Arabic Discussion Forum with a Special Interest in Travel and Immigration

KANE · 30th April 2011, 05:44 AM

من اجل حفنة دولارات وضع مجدى عبد الغنى عضو مجلس ادارة اتحاد الكرة سمعة مصر والمصريين فى موقف لا يحسدان عليه بعد تحايله بطريقة مريبة على الاتحاد الافريقى لكرة القدم خلال بطولة الامم الافريقية للشباب بجنوب افريقيا.

مجدى عبد الغنى تم اختياره عضو فى لجنة التظلمات بالبطولة وسافر بالفعل ومع اول ايام وصوله الى جنوب افريقيا حصل على بدل السفر الخاص به عن المدة بالكامل والمقدر بحوالى 200 دولار فى اليوم مع تحمل الاتحاد الافريقى تكاليف الاقامة والانتقال وخلافه واثناء البطولة سافر مجدى عبد الغنى بعد اسبوع عائدا الى القاهرة دون اخطار الاتحاد الافريقى او رد المبالغ المالية التى حصل عليها ومر الامر دون ان يكتشفه احد حتى قامت ادارة الفندق باخطار الاتحاد الافريقى بتغيب مجدى عبد الغنى وعدم دخوله غرفته التى فوجئ القائمين على نظافتها بعدم مبيت مجدى بها لمدة 4 ايام متتالية فى الوقت الذى اصيب فيه محمد السياجى بأزمة قلبية وتم نقله الى احد المستشفيات ولم يتواجد مجدى عبد الغنى معه وبدأ الاتحاد الافريقى تحرى الامر وكانت المفاجأة سفر مجدى الى القاهره وقرر الاتحاد استبعاده من اللجنه ومطالبته برد المبالغ التى حصل عليها وكذلك تحمله قيمة الاقامة وتذاكر الطيران وعلم مجدى الامر عن طريق اتصال تليفونى وقرر السفر على الفور الى جنوب افريقيا لانقاذ الموقف الا ان الاتحاد الافريقى اصر على قراره مع ترحيله الفورى من جنوب افريقيا.

وفى محاولة لإنقاذ ما يمكن انقاذه اجرى مجدى عبد الغنى اتصالا بالاتحاد المصرى مطالبا بارسال خطاب رسمى الى الاتحاد الافريقى واللجنة المنظمة للبطولة يؤكد وجوده فى جنوب افريقيا باعتباره رئيسا لبعثة مصر الا ان الاتحاد رفض لوجود رئيس بعثة بالفعل وتم اخطار اللجنه المنظمة باسمه من قبل وهو فتحى نصير واكتفى الاتحاد المصرى بارسال خطاب يؤكد فيه ان مجدى عبد الغنى مشرف على المنتخب المصرى من مجلس الادارة الا ان الاتحاد الافريقى واللجنة المنظمة رفضا خطاب الاتحاد المصرى واعتبرا الامر مجرد التفاف على الامر لإنقاذ عبد الغنى واصرا على ترحيل مجدى الذى عاد الى مصر مع مهانة جديدة للمصريين يجب ألا تمر مرور الكرام وان تتم محاسبة عبد الغنى عليها فورا.

https://www.alwafd.org/index.php?opti...#axzz1Kyx5rIus

عنبو · 30th April 2011, 06:05 AM

المفروض يمتنع من اى مشاركه تمثل مصر ويتم تهميشه احنا ناقصين فضايح

حاجه تكسف والله

O.S.A.M.A · 30th April 2011, 07:55 AM

والله صدق اللى طلع عليه أسم "مجدى مقشة" من أيام ماتش الجزائر الشهير بتاع زمان

للأسف الصنف ده فيه زيه كتير ولازم مصر تنضف من القرف ده علشان ما يفضحوناش بره

هنادي · 30th April 2011, 08:40 AM

ربنا يستر على عباده
لازم مصداقيه في التعامل

hatem elmasry · 30th April 2011, 12:10 PM

السلام عليكم ورحمة الله وبركاته
الاخوة الافاضل
هذا الشخص انا عمرى ما هضمته كلاعب ولا كإدارى ولا اعلامى و مش عارف مين اللى فارضه علينا
المفترض إن العفن ده كله من رياضيين و فنانين اللى مصوا دم الفقراء و خانوا ثورة الشعب عشان مصالحهم المادية يبعدوا عن أنظارنا و إن كل مواطن محترم يقاطعهم
و أقسم بالله العظيم إن اقل حذاء كان موجود فى التحرير كان أنظف من وجوههم العكرة المقززة

Raouf · 30th April 2011, 02:06 PM

الحقيقة منتهى قلة الذوق و مهما اتكلم ده يندرج تحت كلمة واحدة بس
سرقة
و كالعادة كان فاكر ان الفهلوة ممكن تغطى عليها
و المصيبة ان الشخص الغير مسئول ده يبقى بيمثل الشعب المصرى
حاجة تقرف بصراحة
و ياترى مقاسم مين فى الاتحاد علشان يغطى عليه

Remooo · 30th April 2011, 11:35 PM

سبحان الله هى الناس دى ناقصها فلوس
ايه لازمة مرواحه ورجوعه؟
كان ما راحش وخلاص
حاجة تكسف اكتر ما احنا مكسوفين
لاعارفين يستروا لا بره ولا جوه

hatem elmasry · 1st May 2011, 12:01 AM

مصر كانت عزبة مقسمة على زبالة البلد وليس النخبة كما يزعمون هم
أما النخبة والصفوة فكانوا فى التحرير او هنا فى المطاريد ولا نذكى على الله احدا

Tornado · 2nd May 2011, 10:37 PM

نفسي اعرف المجلس العسكري مأخدش خطوة بحل اتحاد الكرة الفاشل ده ليه؟؟؟ وسايب الحرامية دول ليه؟؟؟ مش دي اموال دولة برضه ودول ممثلين لمصر؟؟؟ عاوزين نقضي على الفساد في كل حاجة

دول عالم زباااااااااااااااااااااااالة

KANE · 3rd May 2011, 06:16 AM

اقتباس

المشاركة الأصلية كتبت بواسطة Tornado


	نفسي اعرف المجلس العسكري مأخدش خطوة بحل اتحاد الكرة الفاشل ده ليه؟؟؟ وسايب الحرامية دول ليه؟؟؟ مش دي اموال دولة برضه ودول ممثلين لمصر؟؟؟ عاوزين نقضي على الفساد في كل حاجة دول عالم زباااااااااااااااااااااااالة

ﻻ يستطيع المجلس العسكري ذلك

ولم يكن يستطيع مبارك ذلك

ﻷن الثمن سيكون فادحاً

ايقاف النشاط الرياضي لمصر في الاتحاد الدولي

الاتحاد الدولي اراد حماية الاتحادات من التدخل السياسي فوضع هذا الشرط حتى ﻻ يستطيع احد حل الاتحادات على الهوى

الحل الوحيد إجبارهم على الاستقاله او ان تسحب الجمعية العامة الثقة من الاتحاد

انما إقالة انسى

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
في ذكر 25 يناير القبض على اشرف حمدي	شؤون مصر الداخلية	حشيش	1	2437	26th January 2021 07:57 PM
البدائل الحرة للبرامج	الكمبيوتر والإنترنت	Mafia	19	5962	13th November 2020 07:50 PM
خلاصة القول في تعديلات الدستور	توعية جماهيرية	حشيش	1	1630	5th February 2019 12:26 PM
من عين جمال عبد الناصر	تاريخ مصر	KANE	0	3743	3rd February 2019 07:29 PM
نزلة السمان - كنا هناك من اجلكم	شؤون مصر الداخلية	حشيش	3	1937	21st January 2019 05:37 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الشباب والرياضة

مجدى عبدالغنى يشوه سمعة مصر!!