها كده نموذج معين
زى انها بتبقى موس - فيه التزام -اوتدين-اهتمامها بنفسها غير زائد يعنى مش منكوشة بس برضه مش شايفة نفسها-جادة-فى حالها وكده- نشاطها الاجتماعى ينحصر فى بعض الجماعات زى الجماعة الدينية او الانشطة الادبية وجماعة الاذاعة

لحااااااااااااااااد الفصل ال سابع جم اختاروا البنت التانية على الفصل
تكون الطالبة المثالية مش الاولى

وده لانى انا اللى كنت الاولى

وطبعا مختلفة قلبا وقالبا عن الشكل المتعارف عليه للطالبة المثالية
شقية جدا ولمضة جدا وشايفة نفسى مقارنة بالناس اللى اختاروهم
طبعا لو الناس دى نفسها جم يختاروا النهاردة انا متاكدة انهم هايختارونى
الطالبة المثالية على الجمهورية بعد البهدلة والمرمطة اللى الواحد بقى فيها

انا قلبى اسود اوى

بنت الشاطئ · 25th January 2012, 05:16 PM

دعوه لموضوعي

مدونه بنت الشـــــــــاطئ

حلو موضوعك يازهورة اول مرة اشوفه

انا افتكر ترتيبى فى ثانوى كنت رقم 12 وبعد كدة وللآخر بقيت 18 اصحى وقت الفسحه ووقت المرواح ووقت حصه الانجلش غير كدة مش ممكن كنت واخدة
دسك لوحدى فى الاخر وللعلم كان ترتيبى التانى مكرر فى الثانويه العامه اصل بينى وبينك اللى نجحو فى المدرسه 5 بس

Ahmed Kotb · 9th February 2012, 01:59 PM

أنا كنت ولا أزال مكس بين 1و5و17و18

ysma · 9th February 2012, 03:02 PM

لما كنت فى ثالثة إعدادى فى طرابلس - ليبيا, الفصل اللى كنت فيه , 3 أول, كان فيه مدرس تاريخ ليبي عجوز, كان دايما يحكيلنا عن ذكرياته مع الإيطاليين و إنه إستلم المدرسة منهم..

المهم الظاهر الطلبة الليبيين كانوا عارفيين إنه فشار و بيألف, مرة كانوا متغاظين منه قبل ما الحصة تبتدى, راحو قفلوا باب الفصل و قفلوا الشيشان و القزاز و كلنا بربطة المعلم ضلمناها و عملنا ناميين, لما الراجل دخل الفصل وشاف المنظر ده

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ذكريات الزمن الجميل	HAMOUDI	مواضيع شخصية	156	1st August 2011 04:21 PM
ذكريات الطفولة في رمضان	سهى يافا	قهوة المطاريـــــــــــــــــد	8	28th August 2010 09:18 PM
من ذكريات الماضي	KANE	أرشيف أبواب الكمبيوتر والإتصالات	2	19th September 2009 01:41 AM
بقايا ذكريات	ثورة	أدب وشعر وقراءات متنوعة	4	25th April 2009 01:23 AM
بقايا ذكريات	ثورة	أدب وشعر وقراءات متنوعة	0	19th March 2009 10:30 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

ذكريات الطفولة

ذكريات فى الفصل..!