سامحوني مش هقدر أكمل ......

[نانا]

الصحف المصرية والعربية

السلام عليكم ورحمة الله وبركاته

أحب الأول ابتدي كلامي بشكر وامتنان خالص لكل من تعرفت عليه في هذا المنتدى الجميل الراقي
حقيقي تشرفت بمعرفتي بكم جدا واستفدت جدا جدا منكم وبجد غلاوتكم عندي كبيرة جدا جدا

الحمد لله رب العالمين لم ينشأ بيني وبين أي عضو من الأعضاء أي خلافات ودا من فضل ربنا عليا الحمد لله
ولم ينشأ إلا كل ود وتقدير واحترام

انا مش عارفة ادخل في الموضوع ازاي
بس بإختصار شديد لاني مش عارفة بجد اتكلم لانه قرار صعب
وهو اني مش هقدر اشارك مرة تانية ودا مش بسبب أي عيب في المنتدى لأ بجد أنا سعدت وتشرفت بوجودي في المنتدى
ولكن دا قرار اتخذته بيني وبين نفسي بدون تأثير من أي شيء

شكراً على اعتباري اخت وابنة للبعض وبجد عمري ما حسيت بأي غربة في وسطكم
وأنا هستمر في متابعة مستمرة إن شاء الله لأخبار المنتدى وهدخل بمعرفي كمان لو أمكن ذلك
لكن كمشاركات انا آسفة اني مش هقدر اشارك بعد الآن
وسأكتفي فقط بالرد على مشاركات الموضوع دا إذا حب حد يوجهلي كلام أو يسلم عليا قبل ما امشي

 

[سهيلة]

ليه يا نانااااااااااا بس عاوزة تمشى

طب حد زعلك هنا واحنا موش هنسكت له صدقينى

فكرى تانى يا نانا

ولو حاجة مضايقاكى هنا لازم تناقشيها

 

 

[Farida]

مش فاهمه اى حاجه لكن انا معاكى فى اى قرار يبعدك عن عالم المنتديات و النت عموما - النت ده ادمان بجد - انت شابه و المستقبل امامك و الواقع مهما كان مؤلم لكنه افضل على الأقل حاتتعرفى على ناس من لحم ودم و حاتقدرى تبصى فى عيونهم و انتى بتكلميهم و حاتقدرى تحكمى على الناس صح على الأقل مش حايقدروا يتخفوا بصفات مش فيهم حتى لو حكمك طلع غلط حاتتعلمى حاجه تفيدك فى حياتك ..........انطلقى فى الحياة مع شخصيات من لحم ودم و اجعلى النت له وقته المحدود وربنا يوفقك

 

 

[مدى]

مش موافقة يانانا...
مش موافقة بالمرة..
اي معنى الكلام ده..احنا بنهرج..
وحياة ربنا هتغابى عليكي انتي...

هقتلك لو عملتي كده..انتي حرة..


بشويش كده فهميني اي الحكاية ..كل حاجة ليها حل يابنتي...

حرام عليكم مش كده بجد..قلبي وجعني من الفراق وسنينه...








تعرفي ..لو عملتي كده هدعي عليكي...ايوة (من قلبي كمان)..
خلاص مدام الطيبة مش نافعة ..يمكن التوحش ينفع...

 

 

[gimy_gamaal]

اقتباس المشاركة الأصلية كتبت بواسطة Farida مش فاهمه اى حاجه لكن انا معاكى فى اى قرار يبعدك عن عالم المنتديات و النت عموما - النت ده ادمان بجد - انت شابه و المستقبل امامك و الواقع مهما كان مؤلم لكنه افضل على الأقل حاتتعرفى على ناس من لحم ودم و حاتقدرى تبصى فى عيونهم و انتى بتكلميهم و حاتقدرى تحكمى على الناس صح على الأقل مش حايقدروا يتخفوا بصفات مش فيهم حتى لو حكمك طلع غلط حاتتعلمى حاجه تفيدك فى حياتك ..........انطلقى فى الحياة مع شخصيات من لحم ودم و اجعلى النت له وقته المحدود وربنا يوفقك

انا مع راي مدام/فريده
بس لو كان قرارك بسبب انك وصلتي لمرحلة ادمان النت ... وعاوزه تتفرغي لحاجه مفيده فى حياتك زي الدراسه او دبلومه او ماجستير او حتي دكتوراه .... انتي ممكن تشاركينا فى احلامك وممكن كمان نساعدك (اللى هما اعضاء المنتدي طبعا مش انا) ... وكمان ممكن نشارك افراحك بنجاحك ..او نشجعك لو تكهكرتي .... وممكن ندعيلك كمان
على العموم .... ربنا يوفقك فى قرار تخديه

 

 

[valantino348]

لا

لالالالالالالالالالالالالالالالالا
أنا مش موافق نوهائيا خالص
ليه بس يا نانا والله إنتي عاملة حس للمنتدى وروحك حلوة وزي أختنا تماما
لو في حاجة مضيقاكي قولي ... ولو موضوع وقت نظميه ... بس كدة
إنما تسيبينا وتهجرينا ..... نوووووووووووووو

 

 

[af27_3]

شكرا للأخت نانا (ندى) على الأوقات الجميلة التى سعدنا فيها بوجودها معانا .... قرارك بعدم المشاركه فى المنتدى قرارك لوحدك فأنا مش هطلب منك تتراجعى عنه ولا هطلب منك تتمسكى بيه .....
ولكنى بشكرك على التواجد معنا وإستقطاع بعض من وقتك للمشاركه فى المنتدى ...
واتمنى لكى التوفيق ........و ألا يكون هذا القرار بضغط من أحد عليكى غير نفسك .... وأتمنى ألا تنسينا أو تتذكرى منا غير الأوقات الجميلة التى قضيتيها معنا .....
وبسلام الله

 

 

[دبور]

كل الاحترام طبعا لقرارك ده يا نانا و لكن ممكن تاخدى فترة تعتبريها اجازة من المنتدى و بعدين تقررى تستمرى أو لأ لكن قرار الانقطاع النهائى ده متستعجليش فيه و طبعا أولا و آخرا القرار قرارك . . و ربنا يوفقك فى كل الأحوال . .

 

 

[بنت شعنونة]

نانا
لو اتأذيتي
ابعدي عن "سبب" الاذي
بالطريقة اللي تريحك وتقيكي الشر




لحد ما تحسي انك تقدري تكملي تاني
ارجعي تاني












بس همسة على جنب
لأن ليكي معزة في قلب كل شخص داخلك الموضوع دا
ما تقطعيش بيهم
وخليها واحدا واحدا لحد ما الازمة تعدي
واحنا جنبك طول الوقت

 

 

[نانا]

اقتباس المشاركة الأصلية كتبت بواسطة سهيلة ليه يا نانااااااااااا بس عاوزة تمشى

اقتباس المشاركة الأصلية كتبت بواسطة سهيلة طب حد زعلك هنا واحنا موش هنسكت له صدقينى فكرى تانى يا نانا ولو حاجة مضايقاكى هنا لازم تناقشيها

والله يا سهيلة ما فيش حاجة مضايقاني ولا حاجة وانا وضحت دا في كلامي اللي فوق
وبحمد ربنا ان مش دا السبب لانني كنت هتعب جدا نفسيا لو كنت سيبت المنتدى بسبب خلاف او زعل مع حد لقدر الله
لكن دلوقتي انا حاسة اني خدت القرار بأكثر عقلانية وهدوء مع نفسي

ميرسي بجد يا سهيلة على حرصك على وجودي وسؤالك