يا حلاوتك يا بلدنا يالى فيكى العجب !!!

[O.S.A.M.A]

الصحف المصرية والعربية

لما بانزل مصر باقعد ألم الجرايد الحكومية والمعارضة وبقرا خبر فى جريدة وأقرا عكسه فى جريده تانية وطبعاً بتجيلى نوبة ضحك بتوصل للبكاء من الأخبار وأنا جايبلكم بعض عينات من اللى قريته وكمان من اللى شوفته فى التليفزيون وأسمحولى أنى اجيبهم بدون تصتيف وبدون ترتيب لأن المواضيع كتيره جدااااااااااااااااااااااااااااااا وهاجيبهم تباعاً إن شاء الله
بس مش عايز الناس تتهمنى من انى من الناس المتشائمة أو من الناس المدسوسين .. أو يتقال أن كل البلاد بيحصل فيها كده وألعن .. لأنى لأسف مالقتش بلد من البلاد اللى أنا سافرتها على الأقل بيحصل فيها كده أو بيحصل فيها الكم ده من اللى بيحصل

أسيبكم بقى مع الملخص

النائب العام يمنع محافظ الغربية من الإستيلاء على 100 فدان تستأجرها 182 أسرة من الأوقاف
"ده اللى عايز يستولى على الأرض محافظ !!!...."

القاهرة خارج التصنيف الصينى لأفضل 500 جامعة للعام الثانى ومراكز متقدمة ل 7 إسرائيلية

"وصلت حتى للتصنيف الصينى "

وقفة أجتجاجية لعشرات المعيدين والمدرسين المساعدين بعين شمس بعد تحويلهم إلى أعمال إدارية

الصيادون ضحايا لفقر الثروة السمكية فى مصر أم قراصنة ينهبون دول الجوار

إحالة سائق للجنايات بتهمة ذبح زوجته واشعال النيران فيها
"الخبر ده قريت زيه كتيييييييييييييييير "

محاكمة 7 مسئولين فى مصر للبترول مفتش المبيعات أجرى جرداً صورياً على منتجات الشركة

خبر غير صحيح "الحزب الوطنى طرح استفتاء من خلال موقعه الإلكترونى طالب خلاله المواطنين بالإدلاء بأصواتهم حلو أكثر الوزارات التى تحتاج إلى تعديل وزارى"

المبيدات المسرطنة لوثت 2,4 مليون فدان و 168 مادة سامة فى مياه النيل
"وبالمناسبة اللى مش سعيدة دى أنا أعرف عم حسن اللى أغلب الجرايد كتبت عنه وبالذات المصرى اليوم اللى جه ليه هو وعيلته فشل كلوى بسبب مياه الحوامدية ... الراجل ده كان زمان ساكن قريب من بيت العيلة ولما ربنا كرمه وفتح عليه ساب شقته وراح واخد أرض فى الوامدية وبناها عشان تبقى بيت لأسرته اللى مات منها ولد وبنت بسبب الفشل الكلوى والميه المسممة اللى كان بيشرب منها!!!!"

أهملت الفقراء زاد عدد الفقراء – الحكومة تنفق 64 مليون جنيه فى شهر واحد لتحسين صورتها

المستشار عدلى حسين يرسل ابنته وزوجها للحج على حساب الفقراء

6 مبادرات للإصلاح فى مصر رفضها مبارك

تورط مسئول سياسى كبير فى الإستيلاء على 180 فدان بالتزوير

إعادة موظف لمنصبه بعد مجازاته فى واقعة اختلاس

يتبع.....

 

[ana_3enady]

دعوه لموضوعي

RobertInole

تسجيل متابعة يا عمنا

 

 

[MFaisal]

الحياة فى مصر تجيب النكد

 

 

[Doudy]

اهلا بيك يا ابو يوسف
منور
انا بطلت اشترى جرايد
كفاية عليا القاهرة اليوم و 90 دقيقة و الحياة اليوم
بصراحة منكدين عليا جامد قوى
مفيش خبر يسر القلب خالص

 

 

[O.S.A.M.A]

- كلاهما قليوبية وكلاهما يشرب مياه ملوثة بس دى "برادعة" ودى "ميت نما"

- بلطجى يطعن مواطناً بمطواة فى عز الظهر بشبين القناطر

موظف بشركة "ترافكو للسياحة" يتعرض للقتل والذبح فى عز النهار

- بالمستندات فضيحة إهدار 881 مليون فى السكة الحديد وكلمة السر "أيرماس"

 

 

[O.S.A.M.A]

أستاذ بالقومى للبحوث يقيم دعوى لإعلان وفاة الرئيس منذ 4 سنوات "طب أزاى!؟؟؟؟؟؟"

حكاية استيلاء طباخ القذافى على أرض الجمارك بالأسكندرية
"لأ... وأرض حكومية كمان"

حوار مع أم باعت أبنتها ب 400 جنيه "!!!!!!!!!!!؟؟؟؟؟؟؟؟؟"

الحكومة المصرية تهربت من دفع الملايين لضحايا العبارة ودفعت الملاليم فى حادث القطار

المهندس مصطفى القناوى رئيس الهيئة الجديد "الصيانة وتحسين أحوال العاملين خطتى للقضاء على حوادث القطارات"
"يعنى لو ماتحسنتش ظروف العاملين ماحدش يركب قطر"

تقرير حقوقى يكشف تدهور أوضاع الفلاح المصرى فى عهد مبارك

 

 

[O.S.A.M.A]

اقتباس المشاركة الأصلية كتبت بواسطة Doudy اهلا بيك يا ابو يوسف منور انا بطلت اشترى جرايد كفاية عليا القاهرة اليوم و 90 دقيقة و الحياة اليوم بصراحة منكدين عليا جامد قوى مفيش خبر يسر القلب خالص

دودى العزيزة خدى دى
أهلاً بيكى وبكل أهل الجبل
الجرايد مش بس اللى نكدت عليا أنا لسه هادخل على العاشرة مساءاً والحياة اليوم بس كله بالدور

 

 

[حلم جميل]

السلام عليكم أبو يوسف

متابعه معك

و الله مش عارفة أوصف حالي و انا بقرأ المانشيتات دي معاك

بس هنقول ايه..

 

 

[O.S.A.M.A]

اقتباس المشاركة الأصلية كتبت بواسطة حلم جميل السلام عليكم أبو يوسف

اقتباس المشاركة الأصلية كتبت بواسطة حلم جميل متابعه معك و الله مش عارفة أوصف حالي و انا بقرأ المانشيتات دي معاك بس هنقول ايه..

وعليكم السلام ورحمة الله وبركاته
أهلاً بيكى يا حلم جميل ويارب تكون دايماً احلامك جميلة ونورتى المنتدى
والله الحال من بعضه أنا بس المشكلة معايا انى عشان مش عايش فى مصر فباخد الأخبار من الفضائيات ومن الإنترنت ودى طبعاً مابتتكلمش عن كل حاجة لكن جرايدنا طبعاً فيها الزوبد كله
وطبعاً دى تقريباً اول اجازة ليا من سنين طويلة أنزل فى الشتا وطبعاً مش لاقى حاجة اعملها
فقعدت طبعاً مش سايب حاجة ولا حد فى حاله
وطبعاً كل اللى حواليا كان لسان حالهم بيقول "أنت ايه اللى جابك !!!؟؟؟ "

 

 

[O.S.A.M.A]

فضيحة الترع التى حفرها محمد على تم ردمها فى عهد مبارك

قصص مأساوية فى محافظات مصر بسبب سياسات حكومة نظيف

أخطاء بالجملة فى المناهج واختيار المدرسين لامحسوبية تفاصيل عملية اهدار 12 مليون جنيه فى البرامج التعليمية سنوياً

مراكز الدروس الخصوصية شغالة على ودنه والحكومة نايمة فى العسل

يتبع ..........