جاتوه بالمخلل - منتديات المطاريد
بسم الله الرحمن الرحيم
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ (84) وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِندَهُ عِلْمُ السَّاعَةِ وَإِلَيْهِ تُرْجَعُونَ (85) "الزخرف"

منتديات المطاريد | الهجرة الى كندا | الهجرة الى استراليا

 


BBC NEWS

    آخر 10 مشاركات

    العودة   منتديات المطاريد > الترفيه والفكاهة والسمر > خمسة فرفشة

    خمسة فرفشة طرى على قلبك ... ملعون أبو الهم

    خمسة فرفشة

    جاتوه بالمخلل


    الهجرة إلى كندا والولايات المتحدة واستراليا

    مواقع هامة وإعلانات نصية

    إضافة رد
     
    أدوات الموضوع انواع عرض الموضوع
    قديم 30th September 2008, 10:11 PM gadolly غير متواجد حالياً
      رقم المشاركة : 1
    Senior Member






    gadolly is on a distinguished road

    جاتوه بالمخلل

    أنا : gadolly




    ايوة انا كدة, و مرتاح كدة, و مش عايز اتغير, ما انا مبقاش جادوللي لو مشيت عدل, خلاص الناس اخدت عليا كدة. باكل حلو مع حادق, متسألش ازاي, من صغري لما كانوا يجيبوا جاتوه في البيت و انتم عرفني في الحلويات و خصوصا الايس كريم بتاع كندا كنت اول حاجة اعملها اجري علي التلاجة و ادور علي جبنة بيضة ناشفة اوي و حادقة و احطها مع الجاتوه و اكل الاتنين مع بعض, احلي حاجة يا جدعان و جربوها و ادعولي
    طيب حاجة تانية و من صغري كان لازم بسكويت اللمبادا مع شيبسي, و يا سلام لو شكولاتة كادبوري مع شيتوس و مملح, الله علي سوداني مملح و شيكولاتة كوفرتينا.
    انا كنت بحسب اني طبيعي, لحد لما لقيت الناس بتاكل الحادق الاول و بعدن الحلو, و انا الاتنين مع بعض, بس مش بستمتع لما اكل الحلو لوحده, او الحادق لوحده, مش عارف ليه. انا انسان عشوائي في كل حاجة, حاولت ابقي منظم معرفتش. مبدأي ان الوقت اللي حتاخدوا عشان تدور علي حاجة تايهة اقل من الوقت اللي حتنظم به حاجتك, و بعدين مش برتاح لما الاقي كتبي منظمة, بحس اني كسلان اقوم اجيب كتاب و اقراه, ما انا بحب القراءة بادمان, عمركم شفتم حد مدمن قراءة, ده كان من صغري, انا كنت بقرا في اي وقت و اي مكان. لما كنت بروح اجيب العيش و اقف في الطابور و كان عندي 13 سنة تقريبا كنت بجيب معايا كتب مصطفي محمود في طابور العيش و اقعد اقراها, كنت بتفرج علي التلفزيون و اقرا في نفس الوقت, انسان عشوائي و كان بابا و ماما يتخانقوا معايا, يابني يا قراءة يا تلفزيون, بس اعمل ايه هي كدة, جاتوة بالمخلل , الاتنين مع بعض, مش عارف ازاي, في المحاضرة كانوا العيال يقولك محدش يوعد جنب جادوللي عشان بيفضل طول المحاضرة يتكلم و نطلع مش فاهمين حاجة و هو فاهم, ازاي, ما هو نفس المبدأ, جاتوة و مخلل و طبعا المحاضرة هي المخلل.
    بس فيها ميزة, اتعلمت اعمل حاجتين في نفس الوقت, ما انا اجدع واحد اكروت و اقلب الحاجة, و دي مشكلة عندي انا معترف بيها, مش عارف ليه معنديش صبر اتقن الحاجة اللي بعملها, بحس ان المرئ بيتعبني لما اركز جامد اوي و دي حاجة نفسية و موضوع كبير و لي مقالة تانية
    جاتوة بالمخلل و كل حاجة كدة, انت ازاي بتحل الامتحان, اي امتحان, انا اقولك بحلوا ازاي, انا بفتح كل صفحات ورقة الاجابة و ارقم الاسألة فيها, و ابدأ احل من كل سؤال حتة لحد لما اخلص الامتحان, الاقي نفسي مخلص في نص الوقت و مش لاقي حاجة اعملها, ابدأ ساعتها اراجع من الاول, مش عارف ليه عندي علي طول وسواس ان في مصيبة حتحصل و لازم احل علي قد ما اقدر في اول نص ساعة, انسان عشوائي بس مرتاح كدة
    جاتوة بالمخلل, لما اقرا اي كتاب ببدأ من اخر فصل و بعدين ارجع للاول, و لما اذاكر يوم الامتحان ببدأ من اخر محاضرة, و اجي اسأل اي سؤال الاقي الولاد لسة في الاول طيب اعمل ايه, يقولولي انت خلصت مذاكرة اقولهم لا انا بدأت من الاخر, بس مرتاح كدة و غالبا الامتحان بييجي من الاخر
    بذاكر في الكلية و فاتح المنتدي و ارد علي الناس و بارده مرتاح كدة, ما هو جاتوة بالمخلل بارده و طبعا المنتدي هو الجاتوة
    طيب حاجة تانية انا الاوضة بتاعتي غريبة الاطوار, يعني المكتب كله مكركب و الكتب عليه و عمري ما ذاكرت علي المكتب و مش بعرف, بذاكر علي السرير و بكتب عليه, و في كتب عليه, و بحب انام جنب الكتب, ما هو انا ممكن اصحي في نص الليل و عايز اقرا اي حاجة ما هو ادمان, كان عندي واحد صاحبي في اعدادي بيذاكر معايا و لما خلصنا الامتحانات جالي و زارني في الاوضة و قاللي مبروك علي الكنبة الجديدة, قلت له كنبة جديدة ابه يا عم, الكنبة اللي انا قاعد عليهايا جادوللي, لا يا عم دي موجودة من اول السنة, و كانت فين, دي كانت مردومة تحت الكتب و عايزني انا انسق المنتدي, اديلو
    يا عم انا مرتاح كدة, بعد الجواز و الحكومة فاكرة نفسها مع انسان طبيعي, هم 3 او 4 شهور, اودة المكتب اصبحت لا تصلح للحياة الادمية, فيها كل ما تتخيله, ادوات الكترونية, كتب, ورق, كمبوتر قديم, ملحقات الكمبيوتر, كراتين انا نسيت فيها ايه بس اعتقد فيها حاجات مفيدة, اهو البت لما كبرت كانت الاوضة كنز بالنسبة لها, طيب اعمل ايه لما احب اقرا كتاب, هاجرت علي اوضة الانتريه, و طبعا ممنوع حد يدخل المكتب, عشان انا برمي الحاجة في مكان و بالسليقة المرة اللي بعدها بلاقيها, ييجي حد ينظم يلخبط نظامي اللي بيعتبروا عشوائية, اجي انا اولع, ما انا مش لاقي الحاجة اللي كانت تحت السرير, او الكتاب اللي فوق التلاجة, اة رقم التليفون اللي كان تحت المكواة عشان ميطرش, المهم هاجرت علي اوضة الانترية, و في خلال اشهر معدودة كانت الكتب علي الارض و حاجات تانية مش فاكرهاكانت في كل مكان, طبعا بعد معارك مع القوات الحكومية, الحمد لله لنتصرت و اخدت مكان حلو ورا الكنبة كان المفروض يتعمل دولاب حيطة, عملته مكتبة, بس ما ادراك مكتبة جادوللي, ما هي جاتوة بالمخلل, المكتبة تبدأ من الارض من غير ارفف و الكتب تترص لحد ما توصل لفوق, و كان عندي امل توصل للسقف بس سافرت قبل ما اشوف الحلم ده
    يااه, مكتبتي, احلي حاجة, احلي هدية عندي حد يجيب لي كتاب, و احلي وقت لما اقعد علي السرير و الكتب حواليا, و عمري ما استخسر في كتاب ابدا, لما جيت كندا لقيت الكتب المستعملة رخيصة, علي طول يا ولاد الدولاب بدأ يتملي, بس المرة دي قصص اطفال عشان بارده الفرنساوي مش اوي, بس بارده فيها موسوعات و روايات و حاجات تانية, و بدأت القعدة المشهورة علي السرير, بس جيت علي نفسي و حولت تلفزيون من فترة عشان احسن اللغة.
    جاتوة بالمخلل, لمبادا بالشيبسي, حلو علي حادق, تلفزيون و قراءة, شات و برامج كمبيوتر, هي دي حياتي.
    الحلقة اللي جاية ان شاء الله, ازاي كان اول بحث علمي ليا في النظم العشوائية في الاتصالات

     

    الموضوع الأصلي : جاتوه بالمخلل     -||-     المصدر : منتديات المطاريد     -||-     الكاتب : gadolly

     

     


    !Start Your Website Now

     
    رد مع اقتباس


    Latest Threads By This Member
    Thread Forum Last Poster Replies Views Last Post
    ملحوظة تسترعي الانتباه !! شؤون مصر الداخلية Mafia 25 3989 13th October 2010 12:18 AM
    هويتنا ام الهاوية الكندية الهجرة إلى كندا mohdsayed 144 15078 12th September 2010 12:00 PM
    شكرا لمن هاجمني !! أرشيف الباب fatma-solimane 85 8174 29th April 2010 06:39 PM
    أه يا بلد الهجرة إلى كندا tatola 22 4169 5th November 2009 06:00 AM
    تجربتي الشخصية بعد ثلاث سنوات في كندا مواضيع شخصية Moderator07 99 50477 21st October 2009 02:09 PM

    قديم 30th September 2008, 10:23 PM Badroora غير متواجد حالياً
      رقم المشاركة : 2
    Badroora
    Platinum Member
     






    Badroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant future

    افتراضي

    أنا : Badroora





    الجاتو بالمخلل ..ميعملش حموضة وغوممان نفس

     

     



     
    رد مع اقتباس

    قديم 30th September 2008, 10:53 PM galaxy غير متواجد حالياً
      رقم المشاركة : 3
    galaxy
    Silver Member
     






    galaxy is on a distinguished road

    افتراضي

    أنا : galaxy





    بمناسبه الحلو مع الحادق.............انا بحب موت اكل الشيكولاته مع الشاي ......بجد متعه.......مش عارفه بقي كدا ابقي مع حضرتك ولا ايه..........وممكن اول ما اكل حاجه حلوة اجري اجيب جبنه رومي اكلها بس مش معاها في نفس الوقت يعني بس عشان ساعات الحلاوة بتبقي زياده وساعات بقي مع الحاجه الساقعه اجيب الجبنه الرومي واشرب واكل في نفس الوقت.......دي بقي بتبقي تحفه..........بس مش لدرجه الجاتوه والمخلل والكومبايناشنز القويه دي ........يعني حالتي لا تتعدي اللي ذكرته.....ممكن اعيش بقي ولا ايه...........وممكن ياثر علي كيبك بقي ولا احول فيدرال.........؟؟

     

     



     
    رد مع اقتباس

    قديم 30th September 2008, 10:56 PM toota غير متواجد حالياً
      رقم المشاركة : 4
    toota
    Platinum Member
     





    toota is on a distinguished road

    افتراضي

    أنا : toota




    يا محاسن الصدف...لسه حالا واكله شوكلاته... وبعدها حليت بشيبسي.....انا بحب احدق ف الاخر دايما...ينفعش اكل حلو ومحدقش...نفسي تموع

     

     



     
    رد مع اقتباس

    قديم 30th September 2008, 10:58 PM toota غير متواجد حالياً
      رقم المشاركة : 5
    toota
    Platinum Member
     





    toota is on a distinguished road

    افتراضي

    أنا : toota




    !For Medical Professionals Only

    ونسيت اقول اني بعدها حليت بعصير تفاح....ونفسي مايعه...حدش عنده نصيحه اعمل ايه؟؟؟

     

     



     
    رد مع اقتباس

    قديم 30th September 2008, 11:44 PM gadolly غير متواجد حالياً
      رقم المشاركة : 6
    gadolly
    Senior Member






    gadolly is on a distinguished road

    افتراضي

    أنا : gadolly




    اقتباس
    مشاهدة المشاركة المشاركة الأصلية كتبت بواسطة galaxy
    بمناسبه الحلو مع الحادق.............انا بحب موت اكل الشيكولاته مع الشاي ......بجد متعه.......مش عارفه بقي كدا ابقي مع حضرتك ولا ايه..........وممكن اول ما اكل حاجه حلوة اجري اجيب جبنه رومي اكلها بس مش معاها في نفس الوقت يعني بس عشان ساعات الحلاوة بتبقي زياده وساعات بقي مع الحاجه الساقعه اجيب الجبنه الرومي واشرب واكل في نفس الوقت.......دي بقي بتبقي تحفه..........بس مش لدرجه الجاتوه والمخلل والكومبايناشنز القويه دي ........يعني حالتي لا تتعدي اللي ذكرته.....ممكن اعيش بقي ولا ايه...........وممكن ياثر علي كيبك بقي ولا احول فيدرال.........؟؟

    دي مرحلة بارده مهمة عشان توصلي للمرحلة الاخيرة
    بس المهم العشوائية و اللخبطة احوالهم ايه

     

     



     
    رد مع اقتباس

    قديم 30th September 2008, 11:46 PM gadolly غير متواجد حالياً
      رقم المشاركة : 7
    gadolly
    Senior Member






    gadolly is on a distinguished road

    افتراضي

    أنا : gadolly




    اقتباس
    مشاهدة المشاركة المشاركة الأصلية كتبت بواسطة toota
    يا محاسن الصدف...لسه حالا واكله شوكلاته... وبعدها حليت بشيبسي.....انا بحب احدق ف الاخر دايما...ينفعش اكل حلو ومحدقش...نفسي تموع

    جربي كدة حتة شيكولاتة و بعدها شيبسي و بعدين حتة شيكولاتة و شيبسي حتبقي احلي

    بس المهم بتحلي الامتحان ازاي, بالترتيب ولا بطريقتي

     

     



     
    رد مع اقتباس

    قديم 30th September 2008, 11:58 PM Batman غير متواجد حالياً
      رقم المشاركة : 8
    Batman
    Silver Member
     





    Batman is on a distinguished road

    Batman's Flag is: Canada

    افتراضي

    أنا : Batman




    اقتباس
    مشاهدة المشاركة المشاركة الأصلية كتبت بواسطة gadolly
    الوقت اللي حتاخدوا عشان تدور علي حاجة تايهة اقل من الوقت اللي حتنظم به حاجتك


    تصدق يا جادوللي عندك حق ، المقوله دي تنفع قول مأثور

     

     



     
    رد مع اقتباس

    قديم 1st October 2008, 12:18 AM gadolly غير متواجد حالياً
      رقم المشاركة : 9
    gadolly
    Senior Member






    gadolly is on a distinguished road

    افتراضي

    أنا : gadolly




    اقتباس
    مشاهدة المشاركة المشاركة الأصلية كتبت بواسطة batman

    تصدق يا جادوللي عندك حق ، المقوله دي تنفع قول مأثور

    ما دي من بادئي في الحياة

     

     



     
    رد مع اقتباس

    قديم 1st October 2008, 01:48 AM bosy غير متواجد حالياً
      رقم المشاركة : 10
    bosy
    Golden Member
     





    bosy has a reputation beyond reputebosy has a reputation beyond reputebosy has a reputation beyond reputebosy has a reputation beyond reputebosy has a reputation beyond reputebosy has a reputation beyond reputebosy has a reputation beyond reputebosy has a reputation beyond reputebosy has a reputation beyond reputebosy has a reputation beyond reputebosy has a reputation beyond repute

    افتراضي

    أنا : bosy




    ممكن اسالك سؤال؟
    لو مش عايز ترد براحتك
    انت متخرج من ايه؟

     

     



     
    رد مع اقتباس

    إضافة رد

    مواقع النشر (المفضلة)

    جاتوه بالمخلل

    « الموضوع السابق | الموضوع التالي »
    أدوات الموضوع
    انواع عرض الموضوع

    الانتقال السريع

    المواضيع المتشابهه
    الموضوع كاتب الموضوع المنتدى مشاركات آخر مشاركة
    جاتوه سريع للأطفال سهى يافا شؤون المطبخ 2 23rd April 2010 11:54 AM

    Almatareed is an Arabic discussion forum with a special interest in travel, study and immigration to Canada, USA, Australia and New Zealand Logo Map
    Currency Calculator
    RSS RSS 2.0 XML MAP HTML


    Powered by vBulletin® Version 3.8.8
    .Copyright ©2000 - 2019, Jelsoft Enterprises Ltd
    (جميع الأراء والمواضيع المنشورة تعبِّر عن رأي صاحبها وليس بالضرورة عن رأي إدارة منتديات المطاريد)
    SSL Certificate   DMCA.com Protection Status   Copyright  
    منتديات المطاريد   Follow us on Google   لشراء مساحة إعلانية بالمطاريد  

    تنبيه هام

     يمنع منعاً باتاً نشر أى موضوعات أو مشاركات على صفحات منتديات المطاريد تحتوى على إنتهاك لحقوق الملكية الفكرية للآخرين أو نشر برامج محمية بحكم القانون ونرجو من الجميع التواصل مع إدارة المنتدى للتبليغ عن تلك الموضوعات والمشاركات إن وجدت من خلال البريد الالكترونى التالى [email protected] وسوف يتم حذف الموضوعات والمشاركات المخالفة تباعاً.

      كذلك تحذر إدارة المنتدى من أى تعاقدات مالية أو تجارية تتم بين الأعضاء وتخلى مسؤوليتها بالكامل من أى عواقب قد تنجم عنها وتنبه إلى عدم جواز نشر أى مواد تتضمن إعلانات تجارية أو الترويج لمواقع عربية أو أجنبية بدون الحصول على إذن مسبق من إدارة المنتدى كما ورد بقواعد المشاركة.

     إن مشرفي وإداريي منتديات المطاريد بالرغم من محاولتهم المستمرة منع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات وإن وجدت اى مخالفات يُرجى التواصل مع ادارة الموقع لإتخاذ اللازم إما بالتبليغ عن مشاركة مخالفة أو بالتراسل مع الإدارة عن طريق البريد الالكترونى التالى [email protected]