الدراسات العليا ام المعادلة....!! ايهما افضل للصيادلة في كندا؟ - منتديات المطاريد
بسم الله الرحمن الرحيم
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ (84) وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِندَهُ عِلْمُ السَّاعَةِ وَإِلَيْهِ تُرْجَعُونَ (85) "الزخرف"

منتديات المطاريد | الهجرة الى كندا | الهجرة الى استراليا

 



BBC NEWS

    آخر 10 مشاركات

    العودة   منتديات المطاريد > شؤون المغتربين > الدراسة فى كندا واستراليا واوروبا

    الدراسة فى كندا واستراليا واوروبا المنتدى بإشراف Ehab Salem,Remon.soliman,Muhammad Gad

    الدراسة فى كندا واستراليا واوروبا

    الدراسات العليا ام المعادلة....!! ايهما افضل للصيادلة في كندا؟


    الهجرة إلى كندا والولايات المتحدة واستراليا

    مواقع هامة وإعلانات نصية

    إضافة رد
     
    أدوات الموضوع انواع عرض الموضوع
    قديم 24th December 2011, 03:08 PM mhelmi غير متواجد حالياً
      رقم المشاركة : 1
    Member





    mhelmi is on a distinguished road

    quest الدراسات العليا ام المعادلة....!! ايهما افضل للصيادلة في كندا؟

    أنا : mhelmi




    السلام عليكم ورحمة الله وبركاته
    انا لما فكرت اكتب الموضوع ده, كنت متردد ان الموضوع ممكن يكون مكرر او انه يكون طرح لسؤال واحد . وكنت فكرت اني اكتبه كسؤال في احد المواضيع في المنتدى.. لكن لقيت انه مش زي الاسئلة الخاصة باجراءات المعادلة او تفاصيل الهجرة.. فكرت انه من الصعب الاجابة على السؤال ده من خلال رد او مشاركة واحدة في احد المواضيع. لان الاجابة قد تكون نتاج تجربة لها ظروفها الخاصة..
    لذلك قررت انشاء الموضوع ده للتركيز على سؤال
    المعادلة ام الدراسة للصيادلة في كندا و لجمع اكبر قدر من الآراء و التجارب .
    الحقيقة انا لما استلمت الفيزا و بدأت اجهز ورق المعادلة كنت متخيل ان ده الطريق الامثل للصيدلي في كندا , لكن من خلال بعض المشاركات في المنتدى لقيت ان الموضوع مش سهل مليان مصاعب و كل خطوة اصعب بكتير من اللي قبلها.. بس فيه ماهو اخطر ... ان نتيجة المشوار ده غير مضمونة بنسبة كبيرة.. وان حتى في حالة الحصول على تصريح مزاولة المهنة في احد المقاطعات .. فان اصحاب العمل يرفضون تعيين صيادلة من المهاجرين قبل الحصول على شهادة من كندا. فكان من الضروري البحث عن حلول او خطط بديله
    بعدين فكرت في اتمام الدراسات العليا في كندا و محاولة الحصول على فرصة عمل في احد الجامعات او المركز البحثية الخاصة في كندا .ووجدت مواضيع كتير في هذا المنتدى ممكن الاستفاده منها.
    و الحقيقة انا كنت اعرف واحد بيدرس في احد الجامعات بكندا منذ فترة , وكنت اتكلمت معاه في موضوع الدراسات العليا في كندا و اجراءاتها . وبصراحة كان رأيه مفاجأة بالنسبة لي... هو قاللي ان الدراسات العليا في كندا مقلب كبير بالنسبة للمهاجرين و انهم حتى لو حصلو على الماجستير او الدكتوراة مبيلقوش شغل لان الاولوية بتكون للكنديين من حملة الماجستير و الدكتوراه و مبيفضلش اي فرص عمل للمهاجرين.
    انا طبعا مش عايز اسودها او احبط اي حد ممكن يكون اختار اي سكة من الاتنين... لان اي من الرأيين- او كليهما - ممكن يطلع غلط .. وعشان كده انا انشأت الموضوع ده.. ونظرا لاهمية الموضوع كونه موضوع مصيري بيحدد مسار حياتك في كندا , ولأن اي من الطريقين بيحتاج مجهود و فلوس و اهم من كل ده سنين من عمر المهاجر ..ارجو من كل لديه خبرة سواء اجتاز المعادلة او كل من اتم الدراسات العليا في كندا او اي حد عنده خبرة او معلومة انه يفيدنا
    علشان ميجيش الواحد يمشي في طريق طويل وفي الاخر يلاقي نفسه موصلش لحاجة.. انا عارف ان الشغل نصيب و ارزاق بس احنا عايزين نحط كل الاحتمالات ادامنا..


     

     

     


     
    رد مع اقتباس


    Latest Threads By This Member
    Thread Forum Last Poster Replies Views Last Post
    الدراسات العليا ام المعادلة....!! ايهما افضل... الدراسة فى كندا واستراليا واوروبا anona 23 23394 24th December 2011 03:08 PM

    قديم 24th December 2011, 03:53 PM صيدلى مصرى غير متواجد حالياً
      رقم المشاركة : 2
    صيدلى مصرى
    Member





    صيدلى مصرى is on a distinguished road

    افتراضي

    أنا : صيدلى مصرى





    رايى الشخصى ان الحصول على الدكتوراه فى كندا قد يفيد فى استخدام هذه الشهادة لو احنا راجعين مصر او اى دولة عربية للتدريس فيها انما هناك مش هتفيد زى ما زميلك قال وده انا ما عنديش معلومة مؤكده عنه لكن توقعته لانى فكرت فى نفس موضوعك وقررت انى اسلك طريق المعادلة.

    فى نقطة كمان مهمة قالها د/ احمد سيف لو مش بتحب اصلا موضوع الدراسات العليا يبقى الافضل تبعد عنه لانه مرهق ومتعب والعائد المادى بييجى متاخر جدا وممكن ما يجيش. فايه اللى يخلينا نمشى فى طريق احنا كارهينه كذا سنة يعنى هنعيد نفس سيستم مصر انما لو حد بيحب هذا الطريق فاكيد هيمشى فيه ويتحمل صعوباته.

    فى صيادلة كارهين الصيدلة وبيقولوا دخلوها غلط ومش ناوين يمارسوا الصيدلة فى كندا ويبداو كاريير جديد يعنى من العوامل المهمة فى تحديد قراراتنا لازم يكون حبنا او كراهيتنا للطريق اللى هنسلكه علشان كده قرارتنا ممكن تختلف.

    انا بالنسبة لى اخدت الماجستير فى الفارماكولوجى فى 7 سنين بسبب تعنت المشرفين وغبائهم وغيرى خلص فى 3 سنين بسبب الواسطة والقرايب والهدايا فربنا يسامحهم لكن عندى خبرة كبير فى البحث العلمى سنين بقه شغال فيه اقدر بسهولة انى احدد point للبحث وعارف طرق لتجميع كل حاجة عن الموضوع وعمل خطة لانهاء البحث وعندى خبرة فى طرق حقن الفئران ومسكها وحتى عمل
    surgery فيها والخياطة بعد انهاء العملية واتعلمت عمليات تانية من زملاء ومعيدين وسحب عينات دم من عين الفئران وفصلها وعمل كل التحاليل المتعلقة يعنى مش spectophotomety بس
    انما كمان ايليزا و
    flame ionization
    وفصل اجزاء من الفار زى الاورطى والكليتين و الكبد وغيره.

    والله جالى بحث لتحكيمه من مجلة عالمية كنا بننشر فيها بحث من رسالة الماجستير البحث جالى لانه قريب من الموضوع اللى كنت شغال عليه ( طبعا تحكيم مختلف عن تحكيم الاساتذة والاساتذة المساعدين قد يكون التحكيم المطلوب منى استشارى او لابداء الرى ) لكن لانى خلاص كنت كرهت هذا الطريق فاعتذرت للمجلة

    كرهت هذا الطريق كراهية مطلقة واخدت قرار وهو المعادلة حتى لو هتاخد سنتين او تلاتة.
    وفعلا بدات فى مذاكرة امتحان الايفاليوشين وانا سعيد لانى حابب هذا الطريق وعلى فكرة انا حاجز لامتحان يناير مع العلم انى لسه ما اخدتش التاشيره يعنى حتى لو ما لحقتش امتحان يناير ها دخل امتحان يوليو ان شاء الله وانا مش مكتئب او حزين انما لو سجلت للدكتوراه هاشتغل فيها وانا مكتئب لانى كاره هذا الطريق والسبب هو العذاب اللى شفته سنين على ايد المشرفين اللى حافر اسمهم فى دماغى علشان يمكن اقابلهم فى يوم من الايام وارد شوية من جمايلهم على.

    فى اعتقادى ان الحصول على وظيفة صيدلى بعد الترخيص اسهل بكتير من الحصول على وظيفة مدرس بشهادة الدكتوراه فى اى معهد او جامعة كندية انما فى كل الاحوال ممكن تحصل والتوفيق من عند ربنا.

     

     


     
    رد مع اقتباس

    قديم 24th December 2011, 05:04 PM حلم السفر غير متواجد حالياً
      رقم المشاركة : 3
    حلم السفر
    Member






    حلم السفر is on a distinguished road

    افتراضي

    أنا : حلم السفر





    اقتباس
    مشاهدة المشاركة المشاركة الأصلية كتبت بواسطة صيدلى مصرى
    رايى الشخصى ان الحصول على الدكتوراه فى كندا قد يفيد فى استخدام هذه الشهادة لو احنا راجعين مصر او اى دولة عربية للتدريس فيها انما هناك مش هتفيد زى ما زميلك قال وده انا ما عنديش معلومة مؤكده عنه لكن توقعته لانى فكرت فى نفس موضوعك وقررت انى اسلك طريق المعادلة.

    فى نقطة كمان مهمة قالها د/ احمد سيف لو مش بتحب اصلا موضوع الدراسات العليا يبقى الافضل تبعد عنه لانه مرهق ومتعب والعائد المادى بييجى متاخر جدا وممكن ما يجيش. فايه اللى يخلينا نمشى فى طريق احنا كارهينه كذا سنة يعنى هنعيد نفس سيستم مصر انما لو حد بيحب هذا الطريق فاكيد هيمشى فيه ويتحمل صعوباته.

    فى صيادلة كارهين الصيدلة وبيقولوا دخلوها غلط ومش ناوين يمارسوا الصيدلة فى كندا ويبداو كاريير جديد يعنى من العوامل المهمة فى تحديد قراراتنا لازم يكون حبنا او كراهيتنا للطريق اللى هنسلكه علشان كده قرارتنا ممكن تختلف.

    انا بالنسبة لى اخدت الماجستير فى الفارماكولوجى فى 7 سنين بسبب تعنت المشرفين وغبائهم وغيرى خلص فى 3 سنين بسبب الواسطة والقرايب والهدايا فربنا يسامحهم لكن عندى خبرة كبير فى البحث العلمى سنين بقه شغال فيه اقدر بسهولة انى احدد point للبحث وعارف طرق لتجميع كل حاجة عن الموضوع وعمل خطة لانهاء البحث وعندى خبرة فى طرق حقن الفئران ومسكها وحتى عمل
    surgery فيها والخياطة بعد انهاء العملية واتعلمت عمليات تانية من زملاء ومعيدين وسحب عينات دم من عين الفئران وفصلها وعمل كل التحاليل المتعلقة يعنى مش spectophotomety بس
    انما كمان ايليزا و
    flame ionization
    وفصل اجزاء من الفار زى الاورطى والكليتين و الكبد وغيره.

    والله جالى بحث لتحكيمه من مجلة عالمية كنا بننشر فيها بحث من رسالة الماجستير البحث جالى لانه قريب من الموضوع اللى كنت شغال عليه ( طبعا تحكيم مختلف عن تحكيم الاساتذة والاساتذة المساعدين قد يكون التحكيم المطلوب منى استشارى او لابداء الرى ) لكن لانى خلاص كنت كرهت هذا الطريق فاعتذرت للمجلة

    كرهت هذا الطريق كراهية مطلقة واخدت قرار وهو المعادلة حتى لو هتاخد سنتين او تلاتة.
    وفعلا بدات فى مذاكرة امتحان الايفاليوشين وانا سعيد لانى حابب هذا الطريق وعلى فكرة انا حاجز لامتحان يناير مع العلم انى لسه ما اخدتش التاشيره يعنى حتى لو ما لحقتش امتحان يناير ها دخل امتحان يوليو ان شاء الله وانا مش مكتئب او حزين انما لو سجلت للدكتوراه هاشتغل فيها وانا مكتئب لانى كاره هذا الطريق والسبب هو العذاب اللى شفته سنين على ايد المشرفين اللى حافر اسمهم فى دماغى علشان يمكن اقابلهم فى يوم من الايام وارد شوية من جمايلهم على.

    فى اعتقادى ان الحصول على وظيفة صيدلى بعد الترخيص اسهل بكتير من الحصول على وظيفة مدرس بشهادة الدكتوراه فى اى معهد او جامعة كندية انما فى كل الاحوال ممكن تحصل والتوفيق من عند ربنا.


    انا مش مصدق نفسى كنت فاكر انا الوحيد اللى اخدت ماستر فى الفارماكولوجى فى سبع سنين

    رائى فى الموضوع ده زى ما قال صيدلى مصرى بالظبط اذا كنت بتحب الدراسات العليا كمل فيها واذا بتحب مهنه الصيدله كمل فيها

    انا عن نفسى برغم انه طلع عينى وعين اللى جابونى فى الماستر هنا الا اننى بحب البحث العلمى جدا ولو حتى المقابل المادى ضعيف جدا بالمقارنه بمهنة الصيدله فانا ان شاء الله ناوى على طريق الدراسات العليا لانى بحبها جدا

    الواحد ممكن يمسك العصايا من النص
    ناوى ان شاء الله خطتى كالاتى
    اول ما انزل ادور على اى شغل ولكن بالاخص هدور على مهنة research assistant وبعد حوالى سنه اكون وقفت على رجلى هقدم على الدكتوراه وانا فى الدكتوراه هحاول امتحن الايفاليوشن وبعد ما اخلص الدكتوراه باذن الله امتحن الجزئ التانى

    كنت عايز اسئل صيدلى مصرى انت ناوى على انهى مدينه

     

     


     
    رد مع اقتباس

    قديم 24th December 2011, 05:05 PM mhelmi غير متواجد حالياً
      رقم المشاركة : 4
    mhelmi
    Member





    mhelmi is on a distinguished road

    افتراضي

    أنا : mhelmi




    انا اولا بشكر حضرتك على الرد... هو فعلا زميلي اللي في كندا قاللي بردو زي حضرتك ان الماجستير و الدكتوراة مفيده لو هرجع مصر او هروح الخليج ... مع اه بقاله في كندا اكتر من 10 سنين في الجامعة لا رجع مصر و لا راح الخليج..طبعا ده موضوع يخصه.. بس اللي يهمنا اننا نعرف حقيقة الموضوع اللي بنسأل عليه

    بالنسبة لحضرتك...انا مش عارف حضرتك في مصر دلوقتي و لا في كندا؟؟ ... وهل حضرتك تعرف نماذج لناس كملوا الدراسات العليا في كندا و اصطدموا بمشكلة التمييز ضد المهاجرين في التوظيف؟؟

     

     


     
    رد مع اقتباس

    قديم 24th December 2011, 10:43 PM صيدلى مصرى غير متواجد حالياً
      رقم المشاركة : 5
    صيدلى مصرى
    Member





    صيدلى مصرى is on a distinguished road

    افتراضي

    أنا : صيدلى مصرى




    !For Medical Professionals Only

    فى ناس كانت بتخلص فى مثلا 5 سنين انما كانت ظروفهم هى اللى بتضيع سنة او اتنين مثال بنات بتتجوز وتخلف فكانوا بياجلوا الشغل فى الماجستير سنة او اتنين او تلاتة انما انا ما كانش فى اى تقصير من ناحيتى انما العيب كان فى المشرفين.

    اتفق معك فى انك تكمل وتدرس الدكتوراة ما دمت بتحب المجال ده لكن فى صعوبة هتقابلك لو هتمشى فى الطريقين مع بعض المعادلة مع دراسة الدكتوراة لان اعتقد فى دراسة الدكتوراة فى كندا بيطلبوا شغل كتير منك وبتعمل سيمينارات كتير ولا حظ ان ده كله حول نقطة بحث واحدة يعنى وقتك كله هيضيع فى الكلية وبعد الكلية هيكون عمل وتجميع المعلومات المطلوبة منك لعرضها فى الايام التالية فممكن ما تقدرش على المعادلة مع الدراسة مع بعض لكن برده كل واحد ظروفه مختلفة وفى ناس ممكن تقدر على الاتنين مع بعض لكن اكيد هيتطلب مجهود خرافى وارهاق بدنى وضغط نفسى كبير.

    انا ناوى على كالجارى ان شاء الله

    وربنا يوفقك

    اقتباس
    مشاهدة المشاركة المشاركة الأصلية كتبت بواسطة حلم السفر

    انا مش مصدق نفسى كنت فاكر انا الوحيد اللى اخدت ماستر فى الفارماكولوجى فى سبع سنين

    رائى فى الموضوع ده زى ما قال صيدلى مصرى بالظبط اذا كنت بتحب الدراسات العليا كمل فيها واذا بتحب مهنه الصيدله كمل فيها

    انا عن نفسى برغم انه طلع عينى وعين اللى جابونى فى الماستر هنا الا اننى بحب البحث العلمى جدا ولو حتى المقابل المادى ضعيف جدا بالمقارنه بمهنة الصيدله فانا ان شاء الله ناوى على طريق الدراسات العليا لانى بحبها جدا

    الواحد ممكن يمسك العصايا من النص
    ناوى ان شاء الله خطتى كالاتى
    اول ما انزل ادور على اى شغل ولكن بالاخص هدور على مهنة research assistant وبعد حوالى سنه اكون وقفت على رجلى هقدم على الدكتوراه وانا فى الدكتوراه هحاول امتحن الايفاليوشن وبعد ما اخلص الدكتوراه باذن الله امتحن الجزئ التانى

    كنت عايز اسئل صيدلى مصرى انت ناوى على انهى مدينه

     

     


     
    رد مع اقتباس

    قديم 24th December 2011, 10:50 PM salamatarek غير متواجد حالياً
      رقم المشاركة : 6
    salamatarek
    Silver Member
     





    salamatarek has a reputation beyond reputesalamatarek has a reputation beyond reputesalamatarek has a reputation beyond reputesalamatarek has a reputation beyond reputesalamatarek has a reputation beyond reputesalamatarek has a reputation beyond reputesalamatarek has a reputation beyond reputesalamatarek has a reputation beyond reputesalamatarek has a reputation beyond reputesalamatarek has a reputation beyond reputesalamatarek has a reputation beyond repute

    افتراضي

    أنا : salamatarek




    اقتباس
    مشاهدة المشاركة المشاركة الأصلية كتبت بواسطة mhelmi
    انا اولا بشكر حضرتك على الرد... هو فعلا زميلي اللي في كندا قاللي بردو زي حضرتك ان الماجستير و الدكتوراة مفيده لو هرجع مصر او هروح الخليج ... مع اه بقاله في كندا اكتر من 10 سنين في الجامعة لا رجع مصر و لا راح الخليج..طبعا ده موضوع يخصه.. بس اللي يهمنا اننا نعرف حقيقة الموضوع اللي بنسأل عليه
    بالنسبة لحضرتك...انا مش عارف حضرتك في مصر دلوقتي و لا في كندا؟؟ ... وهل حضرتك تعرف نماذج لناس كملوا الدراسات العليا في كندا و اصطدموا بمشكلة التمييز ضد المهاجرين في التوظيف؟؟


    اجتمعت اراء الخبراء يا دكترة على التالى:

    1- الدكتوراه لو هاتاخدها فى كندا ومستوى درجاتك عالى جدا, وابحاثك متميزة الى درجة رفيعة بحيث انك تكمل شغلك فى التدريس فى كندا , تبقى فيها الدكتوراه ممتازة جدا, بس الكلام ده مش متاح لأغلبنا.

    2- الدكتوراه لو هتعملها ودرجاتك فى المتوسط زيى وزى أغلبنا, وكده كده مش هتشتغل فى التدريس , يعنى شغلك فى السوق, يبقى من الافضل انك تخلص دكتوراه وتطلع على الخليج طوالى, لانك هتبقى خبير اجنبى هناك لو معاك دكتوراه وجنسية كندية, انما لو قعدت بيها فى كندا, انت وظروفك , بس فى الأغلب الأعم مش هتساعدك قوى بنفس المجهود اللى انت بذلته فيها والوقت اللى قضيته فيها.

    3- الدكتوراه فعلا مجهدة جدا, وعايزة شغل كتير وتعب, بس عايزة واحد يحب العلم والبحث العلمى. لان الدكتوراه فى كندا فى المتوسط بتاخد مش أقل من اربع سنين وممكن توصل بسهوله الى خمسة او ستة سنين, وطبعا انت بتبعد فى المدة الطويلة دى عن شغل السوق, وعلشان ترجع تشتغل تانى فى السوق بيبقى غالبا فى شغل استشارى او R& D Research and Development .

    4- الماجستير لو هتعملها فى كندا ممكن ما تساعدكش كتير فى الحصول على فرص عمل زى ما احنا بنتخيل, بس بتخلى السى فى منظره أفضل نوعا ما, وممكن برضه مرتبك ما يفرقش كتير عن باقى الناس, بس فى بعض الاماكن مش كلها ممكن تديك أفضلية. وعموما الماجستير فى دراستها افضل فى العائد المادى على المدى الطويل كاستثمار من الدكتوراه, لان مدتها وتكالفها اقل وعائدها مقارب نوعا ما من عائد الدكتوراه ولو انه اقل فى احيان كتير ولكنه مقارب نسبيا نظرا لحجم الاستثمار اللى انت استثمرته فيها.

    5- الدكتوراه عموما طموح شخصى لا اكثر ولا اقل, ولا يجب مقارنته بالعائد المادى المرجو منها, لانه غالبا لن يوازى المجهود المبذول فيها, ولكنها بدون شك طموح جيد ومكانة اجتماعية مرموقة, ومش معنى كده انها مش هتجيب فلوس, لأ ان شاء الله ربنا هيكرمك اخر كرم على قد نيتك ومجهودك, بس مش على قد المجهود المبذول فيها لو انت هتقعد فى كندا. ودى مش قاعدة طبعا, فى ناس الدكتوراه بتفرق معاهم كتير جدا, ولكنى بتكلم على العموم.

    وانا مش بقول الكلام ده علشان الناس ماتحضرش, بس كان لازم الواحد يكتب عن الحقائق اللى الواحد عرفها من الناس اللى بتحضر هناك, واللى هيحسم الموضوع ده هو اللى ناوى يحضر لاننا كلنا ظروفنا مختلفة من واحد للتانى وطموحتنا وافكارنا كمان مختلفة, بس دائما مناقشة وعرض الافكار مع ناس كتير ويفضل يكونوا من خلفيات مختلفة دائما بيفيد.
    مع تحياتى

     

     


     
    رد مع اقتباس

    قديم 24th December 2011, 11:07 PM صيدلى مصرى غير متواجد حالياً
      رقم المشاركة : 7
    صيدلى مصرى
    Member





    صيدلى مصرى is on a distinguished road

    افتراضي

    أنا : صيدلى مصرى




    لو تقصد انه بقاله 10 سنين بيدرس للطلبة يعنى على درجة مدرس وبياخد مرتب من الكلية وبيدى محاضرات تبقى حاجة ممتازة وطبعا لازم ما يرجعش مصر لان ده مركز كويس جدا فى كندا والمرتب عالى وطبعا دى حالات نادرة بالنسبة للمهاجرين مع العلم ان مجال الهندسة فى كندا فيه مصريين كتير بيدرسوا فى الجامعات وواخدين مناصب كعميد كلية واعتقد فى مصرى رئيس جامعة وهو اصلا مهندس ومش عارف ايه السبب فى ان المهندسين عن غيرهم وصلوا لمناصب كبيرة فى كندا قد يكون السبب هو هجرة عدد كبير من المهندسين من الستينات اكتر من الصيادلة بكتير او قد يكونوا انشط مننا.

    لو تقصد ان زميلك لسه بيدرس الدكتوراه وبقاله فيها 10 سنين وما خلصهاش يبقى ده بياكد الكلام اللى بيقوله ان الدراسات العليا مش مجديه بدرجة كبيرة لانى مش عاوز استخدم كلمة مقلب كبير لان اكيد فى ناس بتدرس الدكتوراه وحابين اللى بيعملوه وهو اما فى طريق النجاح او فعلا نجحوا فى حياتهم.

    زى ما قلتلك فى اعتقادى اهم حاجة احنا بنحب ايه لاننا لو بنحب حاجة وطريقها صعب جدا حبنا للهدف هو الوقود اللى بيخلينا نمشى ونتحمل حتى الوصول الى الهدف اما كرهنا لاى حاجة بنعملها مش هيبقى فى اى وقود يخلينا نتحمل اى عقبة ولو بسيطة ومن الطبيعى اى طريق لازم يكون فيه عقبات.

    انا فى مصر وعملت اجراءات الهجرة وخلصت الميديكال ومستنى تاشيرة الهجرة وعندى امل كبير انى اخدها فى يناير بعد ما بعت ايميلات لهم واكدوا انهم هيطبعوا عدد كبير من التاشيرات فى اول اسبوع من يناير وربنا يسهل والحق امتحان 11 و 12 يناير2012

    للاسف ما عرفش اى حد خد الدكتوراه من كندا غير احد اقربائى وكملت فى نفس الجامعة فى حاجة زى فريق بحثى او ما شابه لكنها فى مجال تانى بعيد جدا عن الصيدلة وهى اصلا نشيطة وبتعرف تعمل علاقات عامة وشخصية قوية مع اللى حواليها.

    بالنسبة لمجالنا اعرف اتنين خدوا الدكتوراه واحد خدها من المانيا والتانى خدها من انجلترا لكنها كانت بعثات ورجعوا كليتهم وفارحانين بالقرشين اللى بياخدوهم من الجامعة واحد منهم اتنفخ قوى بعد ما رجع والتانى راح ورجع زى ما هو محترم ومهذب ومتواضع. وعلى فكرة حاسين بسعادة فى الحياة لانهم متاقلمين مع الحياة فى مصر يعنى السيستم حتى لو غلط فى نظر البعض بيكون صح وممتاز فى نظر البعض الاخر ولو كان السيستم صح فى نظرنا فى ناس كتير مش هتعرف تمشى معاه يعنى فى ناس كتير فى مصر اكتر مما نتصور هينضروا لو السيستم اتصلح ومثال لكده ان المناصب فى الجامعات زى رئيس الجامعة والعميد ورؤساء الاقسام تكون بالانتخاب ده سيستم صح كتير جدا بيكرهوه من المنتفعين من عدم وجود انتخاب.

    واعرف شخصيا كتير جدا خدوا الدكتوراه من مصر فى مجالات مختلفة طبعا شهادة اى كلام وبحث علمى اى كلام
    وعايشين فى الدور وبيلقطوا رزقهم منهم اطباء ومنهم خريجين علوم فى تخصصات مختلفة.



    اقتباس
    مشاهدة المشاركة المشاركة الأصلية كتبت بواسطة mhelmi
    انا اولا بشكر حضرتك على الرد... هو فعلا زميلي اللي في كندا قاللي بردو زي حضرتك ان الماجستير و الدكتوراة مفيده لو هرجع مصر او هروح الخليج ... مع اه بقاله في كندا اكتر من 10 سنين في الجامعة لا رجع مصر و لا راح الخليج..طبعا ده موضوع يخصه.. بس اللي يهمنا اننا نعرف حقيقة الموضوع اللي بنسأل عليه

    بالنسبة لحضرتك...انا مش عارف حضرتك في مصر دلوقتي و لا في كندا؟؟ ... وهل حضرتك تعرف نماذج لناس كملوا الدراسات العليا في كندا و اصطدموا بمشكلة التمييز ضد المهاجرين في التوظيف؟؟

     

     


     
    رد مع اقتباس

    قديم 24th December 2011, 11:26 PM صيدلى مصرى غير متواجد حالياً
      رقم المشاركة : 8
    صيدلى مصرى
    Member





    صيدلى مصرى is on a distinguished road

    افتراضي

    أنا : صيدلى مصرى




    الكلام ده هو الخلاصه فعلا .


    اقتباس
    مشاهدة المشاركة المشاركة الأصلية كتبت بواسطة salamatarek
    اجتمعت اراء الخبراء يا دكترة على التالى:

    1- الدكتوراه لو هاتاخدها فى كندا ومستوى درجاتك عالى جدا, وابحاثك متميزة الى درجة رفيعة بحيث انك تكمل شغلك فى التدريس فى كندا , تبقى فيها الدكتوراه ممتازة جدا, بس الكلام ده مش متاح لأغلبنا.

    2- الدكتوراه لو هتعملها ودرجاتك فى المتوسط زيى وزى أغلبنا, وكده كده مش هتشتغل فى التدريس , يعنى شغلك فى السوق, يبقى من الافضل انك تخلص دكتوراه وتطلع على الخليج طوالى, لانك هتبقى خبير اجنبى هناك لو معاك دكتوراه وجنسية كندية, انما لو قعدت بيها فى كندا, انت وظروفك , بس فى الأغلب الأعم مش هتساعدك قوى بنفس المجهود اللى انت بذلته فيها والوقت اللى قضيته فيها.

    3- الدكتوراه فعلا مجهدة جدا, وعايزة شغل كتير وتعب, بس عايزة واحد يحب العلم والبحث العلمى. لان الدكتوراه فى كندا فى المتوسط بتاخد مش أقل من اربع سنين وممكن توصل بسهوله الى خمسة او ستة سنين, وطبعا انت بتبعد فى المدة الطويلة دى عن شغل السوق, وعلشان ترجع تشتغل تانى فى السوق بيبقى غالبا فى شغل استشارى او R& D Research and Development .

    4- الماجستير لو هتعملها فى كندا ممكن ما تساعدكش كتير فى الحصول على فرص عمل زى ما احنا بنتخيل, بس بتخلى السى فى منظره أفضل نوعا ما, وممكن برضه مرتبك ما يفرقش كتير عن باقى الناس, بس فى بعض الاماكن مش كلها ممكن تديك أفضلية. وعموما الماجستير فى دراستها افضل فى العائد المادى على المدى الطويل كاستثمار من الدكتوراه, لان مدتها وتكالفها اقل وعائدها مقارب نوعا ما من عائد الدكتوراه ولو انه اقل فى احيان كتير ولكنه مقارب نسبيا نظرا لحجم الاستثمار اللى انت استثمرته فيها.

    5- الدكتوراه عموما طموح شخصى لا اكثر ولا اقل, ولا يجب مقارنته بالعائد المادى المرجو منها, لانه غالبا لن يوازى المجهود المبذول فيها, ولكنها بدون شك طموح جيد ومكانة اجتماعية مرموقة, ومش معنى كده انها مش هتجيب فلوس, لأ ان شاء الله ربنا هيكرمك اخر كرم على قد نيتك ومجهودك, بس مش على قد المجهود المبذول فيها لو انت هتقعد فى كندا. ودى مش قاعدة طبعا, فى ناس الدكتوراه بتفرق معاهم كتير جدا, ولكنى بتكلم على العموم.

    وانا مش بقول الكلام ده علشان الناس ماتحضرش, بس كان لازم الواحد يكتب عن الحقائق اللى الواحد عرفها من الناس اللى بتحضر هناك, واللى هيحسم الموضوع ده هو اللى ناوى يحضر لاننا كلنا ظروفنا مختلفة من واحد للتانى وطموحتنا وافكارنا كمان مختلفة, بس دائما مناقشة وعرض الافكار مع ناس كتير ويفضل يكونوا من خلفيات مختلفة دائما بيفيد.
    مع تحياتى

     

     


     
    رد مع اقتباس

    قديم 25th December 2011, 04:11 PM mhelmi غير متواجد حالياً
      رقم المشاركة : 9
    mhelmi
    Member





    mhelmi is on a distinguished road

    افتراضي

    أنا : mhelmi




    الف شكر يا دكتور على الايضاح ... واضح من ترتيب كلامك ان لك خبرة في البحث العلمي .. حضرتك بالفعل كلامك مفيد جدا

    اقتباس
    مشاهدة المشاركة المشاركة الأصلية كتبت بواسطة salamatarek
    3- الدكتوراه فعلا مجهدة جدا, وعايزة شغل كتير وتعب, بس عايزة واحد يحب العلم والبحث العلمى. لان الدكتوراه فى كندا فى المتوسط بتاخد مش أقل من اربع سنين وممكن توصل بسهوله الى خمسة او ستة سنين, وطبعا انت بتبعد فى المدة الطويلة دى عن شغل السوق, وعلشان ترجع تشتغل تانى فى السوق بيبقى غالبا فى شغل استشارى او R& D Research and Development .

    يمكن ده بالظبط هو هدفي من الدراسات العليا .. R&D .. ومش عارف اذا كان فرص العمل في المجال ده بعد الحصول الماستر او الدكتوراه سهلة و لا لا

     

     


     
    رد مع اقتباس

    قديم 25th December 2011, 05:23 PM محمد خلف غير متواجد حالياً
      رقم المشاركة : 10
    محمد خلف
    Member





    محمد خلف is on a distinguished road

    محمد خلف's Flag is: Canada

    افتراضي

    أنا : محمد خلف




    معرفش اهم حاجه من رايي انك تدرس و تا خد المعادله
    علشان تشتغل المهم الشغل

    كل الطرق تودي الي نفس النتيجه و هي الشغل
    وده راييييييييييييي والله لو المعادله سالمه يبقي خير
    بسسسسسسسسسسسسسسس لو سالكه
    حد يعرف ايه اخبار الاوسكي

     

     


     
    رد مع اقتباس

    إضافة رد

    مواقع النشر (المفضلة)

    الكلمات الدلالية (Tags)
    المعادلة, الدراسة, الدراسة فى كندا, الدراسه فى كندا, كندا

    الدراسات العليا ام المعادلة....!! ايهما افضل للصيادلة في كندا؟

    « الموضوع السابق | الموضوع التالي »
    أدوات الموضوع
    انواع عرض الموضوع

    الانتقال السريع

    المواضيع المتشابهه
    الموضوع كاتب الموضوع المنتدى مشاركات آخر مشاركة
    المعادلة الكندية للصيادلة Batman الدراسة فى كندا واستراليا واوروبا 3962 28th December 2020 08:18 AM
    الدراسات العليا في كندا ( افضل موضوع لشهر اغسطس 2010) أحمد سيف الدراسة فى كندا واستراليا واوروبا 2446 3rd July 2018 03:21 PM
    خوارج عن موضوع الدراسات العليا في كندا Raouf أرشيف الباب 12 9th March 2012 08:20 AM
    ايهما افضل...مطلقة ام عانس hoppa شؤون المرأة 55 28th January 2012 09:54 PM
    ايهما افضل yasovinas الموبايل والإتصالات وتكنولوجيا المعلومات 16 7th January 2011 07:37 PM

    Currency Calculator
    RSS RSS 2.0 XML MAP HTML


    Powered by vBulletin® Version 3.8.8
    .Copyright ©2000 - 2022, Jelsoft Enterprises Ltd
    (جميع الأراء والمواضيع المنشورة تعبِّر عن رأي صاحبها وليس بالضرورة عن رأي إدارة منتديات المطاريد)
    SSL Certificate   DMCA.com Protection Status   Copyright  
    منتديات المطاريد   Follow us on Google   لشراء مساحة إعلانية بالمطاريد  

    تنبيه هام

     يمنع منعاً باتاً نشر أى موضوعات أو مشاركات على صفحات منتديات المطاريد تحتوى على إنتهاك لحقوق الملكية الفكرية للآخرين أو نشر برامج محمية بحكم القانون ونرجو من الجميع التواصل مع إدارة المنتدى للتبليغ عن تلك الموضوعات والمشاركات إن وجدت من خلال البريد الالكترونى التالى [email protected] وسوف يتم حذف الموضوعات والمشاركات المخالفة تباعاً.

      كذلك تحذر إدارة المنتدى من أى تعاقدات مالية أو تجارية تتم بين الأعضاء وتخلى مسؤوليتها بالكامل من أى عواقب قد تنجم عنها وتنبه إلى عدم جواز نشر أى مواد تتضمن إعلانات تجارية أو الترويج لمواقع عربية أو أجنبية بدون الحصول على إذن مسبق من إدارة المنتدى كما ورد بقواعد المشاركة.

     إن مشرفي وإداريي منتديات المطاريد بالرغم من محاولتهم المستمرة منع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات وإن وجدت اى مخالفات يُرجى التواصل مع ادارة الموقع لإتخاذ اللازم إما بالتبليغ عن مشاركة مخالفة أو بالتراسل مع الإدارة عن طريق البريد الالكترونى التالى [email protected]