سؤال و جواب عن كالجاري

[Hiema]

الصحف المصرية والعربية

يا جماعة
الموضوع ده تم فتحه بعد الاتفاق مع المهندس GSoleiman المقيم حاليا بمدينة كالجاري لمساعدة من لديهم استفسارات في حدود معلوماته عن هذه المدينة الجميلة

و طبعا الشكر كل الشكر للباشمهندس GSoleiman لانه قبل طلبي بفتح موضوع خاص بكالجاري نظرا لقلة المعلومات المتاحة عنها في المنتدي

 

[Hiema]

عزيزي GSoleiman
انا حابتدي الاسئلة
يا تري من وجهة نظر حضرتك , ما هي اكثر المناطق ملائمة للسكن في Calgary
انا معلوماتي البسيطة بتقول ان NW و SW افضل من ال east side

السوال الاخر هو تقني لحد ما , و لذلك ساضيفه في مشاركة منفردة

 

 

[GSoleiman]

اقتباس المشاركة الأصلية كتبت بواسطة Hiema يا جماعة الموضوع ده تم فتحه بعد الاتفاق مع المهندس GSoleiman المقيم حاليا بمدينة كالجاري لمساعدة من لديهم استفسارات في حدود معلوماته عن هذه المدينة الجميلة و طبعا الشكر كل الشكر للباشمهندس GSoleiman لانه قبل طلبي بفتح موضوع خاص بكالجاري نظرا لقلة المعلومات المتاحة عنها في المنتدي

الإخوة المطاريد...

طبعاً أنا كمان بشكر المهندس Hiema لفتحه الموضوع دة...

أنا موجود بإذن ربنا وهاجوب على الأسئلة بتاعتكم حسب علمي... أرجو إن محدش ياخد كلامي أو ارائي حقيقة مسلم بيها ويا ريت كل واحد أو وحدة يدور علمعلومة وكمان يتأكد من كلامي...

ويا ريت بردو لو حد شاف اني بخرف يصححني...احنا كلنا بنتعلم من بعض...

معلش سامحوني لو اتأخرت في الرد أحياناً لظروف الشغل ولا حاجة... بس أنا قدر الإمكان هحاول أكون متواجد...

تحياتي واحترامي للجميع

 

 

[Hiema]

الاستفسار الاخر هو بخصوص مجال ال GIS
او Geographic Information Systems
ما هو مدي انتشار و تطبيق هذا المجال في ال Oil & Gas Industry

اللي انا اعرفه ان المجال ده مطلوب جدا في كندا و يوجد في Calgary كلية SAIT و هي بتوفر برنامج دراسي متميز في هذا المجال , يا تري في عند حضرتك اي معلومات عن هذا المجال ؟؟؟

 

 

[GSoleiman]

اقتباس المشاركة الأصلية كتبت بواسطة Hiema عزيزي GSoleiman انا حابتدي الاسئلة يا تري من وجهة نظر حضرتك , ما هي اكثر المناطق ملائمة للسكن في Calgary انا معلوماتي البسيطة بتقول ان NW و SW افضل من ال east side السوال الاخر هو تقني لحد ما , و لذلك ساضيفه في مشاركة منفردة

كلامك مظبوط بنسبة كبيرة أوي...

ال-West أفضل من ال-East... بشكل عام

لكن بردو فيه حاجة مهمة أوي... كل ربع من ال-4 أرباع بتوع كالجري فيه الحلو وفيه الوحش... فيه الأماكن الراقية واللي نص نص...

وعموماً بردو... كل ما تبعد عن ال-downtown بتلاقي communities جديدة وبيوت جديدة ودة بيكون حلو من ناحية التصميم والهدوء... بس بيكون أصعب لو هتسوق لشغلك في eldowntown مثلاً...

 

 

[Hiema]

اقتباس المشاركة الأصلية كتبت بواسطة Hiema بما اني من المهتمين بمدينة كالجاري , اود ان اوضح بعض المعلومات عنها طبقا للاحصائيات لعامي 2009 و 2010 Overall rank: In 2009, Calgary was ranked in the 26th place, while in 2010, Calgary went one rank down to the 27th place Discretionary income: Calgary went from the 1st place in 2009 to the 3rd place in 2010 Unemployment rate: In 2009, Calgary had an unemployment rate of 3.5%, while in 2010, the un employment rate rose up to 7% Time needed to buy a house: For both years of 2009 and 2010 the statistics show an average time of 3 years, also note the following: Time needed to buy a house= average house price/average household income Rain/Snow Days: Calgary has a percentage of 32% of rainy and snowy days out of total days per year.

دي مشاركة قديمة لي في موضوع اخر

 

 

[Hiema]

اقتباس المشاركة الأصلية كتبت بواسطة GSoleiman كلامك مظبوط بنسبة كبيرة أوي... ال-West أفضل من ال-East... بشكل عام لكن بردو فيه حاجة مهمة أوي... كل ربع من ال-4 أرباع بتوع كالجري فيه الحلو وفيه الوحش... فيه الأماكن الراقية واللي نص نص... وعموماً بردو... كل ما تبعد عن ال-downtown بتلاقي communities جديدة وبيوت جديدة ودة بيكون حلو من ناحية التصميم والهدوء... بس بيكون أصعب لو هتسوق لشغلك في eldowntown مثلاً...

طيب يا هندسة , اجابة حضرتك دي will lead us to the next question
اخبار شبكة المواصلات ايه هناك و هل يمكن الاستغناء عن السيارة علي الاقل في البداية ؟؟

 

 

[GSoleiman]

اقتباس المشاركة الأصلية كتبت بواسطة Hiema الاستفسار الاخر هو بخصوص مجال ال GIS او Geographic Information Systems ما هو مدي انتشار و تطبيق هذا المجال في ال Oil & Gas Industry اللي انا اعرفه ان المجال ده مطلوب جدا في كندا و يوجد في Calgary كلية SAIT و هي بتوفر برنامج دراسي متميز في هذا المجال , يا تري في عند حضرتك اي معلومات عن هذا المجال ؟؟؟

الحقيقة مش حافتي وأقولك اني أعرف عن الموضوع دة... لكن أنا متأكد الجغرافيا عموماً هنا مهمة جداً وليها علاقة جامدة beloilfield...

هنا حتى بيسمو أسامي الأبار حسب موقعها الجغرافي واحداثياتها ... أتصور إنه هيكون مجال مهم فعلاً...

هحاول أسأل ولو لقيت أي معلومة هقولك.


تحياتي

 

 

[GSoleiman]

اقتباس المشاركة الأصلية كتبت بواسطة Hiema طيب يا هندسة , اجابة حضرتك دي will lead us to the next question اخبار شبكة المواصلات ايه هناك و هل يمكن الاستغناء عن السيارة علي الاقل في البداية ؟؟

المواصلات هنا أكثر من ممتازة...

فيه طبعاً الاتوبيسات وكمان ال-C-Train ودول تأريباً بيغطوا كل كالجري حتى ال-communities الجديدة إلي على أطراف البلد ودة أنا شفته من خلال زيارات أو تمشيا بالعربية للفرجة علبيوت...

كمان فيه خط جديد لل- C-Train بيتعمل دلوأتي عشان التغطية تكون أكبر وأكبر... وكمان المطار بيتجدد وبيتعمل runway جديد...

 

 

[Dr.Samo]

تسجيل متابعة ودعوة لأخونا المهندس غريب
ومتشكرين يا باشمهندس ابراهيم على المغارة الرائعة
والشكر طبعا للمهندس جى سليمان مع سؤال بسيط ....
فى مغارة اخرى ذكرت احدى الأخوات الفاضلات ان كالجارى افضل من ادمنتون من ناحية أعمال الهندسة المعمارية (الهندسة البيئية - التصميم ) كما ان المدينة معماريا افضل ....ماهى وجهة نظر حضرتك .
وكيف يمكن الأتصال بجامعة كالجارى ....وماهى هى افضل الأحياء بالقرب منها