ازاي تعرف انه مصر بتلعب ماتش؟

[بنت شعنونة]

الصحف المصرية والعربية

اول ما تخرج وتلاقي الشوارع فااااااااااااااااااااااااضية تعرف ان الماتش شغال

اول ما تدخل محل وتلاقي الناس بتبص للتلفزيون كده هو
على طريقة روتانا سينما مش هاتقدر تغمض عينيك تعرف ان الماتش شغال

اول ما تلاقي علم مصر او اعلام حمرا او اعلام بيضا تعرف ان الماتش قرب

اول ما تلاقي واحد سلبوتة عمال يتنطط على كبوت عربيتك والناس مبسوطة ومش زعلانة بل وبالعكس ممكن ناس تانية سواء لابسا او مش لابسا هدومها تنضم ليه في وصلة رقص بلدي او "بيئة" على كبوت او سقف عربيتك برضه

لو لاقيت تجمع ناس خرافي في ميدان او شارع مقفول بسبب ناس عمالة تطبل وترقص وتبخ نار في السما تعرف ان مصر كسبت

لما تلاقي كل الشباب بيلعبوا ماتشات طول اليوم تعرف ان الفرَة قربت

لما تطلبي حاجا من جوزك ويوافق في ثانية عشان يخلص منك يبقى هوا بيتفرج ع الماتش!

لما زوج خبط مراته على نافوخها بكوباية بسبب انها عدت قدام التلفزيون يبقى برضه كان بيتفرج ع الماتش


لما تلاقي التاس لبست "طراطير" عليها علم مصر او قبعات كوميدية بالوان علم مصر لو لونو وشهم او جسمهم يبقى الماتش قرب

لما تلاقي الكافيه زحمة وبالحجز من قبلها بيومين والسعر مضروب في اتنين يبقى الماتش قرب برضه


حد يكمل بقى

 

[fatfouta]

لما تلاقى المنتدى فاضى (على رأى حموش) وكل الناس مش موجودة

 

 

[مدى]

- لما تمري جنب قهوة وكافيه وتلاقي الناس فيه متجمعة وكأن عوكل بيحكلهم ان الإحتلال دخل مصر..!
- سواق التاكسي يفرض عليكي تسمعي معاه الشباب والرياضة ويناقشك فــ الماتش كماان غصب واقتدار..!

 

 

[oskasan]

لما الاقى ابنى بيذاكر لوحده من غير ما أمه صوتها يجيب آخر الشارع
ذااااااااااااااااااااكر
علشان مستنى ميعاد الماتش ويتفرج عليه

 

 

[Farida]

لما اروح من المنيل للهرم فى 10 دقايق بالتمام و الكمال و من غير ولا اشارة واحده توحد ربنا

 

 

[dr-amira]

لما اقعد فى الصيدلية ساعتين بالتمام ما فيش مخلوق يدخل من الباب

 

 

[بنت شعنونة]

لما تسمع صرخة واحدا من كل الجمهورية شبه صرخة برايف هارت في تحرير اسكتلندا











































هييييييييييييييييييييييييييييييييييييييييه

 

 

[بنت شعنونة]

لما اتصل بالدكتور بتاع بنتي عشان احجز معاد وفي العادة مواعيده من 4-8
الاقي التمرجي بيرد عليا
النهاردا ها نخلص الساعا 7 عشان الماتش

 

 

[dr-amira]

اقتباس المشاركة الأصلية كتبت بواسطة بنت شعنونة لما اتصل بالدكتور بتاع بنتي عشان احجز معاد وفي العادة مواعيده من 4-8 الاقي التمرجي بيرد عليا النهاردا ها نخلص الساعا 7 عشان الماتش

ما هو عشان كده ما حدش دخل الصيلية طول الماتش

 

 

[همستى]

لما تلاقى الطلبة فى الجامعة بيقولوا يا دكتور يالا بسرعة , وكفاية كدة , هو حضرتك مش ناوى تتفرج على الماتش ولا حضرتك مش بتشجع منتخب بلادك