كيبورد عربي ....لمن ليس لديه كيبورد عربي .!!!

[Badroora]

الصحف المصرية والعربية

حبيت اوجب معاكم واللى معندوش كيبورد عربي قولت اجاملكم بيها
انتم بتكتبو كلام حلو بس للاسف مش كل الناس هنا مكحرته وبتعرف تقرا الكلام دا .. حتى المتكحرتين لازم يقعد يمءء عنيه عشان يفهم المكتوب
قولت اعمل ايه اعمل اجبلكم كيبورد عربي اصلي ..وعلى حسابي ويكش تولع وان شاله ماعن حدش حوش .. يلا بقي اكتبوا وانبسطوا وادعوا لاختكم نجفة ..بالستر والنبي ماشي

[web]https://www.islamweb.net/php/php_arabic/keyboard/keyboard.htm[/web]


لغتنا العربية

 

[toronto]

ربنا يسترك يا نجفة أصدي يا بدرية دنيا وآخرة و مايشمت فيكي عدو ولا حبيب..خدى من قلبي و صوري يابدرية يا بنت حوا وآدم..فوتك بعافية.

 

 

[Dr Ayman Kamel]

مجهود رائع وحليتى مشاكل كتير للناس اللى بتكتب الانجليزى بالطريقة العربية والكلام ليك ياعم احمد
ذاكر كويس وربنا معاك

 

 

[gadolly]

اقتباس المشاركة الأصلية كتبت بواسطة dr ayman kamel مجهود رائع وحليتى مشاكل كتير للناس اللى بتكتب الانجليزى بالطريقة العربية والكلام ليك ياعم احمد ذاكر كويس وربنا معاك

دعواتك يا دكتور ايمن, المشكلة مش في المذاكرة, المشكلة في تنسيق الريبورت اللي مش عارف انسقه, ما انتم خلاص عرفتوني, المشرف قاللي انت الريبورت مليناة معلومات بس عامل زي الكمبيوتر اللي بيهنج و تلاقي كل المعلومات ملخبطة علي بعضها و محدش فاهمها غيرك, انا بارده حاسس اني كتبه بالمشكلب, اهو باجي علي نفسي و بكتبه من الاول بنظام, بس مضايق اوي نفسي اكتب الفصل الاخير الاول

تصدق يا دوك, لما بكتب بحث علمي بكتب الكونكلوشن الاول و بعدين بطلع لقدام لحد المقدمة, مش عارف انا ليه كدة

 

 

[Dr Ayman Kamel]

اقتباس المشاركة الأصلية كتبت بواسطة gadolly دعواتك يا دكتور ايمن, المشكلة مش في المذاكرة, المشكلة في تنسيق الريبورت اللي مش عارف انسقه, ما انتم خلاص عرفتوني, المشرف قاللي انت الريبورت مليناة معلومات بس عامل زي الكمبيوتر اللي بيهنج و تلاقي كل المعلومات ملخبطة علي بعضها و محدش فاهمها غيرك, انا بارده حاسس اني كتبه بالمشكلب, اهو باجي علي نفسي و بكتبه من الاول بنظام, بس مضايق اوي نفسي اكتب الفصل الاخير الاول تصدق يا دوك, لما بكتب بحث علمي بكتب الكونكلوشن الاول و بعدين بطلع لقدام لحد المقدمة, مش عارف انا ليه كدة

بص ياد احمد
هديك طريقة جميلة
عنون الموضوع الاول اقرا كل باراجراف واديلة عنوان ولو هناك باراجراف مرتبط بالاول اعملة عنوان فرعى وكده لما المشرف يقرا الكلام يعرف من العنوان انت عايز ايه
واوعى تكتب عنوان وتتكلم تحته عن حته تانية بلاش ياعم الجاتوه والمخلل بالله عليك فى الموضوع ده بالذات
اما الابحاث فقل وتحدث ولاحرج لانى ناشر فى المجلات الاجنبيةوعارف بيفكروا ازاى
اولا abstract
لازم يبقى موفى موضوع البحث بالكامل
خللى بالك من عرض النتائج لازم مايكونشى زى الحانوتى فى السردلازم تسرد وتعقب وتعطى تفسير منطقى للنتائج وبعده العلماء اللى كانوا موافقين معك والمضادين لك فى كل نقطة
الابحاث للعلماء تكون حديثة جدا والmaterials and methods تكون مستخدم طرق حديثة
والله الموفق ولو محتاج مساعدة انا فى الخدمة
بس بالله عليك ازاى تكتب الاول الكونكلوشن وبعدين توصل فى الاخر للمقدمة اوعى تقول لى كمان انك بتسوق اى عربية لورا واوعى تقول لى انك بتذاكر الفرنساوى كده لاحسن تبقى حوسه