هـام للازواج .. الهدايا تدمر الحياة الزوجية

[Eng Hesham]

تحذير خطير للرجال المصريين اوعي نجيب هدية لمراتك ليكون يومك اسود
.
ففي دراسة جديدة نشرتها صحيفة 'دايلي ميل' الخميس أن ثلاثة أرباع النساء البريطانيات اعترفن بأن الشكوك تنتابهن حين يعود رجالهن إلى المنزل وبأيديهم باقات من الورد. وانهن يعتبرن الآن أن حصولهن على علبة من الشوكولاتة من رجالهن دليل على أنهم كذبوا حول شيء ما، وأن قيام رجالهن بدعوتهن إلى عشاء على ضوء الشموع يعني أن لديهم أنباءً سيئة.
.
وطبعا الدراسة مبتكذبش وكله يخللي باله من نفسه بلاش هدايا للزوجات يا جماعة عشان متقلبش معانا بغم وربنا يسترها أحنا مش قد شك الستات فينا ولا ناقصين غم لان اللي مراته هتشك فيه هتخلي حياته جحيم وتخلي ايامه اسود من قرن الخروب
.
ولو كان ولابد من الهدايا يا جماعة فلابد ان نعود لتراثنا كرجال مصريين شرقيين لنا تاريخ في الهدايا بعيدا عن الورد والشيكولاته اللي مش من تراثنا ابدا
فممكن نهادي الزوجة بهدايا مصرية فلكورية خالصة من تراثنا العتيق لا يمكن ان تثير الشك ابدا ومن امثلة هدايانا المصرية الاصيلة
.
هــديــة البطيخـــــــــة .. وطبعا البطيخة لن تثير شكوك الزوجه فهي لم تذكر في الدراسة ولا يمكن الواحد يصلح خيانته بالبطيخ .
ثم ان البطيخة لها دلالة قوية فهي قبل ان تفتح تذكرك بزوجتك ايام الخطوبة اماني واحلام بأن تكون البطيخة حمرا ( او الزوجة مطيعة ) ثم نفاجأ بعد الزواج ان البطيخة طلعت قرعة .. وعشان كدا لازم تكون البطيخة حمرا لانها لو قرعة ممكن مراتك تفهمك صـــح و تقلبها مناحة وتتهمك انك قصدك تحرق دمها وتقول لها ان جوازتك منها طلعت قرعة ( وطبعا دي الحقيقة للاسف ) واستلم بقا يا حلو وممكن تخليك تأكلها كلها لوحدك
.
هديــة كيس الجـــوافة ... ودي طبعا لن تثير اي شكوك تجاهك خصوصا كيس الجوافة الذي يعبر وبصدق عن وضعك في البيت اللي ميفرقش كتير عن كيس الجوافة وهذا معناه انك تشعر بقمة السعادة لمكانتك الشبيهه بكيس الجوافة في البيت بل و تحاول ان تظهر رضاك التام بأن تحضر وبنفسك كيس جوافة اخر للبيت لتصبحوا كيسين جوافة واحد للاكل وواحد للديكور ( وانت طبعا اللي للديكور ) وهذا سيقابل من زوجتك بالرضي عليك وساعتها ابسط ياعم ممكن تقعد ثلاث ساعات من غير نكد
.
الحرنكش ... هدية الحرنكش لها تأثير رومانسي علي الزوجة لانها تعود بها الي زمن الرومانسية الجميل بتاع افلام الابيض واسود فالحرنكش في ثقافتنا المصرية في اوائل القرن العشرين له مكانه مهمة في الحياة الزوجية حيث انه كان من الهدايا المشهورة في تلك الايام التي تسميها الزوجات زمن الحب و الرومانسية وافلام فاتن حمامة حيث كان الزوج يظهر في الافلام وهو طول الباب ومعه كيس الحرنكش في دعوة صريحة للزوجة للسهر لسماع اغاني الست حتي العاشرة مساءا بس جهز نفسك يا حلو لانها ممكن تكبر في دماغ مراتك وتحكم عليك تلبس طربوش وتمسك منشة وساعتها مش هتقدر ترفض والا انت نفسك هتتحول لحرنكش افندي
.
ارجوا من الازواج المصريين الا يستهينوا بهذه الدراسة فالعمر يا جماعة مش بعزقة و الموضوع اخطر من ان نستهين بيه انا بلغتكم وانتم احرار
وممكن تأخدو بنصيحتي وتركزوا علي الهدايا المصرية اللي ذكرتها ليكم بعيدا عن الهدايا الغربية اللي جابتنا لورا

 

[only you]

لالالالالا البطيخ والجوافه والحرنكش ما ياكلوش معانا احنا فاقسينكو فاقسينكو روح شوف النصايح بتاعتى واتعلم يا معلم

 

 

[Eng Hesham]

يا اونلى احنا بس مش عايزينكوا تشكوا فينا
احنا غلابه و الله

 

 

[ana_3enady]

دعوه لموضوعي

RobertInole

شوفتي بقى يا أونلي تفكير وخطط الفلول المدروسة لما رديت على نصايحك

 

 

[Remooo]

اصلا مفيش فلوس للهدايا
واللى عاوز يحافظ على حياته وشارى
بيبقى شارى لاخر لحظة
والبايع بيبيع ولو معاه ايه....ولا بتفرق معاه