حكاية شاب بيخطط للهجرة وأسباب هجرته - منتديات المطاريد
بسم الله الرحمن الرحيم
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ (84) وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِندَهُ عِلْمُ السَّاعَةِ وَإِلَيْهِ تُرْجَعُونَ (85) "الزخرف"

منتديات المطاريد | الهجرة الى كندا | الهجرة الى استراليا

 


DeenOnDemand


BBC NEWS

    آخر 10 مشاركات

    Arabic Discussion Forum with a Special Interest in Travel and Immigration

    Immigration to Canada, Australia, and New Zealand

    Egypt and Middle East Politics, History and Economy

    Jobs in Saudi Arabia, USA, Canada, Australia, and New Zealand

    العودة   منتديات المطاريد > شؤون المغتربين > أبناؤنا فى الخارج

    أبناؤنا فى الخارج المنتدى بإشراف Ehab Salem,Remon.soliman,Muhammad Gad

    أبناؤنا فى الخارج

    حكاية شاب بيخطط للهجرة وأسباب هجرته


    الهجرة إلى كندا والولايات المتحدة واستراليا

    مواقع هامة وإعلانات نصية

    إضافة رد
     
    أدوات الموضوع انواع عرض الموضوع
    قديم 28th July 2010, 05:43 AM أهرامات الجيزة غير متواجد حالياً
      رقم المشاركة : 1
    Silver Member
     






    أهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond repute

    افتراضي حكاية شاب بيخطط للهجرة وأسباب هجرته

    أنا : أهرامات الجيزة




    السلام عليكم
    بعد إذنكم ،،أنا هقولكم رأيي في الهجرة بس لازم تعرفوا سبب رأيي الأول بس مش عايز حد يقول إني بحكي حكاية نكد أو بحبط حـد أنا بإختصار هقول اللي حصل لي ،، إعتبروها فضفضة عـبر الأثير

    وأقسم بالله العظيم مش عايز حاجة خالص من حـد ، أنا إستغنيت بفضل الله ، وربنا يكرمنا كلنا ، أنا بس بحكي معاكم

    أنا خريج تجارة عين شمس شعبة عربي قسم محاسبة سنة 2007 تقدير مقبول ،، وأعشق علم المحاسبة وبحره الواسع ومعايا 5 كورسات منهم 3 كورسات محاسبة وكورس كمبيوتر وشهادة لغة إنجليزية بالمستوى فوق المتوسط من الجامعة الأمريكية ، وكنت (على الأقل بيني وبين نفسي عارف أنا كنت بعمل إيه) كنت بذاكر مذاكرة جادة من أول ما تبدأ الدراسة ، لكن مكانش لي نصيب في تقدير وكمان أول سنة تعبت جداً في الترم التاني وسقطت قي أربع مواد من ستة ، قدر الله وما شاء فعل ، وقبل التخرج وبعده إشتغلت شغلانات تانية غير وظيفة محاسب ، وبدور من ساعة ما إشتغلت على وظيفة محاسب ، ولفترة قصيرة جداً إشتغلت محاسب في مكـتبين محاسبة ، و مبسيبش إعلان لا في النت أو في الجرنان عن وظيفة محاسب إلا وروحته أو أرسلت الـ C.V بتاعي بالإيميل أو الفاكس أو أسلمه باليد ( على حسب ما ينص الإعلان ، وبعدين بتصلوا بي ) وبتطلع النتيجة كالآتي :

    ** إما يكون الإعلان مكتوب محاسب ويطلع الشغل حاجة تانية خالص ( مندوب مثلاً أو مدخل بيانات أو كاشير أو محصل أموال ومندوب توصيل أو كله مع بعضه ماعدا محاسب )

    ** أو يكون الإعلان منظر، ده منظر والناس إختاروها أصلاً من زمان بس عشان القانون بيفرضه ع الشركة دي وخصوصاً لو قطاع عام

    ** أو يكون الإعلان عن محاسب وإعلان صحيح وصاحب الشركة هو اللي طلبه وحذر مدير الحسابات من الواسطة ، لكن كل اللي في الشركة ليه حد يعرفه بيجيبه ويوصي عليه ومدير الحسابات بيراعي خاطرهم وساعتها الإعلان بيتحول لإعلان صوري

    ** أو لو محاسب قانوني ( في حالة عدم وجود واسطة وديه بقى حالة خاصة ليها موال ) يروح يعمل إعلان ويجيب الشاب من دول يشغله شهرين أو تلاته أو ستة شهور ، يعلمه في أسبوع يعمل إيه ويشغله زي الطور في الساقية ، و لايؤمن عليه ، وبعدين يقوله إطلع برة ، وهكذا دواليك ( إلا من ذهب إليه بالواسطة الجامدة مش التعبانة ) ، وطالما إنت مش معاك واسطة ممكن يشغل حد عنده أكتر من سنتين من غير تأمينات ولما يجيله مزاج يبقى يأمن عليه ،، مشكلة التأمين للي عايز يبقى محاسب قانوني و يكون له مستقبل محترم ، إنه لا يعتمد من وزارة المالية كـمحـاسب قانوني مستقل إلا لما يجيب شهادة من التأمينات بثلاث سنوات سابقة بالإضافة لأوراق أخرى ( مش هوجع دماغكوا بيها) عشان كدة لازم يتأمن عليه كمحاسب تحت التمرين عند المحاسب القانوني ، عشان سنين عمره متـتسرقـش

    ** أو لو محاسب في سفرية للخليج يقولك إيه :: إنت حديث التخرج ، تؤ تؤ تؤ تؤ .. المرتب ألف ومائة درهم ( الإمارات ) والإقامة عليك والأكل عليك وتذكرة السفر في الأجازة عليك والعقد لمدة خمس سنين وفي شرط جزائي لو مكملتش و مكتب السفريات اللي عمل الإعلان هيخصم كل شهر من مرتبك 250 درهم لحد ما يحصل أتعابه كلها ،
    وبصراحة السفر للخليج إذا ما كانش لشركة أجنبية أو مصلحة حكومية ، للمحاسبين ، رأيي والله أعلم ، يبقى مالوش لازمة ،، الكفيل لا يرحم ، أنا طبعاً مسافرتش لأنه كان عـرض مزفـت

    ** أو لو شركة كبيرة ومحترمة ،، لا تقبل إلا خريجي ثانوية عامة لغات وخريجي شعبة محاسبة قسم إنجلييزي أو فرنسي أو جامعة أجنبية خاصة ،، ويفضل لو معاه لغتين ( معرفش ليه ، ما الإنجليزي كفاية ) ويفضل أيضاً حامل لزمالة أجنبية ( بصراحة مقدرش أغامر بفلوس وأخدها قبل ما أكون إشتغلت وأخدت خبرة ، لأن أنا خريج شعبة عربي وموقفي أصلاً ضعيف ، لذا من غير خبرة وكمان متخرج من مدة يبقى بالنسبة لي للأسباب دي مش هتفيدني إلا لما أكون خدت خبرة ، وغير كدة لحد فترة قريبة مكنش معايا تمن كورس الزمالة) ، طب اللي مش إبن حظ يروح فين ؟

    ** أو إن الإعلان صادق وكل حاجة ،، لكن الصدفة إن مدير الحسابات أو رئيس الحسابات أو مراقب الحسابات ( حسب مين فيهم اللي بيعمل مقابلة وحسب التوجيهات اللي واخدها من اللي فوقيه أو حتى حسب ميوله الشخصية )
    الصدفة إن مدير الحسابات أو رئيس الحسابات أو مراقب الحسابات يستتقل دمك ، رغم إن إنت محترمه جداً ، لكن هو إما إنه شايف إنك شاب مؤدب أوي ويقولها في وشك ، ويقولك أنا عايزك إبن بلد وصايع شوية، مع إني إبن بلد – دانا أصلاً جيزاوي - و مبحبش الناس اللي بتبقى متحنتفة ، ويهريك تريقة وطبعاً مبردش عليه أو برد بإحترام، وف الأخر ميتصلش ، أو لو اللي بيعمل معاك مقابلة شايف إنك شاب مش راقي (من منظوره هو ، ولا تليق بمستوى الشركة ، مع إني شكلي مش إجرام و الله ) وهو عايز واحد يكون أرقى من كدة ،

    أو المفاجأة إن اللي بيعمل معاك المقابلة يكون عايز حد من بلدياته أو من الناس اللي قريبين من مربع منطقته اللي نشأ فيها ( منياوي مثلاً عايز منياوي زيه أو على الأقل سوهاجي أو على الأقل صعيدي زييه ،، أو لو جيزاوي من السوق القديم مش عايز غير جيزاوي زيه من شارع المحطة أو على الأقل لما يبعد شوية من الساقية مثلاً أو أضعف الإيمان من المنيب ) مع إحترامي للمنيا وسوهاج والصعايدة والجيزة وأهلها وكلهم أجدع ناس

    أنا ،، والحمد لله من قبل ومن بعد ،، مريت بكل الحالات دي ،،

    يالإضافة لما سبق أنا إشتغلت الآتي :
    ** أيام الجامعة ، في الأجازة كنت شغال في محل موبايلات لمدة وبعدين إشتغلت مندوب أغذية محفوظة ومجمدة لكن ماكنتش بحب الشغل ده ، مش مجدي وبتتحمل علي خصومات لأن أصحاب المحلات بيتأخروا في الدفع ، يا عم الحاج وأنا ذنبي إيييييييييييييه ؟ هو أنا قولت لهم ميدفعوش لو عليا مش منزلهم تاني بس إنت بقى عمال تقولي إنت مبتشتغلش إنت مبتبيعش ، إتخانقت مع أصحاب محلات مكانوش بيرضوا يدفعوا رغم إنهم بيكسبوا كويس ، دا غير الزعـيق الكتير من صاحب الشركة ليا ، رغم إن صاحب الشركة كان خريج جامعة ؟؟ لكن معاملته كانت زي بقية زملاء الكار أصحاب شركات المجمدات اللي معاهمش مؤهل أصلاً

    ** إتخرجت إشتغلت مندوب مبيعات ف شركة أدوية ، الحمد لله كنت بعمل تارجت زي ناس شغالة من خمس سنين ، لكن المشكلة ، كل يوم الصبح إجتماع من 9 إلى 11 وعلى ما أروح منطقتي اللي مسئول عنها تبقى الساعة 12 ظهراً ، اللي شغال مندوب دعاية أو مبيعات أو صيدلي هيعرف دا معناه إيه ( دا معناه خسارة فادحة للشركة ) عشان مش هـلحق الصيدلي اللي بيتواجد الصبح فقط في صيدليته وبيترك الصيدلية بعد كدة للعامل أو الصيدلي المساعد ويطلع يشوف مصالحه التانية (ودي قصة لوحدها) ، ودول غالباً مش مسئولين عن التعاقد على الأوردرات إلا إذا كان واخدين الأوردر ده من صاحب الصيدلية قبل ما يمشي ، وده مش دايماً بيحصل ،

    في صيدلي يحب التعاقد يكون وجهاً لوجه مع السؤال عن إمكانية عمل عروض خاصة ليه ، وأنا مش بلحق هذا النوع من الصيادلة بسبب نظام عقيم في الشركة ( وفي الآخر يقولك المدير والمشرف : لا لا لا إنت مش شغال زي الناس ) ،، كتير أوي من شركات الأدوية ( سواء مصنعة للدواء أو موزعة له أو الإتنين مع بعض ) بيكون التعامل فيها مع مندوب المبيعات ( وليس الدكتور مندوب الدعاية ) بالشتيمة والتهزيق وسب الـ .... ؟؟ ولو حتى كان شغلك تمام ،، يقولك : طيب ،، من تحت الضرس

    ربنا يحاسبني على اللي بكتبه لو بكدب ،، عايز حد يرد عليا من السادة الصيادلة أو مندوبي الدعاية الطبية أو مندوبي المبيعات الدوائية ،، لو أنا بكدب وهقولهم على إسم الشركة ع الخاص لو عايزين ،،

    وكمان كنت ممكن أحصل شيكات بخمسة الاف أو أكتر ، لأن البيه المحصل مش شايف شغله ومكانش في عربية للشغل كمان خاااالص لمندوبي البيع ، المشكلة بقى إن الواحد ممكن يمسك أماكن مسئول فيها عن البيع مالهاش دعوة ببعض ، المقطم ، المعادي ، الصف ، وأماكن فيها بتكون مسجلة أعلى معدل جرائم ، حاجة كدة زي المنطقة اللي كانت في فيلم حين ميسرة ، لكن في صيدليات في المربع ده أو قريبة منه ولازم أعمل معاها أوردر بيع ، وكمان ممكن أكون مكلف بتحصيل ألاف الجنيهات من هناك ، وكمان الصيادلة أوقات كانوا بيغلطوا في الواحد عشان الطلبية بتاعة الدوا إتأخرت ، لأن البيه السواق بيوصل كام طلبية في اليوم ويطنش ع الباقي ويروح ينام وأنا أبقى في وش المدفع ،،

    وكمان دكاترة الدعاية كان بعضهم مقصر ، وبعضهم كان بيبقى شغال في شركتيتن ومهتم بواحدة ومطنش شغل التانية ، يعني مش بيروحوا للدكتور بشكل منتظم ويفكروه بالأدوية بتاعة شركتنا وعشان كدة الدوا بتاعنا كان بيخلل في الصيدليات ، والصيدلي يصوت في وشي أنا ، يا عم طب أنا ذنبي إيييييييييييييييه ؟؟ ولما زميل لي يكون مش محقق التارجت بتاعه يقسموه علينا كلنا ولازم نخلصه ، طب إزاي ؟؟ هو أنا الصيدلي هياخد مني بالعافية زيادة عن إحتياجه ؟؟ وكل ده كوم والعيال المنحرفة في المناطق المنيلة اللي كنت بدخلها لما بيعرفوا إني مندوب من كلامي مع الصيدلي ، يستنوني أما أخرج ويفضلوا يزنوا عليا ، عايزين أدوية محظورة أبقى أجيبها لهم ويديني اللي أنا عايزه ؟؟؟؟؟؟؟ رغم إن شركتنا لا تبيع ولا تصنع الأدوية دي

    طب أدخل إزاي المنطقة دي تاني ؟ وهل لما كذا شاب مدمن من دول يتجمعوا عليا هطلع منها سليم ؟؟ ، أنا كنت بسأل نفسي في أيام كتير ، أنا إزاي رجعت البيت سليم ، أرجعت ده لأن جسمي مليان ومـصدر بوذ طويل وعيون قرفانة طول مانا ماشي وبحلق ع الزيرو ، ليا واحد صاحبي كان شغال نفس الشغلة دي بس ف شركة تانية أصغر من اللي كنت فيها ،، ضربوه بمطوة ف رجله وخدوا فلوسه لما طنشهم كذا مرة وماردش عليهم في موضوع الدوا المهبب ، وماحدش عرف يجيب العيال دي ،
    دا غير المرتب اللي مندوبي البيع مش عارفين على أساس إيه بيتحسب ، كل شوية نظام

    وكمان أهم حاجة عند الشركة إن التارجت يخلص ، حتى لو مانمتـتش لمدة شهر ، الشركة مالهاش دعوة ، والله كان ممكن أروح البيت الساعة 4 فجراً ، وأكون في الشركة 9 صباحاً ، خسيت كتير بسبب كده وقتها

    بعض الشركات الدوائية العالمية (مش كلها) هي اللي بيكون بيئة العمل فيها مناسبة لمندوبي البيع عن تجربة وشحططة ومقارنة طبيعة عملي مع زميل مهنة يعمل في شركة فرنسية

    **بعدين إشتغلت أمين مخزن في شركة أغذية تانية (غير الأولانية) بس الواحد كان عينو في قفاه و مسئول عن مخزن كبييييييييييير لوحدي ، عايز إتنين كمان معايا عشان العجز اللي كان بيحصل بسبب اللي معندهمش ضمير ، صاحب الشغل يقولي ،، طيب بعدين ، بعدين ، لحد ما طفشت

    ** و إشتغلت في مكتبين محاسبة الأولاني كان العيال اللي فيه إتفقوا ميعلمونيش حاجة وصاحب المكتب كان مالوش دعوة بحاجة خالص كان مخلي واحد عنده 30 سنة وقديم معاه هو اللي يديره على مزاجه ، ومكنش بيعبرني والسكرتيرة مكنتش بترضى تدخلني لصاحب المكتب ولما كنت أقابله مكنش بيرد عليا رد عملي ، والتاني مكملتش فيه يومين على بعض ، صاحب المكتب الظاهر كان عايز ساعي وقهوجي وعامل نظافة وعامل توصيل مطاعم مش محاسب

    **بعدين إشتغلت مدخل بيانات في مستشفى تجميل(عشان النحافة أو السمنة والبشرة و الذي منه )، (كنت رايح على إعلان طلب محاسبين وطلع عايزين مدخلين بيانات ، و إن كان عاجبك)، طلعت بتاعة مشاكل و البوليس جه قبل كدة وعمل قلق ، و كتبوا عنها في الجرايد ، وإتقفلت قبل كدا بقرار من المحافظ ، و جو الشغل كان سيء جداًَ ، والمدير بتاعي ( الله يخليه ويرزقه بمكان تاني أحسن ) طلعني من مشكلة مع صاحب المستشفى بأعجوبة

    ** وبعدين إشتغلت أمين خزينة في صيدلية وصاحبها دلوقتي سافر ع السعودية ومقـفـولة ، الصراحة متعبتش معاه في المعاملة وكان الشغل الخزنة وبس ومكنتش ببيع حاجة

    ** واليومين دول كل ما أروح مكان يقولوا لي الحجج إلي فوق وزاد عليها : ياااااااااااه ، دا إنت كبير ومشتغلتش محاسب كل ده ( أنا 25 سنة على فكرة ) ؟؟ لا لا لا إنت مـتـنـفـعش ، ليه كده يابا الحاج ؟ طب جربني

    ** ولو شغال وبتاخد كورس إنجليزي ولا كمبيوتر ، صاحب الشغل يطلع عين الواحد عشان يروح الدورة بتاعته في ميعادها ، ذل



     

    الموضوع الأصلي : حكاية شاب بيخطط للهجرة وأسباب هجرته     -||-     المصدر : منتديات المطاريد     -||-     الكاتب : أهرامات الجيزة

     

     



    التعديل الأخير تم بواسطة أهرامات الجيزة ; 28th July 2010 الساعة 05:58 PM
     
    رد مع اقتباس


    Latest Threads By This Member
    Thread Forum Last Poster Replies Views Last Post
    إنجلترا .. منح دراسات عليا الدراسة فى كندا واستراليا واوروبا Threevisa 2 1649 26th May 2015 11:44 PM
    أكبر خناقة فـ حياتك .. إحكي قهوة المطاريـــــــــــــــــد saynow 8 4216 27th July 2014 11:27 AM
    الحب الأول في حياتك مواضيع شخصية Matrix 8 3408 26th July 2014 09:55 PM
    الرجالة هنا بتعرف تطبخ ؟؟ موضوعات عامة ... موضوعات خفيفة ... منوعات أهرامات الجيزة 50 4923 26th July 2014 01:57 PM
    يا ريس مرسي الآن إبعد عن الصين وإيران ثورة مصر ... 25 يناير 2011 tafshan 27 4173 25th August 2012 03:19 PM

    قديم 28th July 2010, 06:06 AM أهرامات الجيزة غير متواجد حالياً
      رقم المشاركة : 2
    أهرامات الجيزة
    Silver Member
     






    أهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond repute

    افتراضي

    أنا : أهرامات الجيزة





    .
    ** فوق كل ده ، أنا هقولكم السر في إن الإدارة المالية في عدد كبير من الشركات الدخول فيها بالواسطة ( سـر بمليون جنيه للي مش محاسب) لإن ببساطة الإدارة المالية بتكون معقل الفساد والسرقة وتسريب الأموال لجيوب موظفيها وكبيرهم ، واللعب في الدفتر ، بدون علم أي من العاملين الآخرين ، وكمان ضرب فواتير المصروفات المضروبة ، وكمان معرفة حجم الثروة الحقيقي والإيرادات لصاحب الشركة من خلال الإدارة المالية ، لذا لازم اللي ييجي الشركة كمحاسب جديد يكون منهم فيهم وتبعهم ،

    و أيضاً معظم مكاتب المحاسبة تعطي أعمال ودفاتر معينة للمحاسب اللي تحت التمرين اللي جاي بواسطة و متأمن عليه من أول أسبوع لكي يعمل عليها ، وهذه الدفاتر وتلك الأعمال المذكورة ممنوع على المحاسب اللي تحت التمرين وجاي من غير واسطة أن يقوم بالعمل عليها ((أقصد بذلك الأخير اللي هو هينطرد بعد فترة لما يخلص الغرض منه ويحس إنه مالوش عازة ومش مؤمن عليه )) ، لأن هذه الدفاتر الخاصة بشركة معينة تتناول أعمال تتعلق بتغيير أرقام البنود المذكورة بها لكي تصبح المنشأة خسرانة أو هامش ربحهها ضعيف ومتدفعش ضرايب كتير ، وديه فنيات يتعلمها اللي جاي مكتب محاسبة بالواسطة الجامدة فقط

    ** غير كدا لما بشتغل باخد أجازة بالعافية عشان الإمتحان ( أنا بذاكر حقوق لوحدي و رايح تالتة إن شاء الله ، مش عشان الشغل إنما أنا بحب العلم وبحب أعرف القانون و بصراحة هواااااية **ناس بتقول عليا مجنون** أنا عارف كويس إن مفيش شغل لخريج حقوق ، لكن زي ما قلت مش ده هدفي ديه هواية وحب للعلم ) ، يعني مثلاً في ناس مدمنة بانجو ، أنا مدمن عـلـم

    كان نفسي أكون محاسب محترم ، وأشتغل في المجال اللي بحبه ، هل ده كتير ؟؟
    المجال اللي عشانه أخدت 5 كورسات من مرتبي ، بطلوع الروح
    المجال اللي إستحملت تعـسـف الدكاترة بسببه ( جلال صالح وكمال علي و يمن الحماقي ونصار وكمال درويش وعبد ربه ونبيل سليم ، اللي خريج تجارة عين شمس هيعرفهم )
    في المقابل كان في سادة أجلاء ( حسين عيسى و هشام حسبو و عاطف العوام و عبد المنعم راضي و أولاده دينا راضي و إيهاب راضي ** توريث بس مش معقدين** و غيرهم لا تسعـفـني الذاكرة بأسمائهم )

    الحمد لله ، اليومين اللي فاتوا بقى عندي قدرة ع الهجرة بإذن الله ( قدرة مادية ) ، الواحد يسند نفسه في المهجر لحد مايلاقي شغل في المهجر لمدة شهرين أو تلاتة بالكتير والفلوس اللي معايا للأسف مينفعش يتعمل بيها مشروع في مصر لعدة أسباب : أنا مش معايا صنعة ولا بفهم في أي صنعة ،، إيجارات المحلات تبدأ من ألفين جنيه ،، طب وهو فين النشاط اللي بيجيب ربح جامد ده عشان أدفع ألفين جنيه في الشهر إيجار ؟؟ ده لو محل في مكان تعبان ، أما في مكان حيوي يبقى 4 الاف فيما فوق ، وغالباً هيبقى سوبرماركت وهيطلع عينو على ما الناس تشتري من عندو ، مين الشاب اللي يقدر يتحمل كدا لفترة؟؟

    درست ستين حاجة وسألت وإتشقلبت هنا وهنا لقيت إنه هيكون المشروع جايب مصاريفه وأنا لافف في ساقية وإن في ناس عملت زي ما كنت عايز أعمل بس دلوقتي منهم اللي خسر جزء كبير من رأس ماله و منهم اللي مديون ،، حاولت أعمل مشروع أنا بالفلوس و حد من أصدقائي ( كـذا واحد جربته ) يشاركني بالخبرة ،، لقيت نية الإستغلال و الإستحواذ مبيتة من قبل ما أبدأ حتى أعـوذ بالله ؟؟؟ ،

    قلت آخد قرض من الصندوق الإجتماعي ، إكتشفت إنه لايفرق عن قرض البنوك في شيء و إن أحياناً بيطالب بأكتر من مستحقاته وذلك بعد نصائح ممن لهم مشاكل تعثر في أعمالهم بسببه والتفرقة في المعاملة بين المقـترضين ، والضمانات اللي لا يمكن شاب يقدر يوفرها إلا إذا أحد الأشخاص ضمنه عندهم

    أسعار المحلات كمان التمليك بقت غريبة ، محل 40 ولا 60 متر بـ 350 ألف أو أكتر وكمان في شارع جواني مش حيوي في الهرم مثلاً ، طب ومين الشاب البسيط اللي متخرج من قريب ومعاه 350 ألف ، ولو محل ع الشارع ومساحته بالكتير 40 أو 50 متر ، كدة بنتكلم في 600 ألف فيما فوق حسب المنطقة ، وبعدين فين فلوس البضاعة بقى ؟ (( ماحدش يجيب لي سيرة فيصل اللي بنلاقي فيه ما بين كل محل ومحل تلاقي محل ، والطريق واقف وما بيمشيش واللي إتعود على محل معين صعب إنه يغيره .))

    الواحد إتصدم و الله في كل حاجة ،، الرحمة من عندك يا رب

    بعد كل ده وأقعد في مصر ؟؟؟ طب وبعدين ؟؟ بعد عشر سنين ؟؟ هيبقى وضعي إيه ؟؟ عمري بيجري بيا ؟

    بصراحة لو كنت شايف إن هيكون لي وضع محترم في مصر ، أو الخليج (بعنصريته) ، ماكنتش فكرت في هجرة .

    و أنا عندي 19 سنة وأنا طالب كان ليا قصة حب مع واحدة فرنسية من أصل جزائري وكانت هتكون سكتي للهجرة لفرنسا بإعتبارنا هنتجوز ،، كنا مع بعض في قمة الإحترام ، وكنت فعلاً بحبها قبل أي شيء ، لكن أنا وقتها حسيت إن ربنا إبتلاني بمصايب كتير في نفسي عشان الرسايل ع الموبايل والكلام ع النت والتخطيط للمقابلة ، وكانت مهووسة بيا لأنها كان نفسها تعرف واحد مصري ، قطعت علاقتي بيها عشان ربنا يرضى عني ، لأني حسيت إن ربنا غضب علي ، وعلى فكرة ، دي كانت أول مرة أعيش فيها قصة حب من طرفين ، وأنهيتها بنفسي نهاية شاقة ،، الحمد لله

    السبب التاني اللي خلاني قطعت علاقتي بيها ، إني في الأول كنت عندي هـوس بالهجرة لأوروبا ( أنا بتكلم لما كان عندي 19 سنة ، يعني من 6 سنين ) لكن بعد كدة قولت ، طب مصر لو إجتهدت فيها هبقى حاجة كويسة برضه ، أهاجر فرنسا ليه ؟؟ لكن الظاهر كنت غلطان في النقطة دي ، بس برضو كدة ولا كدة كنت هقطع علاقتي بالبنت دي عشان ربنا يرضى عني ، وده الأهم من أي شيء

    اللي مشجعني ع الهجرة كمان إن أنا من نعمة ربنا عليا إني أقنعت نفسي بإخراج فكرة الزواج من رأسي ، ويارب حتى ع الأربعين ، المهم أتجوز وأنا مرتاح مادياً تماماً ،، مش هقدر أتحمل إني أتجوز واحدة وأقولها معلش إستحملي مرة على مرة هتكرهني وتتمنى لو ماكنتش عرفتني ، رغم إنها ممكن تكون عارفة من الأول بالظروف ، بس الحياة علمتني إن ده ممكن أوي يحصل ،، وكمان الجواز هيمنعني أحقـق النجاح المادي والعملي اللي أنا بتمناه من ربنا سبحانه وتعالى ، وده عندي أهم من مليون عـروسة

    عشان كدة بتمنى من ربنا إنه يوفقني في هجرتي ، يعني ما أنا لو كنت نجحت هنا مكنتش هفكر بصراحة في هجرة ، لكن بعد الفشل المتلاحق ده ، أنا أهاجر أحسن لي ،، كدة كدة ، الواحد واخد على البهدلة ، دا مش جديد عليا ،
    كمان هناك في شغل كاجوال ،، يعني مش مكتبي ( أمن – بائع – كاشير ...) ،، لحد ما الواحد يخلص المعادلة ولا الزمالة و حتى لو مفيش في الأول ، في شغل تطوعي في المحاسبة – بدون أجر – عشان الواحد ياخد الخبرة الكندية وبعدها بإذن الله يشق طريقه وفي نفس الوقت في إعانة من الدولة ، محدش هـيـعايرني على شغلي ، دا الواحد كان مندوب و كان مش عاجب حـد ،

    وكمان الحمد لله رب العالمين ، أنا مش متجوز ، يعني مش شايل مسئولية ، وماعنديش واحدة بموت عليها وعايز أكون نفسي بسرعة عشان ألحقها قبل ما تتخطف وإتغيرت بشهادة الجميع وبقيت ماليش في الحب والعشق نهااااائي ، أنا عملي بطريقة رخمة ، ودي نعمة وميزة ، أهاجر بقى براحـتي ، أنـجـح براحتي ، وعلى مهلي وتاتا تاتا ، ومش مستعجـل ،

    هجرة كيبك هتاخد فترة إنتظار حوالي 3 سنين عشان الإجراءات ، والله أعلم ، نخبط هنا في أي حاجة مش هتفرق

    آسف على الإطالة ، آسف لو كانت الفضفضة ضايقـتكم ، و زي ما قلت في البداية مش عايز حاجة خالص من حـد ،، أنا إستغنيت بفضل الله ،، أنا بس بحكي معاكم

    عرفتوا ليه بقى التوقيع بتاعي اللي تحت ده أنا كاتب فيه الشعر الحزين ده ؟


    يا عــينـي عـليـك يـا مـصري بـيـلـطـشـوك فـي كـل حـتـة
    و بـتـدور عـلى الإحـتـرام ومش لاقـيه فـي أي حـتـة

    " * أنا اللي ألفت الشعر ده على فكرة ، ربنا يـشهـد * "

    إضافة جديدة (في الخباثة)
    على فكرة بمناسبة الكلام عن Net Work مصرية في كندا وتأييد البعض وهجوم البعض الآخر عليها ، أنا هديكوا مثال ، وأنا في تالتة تجارة (أثناء الدراسة في الشتا وكانت المرة الوحيدة اللي أشتغل فيها لحد قبل الإمتحان بثلاث أسابيع) إشتغلت شهر واحد فقط مشرف نقل وتخزين ف مصنع ملابس في 6 أكتوبر عارفين العمال (الصنايعية والأسطوات) كانوا إيه ؟؟ هنود وصينيين ،
    والتكت اللي كان على الملابس كانوا بيكتبوا عليه made in Egypt ، المهم ، كان المصنع مشاركة بين واحد مصري ومجموعة أجانب ، كانوا شارطين في العقد إن ميكونش الأسطوات مصريين (عشان ميروحش مكان تاني ويسيبهم بعد ما عرف أصول التفصيل الأوروبي والأسيوي الأمثل والأحدث والتصميمات كمان ، ولأن العامل الأجنبي غير مصرح له بالعمل إلا في المكان اللي جاي عليه في العقـد ) ولما كان الإدارة تقول إنها عايزة عامل (أو أكتر) كان العمال يعملوا إيه ؟؟؟
    كل واحد من الهنود يكتب في ورقة صغيرة إسم حـد من معارفه في الهند ويرشحه عشان الوظيفة ، و بعدين يطبق الورقة كويس ويحطوا كل الورق اللي فيه أسامي المترشحين للوظيفة في صندوق كبير ويقفلوه ويفضلوا يقلبوا الصندوق ويلفـوه كذا مرة ، وبعدين يختاروا ورقة من خلال واحد يتفقوا عليه ، والإسم اللي ف الورقة دي يبقى هو المترشح للوظيفة ، والصينيين برضوا يتبعوا نفس الطريقة ويختاروا إسم يرشحوه ،، طب دلوقتي كدة في إسم واحد هندي مترشح وقصاده إسم واحد صيني مترشح ، إيه العمل ؟؟ يقوموا يعملوا قرعة بالعملة المعدنية ، وكانوا يختاروا حد مش منهم هما الإتنين ، يعني حد مصري ( العبد لله ) أقول للصيني إنت الصورة ، وأقول للهندي إنت الكتابة ، واللي يكسب القرعة هو اللي يطلع للإدارة يديها السي في بتاع الراجل اللي جماعته رشحته ، ولو مطلوب أكتر من عامل كانوا بيختاروا كذا ورقة ، أنا إشتركت في قرعة العملة المعدنية دي مرتين ، على فكرة الصينيين والهنود كانوا بيكرهوا بعـض ، وكان كل جماعة من الجماعتين تدافع عن مصالحها في مواجهة الأخرى دفاع مستميت ، وبالمناسبة ، مشرفين النقل والتخزين اللي من محافظة (...) كانوا بيكرهوا الجيزاويين (أنا منهم) و البشمهندس مدير الإدارة بتاعتي (إدارة النقل والتخزين) كان بيفضلني على ناس تانية عشان (لأننا جيران في الدقي وعارف إني مش مريض بالغيرة ومخي مش ضيق , وأنا الوحيد اللي كان بيروحني معاه في طريقه بعربيته ، حاول يدخلني الحسابات ومعـرفـش ) لـذا الجمييييييييع كانوا بيكرهوا العبد لله ، لكن علاقتي كانت كويسة ببعض الهنود لذا كانوا يصمموا على إختياري حكم في قرعة العملة المعدنية، المدة القصيرة دي عرفتني أهمية الـ Net work وكل واحد بيفضل يكون ضهره هو طائفته وعشيرته (في ناس بتكون متعصبة للطائفة والعشيرة وفي ناس معتدلة يعني إنتمائها للطائفة والعشيرة معتدل) ،
    أقولكوا حاجة هندي Namista Badoo

     

     



    التعديل الأخير تم بواسطة أهرامات الجيزة ; 28th July 2010 الساعة 06:12 PM
     
    رد مع اقتباس

    قديم 28th July 2010, 06:58 AM شريف محمد غير متواجد حالياً
      رقم المشاركة : 3
    شريف محمد
    Member
     





    شريف محمد is on a distinguished road

    شريف محمد's Flag is: Saudi Arabia

    افتراضي

    أنا : شريف محمد





    ربنا معاك وييسرلك الى فيه الخير لك فى دينك ودنياك

    متزعلش شباب كتير جدا فى مصر فى نفس حالتك لا تيأس عليك بالدعاء المتواصل والاستغفار والدعاء فى الثلث الاخير من الليل ده اولا

    بعد كده حاول تغيير الكارير بتاعك يعنى لو مش لاقى شغل فى المحاسبه ممكن تحاول تتعلم كمبيوتر برمجة شبكات او ممكن تحاول تتعلم مهنه انا ليه زمايل خريجين بكالوريوس تجارة ما شاء الله ابتدو كهربائية او نقاشيين دلوقتى بيشتغلوا فى المقاولات والامور ماشية ما شاء الله

    وممكن الحل الى انته ماشى فيه انك تتوكل على الله وتهاجر كندا يمكن يكون رزقك هناك مش فى مصر

     

     


     
    رد مع اقتباس

    قديم 28th July 2010, 07:53 AM kokomen غير متواجد حالياً
      رقم المشاركة : 4
    kokomen
    Colonel
     





    kokomen has a reputation beyond reputekokomen has a reputation beyond reputekokomen has a reputation beyond reputekokomen has a reputation beyond reputekokomen has a reputation beyond reputekokomen has a reputation beyond reputekokomen has a reputation beyond reputekokomen has a reputation beyond reputekokomen has a reputation beyond reputekokomen has a reputation beyond reputekokomen has a reputation beyond repute

    kokomen's Flag is: Egypt

    افتراضي

    أنا : kokomen





    كلامك يعبر بصدق عن مشاكل الشباب الآن

    لكن لاتنسى أن التوفيق سيكون حليفك في نهاية

    الأمر بإذن الله

    لكل مجتهد نصيب .. قل لن يصيبنا إلا ماكتب

    الله لنا

    حاول وحاول ولا تيأس أبدا وسوف تصل لتحقيق
    أهدافك إن شاء الله .. دعائي لك بالتوفيق


     

     


     
    رد مع اقتباس

    قديم 28th July 2010, 07:57 AM أهرامات الجيزة غير متواجد حالياً
      رقم المشاركة : 5
    أهرامات الجيزة
    Silver Member
     






    أهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond repute

    افتراضي

    أنا : أهرامات الجيزة




    !For Medical Professionals Only

    .
    thank you kokomen.
    thank you sherief Mohamed

     

     


     
    رد مع اقتباس

    قديم 28th July 2010, 11:58 AM اونست غير متواجد حالياً
      رقم المشاركة : 6
    اونست
    Silver Member
     






    اونست has much to be proud ofاونست has much to be proud ofاونست has much to be proud ofاونست has much to be proud ofاونست has much to be proud ofاونست has much to be proud ofاونست has much to be proud ofاونست has much to be proud ofاونست has much to be proud of

    اونست's Flag is: Egypt

    افتراضي

    أنا : اونست




    مش عارف أقولك أيه..انت زي متكون بتتكلم عني بالظبط لاني كمان اشتغلت فترة في مجال الدواء ده..أنا كان نفسي أكون كيميائي محترم وكمان كنت جايب تقدير كبير وكنت بعمل دراسات عليا..بس للاسف الزمن والناس مبيسبوش حد في حاله..ربنا معاك ويوفقك وييسر أموك وان شاء الله ربنا يوفقك في موضوع الهجرة

     

     


     
    رد مع اقتباس

    قديم 28th July 2010, 03:01 PM أهرامات الجيزة غير متواجد حالياً
      رقم المشاركة : 7
    أهرامات الجيزة
    Silver Member
     






    أهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond reputeأهرامات الجيزة has a reputation beyond repute

    افتراضي

    أنا : أهرامات الجيزة




    بالنسبة لما ذكره الأستاذ شريف محمد ، مشكوراً طبعاً ، بخصوص تعلم البرمجة و الشبكات ، والله يا أستاذنا في مصر مش هتفيد أوي و هنرجع تاني نلف على وسايط ، أما في كندا ، أنا معاك ، بتكون مفيدة و كويسة ، لكن أنا عايز أكون هناك إن شاء الله محاسب ، غير كدا ، أنا بصراحة حضرت مرة محاضرة مجانية عن الأوراكل ( تخصص البرمجة) لقيت نفسي تايه ومش فاهم حاجة ، رغم إنها كانت أول محاضرة في الكورس

     

     


     
    رد مع اقتباس

    قديم 28th July 2010, 03:55 PM فاطمه غير متواجد حالياً
      رقم المشاركة : 8
    فاطمه
    Member
     





    فاطمه is on a distinguished road

    افتراضي

    أنا : فاطمه




    اخى الكريم.......انا والله ما بطمن قلبك وبصبرك بكلامى
    بس خليك على يقين ان بعد كل عسر يسر باذن الله
    تعرف ليه
    لانك طلبت رضى الله وابتعدت عن شئ كان ممكن يفتح
    باب امنيه كان نفسك فيها
    قول يارب .....وربنا ما هيخزلك ابدا
    انت مثال للشاب المحترم المجتهد المكافح
    مش هقلك خليك هنا لاء
    هقلك اسعى فى طلب الرزق واتقى الله فى كل افعالك واقوالك
    وربنا يوفقك ويحفظك
    فى رعايه الله واسمع عنك كل خير يا خويه

     

     


     
    رد مع اقتباس

    قديم 28th July 2010, 06:41 PM MFaisal غير متواجد حالياً
      رقم المشاركة : 9
    MFaisal
    Golden Member
     





    MFaisal has a reputation beyond reputeMFaisal has a reputation beyond reputeMFaisal has a reputation beyond reputeMFaisal has a reputation beyond reputeMFaisal has a reputation beyond reputeMFaisal has a reputation beyond reputeMFaisal has a reputation beyond reputeMFaisal has a reputation beyond reputeMFaisal has a reputation beyond reputeMFaisal has a reputation beyond reputeMFaisal has a reputation beyond repute

    MFaisal's Flag is: Zaire

    افتراضي

    أنا : MFaisal









    أخوك ضبش داخل عالمفرمة كمان سنة واحدة بس



    بس الفرق انى مقتنع من وانا فى اولى كلية انى ما ينفعش أعيش فى مصر نوهائيا

    ربنا معانا ونخلع منها على خير

     

     


     
    رد مع اقتباس

    قديم 28th July 2010, 07:06 PM نهر النيل غير متواجد حالياً
      رقم المشاركة : 10
    نهر النيل
    Golden Member
     






    نهر النيل is a glorious beacon of lightنهر النيل is a glorious beacon of lightنهر النيل is a glorious beacon of lightنهر النيل is a glorious beacon of lightنهر النيل is a glorious beacon of lightنهر النيل is a glorious beacon of light

    نهر النيل's Flag is: Egypt

    افتراضي

    أنا : نهر النيل




    ربنا ييسرلك الحال يا اهرامات الجيزة

     

     


     
    رد مع اقتباس

    إضافة رد

    مواقع النشر (المفضلة)

    الكلمات الدلالية (Tags)
    للهجرة, بيخطط, حكاية, هجرته, وأسباب

    حكاية شاب بيخطط للهجرة وأسباب هجرته

    « الموضوع السابق | الموضوع التالي »
    أدوات الموضوع
    انواع عرض الموضوع

    الانتقال السريع

    المواضيع المتشابهه
    الموضوع كاتب الموضوع المنتدى مشاركات آخر مشاركة
    الحقيقة التاريخية وأسباب أن اسرائيل فكرت فى التراجع .. لست أدرى أين أجهزتنا الأعلامية د. يحي الشاعر العدوان الثلاثى وحرب 1956 5 5th October 2020 10:56 AM
    حكاية حرامي و إيده طويله (حكاية غرامي) Mzohairy ثورة مصر ... 25 يناير 2011 7 7th August 2011 06:17 PM
    شراء نقاط للهجرة هل توافق ؟ elmadysm الهجرة إلى كندا 41 2nd June 2011 06:05 AM
    للإدرة التقنيه رجاء هاني عليّ الدين إقتراحات ... مشاكل تقنية 3 18th March 2011 10:37 AM
    « المقال الثانى»... هيكل ... أسباب للتأييد .. وأسباب للصمت د. يحي الشاعر شهود على العصر 2 19th September 2009 09:25 PM

    Currency Calculator
    Your Information
    RSS RSS 2.0 XML MAP HTML


    Powered by vBulletin® Version 3.8.8
    .Copyright ©2000 - 2024, Jelsoft Enterprises Ltd
    (جميع الأراء والمواضيع المنشورة تعبِّر عن رأي صاحبها وليس بالضرورة عن رأي إدارة منتديات المطاريد)
    SSL Certificate   DMCA.com Protection Status   Copyright  


    تنبيه هام

     يمنع منعاً باتاً نشر أى موضوعات أو مشاركات على صفحات منتديات المطاريد تحتوى على إنتهاك لحقوق الملكية الفكرية للآخرين أو نشر برامج محمية بحكم القانون ونرجو من الجميع التواصل مع إدارة المنتدى للتبليغ عن تلك الموضوعات والمشاركات إن وجدت من خلال البريد الالكترونى التالى [email protected] وسوف يتم حذف الموضوعات والمشاركات المخالفة تباعاً.

      كذلك تحذر إدارة المنتدى من أى تعاقدات مالية أو تجارية تتم بين الأعضاء وتخلى مسؤوليتها بالكامل من أى عواقب قد تنجم عنها وتنبه إلى عدم جواز نشر أى مواد تتضمن إعلانات تجارية أو الترويج لمواقع عربية أو أجنبية بدون الحصول على إذن مسبق من إدارة المنتدى كما ورد بقواعد المشاركة.

     إن مشرفي وإداريي منتديات المطاريد بالرغم من محاولتهم المستمرة منع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات وإن وجدت اى مخالفات يُرجى التواصل مع ادارة الموقع لإتخاذ اللازم إما بالتبليغ عن مشاركة مخالفة أو بالتراسل مع الإدارة عن طريق البريد الالكترونى التالى [email protected]