فى مذكرات تحية عبد الناصر : السادات شديد السمرة و جمال بيقول و زوجته بيضاء جدا

[Farida]

انا مش من محبى و عاشقى عبد الناصر بالعكس شايفاه احد اهم اسباب الكوارث اللى بنعانى منها حتى الأن ...... بس ابتديت اقرأ مذكرات تحية عبد الناصر اللى بتنشر فى الأهرام -بس ماعرفتش اجيب اللينك- المذكرات مافيهاش حاجات قيمه قوى و اللى عجبنى فيها خطابات جمال عيد الناصر لها و اللى بتدل على انه كان عاطفى زياده و فكرنى بمحمود عبد العزيز فى فيلم البرئ كده
https://www.elfagr.org/Portal_NewsDet...=5068&secid=51

اقتباس السادات أسمر شديدالسمرة وزوجته بيضاء جدا في بداية صيف 1952 علي ما أذكر ، حضر زائر وكان بعد خروج جمال في المساء قبل المغرب، وكان عسكري المراسلة غير موجود، ففتحت له الباب وسأل عن البكباشي جمال عبدالناصر، فقلت له إنه خرج، فكتب ورقة وانتظرته حتي أعطاها لي، وضعتها فوق البيانو كعادتي، وبعد رجوع جمال أخبرته بحضور الضيف وأنه أعطاني الورقة بعد أن كتبها، وقلت إنه أسمر شديد السمرة، فقال إنه متزوج حديثا وزوجته بيضاء جدا، وكان هذا الضيف أنور السادات.

وافتكرت كتاب خريف الغضب لمحمد حسنين هيكل و هو تقريبا بيتكلم عن نفس النقطه نقطه اللون و فرق اللون بين السادات و جيهان و وواضح من كتر الصداقه اللى كانت بين جمال و هيكل ان الموضوع ده كان بيؤرقهم جدا مع ان معروف ان المصريين عموما منتشر فيهم السمار وفيهم شديدة السمرة كمان و حزنت بصراحه على تفكير ناس كانت متحكمه فى مصائرنا ...................

 

[Tornado]

فعلا عبد الناصر كان عاطفي علشان كده اتضحك عليه كتير وكان قاعد يبعزق في قواتنا المسلحة في كل حتة وكأنها ملك السيد الوالد وحروب لهاش لزمة وبعزقة فلوس مصر لحد ما اتوكسنا في 67 وقال ايه هيتنحى وقعد يشتغل الناس ويجتمع مع العرب ويحسسوه انه كبير ويضحكوا عليه للاسف على عكس السادات كان داهية ومكنش حد بيعرف يخدعه

انا رأيي ان عبد الناصر لم يكن يصلح ان يكون رئيسا لانه لم يكن بالذكاء والشخصية اللي تأهله لكده وكان بيحلم احلام وردية هو مش قدها غير انه مكنش قادر يسيطر على باقي الظباط الاحرار بدليل التعذيب والفساد اللي انتشر اياميها وكانههم كانوا حاطينه شكل وخلاص

 

 

[brain]

بغض النظر عن حبي الشديد لعبد الناصر
لكن في ملاحظه لازم اقولها
هتقف في زوري لو مقولتهاش
تحيه عبد الناصر بتكتب عن ايه ؟
عن علاقتها بعبد الناصر
مذكراتها حول علاقاتهم الشخصيه
بدون اي دور لها في سياسه الدوله
بينما بعده
اكتشفنا ان جيهان السادات كانت تشارك في صنع القرار
ماما سوزان تريد ان تنصب ابنها
ليلى بن علي كالنت تريد ان تطيح بالرئيس لتتولى مكانه
و طبعا ملكة الاردن و دورها في اداره الدوله
اسماء الاسد و دورها في اداره الدوله
ابنة القذافي و دورها في ادارة الدوله
يبقى لازم نحيي الراجل
اللي عرف يفرق بين بيته و بين عمله
و لم يترك لاسرته اي قرصه للتدخل في سياسه الدوله

 

 

[savary]

اقتباس المشاركة الأصلية كتبت بواسطة Tornado فعلا عبد الناصر كان عاطفي علشان كده اتضحك عليه كتير وكان قاعد يبعزق في قواتنا المسلحة في كل حتة وكأنها ملك السيد الوالد وحروب لهاش لزمة وبعزقة فلوس مصر لحد ما اتوكسنا في 67 وقال ايه هيتنحى وقعد يشتغل الناس ويجتمع مع العرب ويحسسوه انه كبير ويضحكوا عليه للاسف على عكس السادات كان داهية ومكنش حد بيعرف يخدعه انا رأيي ان عبد الناصر لم يكن يصلح ان يكون رئيسا لانه لم يكن بالذكاء والشخصية اللي تأهله لكده وكان بيحلم احلام وردية هو مش قدها غير انه مكنش قادر يسيطر على باقي الظباط الاحرار بدليل التعذيب والفساد اللي انتشر اياميها وكانههم كانوا حاطينه شكل وخلاص

هو انا هتفق تماما مع تورنادو فى كل كلامه وخصوصا الجمله المظلله بالأحمر دى

فعلا عبد الناصر لم يكن يصلح رئيسا لمصر و لا كان ينفع يبقى قياده وزعامه لامه العرب عموما

الراجل دا كان عنده 3 مشاكل كل واحده منهم تكفى لاصدار الحكم بعدم صلاحيته لان يكون رئيسا

اولا مش حرامى
لا جاب مراته سيده مصر الاولى ولا جاب ابنه امين لجنه سياسات
لا بنى لنفسه استراحات ولا عنده ارصده فى بنوك سويسرا
عاش ومات فقير زيه زى الناس

ودى مشكله فى وطن لا يحكمه الا اللصوص والمرتزقه
وامه لا تعرف فى تاريخها ذمه ماليه غير ملوثه الا فيما ندر


مشكلته التانيه والكبيره برده ان عنده فكره , عنده حلم و عنده مشروع
ودى خطيئه لا تغتفر فى امه خصصت باغتيال الاحلام
لا يصلح لحكمها الا من كان فارغا تافها
99% من اوراق اللعبه فى ايد الامريكان !!
مثل هذا التصريح و مثل قائله هو من يصلح لان يحكم مصر
خليك مع الامريكان وانت تكسب !
طاب يابن اللذين لما 99 % فى ايد الامريكان امال انت فايده اللى جابوك ايه ؟؟
بتغمنا كل يوم بطلعتك البهيه بتاع ايه ؟
طاب ما تسيبنا للامريكان يحكمونا مننا ليهم و ريحنا من طلعتك البهيه !!


مشكلته التالته
انه ثائر !!
فى امه ذبحت ابن بنت رسول الله ومثلت بجثته لانه ثائر
فى امه علقت عبد الله بن الزبير على ابواب الكعبه !!

لا يصلح هنا سوى المدجنون !!

هذا وطن لا يحكمه سوى اللصوص و المدجنون و الغلمان

حقا لم يكن يصلح لان يكون رئيسا لمصر !!
الله يرحمه

 

 

[Tornado]

اقتباس المشاركة الأصلية كتبت بواسطة savary هو انا هتفق تماما مع تورنادو فى كل كلامه وخصوصا الجمله المظلله بالأحمر دى فعلا عبد الناصر لم يكن يصلح رئيسا لمصر و لا كان ينفع يبقى قياده وزعامه لامه العرب عموما الراجل دا كان عنده 3 مشاكل كل واحده منهم تكفى لاصدار الحكم بعدم صلاحيته لان يكون رئيسا اولا مش حرامى لا جاب مراته سيده مصر الاولى ولا جاب ابنه امين لجنه سياسات لا بنى لنفسه استراحات ولا عنده ارصده فى بنوك سويسرا عاش ومات فقير زيه زى الناس ودى مشكله فى وطن لا يحكمه الا اللصوص والمرتزقه وامه لا تعرف فى تاريخها ذمه ماليه غير ملوثه الا فيما ندر مشكلته التانيه والكبيره برده ان عنده فكره , عنده حلم و عنده مشروع ودى خطيئه لا تغتفر فى امه خصصت باغتيال الاحلام لا يصلح لحكمها الا من كان فارغا تافها 99% من اوراق اللعبه فى ايد الامريكان !! مثل هذا التصريح و مثل قائله هو من يصلح لان يحكم مصر خليك مع الامريكان وانت تكسب ! طاب يابن اللذين لما 99 % فى ايد الامريكان امال انت فايده اللى جابوك ايه ؟؟ بتغمنا كل يوم بطلعتك البهيه بتاع ايه ؟ طاب ما تسيبنا للامريكان يحكمونا مننا ليهم و ريحنا من طلعتك البهيه !! مشكلته التالته انه ثائر !! فى امه ذبحت ابن بنت رسول الله ومثلت بجثته لانه ثائر فى امه علقت عبد الله بن الزبير على ابواب الكعبه !! لا يصلح هنا سوى المدجنون !! هذا وطن لا يحكمه سوى اللصوص و المدجنون و الغلمان حقا لم يكن يصلح لان يكون رئيسا لمصر !! الله يرحمه

انا مقولتش انه مينفعش رئيس لمصر هو مينفعش رئيس لاي دولة حتى ل كانت فوق القمر لانه بساطة انسان هوائي كان بيتأثر بكلام اي حد وقرارته ضخصية انفعالية وشخصيته ضعيفة وكان من الحالمين الواهمين بالاحلام الوردية وهو مش حاط ليها خطة علشان ينفذها وماشي يحلم على نفسه

واذا عبد الناصر مسرقش هو اتاح للحرامية يسرقوا اما نهب الظباط الاشرار لمصر والممتلكات ونهبهم لكل شيء كان في عهد مين مش في عهده؟ اذا هو مسؤول حتى لو كان شريف لانه ضعيييييييييييف واللي مش قد حاجة ميمسكهاش

وبعدين الظلم والقهر والمعتقلات والاغتصابات في السجون والممارسات الغير ادمية مش اخترعت في عهده؟ اذا مكنش الرئيس الصالح ولا احسن من غيره وبالعكس السادات كان احسن منه بكتير على الاقل كان سياسي حنك مش بتاع شعارات وكلام وكل 5 دقائق خطاب

وكمان المسلسلات العربي اللي كان بيعملها من اول محاولة الاغتيال ومحاولة التنحي هو الصراحة كان ينفع ممثل قدير

وكمان اللي كل ما افتكره يهلكني من الضحك اني عمري ما شوفت واحد بيعلن معاد الحرب ويقوم واخد على قفاه من الدولة اللي المفروض كان هيحاربها

غير طبعا نكسة 67 اللي كان سبب فيها

غير انه مش برىء من قتل عبد الحكيم عامر

علشان خاطري بلاش ندي الناس اكبر من حجمها وبعدين عبد الناصر مسك بلطجة بعد عزل محمد نجيب يعني مش ولي من اولياء الله

 

 

[mohsen]

اقتباس المشاركة الأصلية كتبت بواسطة Tornado واذا عبد الناصر مسرقش

ممكن حد يشرح لى منين بنى فيللات لبناته فى مصر الجديدة و واحدة لأبوه فى سموحة و جامع عشان يتدفن فيه؟

و فى أوائل السبعينات الصحف الفرنسية كتبت عن إبنه اللى راح يبيع ألماظة أهداها شاة إيران للملك فاروق لما إتجوز شقيقته. هل الملك أهداها لعبد الناصر قبل ما يرحل من مصر؟

 

 

[O.S.A.M.A]

اقتباس المشاركة الأصلية كتبت بواسطة maksoof ممكن حد يشرح لى منين بنى فيللات لبناته فى مصر الجديدة و واحدة لأبوه فى سموحة و جامع عشان يتدفن فيه؟ و فى أوائل السبعينات الصحف الفرنسية كتبت عن إبنه اللى راح يبيع ألماظة أهداها شاة إيران للملك فاروق لما إتجوز شقيقته. هل الملك أهداها لعبد الناصر قبل ما يرحل من مصر؟

موضوع الجامع ده بالذات بقى أنا عرفت جزء من قصته ..
ليا واحد صديق هنا فى الدوحة أقسملى بالله أن أرض الجامع كانت بتاعة جده وأتاخدت منه غصب عنه أيام خالد الذكر

برضه ما يعرفش ؟؟؟؟

"وطبعاً العهدة على الراوي لأنى سمعت قصص كتير فى موضوع الجامع ده بس يمكن انا مصدق القصة الأخيرة دى لأنها من شخص كتير باثق فى كلامه"

 

 

[د. يحي الشاعر]

اقتباس المشاركة الأصلية كتبت بواسطة maksoof ممكن حد يشرح لى منين بنى فيللات لبناته فى مصر الجديدة و واحدة لأبوه فى سموحة و جامع عشان يتدفن فيه؟ و فى أوائل السبعينات الصحف الفرنسية كتبت عن إبنه اللى راح يبيع ألماظة أهداها شاة إيران للملك فاروق لما إتجوز شقيقته. هل الملك أهداها لعبد الناصر قبل ما يرحل من مصر؟

لا إله إلا الله ولا حول ولا قوة إلا بإلله العلي العظيم

1 - بالنسبة للفيلات ... كانت، القوات المسلحة قد قدمت عرض للضباط ، فور قيام الثورة ، لبناء فيلات ، بتقسيط طويل "لمدة ثلاثون عاما" ... فقد مانت المنطقة حول مصر الجديدة ومعسكر "هاكستيب" ولالقرب من مطار ألماظة وفي منطقة العباسية ... تتميز بأراضي صحراوية واسعة ..... وكان الغرض ... تسكين وتعمير المنطقة ...

ويتذكر طلبة جامعة عين شمس .. كيف أنها كانت بعد نفق "كوبري العباسية" محاطة بمعسكرات جيش وأراضي صحراوية ....

وقد وقه جمال عبدالناصر علي عقدين لبناء فيلا لكل من إبنتيه "هدي" و "مني" ... ولم يكن وحده ، ولكن إشترك في هذا البرنامج ... مئات الضباط وإستفادوا منه (غيره ... يعيش في قصور الملك فاروق ... وعاش في قصور وإستراحات الملك فاروق)

ولقد نشرت موضوع مفصل عن "ديون عبدالناصر وممتلكاته الشخصية" وكيف أنه توفي "مديونا بحوالي خمسة وثلاثون ألف جنيه مصري ... وعندما أباحت للسادات بهمها ، خلال زيارة تعزية في منشية البكري ...

- أكد لها السادات أنه سيتصرف ... ثم عرض الأمر علي مجلس الوزراء في أول جلسة عقدت برئاسته ... وإتخذ مجلس الوزراء "قرار وزاري ، بدفع الدولة لديونه ... وبقاء أسرته في الفيلا الذي كان يقيم قيها ... أعتقد تم إهدائها لعائلته ... أرملته رحمها الله وأولاده ، وذل من أجل ضمان حفظ كرامتهم في مكانهم "


2 - موضوع الجامع ... كان هذا الجامع قد تم بناءه ، ملاصقا لمبني "قيادة القوات المسلحة" .. وأطلق عليه "مسجد الجيش" ... ولما توفي جمال عبدالناصر فجأة ، إحتار زملاؤه اين يتم دفنه
وتم إتخاذ القرار ، بدفنه في ذلك المسجد (الجهة الخلفية منه ... المستوي الأرضي) ، حيث أن الجامع في الدور الأول ... حيث أنه كان يرفض دائما ، دفنه في مقبرة خاصة مميزة ، وكذلك أصدقاءه وزملائه وعائلته رفضوا بناء مقبرة له ...

اقتباس ثروة الرئيس الراحل (جمال عبد الناصر) عند وفاته بعد وفاة الرئيس جمال عبد الناصر قامت الأجهزة الرسمية بحصر أمواله وممتلكاته كما قامت بالبحث عن أموال بإسمه في الخارج فلم تجد شيئا وسجلت الحقائق التالية: تفاصيل ثروة وممتلكات رئيس الجهورية العربية المتحدة جمال عبد الناصر،حسين سلطان: • مرتبه الشهري 500 جنيه • بدل التمثيل 125 جنيه • الإجمالي 625 جنيه • الصافي الذي يتقاضاه 395 جنيها و60 قرشا و7 مليم ثروته يوم وفاته في 28 سبتمبر 1970 كانت كالآتي : • 3718.273 جنيه مصري في حسابه رقم 64226 99 بنك مصر • 200 سهم شركة كيما • 5 أسهم شركة مصر للألبان • سند واحد بنك عقاري • 600 جنيه شهادات إستثمار • 10 أسهم في بنك الإتحاد التجاري • 100 سهم في الشركة القومية للأسمنت • 30 سندات تأمين • 100 جنيه قرض إنتاج • 18.70 جنيه أسهم في شركة النصر لصناعة أقلام الرصاص • شهادات إستثمار بمبلغ 600 جنيه في شركة الحديد والصلب أغلب قيمة هذه الأسهم رمزية • وثيقة تأمين على الحياة – قوات مسلحة – 1500 جنيه • وثيقة تأمين على الحياة – الشرق للتأمين – 1000 جنيه • وثيقة تأمين على الحياة – مصر للتأمين – 1000 جنيه • وثيقة تأمين على الحياة – الأهلية للتأمين – 2500 جنيه • وثيقة تأمين على الحياة – القاهرة للتأمين – 2500 جنيه • سيارة أوستين – التي كان يمتلكها قبل الثورة أما ممتلكاته الشخصية فقد قامت رئاسة الجمهورية بحصرها بعد الوفاة في سجلات رسمية وكانت كما يلي : • ثمانية أزواج أحذية • ثلاث ماكينات كاميرا للتصوير • آلة عرض سينما • عشرة بدل ومجموعة كرافتات وتضمن التسجيل أن عبد الناصر استبدل من معاشه الشهري مبلغ 35 جنيها (بما يعادل 3500 جنيها) لتجهيز زيجات ابنتيه، وكان في جيبه يوم رحيله يوم 28 سبتمبر 1970 مبلغ 84 جنيها وترك الدنيا وأسرته لا تملك مسكناً خاصاً وليس لزوجته دخل خاص غير معاشها من زوجها الراحل. هذه هي كل ثروة الرجل الذي قاد الثورة وحكم مصر 18 عاما.

لـلــمــقـــارنة

قبر السادات






قــبر جـمال عـبدالـنــاصــر



في الجهة الخلفية المدخـــل االأرضي لجــــامع الجيش


وقــبر الملك فاروق
في الجامع الرفاعي









د. يحي الشاعر

 

 

[Farida]

ايه يا تورنادو طيب و موضوع السمار احلى ولا البياض احلى ده رأيك ايه فيه ؟؟؟؟؟؟؟؟؟؟

 

 

[brain]

اقتباس المشاركة الأصلية كتبت بواسطة Farida ايه يا تورنادو طيب و موضوع السمار احلى ولا البياض احلى ده رأيك ايه فيه ؟؟؟؟؟؟؟؟؟؟

اوعي تقولي يا دكتوره فريده انك صعيديه
هازعل منك جدا
لان الموضوع ده اساسي عند الصعايده
و لغاية النهارده