برامج الترجمة الالية

[تامر احمد]

الصحف المصرية والعربية

برامج الترجمة الاليةاو الترجمة بواسطة الكمبيوتر...
machine translation
المقالة 1 :

نجحت فى ترجمة النصوص العلمية.. لان هذه النصوص لها مصطلحات محددة ثابته.. مثل atom ذرة.. factor عامل..converter محول.. wavelength طول موجة
debunching of electrons تفرق الإلكترونات

deposite dose جرعة مترسبة
.....الخ
واهميتها لو عايز تعرف معنى الكلمة او المصطلح باى لغة هتعرف فى ثوانى وهتستغنى عن البحث ف عشرات المراجع او القواميس.. يعنى هتوفر وقتك ومجهودك وفلوسك

 

[ابتسامــة]

بلاشك تنجح مثل هذه البرامج في ترجمة
التعريفات والمصطلحات والكلمات وكما أسلفت
أخي الكريم توفر وقت ومجهود كبيرين...

لكنها لا تصلح أبدا لترجمة نص كامل لانها
تعتمد على الترجمة الحرفية للكلمات
وبالطبع لو كان النص أدبياً تصبح ترجمته
نوع من العبث المثير للضحك والحنق أحيانا

 

 

[تامر احمد]

اقتباس المشاركة الأصلية كتبت بواسطة ابتسامــة بلاشك تنجح مثل هذه البرامج في ترجمة التعريفات والمصطلحات والكلمات وكما أسلفت أخي الكريم توفر وقت ومجهود كبيرين... لكنها لا تصلح أبدا لترجمة نص كامل لانها تعتمد على الترجمة الحرفية للكلمات وبالطبع لو كان النص أدبياً تصبح ترجمته نوع من العبث المثير للضحك والحنق أحيانا

بالعكس.. هى تصلح لترجمة نص كامل ايضا .. وخاصة البرامج المستخدمة للانجليزى والفرنساوى
جربى مثلا برنامج prompt او trados او babylonبين النصوص للانجليزى والفرنساوى هتنزهلى من الدقه
دا بيتطلب ادخال اكبر عدد ممكن من المصطلحات والامثال.. الخ الى قاعدة بيانات البرنامج .. ويفى الحالة دى.. عمليا هتبقا الترجمة سليمة
مشكلة الترجمة الالية حاجة واحدة.. لا يوجد برنامج حتى الان يضم كل المصطلحات الخاصة بلغة معينة فى قاعدة بياناته.. المصطلحات تتجاوز عشرات الالاف مصطلح .. بس دى مسالة وقت

 

 

[nasrfathy]

السلام عليكم
كلام الاستاذ تامر مضبوط بس في حاجخ مهمه جدا صعب اي برنامج يكتسبها الا وهي spirit of Language روح اللغه ودي حاجه متوفره في الانسان بس وتحياتي لكم جميعا

 

 

[حسام]

الاخ الفاضل تامر
يعنى لو عندى مقال مكتوب بالعربية
أو الانجليزية
ممكن أترجم فقراتة فقرة فقرة الى الفرنسية أو الاسبانية أو الالمانية؟
ماتتصورش الموضوع دة يهمنى قد اية
وألف شكر لموضوعاتك ومشاركاتك الجميلة

 

 

[تامر احمد]

اقتباس المشاركة الأصلية كتبت بواسطة حسام يوسف الاخ الفاضل تامر يعنى لو عندى مقال مكتوب بالعربية أو الانجليزية ممكن أترجم فقراتة فقرة فقرة الى الفرنسية أو الاسبانية أو الالمانية؟ ماتتصورش الموضوع دة يهمنى قد اية وألف شكر لموضوعاتك ومشاركاتك الجميلة

طبعا لو عندك مقال مكتوب بالعربية
أو الانجليزية
ممكن تترجمة الى الفرنسية أو الاسبانية أو الالمانية
ودى اهم البرامج لترجمة النصوص :
prompt
babylon
trados
le dictinnaire

 

 

[حسام]

ومستوى الترجمة بيبقى محترم؟
ولا ركيك يا أخ تامر؟

 

 

[تامر احمد]

اقتباس المشاركة الأصلية كتبت بواسطة حسام يوسف ومستوى الترجمة بيبقى محترم؟ ولا ركيك يا أخ تامر؟

بص يا دكتور حسام..مع انى جيد ف ال e , f واقدر بسهولة افهم المكتوب
الا انى بفضل اترجم دايما للعربى باستخدام برامج ترجمة النصوص

برنامج الترجمة trados تمنه الاف الدولارات وممكن تنزله من على النت باستخدام خاصية البحث بكتابة مثلا:
download trados
تحميل trados
....الخ
ودا افضل مترجم الى ع الاطلاق وافضل حتى من المواقع اللى بترجم زى مواقع جوجل ومكروسوفت
وهو متوافر بكل اللغات اللى انت قلتها شامل العربى

www.babylon.com ممتاز ايضا وهو متوافر بكل اللغات اللى انت قلتها شامل العربى
وممكن تنزل البرامج م الموقع

www.prompt.com ممتاز ايضا وهو متوافر بكل اللغات اللى انت قلتها الا العربى
وممكن تنزل البرامج م الموقع

برنامج الوافى الذهبى EA
برنامج الكافى EAE

الترجمة بين اللغات اللاتينية ممتازة

ولكن من والى العربى ليست سليمة 100 ف ال 100

 

 

[حسام]

لو الموضوع زىماحضرتك بتتكلم يا أخ تامر
يبقى ماتتصورش انت خدمتنى قد اية
أنا بجهز لانى اعمل موقع اعلامى اعلانى سياحى عن اسوان
ومش بعرف الا انجليزى
وحبة فرنساوى
ألف ألف شكر لاهتمامك ومساعدتك
ربنايقدرناونرد جمايلك
تقبل خالص تحياتى وشكرى

 

 

[bontasio]

طيب هل ف الحاجات دى ممكن اترجم مواقع ؟؟ خصوصا من الصينيه للعربي او الانجليزى