قفا العيد اسعاد يونس - منتديات المطاريد
بسم الله الرحمن الرحيم
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ (84) وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِندَهُ عِلْمُ السَّاعَةِ وَإِلَيْهِ تُرْجَعُونَ (85) "الزخرف"

منتديات المطاريد | الهجرة الى كندا | الهجرة الى استراليا

 


BBC NEWS

    آخر 10 مشاركات
    ♥♥♥♥ عمار يا كندا ♥♥♥♥
    (الكاتـب : Ehab Salem ) (آخر مشاركة : gogty)
    نصيب مصر من حقل ظهر صفر%
    (الكاتـب : حشيش ) (آخر مشاركة : اسلام عبده)

    العودة   منتديات المطاريد > إعلام وثقافة وفنون > صحافة ... إعلام ... سينما ومسرح

    صحافة ... إعلام ... سينما ومسرح وسائل إعلام مسموع ومقروء ومرئى

    صحافة ... إعلام ... سينما ومسرح

    قفا العيد اسعاد يونس


    الهجرة إلى كندا والولايات المتحدة واستراليا

    مواقع هامة وإعلانات نصية

    إضافة رد
     
    أدوات الموضوع انواع عرض الموضوع
    قديم 15th October 2008, 09:21 AM brain غير متواجد حالياً
      رقم المشاركة : 1
    Brigadier General
     





    brain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond repute

    افتراضي قفا العيد اسعاد يونس

    أنا : brain




    * أصاب بحالة عصبية وهلوسة سمعية من كلمة " وانا صغير ".. وقد جرت العادة أن تتصدر هذه الكلمة ما يطلق عليه البعيد المونولوج في فن التمثيل.. والمونولوج هو حالة الثبات في الدراما.. تلاقي سعادتك الأحداث في المسلسل ماشية في أمان الله.. ثم فجأة تتوقف.. وجميع الممثلين يتركنوا عالحيط.. و يتنحنح البطل أو البطل مستعيذا بالله من الشيطان الرجيم بينما المخرج ينذر الجميع " بس ياجدع منك ليه روحوا العبوا في الحوش شوية.. المدام أو الأستاذ حايرقعوا مونولوج وانا صغير علشان دورهم يطول حبة".. ويبدأ الأستاذ في الخنفرة و الشنفرة بينما تقترب الكاميرا في بطء خبيث من فتحة مناخيره اللي حاتوسع وتضيق مع التهدج والشحتفة.. وتتسحب الموسيقي من تحت لتحت علشان تعمل بطانة للمشهد بينما يبدأ البعيد المونولوج " وانا صغير.. كنت بشوف العيال الأغنيا ولاد الكلب وهم بياكلوا كونو ويشربوا ميلك شيك في النت كافيه اللي في الحارة وانا واقف فقير ببربور عمال اقول في عقل بالي الله يحرقكوا بجاز وسخ.. لما اكبر حاعمل جريمة واضرب كوللا عشان انتقم للمجتمع الخ الخ.." بينما الممثل اللي ملطوع عالحيطة مطلوب منه يعبر بوشه كل شوية مرة صعبان عليه ومرة مندهش و مرة مستاء وهلم جرا.. وطبعا المخرج في محاولة يائسة لقتل الملل بيلعب بالكاميرا.. مرة هي تلف حوالين الممثل أبو وانا صغير.. ومرة هو يلف حواليها وفجأة ييجي مسلطح قفاه للأخ اليتيم اللي واقف بيعبر جنبه أو ييجي من وراه ويصطاد صرصور ودنه كأنه حايعضه م القرقوشة.. تنتقل الكاميرا لتصورني أنا بقي وانا بتمزع م الضحك أو السأم..

    * وقد فطن الأشرار اللي حواليا لحالة الهلوسة والزنهرة التي تصيبني من سماع كلمة " وانا صغير " فأصبحوا يتربصون بي.. أول ما اعمل حاجة ما تعجبهمش ييجي الواحد فيهم مستخبيلي في الدرة وطالعلي فجأة.. وبدل ما يقول بخ يقوم قايل " وانا صغير ".

    * الزوم زوم زوم

    * ياجماعة كان فيه مسلسل في رمضان شهير بالزووووووم إن والزووووووم أوت.. تتفرج عليه فتشعر إن المخرج ماسك نبوت ببزابيز ونازل هبد في لبدة دماغ المصورين.. أو تشعر إن المصور من دول ماسك الكاميرا وواقف في حلبة مصارعة التيران.. ومش واخد باله إن التور وراه.. وكل ماييجي ممثل يتكلم يقوم التور فاقع المصور بالشلوت في لا مؤاخذة مؤخرته.. يقوم زاقق العدسة في حركة زوووم إن عصبية الي وش الممثل.. ييجي الممثل التاني يتكلم علي كاميرا تانية.. يكون التور هو هو شيع الشلوت في مؤخرة المصور الزميل التاني.. يعني الليلة كلها شلاليت..

    * وقد علمت مؤخرا أن هذا المسلسل كان ضمن حملة ترويجية لعيادات أطباء العيون اللي كانوا واخدينه سبونسر.. حيث ان اللي اتفرج علي المسلسل خرج منه أحول حول من النوع النادر.. يفوق نوع علي الشريف الله يرحمه.. و ان اليونسكو أنشأ معهد أبحاث خاصا بهذا الحول المصري النادر اللي جاي من شلاليت التيران للمصورين والتي تسببت زومات إنهم وأوتهم في طرد كل نني عين من الوسط الي الطرف الخارجي للعين.

    * لأ.. دكر ياله

    * والدكرنة التي أعنيها هنا تسري علي النساء والرجال.. حيث تكررت ظاهرة استعراض الدكرنة الجامدة قوي في برامج رمضان..

    * فأثناء تحضير هذه البرامج كان مقدم البرنامج يفكر ويفكر في كيفية استعراض عضلاته مع نوعيات الضيوف.. طب حايجيب مسئولين مش حايعرف يروح ولا ييجي فيهم.. وان عمل حدق ودكر مرة مش حايعملها التانية.. المسئول حايلبه.. يا إما بالكلام.. يا إما بأنه يعطلله مصلحة عايز يعملها من تحت الترابيزة.. ماهو مافيش مقدمين برامج خالصين لوجه الله.. كل واحد عنده بيزنس في حتة أو مزقوق ومسنود من حد.. أو موجه من جهة أو نشاط.. أو قريب حد بيظبط حد تاني.. كده يعني..

    * طب يجيب شخصيات عامة من عينة مرتضي منصور مثلا.. الدكرنة حاتقلب نونوة ومرتضي حايصول ويجول ويطلع ارقام محاضر ويفقد أعصابه واللجام حايفلت من المقدم وحاتنتهي الحلقة ببونية لابسة في خلقة حد.

    * طب يجيب شخصيات علمية ودكاترة ذرة وبتاع ده؟.. مش فقرة مشوقة والناس بعافية شوية مع المواضيع العلمية.. ده مش بعافية شوية.. ده بعافية كتير قوي.. ده إحنا في عصر القرية الذكية اللي في شرم الشيخ.. ومدرسة ثانوي اللي ردت علي سؤال " مين اللي بيتحرك في الوش؟.. الفك العلوي واللا السفلي؟ " فردت بمنتهي الثقة وهي تعدل الحجاب علي راسها " بسم الله الرحمن الرحيم.. الإجابة.. لا ده ولا ده.. اللسان حضرتك هو اللي بيلعب في البق فبيحرك الوش!! ".. يبقي مش حاينفع.

    * طيب نجيب مين؟ نجيب مين؟.. نجيب بنات مطشربات ( الشين هنا مقصودة ) أهي تبقي مزة تتمايص شوية ويسألوها " سمعنا إنك بعد الجواز مش حاتمثلي تاني ".. فتنتفض المزة خابطة علي صدرها " يا خبر.. مش ممكن.. استشحالة.. أنا ما اقدرش استشغني عن السينما.. ولا السينما تقدر تستشغني عني ".. ثم تنظر للكاميرا " اطشمئن يا جمهوري الحبيب.. إنا قاعدشالك قاعشدالك.".. " طب والنبي يا مزة غنيلنا حاجة نختم بيها " فتمسك بالميكروفون وتتنحنح " طشيب.. حاغني غنوة غريب الدار واهديها لروح الأستشاذ فلان الله يرحمه.. وتبدأ في بعيد عنكم اللي ما يتسماش غناء.. فاصل من التزييق والخنفان.. مش ماشية مع النوتة الموسيقية خالص.. لكن ماشية علي شريط ترماي مصدي مجنزر مجلخ مألعط.. و الأستشاذ فلان بيتدألج في تربته.

    * طب برضه الموضوع مافيهوش دكرنة.. طب نجيب مين؟.. نجيب حد ندبحه.. نعمل عليه أشرف من الشرف مافيش.. نغازل بيه الجماعات و أنصار الحركات إياها.. ندعي علي جثته اننا مثاليين ما تطلعش مننا العيبة.. نوري من خلاله إننا ولاد ناس هاي بناكل الفول بالشوكة والسكينة.. وان بابا و ماما بيحبونا والمجتمع والناس.. نجيب حد ننحره عالهوا ونفرج عليه الخلق.. نجيب الفنانات الاستعراضيات.. خد عندك بقي.. لوسي.. روبي.. دينا.. بوسي سمير.. دانا.. مروة.. وهلم..

    * وتأتي الضحية العبيطة لتجلس علي كرسي التهزيء فاهمة إنها كده بتتنجم..

    واختنا المقدمة او اخونا المقدم يتعدللها.. ويسن سنانه.. ويطلعله ريش قنعرة فجأة واضعا رجلا علي رجل وعاقدا يديه علي ركبته مقلدا الأفاضل ويبدأ الحوار:

    أحب أقدملكوا الراقصة فلانة.. وأضيف معلومة مهمة جدا.. بترقص.. و معلومة أهم حصل عليها فريق البحث بالبرنامج.. بترقص ببدلة رقص.. عشان تبقوا عارفين يعني.. والفنانة الاستعراضية علانة.. وحاندخل معاهم في حوار عشان نعلمهم الأدب ونربيهم لأن أهلهم ما ربوهومش.. ونحطهملكم علي السفرة.. فكل واحد يطلع سكينته عشان حانقطع الضحية سوا ونثبت إن احنا أخلاقنا أحسن ومؤدبين.. فيا جماعة لو سمحتوا.. اللي ناقصة رجولة.. واللي ماعندوش ثقة في نفسه ومهزوز وحاسس إنه ضايع في المجتمع ومراته بتديله بالشبشب.. والوحشة ام ضب المنكادة المقهورة اللي مش لاقيه حد تنفس فيه حقدها.. واللي رئيسه في العمل ماسح بيه بلاط المصلحة.. واللي عايز يقدم ورق اعتماده لأمير جماعة ما متخفي في جينس وتي شيرت.. واللي بيدور علي شماعة يعلق عليها عجزه السياسي والجنسي.. واللي بيرتكب كل موبقات الدنيا من نميمة ورشوة ونصب وسمسرة واختلاس وتبديد وتحرش جنسي بس بيصللي الخمس فروض وبيعمل مجهود سنوي جبار عشان يطلع عمرة ويعمل شوبنج.. الي كل هؤلاء.. هيا الي الوليمة:

    انت رقاصة.. ومش كده وبس.. وياللعجب بترقصي ببدلة رقص.. وبتعملي إيحاءات قليلة الأدب لأنك بتترقصي.. المفروض تطلعي محتشمة وتقفي زي عسكري الدورية وتعلقي يافطة علي صدرك بتقول " علي فكرة انا برقص.. بس انتو مش واخدين بالكو " ويطرحوا سؤالا تاريخيا مهما " الرقص فن؟؟" وابنك عارف انك بترقصي؟ واصحابه بيقولوله ايه؟ ماما رقاصة؟ والمدرسين بيقولولك ايه؟ يامدام رقاصة؟ وبتمشي في الشارع كده وسطينا احنا الشرفاء وانت رقاصة؟ وبتدخلي السوبرماركت الشريف تشتري بطاطس وانت رقاصة؟ والبطاطس اللي بتشتريها دي قابلة إن تطبخها واحدة رقاصة؟ والناس عارفة إنك رقاصة وسايبينك كده؟ ماحدش بيقتلك ولا حاجة؟

    ثم ينهي البرنامج وهو يلعق صوابعه المتعاصة دم قائلا " كنا مع الرقاصة.. وأعتقد إننا خرجنا بنتيجة مهمة جدا.. عقدناها في عيشتها وغالبا حاتخرج من هنا تنتحر.. وهنا نصبح قد حققنا هدفنا من هذا اللقاء.. حيث ستنتهي بانتحارها معظم مشاكلنا.. سيختفي الانحلال والفساد وتنخفض معدلات البطالة والعطالة والنطاعة والبلطجة.. وستتقلص نسبة أطفال الشوارع ماهما معظمهم ولاد رقاصات.. وسينتهي زني المحارم والزواج العرفي وقضايا إثبات النسب أو إسقاطه.. وستنقرض الرشوة والمحسوبية وحتي الشاي سعره حاينزل.. وستتلاشي البرامج الدينية اللي ماوراهاش شغلانة غير تحريم الفن وتكفير كل من ترتدي تي شيرتا عليه صورة مهند.. وكمان مافيش عبارات حاتغرق تاني.. ومجلس الشوري حايتبني من جديد.. وكذلك المسرح القومي.. والغاز الطبيعي سعره حايبقي ف السما.. بينما حاينزل في الأرض سعر الكوسة والقرع والأتة.. ومافيش سواح حايتخطفوا.. والهجرة غير الشرعية ستتوقف.. العيال حا يكنوا في بيوت أهاليهم ويرضوا بشظف العيش.. ماهو برضه عيش بس ما بيتصرفش في طوابير انتحارية..

    * بالمناسبة: نوجه هذا النداء للسيد الدكتور نقيب المهن التمثيلية.. لو سمحت تجرجر الرقاصة دينا من شعرها وتاخدها عالنقابة تحقق معاها.. ليه يا جماعة؟.. ما هو حصل حادث تحرش جنسي جماعي في شارع جامعة الدول العربية تاني أيام العيد السنة دي.. طب وهي مالها؟.. أهه كده وخلاص.. أمال يعني الموضوع حايعدي كده؟.. هاجوا من نفسهم يعني؟.. وعلي بنات الوطن العاديات اللي لابسين عادي وغالبا متحجبين؟.. تلاقيهم كانوا ماشيين في أمان الله وواحد فيهم قال " دينا " راحوا طايحين في ولاد الناس.. " أيوه بس هي مالهاش دعوة بتحرش السنة دي ".. يعني هي كان ليها دعوة السنة اللي فاتت.. إحنا مش متفقين إن دينا دي هي رمز تعليق الشماعة وخلاص؟.. دي رقاصة يابني.. رقاااااااااصة.

    * الرشوة

    * من ضمن التمثيليات اللي بنمثلها علي بعض طول النهار.. بس ما بتطلعش في مسلسلات رمضان.. إن الرشوة حالة استثنائية.. عشان كده اللي بيتقفش بتتعملله قضية.. اللي رشا واللي اترشي.. بس اللي مش عايزين نواجه بيه نفسنا إن الموضوع أصبح قانون التعامل الوحيد في كل المواضيع خصوصا إن المواطن بيبقي عايز حاجة من حقه.. مش عايز حاجة مش شرعية.. فاضل إن المواطن بدفع رشوة عشان عايز يتنفس.. مش بيشفط أوكشوجين الحكومة؟

    * شوفولكوا حل.. يا إما اللي يتحاكم طرف واحد بس.. والتاني يتوجه له خطاب شكر.. يعني نحبس المرتشي ونبوس الراشي.. أو العكس.. نحبس الراشي.. والمرتشي نبوسه في بقه.. أو نحبس الشعب كله.. أو نعترف إن الموضوع خرج من يد السلطة.. ونواجه نفسنا بقي.. النعام نفسه بطل يدفن وشه في الرمل.

    * الشعب جعان يا رجالة

    تلاتة مليون أسرة جعانة في مصر؟ بمتوسط الأسرة خمس أشخاص.. وده مش حقيقي طبعا لأن الطبقة الفقيرة سايقة الهبل وعمالة تزرب في عيال.. لكن إعزن المتوسط خمس أشخاص.. يعني فيه خمستاشر مليون بني آدم جعان؟.. يعني حوالي تسعتاشر في الماية من التمانين مليون.. فيكون الحل إننا نلملهم أكل فايف ستارز ونلفه في فويل.. والخمستاشر مليون يقعدوا يترصوا حوالين الترابيزة وهما رابطين فوط السفرة حوالين رقبتهم ومستنيين الروم سيرفيس؟.. هو ده الحل يعني؟ طب حايشتغلوا ليه بقي مادام المتردوتيل بيسرفس علي السفرة؟.. و افرض الأكل شح.. واللا اللي عاملين المشروع بطلوا.. حانعمل إيه.. مش الناس دي حاتعتبر الأكل ده حق مكتسب؟.. مش حايعملوا وقفة صامتة ثم وقفة بصوت ثم إضراب ثم اعتصام ثم شغب؟.. عندما فكر من فكر في هذا المشروع كان دافعه الأول حالة الهدر التي لا تنتهي من عندنا.. فبرغم الظروف والمحن الاقتصادية إلا أننا شعب فوضوي إيده سايبة وخصوصا في الأكل والفشخرة واللي بتخرب الجيوب يا حبوب.. ألم يكن الأجدر هو توظيف الناس بالفلوس اللي بتتصرف علي المشروع ده؟ وأنا هنا لا أنكر مجهود الناس اللي ورا المشروع.. وأعلم تماما إنهم حايقولوا يعني الحق علينا؟ هو انتو ما يطمرش فيكو حاجة؟.. ولكن.. الأكل مش أكل عيش ومش وظيفة ومش أمان.. أكيد فيه حل تاني.

    * امنعوا البرامج الدينية

    لو مقدرات الإعلام في إيدي.. وبعد كل مظاهر الانحلال الأخلاقي اللي بتستجد علي ثقافتنا وشعبنا.. وبعد كل التناقض الذي أصبح يلوث الشخصية المصرية.. وبعد الخلط الرهيب بين مظهر متدين منافق ومخبر بايظ ضاعت منه المعالم والحدود والفواصل.. وبعد ما أصبحت المظاهر دي مصدر تهديد حقيقي للوعي المصري الذي اعتمدنا عليه طول عمرنا في تخطي الأزمات.. وحتي بعد اضمحلال نظرية إن البلد دي عايشة بدعا الأوليا اللي فيها.. لاستصدرت أمرا بوقف جميع البرامج الدينية لمدة عام كامل.. حتي يتم فرز هذه البرامج وتحديد أهدافها.. وفلترة الدعاة من الجنسين.. ومعرفة دوافعهم ومصادر تمويلهم.. ورصد تأثير كل الهوجة الدينية علي مقدرات البلد دي.. مش حا يجري حاجة.. الناس دينها مش حاينقص.. لكن الأزهر الشريف حياخد نفسه.. وحايعتكف لدراسة الوضع ومعرفة ما يضر بهذا البلد حتي ولو كان مرتديا العباءة الدينية.. وفي هذه الحالة ستخرج علينا برامج من محطات خارجية تقذفنا بالطوب.. بس حاتبان القرعة من أم الجدايل.. ونحدد عدونا مرة ف حياتنا بشجاعة ورجولة بقي.

    https://www.elfagr.org/TestAjaxNews.a...667&secid=2788

     

    الموضوع الأصلي : قفا العيد اسعاد يونس     -||-     المصدر : منتديات المطاريد     -||-     الكاتب : brain

     

     


    !Start Your Website Now

     
    رد مع اقتباس


    Latest Threads By This Member
    Thread Forum Last Poster Replies Views Last Post
    الولايات المتحده تقرر تسليح ثوار سوريا شؤون عربية ودولية رؤيا 2 925 14th June 2013 06:57 PM
    صفحه اخرى سوداء من التاريخ اﻻسلامي شؤون إسلامية س. نورينجتون 34 3389 10th May 2013 08:02 PM
    فضيحه تهز الكويت مال وأعمال brain 5 1556 7th May 2013 09:20 PM
    دول الخليج تتنافس على لقب اﻻكثر كسلا شؤون عربية ودولية ناصر الدين 4 1361 4th May 2013 07:11 PM
    اﻻديان و العنف مره اخرى - حتى البشريه منها مناقشات وحوارات جادة brain 0 864 3rd May 2013 08:22 PM

    قديم 15th October 2008, 12:34 PM ابتسامــة غير متواجد حالياً
      رقم المشاركة : 2
    ابتسامــة
    Platinum Member
     






    ابتسامــة has a reputation beyond reputeابتسامــة has a reputation beyond reputeابتسامــة has a reputation beyond reputeابتسامــة has a reputation beyond reputeابتسامــة has a reputation beyond reputeابتسامــة has a reputation beyond reputeابتسامــة has a reputation beyond reputeابتسامــة has a reputation beyond reputeابتسامــة has a reputation beyond reputeابتسامــة has a reputation beyond reputeابتسامــة has a reputation beyond repute

    افتراضي

    أنا : ابتسامــة







    لا تعجبني اللغة الغارقة في البذاءة للمقالات بدعوى إن الناس بتتكلم كده .. وبما أني واحدة من الناس ولي أهل وجيران وأصدقاء مبيتكلموش كده... فبقول مش كل الناس بتتكلم كده..

    خلط كبير ودعاوي حق يراد بها باطل جاءت في بعض نقاط المقال

    طيب لماذا لم توجه دعوى بوقف الفيديو كليبات المثيرة(البذيئة) والأفلام والمسلسلات والمسرحيات والفن الهابط عموما لمدة سنة أيضا عشان أصحاب الفن الرفيع وذوي الرسالة ياخدوا نفسهم ويفلتروا
    الجو الفني الفاسد ويعيدوا إليه الصحة والعافية... وإلا هي بس البرامج الدينية والدعاة اللي مبوظين الدنيا ويجب الوقوف وقفة حاسمة ضدهم؟!!

     

     



     
    رد مع اقتباس

    قديم 15th October 2008, 01:54 PM Farida غير متواجد حالياً
      رقم المشاركة : 3
    Farida
    Brigadier General
     





    Farida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond repute

    افتراضي

    أنا : Farida





    هو اللى كاتب المقاله اسعاد يونس اصلها تفرق معايا

     

     



     
    رد مع اقتباس

    قديم 15th October 2008, 02:03 PM hoppa غير متواجد حالياً
      رقم المشاركة : 4
    hoppa
    Golden Member
     





    hoppa is on a distinguished road

    افتراضي

    أنا : hoppa




    اقتباس
    مشاهدة المشاركة المشاركة الأصلية كتبت بواسطة ابتسامــة


    لا تعجبني اللغة الغارقة في البذاءة للمقالات بدعوى إن الناس بتتكلم كده .. وبما أني واحدة من الناس ولي أهل وجيران وأصدقاء مبيتكلموش كده... فبقول مش كل الناس بتتكلم كده..

    خلط كبير ودعاوي حق يراد بها باطل جاءت في بعض نقاط المقال

    طيب لماذا لم توجه دعوى بوقف الفيديو كليبات المثيرة(البذيئة) والأفلام والمسلسلات والمسرحيات والفن الهابط عموما لمدة سنة أيضا عشان أصحاب الفن الرفيع وذوي الرسالة ياخدوا نفسهم ويفلتروا
    الجو الفني الفاسد ويعيدوا إليه الصحة والعافية... وإلا هي بس البرامج الدينية والدعاة اللي مبوظين الدنيا ويجب الوقوف وقفة حاسمة ضدهم؟!!


    بالضبط كده يا ابتسامة ده نفس احساسى



    كاتبة المقال هى سعاد يونس الممثلة و الا مين بالضبط؟؟!!!!

     

     



     
    رد مع اقتباس

    قديم 16th October 2008, 08:12 AM brain غير متواجد حالياً
      رقم المشاركة : 5
    brain
    Brigadier General
     





    brain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond repute

    افتراضي

    أنا : brain




    !For Medical Professionals Only

    اقتباس
    مشاهدة المشاركة المشاركة الأصلية كتبت بواسطة dr.farida
    هو اللى كاتب المقاله اسعاد يونس اصلها تفرق معايا

    بصراحه يا مدام فريده مش عارف او بمعنى اصح مش متأكد

    بس اعتقد و الله اعلم انها اسعاد يونس المثله

    الوقائع بتقول كده

    بتتكلم عن رمضان و اعماله الفنيه

    بتتكلم عن الفضائيات

    بتستخف دمها و انتي عارفه انها كانت في الاصل ممثله كوميديه

    طيب لنفترض انها هي

    هتفرق معاكي في ايه بقى ؟

     

     



     
    رد مع اقتباس

    قديم 16th October 2008, 09:04 AM Sonesta غير متواجد حالياً
      رقم المشاركة : 6
    Sonesta
    Field Marshal
     






    Sonesta has a reputation beyond reputeSonesta has a reputation beyond reputeSonesta has a reputation beyond reputeSonesta has a reputation beyond reputeSonesta has a reputation beyond reputeSonesta has a reputation beyond reputeSonesta has a reputation beyond reputeSonesta has a reputation beyond reputeSonesta has a reputation beyond reputeSonesta has a reputation beyond reputeSonesta has a reputation beyond repute

    افتراضي

    أنا : Sonesta



    دعوه لموضوعي

    [quote=ابتسامــة;18578][color="darkolivegreen"]

    لا تعجبني اللغة الغارقة في البذاءة للمقالات بدعوى إن الناس بتتكلم كده .. وبما أني واحدة من الناس ولي أهل وجيران وأصدقاء مبيتكلموش كده... فبقول مش كل الناس بتتكلم كده..

    خلط كبير ودعاوي حق يراد بها باطل جاءت في بعض نقاط المقال

    طيب لماذا لم توجه دعوى بوقف الفيديو كليبات المثيرة(البذيئة) والأفلام والمسلسلات والمسرحيات والفن الهابط عموما لمدة سنة أيضا عشان أصحاب الفن الرفيع وذوي الرسالة ياخدوا نفسهم ويفلتروا
    والله عندك حق يا إبتسامة.......أنا كمان إندهشت من هذا الوابل من الألفاظ البذيئة وحقيقة ألغبيتها عمرى ما سمعتها قبل كده إستأت جدا لما قرأت هذه الألفاظ فى المقالة.
    بس تسمحيلى عندى ملحوظة مهمة جدا
    محتمل الأستاذ الفاضل برين طالب بإيقاف بعض البرامج الدينة لأنها فعلا غير ملائمة لهذا الإسم فى بعض القنوات وبعض مقدميها
    وتكلم فقط عن القنوات الدينية وليست بعض المسرحيات والكليبات والتمثيليات كما أشارتى
    لأن بعض الناس ومنهم ألأنا أحب أن كل مايخص بالدين من برامج ومحادثات ومناقشات تكون نزيهة للغايه ولا يشوبها شائب
    أما باقى المذاع من مسرحيات او مسلسلات ممكن قوى تكون اهدافها محترمة لكن ممثلاتها مرتدات ملابس غير محترمة..وممكن كليبات كلماتها جميل جدا وألفاظه رقيقة جدا بس الموديل تشوه وتسئ صورته
    فهذا كله وارد وممكن يقبل ولا يعلق عليه لأنه جزء من اجزاء الفنون وليس الدين
    وهذا رأيى وليس أكثر
    تحياتى
    [

     

     



     
    رد مع اقتباس

    قديم 16th October 2008, 10:25 AM فــيــروز غير متواجد حالياً
      رقم المشاركة : 7
    فــيــروز
    Golden Member





    فــيــروز is on a distinguished road

    افتراضي

    أنا : فــيــروز




    أيوه هى "إسعاد يونس" الممثله و صاحبة شركة الإنتاج المعروفه ..
    ما هى كانت بتكتب فى مجلّة "الشباب" فى أوّل ظهور للمجلّه
    شخصيا حين رأيت المقال فى جريدة "الفجر" و عليه صورتها حاولت فعلا أن أقرأ لكن لغة الكتابه نفّّرتنى تماما من أوّل فقره ..
    باستغرب جدّا ممّن يتحدّثون عن التدنّى الخلقى و الاجتماعى ثمّ يكونوا هم شخصيا من أدواته الفاعله كما فعلت "إسعاد" بمقالها أو الأحرى بلغة مقالها !!

    حين رأيت "رجاء الجدّاوى" ذات مرّه فى فقرة "اسألوا رجاء" فى برنامج "القاهره اليوم" و هى تتحدّث كعادتها و حرارتها عن الإتيكيت و الذوق و الشياكه و الجمال تذكّرت هذا الدور القميئ الذى شاركت به فى فيلم "كركر" وكان نفسى جدّا أتّصل أسألها يا ترى دور حضرتك يصب فى كل ما تتحدّثين عنه أم يساعد على العكس تماما !! و بالمرّه يا ريت تسألى زميلك الأخ "عزّت أبو عوف" كيف يمكن له أن يكون مديرا لمهرجان القاهره السينمائى و هو يقوم بأدوار شديدة العته و السخف فى كثيرمن الأفلام !!

    أم أن التناقض هو سمة من يعملون بهذا المجال !!

     

     



     
    رد مع اقتباس

    قديم 16th October 2008, 10:33 AM hoppa غير متواجد حالياً
      رقم المشاركة : 8
    hoppa
    Golden Member
     





    hoppa is on a distinguished road

    افتراضي

    أنا : hoppa




    اقتباس
    أم أن التناقض هو سمة من يعملون بهذا المجال !!

    للاسف اغلبهم ليس لديهم اخلاق ليتحدثوا عنهم
    مستعدين لفعل اى شئ من اجل دور يرفعهم درجة فى سلم الشهرة
    مهما كانت نوعيه هذا الدور و هم فى الاول و الاخر مقيدين بما يامرهم به المخرج طالما قبلوا هذه الادوار

     

     



     
    رد مع اقتباس

    قديم 16th October 2008, 02:05 PM Farida غير متواجد حالياً
      رقم المشاركة : 9
    Farida
    Brigadier General
     





    Farida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond repute

    أنا : Farida




    اقتباس
    مشاهدة المشاركة المشاركة الأصلية كتبت بواسطة brain
    بصراحه يا مدام فريده مش عارف او بمعنى اصح مش متأكد

    بس اعتقد و الله اعلم انها اسعاد يونس المثله

    الوقائع بتقول كده

    بتتكلم عن رمضان و اعماله الفنيه

    بتتكلم عن الفضائيات

    بتستخف دمها و انتي عارفه انها كانت في الاصل ممثله كوميديه

    طيب لنفترض انها هي

    هتفرق معاكي في ايه بقى ؟


    عاجبك كده يا عم براين اهى فيروز سبقتنى و قالت اللى كنت عايزه اقوله


    اقتباس
    مشاهدة المشاركة المشاركة الأصلية كتبت بواسطة فــيــروز
    أيوه هى "إسعاد يونس" الممثله و صاحبة شركة الإنتاج المعروفه ..
    ما هى كانت بتكتب فى مجلّة "الشباب" فى أوّل ظهور للمجلّه
    شخصيا حين رأيت المقال فى جريدة "الفجر" و عليه صورتها حاولت فعلا أن أقرأ لكن لغة الكتابه نفّّرتنى تماما من أوّل فقره ..
    باستغرب جدّا ممّن يتحدّثون عن التدنّى الخلقى و الاجتماعى ثمّ يكونوا هم شخصيا من أدواته الفاعله كما فعلت "إسعاد" بمقالها أو الأحرى بلغة مقالها !!

    حين رأيت "رجاء الجدّاوى" ذات مرّه فى فقرة "اسألوا رجاء" فى برنامج "القاهره اليوم" و هى تتحدّث كعادتها و حرارتها عن الإتيكيت و الذوق و الشياكه و الجمال تذكّرت هذا الدور القميئ الذى شاركت به فى فيلم "كركر" وكان نفسى جدّا أتّصل أسألها يا ترى دور حضرتك يصب فى كل ما تتحدّثين عنه أم يساعد على العكس تماما !! و بالمرّه يا ريت تسألى زميلك الأخ "عزّت أبو عوف" كيف يمكن له أن يكون مديرا لمهرجان القاهره السينمائى و هو يقوم بأدوار شديدة العته و السخف فى كثيرمن الأفلام !!

    أم أن التناقض هو سمة من يعملون بهذا المجال !!


    ازود انا بقه
    انا شخصيا كنت من اشد المعجبات بكتابتها فى مجلة الشباب و كنت باحس باسلوب سهل ممتنع و بعدين فوجئت بها اتجوزت المنتج العربى علاء الخواجه و هوب اكتشفت ان جوزها اتجوز عليها شيريهان و هى بقت مالتى مليونيره و بقت بتنتج افلام عجيبة الشأن و اللون و المستوى .....لكن واضح ان الفلوس شقلبت كيانها و بقت من المحتركين لدور السينما و بقى كل اللى كانت بتنادى به و بتتكلم عنه كله طار فى السماء
    و اجابه على سؤال فيروز ......هو التناقض للأسف بقى سمه عامه فى بلدنا مش فى المجال ده بالذات الناس بتقول غير ما تعمل تحبى اجيب لك امثله ولا عندك

     

     



     
    رد مع اقتباس

    إضافة رد

    مواقع النشر (المفضلة)

    قفا العيد اسعاد يونس

    « الموضوع السابق | الموضوع التالي »
    أدوات الموضوع
    انواع عرض الموضوع

    الانتقال السريع

    المواضيع المتشابهه
    الموضوع كاتب الموضوع المنتدى مشاركات آخر مشاركة
    الجيش و الشرطة ايد واحدة علي قفا الشعب الفرعون المجهول ثورة مصر ... 25 يناير 2011 43 15th December 2011 09:40 AM
    لطشه جديده على قفا المخلوع only you شؤون مصر الداخلية 14 10th July 2011 07:33 PM
    دراما الحياة - اسعاد يونس Farida منقوووووووووووولات 2 21st July 2009 09:05 AM
    شوربة قفا سمك سريعة بس رائعة ومش مكلفة بندق شؤون المطبخ 11 13th September 2008 09:24 PM

    Almatareed is an Arabic discussion forum with a special interest in travel, study and immigration to Canada, USA, Australia and New Zealand Logo Map
    Currency Calculator
    RSS RSS 2.0 XML MAP HTML


    Powered by vBulletin® Version 3.8.8
    .Copyright ©2000 - 2019, Jelsoft Enterprises Ltd
    (جميع الأراء والمواضيع المنشورة تعبِّر عن رأي صاحبها وليس بالضرورة عن رأي إدارة منتديات المطاريد)
    SSL Certificate   DMCA.com Protection Status   Copyright  
    منتديات المطاريد   Follow us on Google   لشراء مساحة إعلانية بالمطاريد  

    تنبيه هام

     يمنع منعاً باتاً نشر أى موضوعات أو مشاركات على صفحات منتديات المطاريد تحتوى على إنتهاك لحقوق الملكية الفكرية للآخرين أو نشر برامج محمية بحكم القانون ونرجو من الجميع التواصل مع إدارة المنتدى للتبليغ عن تلك الموضوعات والمشاركات إن وجدت من خلال البريد الالكترونى التالى [email protected] وسوف يتم حذف الموضوعات والمشاركات المخالفة تباعاً.

      كذلك تحذر إدارة المنتدى من أى تعاقدات مالية أو تجارية تتم بين الأعضاء وتخلى مسؤوليتها بالكامل من أى عواقب قد تنجم عنها وتنبه إلى عدم جواز نشر أى مواد تتضمن إعلانات تجارية أو الترويج لمواقع عربية أو أجنبية بدون الحصول على إذن مسبق من إدارة المنتدى كما ورد بقواعد المشاركة.

     إن مشرفي وإداريي منتديات المطاريد بالرغم من محاولتهم المستمرة منع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات وإن وجدت اى مخالفات يُرجى التواصل مع ادارة الموقع لإتخاذ اللازم إما بالتبليغ عن مشاركة مخالفة أو بالتراسل مع الإدارة عن طريق البريد الالكترونى التالى [email protected]