مرشح المطاريد لرئاسة الجمهورية

[حشيش]

اقتباس المشاركة الأصلية كتبت بواسطة storm فكرة ممتازة جدا على الاقل ممكن نعرف من نسبة الاستطلاع المرشح الاكثر قابلية او كان له مصداقية فى فكر الاعضاء

هذا بالفعل ما أردت قوله لأننا نمثل هنا شريحة من المجتمع بكافة توجهاته وطوائفه وقد يكون الفائز فى التصويت هنا إنعكاساً لما قد تفرزه نتيجة الإنتخابات الرئاسية على أرض الواقع ... تحياتى

 

[حشيش]

الأخوة والأخوات الأعزاء

شكراً على تواجدكم ومقترحاتكم ... متفق مع حسام بأن الموضوع يلزمه ضوابط لمنع الغزو الخارجى الموجه لمصلحة تيار معين أو مرشح محدد ... حالياً يا حسام لا يمكن التصويت قبل عمل 50 مشاركة على الأقل ... العضويات الجديدة الموجهة بيكونوا مستعجلين وعايزين يعملوا الخمسين مشاركة بأسرع ما يمكن وده بيلفت نظر الإدارة ليهم وبنصفر العداد لو المشاركات كانت من نوعية مشكور وبارك الله فيك وبيتم إيقاف صاحبها لمدة ثلاثة أيام بحسب ما جاء فى قواعد المشاركة ... ممكن كمان نمنع التصويت للعضويات التى ستسجل بعد بداية طرح الإستفتاء ... كمان زى ما قالت مصرية محتاجين نعمل حصر لجميع المترشحين لأن الأعداد كترت والواحد ابتدى يختلط عليه الأمر وياريت لو فتفوتة زى ما قالت تتولى المهمة دى والتعريف بكل مرشح على حدة بطرح ما له وما عليه بحيادية فى موضوع منفصل فى باب إنتخابات الرئاسة بصرف النظر عن قناعاتنا الشخصية به ... ياريت كمان لو أخونا بروف يساهم بالتوعية الجماهيرية فى الباب المخصص لذلك والذى إقترح إنشائه لأن الوقت يداهمنا ... أى أفكار أو مقترحات جديدة على الرحب والسعة ... تحياتى

 

 

[أحمد فاروق]

جميلة الفكرة. بس أنا متحفظ على الهدف الأول. شايف إن الأفضل ننتظر لحد ما تعلن أسماء المرشحين رسميًا ويغلق باب الترشيح. ساعتها يكون الموضوع أفضل. لأنه حاليًا مفيش في الواقع مرشحين. فيه ناس أعلنت نيتها للترشح. وصعب الأخذ بالنوايا. ممكن واحد من اللي نووا الترشح ييجي ساعة الجد ويقول والله يا جماعة أنا مش هرشح نفسي بسبب كذا وكذا. أو مايعرفش يجيب التوقيعات اللازمة. أو يظهر مرشح جديد مش من ضمن اللي حصرناهم ويفوز هو بالرئاسة. أو مرشح المطاريد لرئاسة الجمهورية واللي هتتعمله دعاية ينتهي به الحال إنه أصلا مش مرشح!

اقتباس المشاركة الأصلية كتبت بواسطة حشيش ... كمان زى ما قالت مصرية محتاجين نعمل حصر لجميع المترشحين لأن الأعداد كترت

ماهو الحصر ده نظريًا عرضة إن المرشحين الفعليين في النهاية يكونوا غير الموجودين فيه خالص. احنا ممكن نعمل موضوع نحصر فيه اللي نووا الترشح. ونتناقش فيه عن كل واحد. لكن هو مش حصر للمرشحين، ومايكونش ليه علاقة بالموضوع ده. ده اللي أنا شايفه.

 

 

[حشيش]

اقتباس المشاركة الأصلية كتبت بواسطة أحمد فاروق جميلة الفكرة. بس أنا متحفظ على الهدف الأول. شايف إن الأفضل ننتظر لحد ما تعلن أسماء المرشحين رسميًا ويغلق باب الترشيح. ساعتها يكون الموضوع أفضل. لأنه حاليًا مفيش في الواقع مرشحين. فيه ناس أعلنت نيتها للترشح. وصعب الأخذ بالنوايا. ممكن واحد من اللي نووا الترشح ييجي ساعة الجد ويقول والله يا جماعة أنا مش هرشح نفسي بسبب كذا وكذا. أو مايعرفش يجيب التوقيعات اللازمة. أو يظهر مرشح جديد مش من ضمن اللي حصرناهم ويفوز هو بالرئاسة. أو مرشح المطاريد لرئاسة الجمهورية واللي هتتعمله دعاية ينتهي به الحال إنه أصلا مش مرشح! ماهو الحصر ده نظريًا عرضة إن المرشحين الفعليين في النهاية يكونوا غير الموجودين فيه خالص. احنا ممكن نعمل موضوع نحصر فيه اللي نووا الترشح. ونتناقش فيه عن كل واحد. لكن هو مش حصر للمرشحين، ومايكونش ليه علاقة بالموضوع ده. ده اللي أنا شايفه.

كلامك سليم يابو حميد بس أعتقد إن الأسماء بدأت تتضح وممكن إحنا هنا نتوقع الأسماء التى ستصل إلى السباق النهائى للإنتخابات بنسبة دقة تزيد عن 90% مثلاً ... يعنى فيه أسماء أصبحت فى حكم المؤكدة زى البرادعى وعمرو موسى والعوا وابو اسماعيل ... يعنى لو إحنا بدأنا من الآن فى طرح التصويت ما بين 5 أو 6 أسماء شبه مؤكد أنها ستصل للجولة الأخيرة يكون لنا بذلك سبقاً صحفياً

 

 

[محمد المرى]

اقتباس المشاركة الأصلية كتبت بواسطة حسام والله هي مش عدم احترام للديموقراطية انا لو البلد اختارت مرشح انا رافضه لازم نحترم رأى الناس والأغلبية هي دي الديموقراطية انما التلاعب بالديموقراطية والانتخابات ورأى الناس والتضليل الاعلامي مش من الديموقراطية لأن الديموقراطية ليها ضوابط والا هنلاقي غزوة صناديقي تانية ويتقالنا روحوا كندا الضوابط هي الحل بس ايه هي لسة ماوصلتش لحل

اتفق معك اخى حسام
المفروض نبدأ فى احترام رأى الجماعة ولا سبيل الى نشر الافكار بالاسلوب العنيف , لن نقبل وصاية من احد , المصريون اصبحوا هم اصحاب القرار حتى نبدأ بداية طيبة وكل واحد يعرض افكاره بالطرق الحضارية وعلى المصرى ان يختار دون اى من فرض القوة او حتى الرشوة لانسان ربما دفعته الحاجة الى قبول هذا العمل

 

 

[حسام]

ال50مشاركة مش حاجة صعبة حتى لو ماكانتشي من طراز مشكور
ولو عملنا الاستفتاء بين الاعضاء الحاليين بس
يبقي ظلم لأننا نحرم باقي العضويات ومش كل اللى هيسجل بعد كدة لازم يبقي مخبر
مش عارف
الموضوع عايز عصف ذهني جماعي كبير وعالي

 

 

[حسام]

معلش يا دكتور أحمد
لو استنينا لفتح باب الترشيح رسميا وفعليا
يبقي مش هيبقي فيه وقت لعمل أى حاجة
احنا نشتغل على جدية نية الترشح
واللى هينسحب
هيتلغي اختياره اتوماتيك ونخلي اللى اختاروه يعيدوا اختيارهم بين باقى المرشحين المكملين
سؤال بقى معلش
عشان بتعجبني أفكارك ومنهجك التحليلي
ايه رأيك فى المخاوف اللى طرحتها؟
وازاى نتغلب عليها؟
تحياتي

 

 

[أحمد فاروق]

دكتور حسام باشا ...

اللي أنا فاهمه إنه هيفتح باب الترشيح في ميعاد معلن، وبعدين يغلق في ميعاد معلن. ثم يتلو ذلك فترة كافية يقوم فيها المرشحون بحملات الدعاية. ثم يوم الانتخاب. إذن حسب فهمي فيه فترة بين غلق باب الترشيح وبين يوم الانتخاب. في الفترة دي بتكون استطلاعات الرأي ليها معنى. لكن حشيش بقى بيدور على سبق صحفي ماشي مفيش مشكلة. يبقى عندنا سبق صحفي على حاجتين بنراهن عليهم: قائمة المرشحين، والفائز.

وجدية نية الترشح برضه صعب تحديدها. والانسحاب (هو مش انسحاب بالظبط، هو رجوع عن نية الترشح لأنه لم يترشح أصلا) مفتوح لحد غلق باب الترشح. فده بيدي فترة طويلة أهوه لعدم اليقين.

بس ممكن عمل الاستطلاع أو الاستفتاء عادي مفيش مشكلة، لكن وارد يطلع بعيد خالص عن "السبق الصحفي".

اقتباس المشاركة الأصلية كتبت بواسطة حسام عشان بتعجبني أفكارك ومنهجك التحليلي

يا باشا ربنا يخليك، والقلوب عند بعضها.

 

 

[د. يحي الشاعر]

البيان واللائحة التالية ، تسهل تنفيذ الفكرة هنا

اقتباس المجلس العسكرى يطرح استطلاع رأى حول المرشحين لانتخابات الرئاسة الأحد، 19 يونيو 2011 - 21:20 بيان المجلس الأعلى للقوات المسلحة كتب دندراوى الهوارى وإيناس البنا طرح المجلس الأعلى للقوات المسلحة استطلاع رأى على صفحته الرسمية على الموقع الاجتماعى "فيس بوك" حول المرشحين على منصب رئيس الجمهورية فى الانتخابات الرئاسية القادمة. وأوضح المجلس أن المرشحين هم من الشخصيات العامة التى أعلنت فى وقت سابق ترشحها للانتخابات، أو الشخصيات التى تم ترشحيها من قبل الشعب والإعلام، وأضاف أنه سيتم حذف أى شخصية تقرر عدم خوضها الانتخابات الرئاسية أو إضافة شخصية تقرر الترشح للمنصب فى أى وقت. وأكد الاستطلاع أنه تم طرح القائمة بواسطة الحروف الأبجدية وأن الاستطلاع ليس له علاقة من قريب أو بعيد بانتخابات الرئاسة القادمة حيث إن الاختيار سيكون بواسطة صناديق الانتخابات لمن يريده الشعب، وحدد المجلس المدة الزمنية للاستطلاع وهى من 19 \6\ 2011 إلى 19 \7\ 2011 بصفة مبدئية وسيتم بعدها إعادة الاستطلاع مرة أخرى. وجاءت قائمة المرشحين كالتالى: 1: أحمد شفيق 2: أيمن نور 3: بثينة كامل 4: حمدين صباحى 5: عبد الله الأشعل 6: عبد المنعم أبو الفتوح 7: عمر سليمان 8: عمرو موسى 9: كمال الجنزورى 10: مجدى أحمد حسين 11: مجدى حتاتة 12: محمد البرادعى 13: محمد سليم العوا 14: مرتضى منصور 15: هشام البسطويسى د. يحي الشاعر

 

 

[بريف هااارت]

دعوه لموضوعي

يسقط حكم المرشد

أنا عايز أبقي الريس من حقي


::par ty::