الاجابة عن اي استفسار عن المعيشة في كندا

[Ghost]

الصحف المصرية والعربية

اقتباس المشاركة الأصلية كتبت بواسطة OmarDent شكرا جزيلا أخي العزيز علي ردك السريع و اهتمامك و بصراحة أنا أميل للتفكير دة في الفترة الأولي و دة لعدة أسباب في ظني أولها الامور المادية بتكون أكيد أصعب في الأول .. دة غير ان الواحد في الأول أكيد بيكون متبرجل و متلخبط بسبب عدم تأقلمه علي البلد و طبعا دة بيكون حال زوجته و باقي الأسرة - لكن لو باقي الأسرة وصلوا و كان الأب امتص الصدمة الأولي و يكون هو بمثابة دليل ليهم في الفترة دي دة ممكن يخفف الأمر عليهم كتير و يديهم ثقة و عزيمة أكبر حاسس اني مش فاهم الكلام اللي أنا كاتبه

بص لازم تعمل حسابك انك تاخد الضربه الاولي و و احسن حاجة انك لو تحب تجيب العيال و امهم تبقى في الربيع او الصيف

خبطه الشتاء هنا طحن و هتبقى عقده و شنيطه . و من الطبيعي جدا ان الواحد يحصل له حكايه ال home sickness في اول شهر و ممكن الحكايه تاخد معاه 3 او 4 شهور على حسب شخصيته ,,,,,,,,,,

يالله اتكل على الله و قول يارب و تعالى

 

 

[Ghost]

اقتباس المشاركة الأصلية كتبت بواسطة ضبش كيلو اللحمة المشفى واللى بعضمها عامل كام فى كندا دلوقتى محدش يضرب .. أنا برحب باخويا الكبير جوست

ضبش حبيبيييييييييييييييييي
واحشني و الله

بمناسبه اللحمه بقى
اللحمه تقريبا هي السلعه الوحيده على ما رأيت هي الارخص في البرتا مقارنه باونتريوا و اللحمه الي بعظمها ممكن تقول يا باشا انها ضعف الثمن و غاليه و عمري ما فكرت اجبها
الناس بتحبها اللحمه بعظمها علشان الشوي و حفلات الشواء

و المحلات الاسلاميه تستغل الموضوع و تلاقي اللحمه (الحلال) اغلى من اللحمه اللي بتتباع في المحلات العاديه و الكلام برضوه ينطبق على الفراخ
بس الفراخ المشفيه اغلي الضعف من الفراخ القطع بعظمها

سلام يا ضبش و بلاش حكايه اللحمه دي تاني لاحسن

 

 

[OmarDent]

اقتباس المشاركة الأصلية كتبت بواسطة Ghost بص لازم تعمل حسابك انك تاخد الضربه الاولي و و احسن حاجة انك لو تحب تجيب العيال و امهم تبقى في الربيع او الصيف خبطه الشتاء هنا طحن و هتبقى عقده و شنيطه . و من الطبيعي جدا ان الواحد يحصل له حكايه ال home sickness في اول شهر و ممكن الحكايه تاخد معاه 3 او 4 شهور على حسب شخصيته ,,,,,,,,,, يالله اتكل على الله و قول يارب و تعالى

يا رب يسهل الأمور . . لو الأمور مشيت كما نتمني ممكن أعمل لاندنج اخر الصيف ان شاء الله
بصراحة أنا شاكر حضرتك كلامك المشجع
و ربنا ييسر لك جميع امورك

 

 

[Dr-Alrefa3y]

اهلا بالعزيز Ghost
تسجيل متابعه

 

 

[SAFAR]

نرحب بالأخ/ جوست واجوبته الصريحة للأخوة

نسأل الله أن ييسر لكم اموركم ، ويريكم الحق حقاً ويرزقكم اتباعه والباطل باطلاً ويرزقكم اجتنابه.

مع تحياتي للجميع

 

 

[aymanology]

[SIZE=×4]اهلا بالاستاذ Ghost
تسجيل متابعه[/SIZE]

 

 

[Ghost]

اقتباس المشاركة الأصلية كتبت بواسطة OmarDent يا رب يسهل الأمور . . لو الأمور مشيت كما نتمني ممكن أعمل لاندنج اخر الصيف ان شاء الله بصراحة أنا شاكر حضرتك كلامك المشجع و ربنا ييسر لك جميع امورك

اقتباس المشاركة الأصلية كتبت بواسطة SAFAR نرحب بالأخ/ جوست واجوبته الصريحة للأخوة نسأل الله أن ييسر لكم اموركم ، ويريكم الحق حقاً ويرزقكم اتباعه والباطل باطلاً ويرزقكم اجتنابه. مع تحياتي للجميع

اقتباس المشاركة الأصلية كتبت بواسطة aymanology [SIZE=×4]اهلا بالاستاذ Ghost تسجيل متابعه[/SIZE]

شكرا للاخوه المتابعين جميعا الدكتور رفاعي و الاستاذ ايمن . و ارجو الله ان يوفقني للاجابه عن اي استفسار بخصوص المعيشه في كندا

 

 

[Ghost]

لمتابعة المقارنه بين اونتاريو و البرتا احب ان الخص و اضيف بعض المعلومات ببساطه علشان كل واحد ياخد ضوء بسيط يعرف بيه الولايه التى يحب ان يسكن فيها

اونتاريو: طبيعه خلابه اكثر ( مساحات واسعه من الاشجار و البحيرات ) و اكثر مطرا و تساقط للثلوج - تتعتبر مركز الثقل الصناعي لكندا - ضرائب الدخل اكبر - اسعار المنتجات الاستهلاكيه اقل بطريقة ملحوظه - اكثر عمارا و تقدما - اكثر في نسبه السكان البيض و اكثر تحررا و التعامل اكثر مرونه و لطفا من الناس - تامين السيارات فيها اعلى مع انخفاض اسعارها نسبيا عن البرتا - نسب العمل فيها اقل - السكن فيها ارخص نسبيا - تسطيع ان تلحق اولادك في الحضانات و day care مجانا اذا كنت انت و زوجتك تعمل او تتعلم full time ( اتحدث هنا عن غير المهاجرين ) و ممكن زوجتك مثلا تتلتحق بدروس مجانيه لتعليم الانجليزيه و بذلك تكون full time

تمتاز اونتاريو بعلاوه خاصه بيها تصرف للاولاد ( ده غير child benefits and universal benefits

مصاريف التعليم في اونتاريو عالي جدا و يعتبر اعلى في النسبه بين كل المقاطعات - غير المهاجرين من الطلابه او العاملين يدفعوا التامين الصحي و هذا بخلاف ما نراه في البرتا حيث يحدث العكس تماما من حيث مصاريف التعليم الجامعي ( كل مراحل التعليم قبل الجامعي ببلاش في كل كندا ) او التامين الصحي.

البرتا : طبيعه شبه قاحله بالنسبه الى اونتاريو و في الغرب يوجد جبال الهوكي الشهيره - الجو الجاف و الاشد بروده في الشتاء من مميزات البرتا -

تتميز بوجود البترول و خاصه في الشمال و انتشار المراعي للحيونات زي البقر و الخيل و لذلك نسبه الفلاحه فيها اعلى فهي زراعيه اكثر منها صناعيه و تعتبر الباب الخلفي لامداد الولايات المتحده بما تحتاجه من لحوم - الضرائب اقل و الاسعار اغلى في كل شئ من سياره او سكن او منتجات استهلاكيه - فرص العمل فيها اكثر -

يوجد في البرتا ما يسمى ب Registry , و هو المسئول عن استخراج رخصة السياره و القياده و شهادات الميلاد و عمل التوكيلات ........ الخ و هو عباره عن شركات خاصه مرخصه من قبل المقاطعه لمساعده الناس و ينتشر في كل مكان على شكل مكاتب خدمه .

هذا لم اراه في اونتاريو حيث ان استخراج رخصة القياده و امتحان القياده يتم عبر مكاتب وزاره النقل ... اما تجديد الرخصه او استخراج الشهادات فيتم عن طريق الانترنت بكل سهوله و الدفع عن طريق الفيزا . بل ان هناك مكينات خاصه في المولات تشبه مكينات صرف النقد تسطيع من خلالها تجديد ترخيص السياره في ثانيه و تاخد استكير التجديد و انت واقف و تلزقه على الplate عالطول

اتمنى ان تكون معلومات مختصره و مفيده و شكرا

 

 

[Ghost]

اقتباس المشاركة الأصلية كتبت بواسطة SAFAR نرحب بالأخ/ جوست واجوبته الصريحة للأخوة نسأل الله أن ييسر لكم اموركم ، ويريكم الحق حقاً ويرزقكم اتباعه والباطل باطلاً ويرزقكم اجتنابه. مع تحياتي للجميع

شكرا اخي safar

 

 

[أكسيلانس]

ألاخ الفاضل جوست

مشكور علي مجهودك و علي شرحك الوافي

سؤالي خاص بالتعليم - هل الحصول علي درجه علميه سنتين مثلا - في مجالات أداريه زي الموارد البشريه أو السوشيال وركر - ألخ ألخ - هل يساعد بدرجه كافيه للحصول علي عمل - أم يظل الامر صعب و يفضل البكالوريوس -
حضرتك أتكملت عن كلجاري - أه أخبار أدمنتون - لان معظم الزملاء يرشحوا أدمنتون كمان أفضل للاعائلات من حيث الاسعار و الدراسه - و فرص العمل