محاولات لإقناع الأرملة بالزواج - منتديات المطاريد
بسم الله الرحمن الرحيم
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ (84) وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِندَهُ عِلْمُ السَّاعَةِ وَإِلَيْهِ تُرْجَعُونَ (85) "الزخرف"

منتديات المطاريد | الهجرة الى كندا | الهجرة الى استراليا

 


DeenOnDemand


BBC NEWS

    آخر 10 مشاركات

    Arabic Discussion Forum with a Special Interest in Travel and Immigration

    Immigration to Canada, Australia, and New Zealand

    Egypt and Middle East Politics, History and Economy

    Jobs in Saudi Arabia, USA, Canada, Australia, and New Zealand

    العودة   منتديات المطاريد > إعلام وثقافة وفنون > صحافة ... إعلام ... سينما ومسرح

    صحافة ... إعلام ... سينما ومسرح وسائل إعلام مسموع ومقروء ومرئى

    صحافة ... إعلام ... سينما ومسرح

    محاولات لإقناع الأرملة بالزواج


    الهجرة إلى كندا والولايات المتحدة واستراليا

    مواقع هامة وإعلانات نصية

    إضافة رد
     
    أدوات الموضوع انواع عرض الموضوع
    قديم 10th June 2020, 08:40 PM المستشار الصحفى غير متواجد حالياً
      رقم المشاركة : 1
    Field Marshal
     





    المستشار الصحفى has much to be proud ofالمستشار الصحفى has much to be proud ofالمستشار الصحفى has much to be proud ofالمستشار الصحفى has much to be proud ofالمستشار الصحفى has much to be proud ofالمستشار الصحفى has much to be proud ofالمستشار الصحفى has much to be proud ofالمستشار الصحفى has much to be proud of

    new محاولات لإقناع الأرملة بالزواج

    أنا : المستشار الصحفى






    وعدنا الأستاذ كمال في آخر سهرة "الإمتاع والمؤانسة" الفائتة أن يحكي لنا قصة أخرى عن شخصية الفتى الغبي "سلمون" الذي كاد والدُه أن يجن ويسيح في الشوارع من كثرة مشاكله، وأكاذيبه.

    قال كمال: العم أبو سلمون وقعْ في شر أعماله. هوي بيعرف حق المعرفة إنه إبنه كذاب، ومع ذلك علقت في ذهنه حكاية الأرملة أم حمودة اللي خبره سلمون إنها بتحبه ومستعدة تتزوجه. قال أبو سلمون لحاله (يا لطيف! معقولة أم حمودة بتحبني؟ إبني سلمون قال لي إنه سمعها عم تحكي عني بالخير قدام جارتها أم شحودة. يا ريت لو كان سلمون هالمرة صادق. بصراحة؟ أم حمودة هيي أجمل مَرَة بكل حارتنا).. وفجأة وقف وصاح بصوت عالي (تعال ولاك سلمون.. تعال ركض).. سلمون إجا لعند أبوه بهدوء على طريقة واثق الخطوة يمشي ملكاً.

    سلمون: إئمور ياب.

    أبو سلمون: قسماً بالله إنته خَيَلْتني وجننتني. الكلام اللي قلت لي ياه عن الست أم حمودة صحيح ولا عم تكدب متل عادتك؟

    سلمون: الكلام صحيح. بس هيي ما قالت لأم شحادة إنها مستعدة تتجوز أبو سلمون. أنا سنعتا عم تقول بدي إتجوز الرجال اللي عنده جحشين، وأنا ظنيتها عم تحكي عنك، لأنه عندك جحش واحد، وبتعتبرني أنا جحش تاني.. لكن بلكي كان في بالضيعة واحد غيرك مرته ميتة وعنده جحشين؟ بهالحالة يا ياب إنته بتطلع بالخجلة. أنا ما لي علاقة. تصطفل.

    أبو سلمون: طيب. فهمت عليك. بس أنا عندي سؤال تاني.. إذا أنا خطبتها لأم حمودة وهيي قبلت، وعلى فرض أنا وهيي تجوزنا، إنته بتزعل؟

    سلمون: بالعكس ياب، أنا بفرح. يوم عرسك برقص ع الطبل، هيك. وقف لقلك شلون، بمسك في الدبكة وبصير بعمل هيك.. دوه دوه دوه. وبسرق من جيبك مصاري وبدفع للطبال منشان يصيح شاباش يا أبو قدور. ياب، أبو قدور يعني أنا. إنته مو إسمك قدور؟ وأنا أبو قدور. بعدين بتصير حياتي ما في أكوس منها، إنته بتتزوج وأنا بفلت على كيفي، بصير بتصرمح وبدور في الشوارع متل الكلب الصآئي.. ولما أنا بفلت في الشوارع متل الكلب بتكون إنته السبب، لإنه كلما جيت عالبيت إنته ومرتك بدكن بتوزعوني. بتتذكر لما كانت والدتي عايشة إنته أشو عملت معي؟

    أبو سلمون (باندهاش): أنا؟ أشو عملت معك؟

    سلمون: إنته بوقتا كنت بدك ياني إطلع من البيت. شفتني قاعد وعم إقرا في دروسي قلت لي أشو عم تساوي هون؟ ليش ما عم تلعب مع رفقاتك؟ أنا كنت تعبان من اللعب. ما رديت عليك. قلت لي: ولاك سلمون الجحش، شعرك طويل، ليش ما بتروح ع الحلاق وبتحلق؟ هه هه هه، أنا حلفت لك إني لسه حالق شعري من يومين.. إنته قلت لي: إنته حالق شعرك، صح، بس الحلاق مجردمك.. شوف شلون شعرك طويل من هون وقصير من هون. قوم يا الله روح لعنده خلي يصلح لك شعرك. ودفشتني في ضهري حتى تخلص مني. ياب هلق لأيش كل هالحكي؟ روح إنته لعند أم حمودة، وشوف إذا كانت بدها تحط جبناتها على خبزاتك ولا لأ. وإذا بهدلتك مو مشكلة، أنا كل يوم بتبهدل عشرين مرة، وما بيصير لي شي.
    ضحك الحاضرون وقالت حنان: واضح إنه سلمون ولد مفلسف.

    أم زاهر: مو بس مفلسف. عن جد شي بيمخول. وراح بالله أبو سلمون؟

    كمال: أي نعم، راح. وارتكب غلط بيدل على عبطته وقلة انتباهه. تصوري يا أم زاهر، بالغلط دق الباب على أم شحودة، ومن لما فتحت قال لها: بتتجوزيني على سنة الله ورسوله؟ وقبل ما هيي تجاوبه كان أبو شحودة ماسك رقبته من ورا وعم يقله: جاية تخطب مرتي يا أبو سلمون؟ مو عيب عليك!

    ولما عرف أبو سلمون إنه غلط، قال لأبو شحودة: ببوس إيدك سامحني، ظنيتها أم حمودة. وفي هاللحظة انفتح الباب المقابل وطلعت أم حمودة وقال له: أشو هالحكي؟ جاية تخطبني أنا؟ أي شو أنا ناقصني مساطيل؟

    أبو محمد: بالفعل حكاية لذيذة. وانتهت هون؟

    كمال: أبو سلمون عرف إنه إبنه كان عم يكذب عليه متل العادة. رجع ع البيت وهوي زعلان. سلمون صار يهز راسه، وقال له: لا تزعل يو ياب، وحياة عينك أم حمودة بدها تتجوزك.

    وطلع من البيت. غاب ساعتين ورجع وقال لأبوه: مشي الحال. حكيت معها. لو تعرف يا ياب كيف لعبت بعقلا.

    أبو سلمون: لعبت بعقلا؟ شلون؟

    سلمون: قلت لها إذا بتتجوزي أبوي ما بتتندمي. أنا مستعد إترك اللعب والصرمحة ووقف بين إيديكي متل الخادم. طول النهار بخدمك، وإذا شي مرة تضايقتي وعصبتي من شي بهدليني، أنا بتحمل بهدلة قد ما بدك، وإذا كنتي معصبة كتير اضربيني بالشحاطة، وحتى أبوي إذا بتصرخي بوجهه ما بيزعل، لأنه الرجال والمرا لازم يتحملوا بعض، بعدين إنتي مفكرة إنه أبوي ما بيملك في الدنيا غير هالجحشين، يعني الجحش المربوط وأنا، أبوي كذاب حاشاكي، في عنده خمسين دونم أرض بس هوي ما بيقول قدام حدا، وفي عنده أربع دونمات معمر فيهن بيت تلات غرف وصالون، إنتي إذا إجا خطبك خليه يطوب لك هدول الدونمات مع البيت بإسمك، قولي له هدول المهر تبعي، وبتتجوزوا وبتنبسطوا، الدنيا مضيانة يا أم حمودة.

    أم زاهر: بدك الصدق يا أستاذ كمال؟ وإنته عم تحكي يا أستاذ كمال أنا صدقت كل شي قاله سلمون.

    كمال: وأبو سلمون صدقه. منشان هيك جاب كرباج وصار يضرب سلمون ويقول له: ولاك واطي، ليش كذبت على أم حمودة وقلت لها إني عندي خمسين دونم وبيت مع أربع دونمات؟ يخرب بيتك، أي أنا لو عندي كل هالرزق ما كنت بتجوز أمك الله يرحمها وبخلف واحد جحش متلك؟ هه هه هه. المشكلة إنه أبو سلمون صدق إنه ابنه راح لعند أم حمودة وحكى معها.

    منشان هيك راح هوي مرة تانية لعندها منشان يعتذر، ويوضح لها الحقيقة بإنه ما عنده أي ممتلكات غير جحشين، واحد جحش حقيقي، والتاني بمثابة الجحش اللي هوي ابنه سلمون. ولما دق الباب، وفتحت أم حمودة، وبمجرد ما شافته سكرت بوجهه وقالت له: كمان إنته؟ لك إشبك كل شوي بتنط لي؟!







    مزيد من التفاصيل

     

    الموضوع الأصلي : محاولات لإقناع الأرملة بالزواج     -||-     المصدر : منتديات المطاريد     -||-     الكاتب : المستشار الصحفى

     

     


     
    رد مع اقتباس


    Latest Threads By This Member
    Thread Forum Last Poster Replies Views Last Post
    إعصار "جاماني" يجتاح مدغشقر: قتلى وآلاف... صحافة ... إعلام ... سينما ومسرح المستشار الصحفى 0 1 29th March 2024 11:54 AM
    مراسل "العربي الجديد": "حزب الله" اللبناني ينعى... صحافة ... إعلام ... سينما ومسرح المستشار الصحفى 0 1 29th March 2024 11:54 AM
    مصدر في "حزب الله" لـ"العربي الجديد": 5 شهداء... صحافة ... إعلام ... سينما ومسرح المستشار الصحفى 0 1 29th March 2024 11:54 AM
    مصر: 1.1 مليار دولار عاجلة من أوروبا للجم التدهور... صحافة ... إعلام ... سينما ومسرح المستشار الصحفى 0 1 29th March 2024 11:54 AM
    توقعات باستفادة الليرة التركية من انتخابات... صحافة ... إعلام ... سينما ومسرح المستشار الصحفى 0 1 29th March 2024 11:54 AM

    إضافة رد

    مواقع النشر (المفضلة)


    أدوات الموضوع
    انواع عرض الموضوع

    الانتقال السريع

    Currency Calculator
    Your Information
    RSS RSS 2.0 XML MAP HTML


    Powered by vBulletin® Version 3.8.8
    .Copyright ©2000 - 2024, Jelsoft Enterprises Ltd
    (جميع الأراء والمواضيع المنشورة تعبِّر عن رأي صاحبها وليس بالضرورة عن رأي إدارة منتديات المطاريد)
    SSL Certificate   DMCA.com Protection Status   Copyright  


    تنبيه هام

     يمنع منعاً باتاً نشر أى موضوعات أو مشاركات على صفحات منتديات المطاريد تحتوى على إنتهاك لحقوق الملكية الفكرية للآخرين أو نشر برامج محمية بحكم القانون ونرجو من الجميع التواصل مع إدارة المنتدى للتبليغ عن تلك الموضوعات والمشاركات إن وجدت من خلال البريد الالكترونى التالى [email protected] وسوف يتم حذف الموضوعات والمشاركات المخالفة تباعاً.

      كذلك تحذر إدارة المنتدى من أى تعاقدات مالية أو تجارية تتم بين الأعضاء وتخلى مسؤوليتها بالكامل من أى عواقب قد تنجم عنها وتنبه إلى عدم جواز نشر أى مواد تتضمن إعلانات تجارية أو الترويج لمواقع عربية أو أجنبية بدون الحصول على إذن مسبق من إدارة المنتدى كما ورد بقواعد المشاركة.

     إن مشرفي وإداريي منتديات المطاريد بالرغم من محاولتهم المستمرة منع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات وإن وجدت اى مخالفات يُرجى التواصل مع ادارة الموقع لإتخاذ اللازم إما بالتبليغ عن مشاركة مخالفة أو بالتراسل مع الإدارة عن طريق البريد الالكترونى التالى [email protected]