ناشط سياسى يعلن الكفر

[Remooo]

الصحف المصرية والعربية

اقتباس المشاركة الأصلية كتبت بواسطة Mzohairy و حتى لو كان يبحث بمنطقه المحدود (رغم احتمال ان يكون منطقك هو المحدود حسب نظرية الاحتمالات) الا انه يبقى منطقه و دماغه و عقله و قناعاته هو و هذا ما اقتنع به و هو حر لأنه بالتأكيد مش هيقتنع بحاجه غصب عنه هو مش ربنا خلقنا بأمخاخ و عقول مختلفه؟؟؟ يبقى طبيعي اننا نختلف في القناعات ارجع تاني لفكرة المنطق المحدود في الاديان عموما في رأيي لا يوجد منطق محدود و غير محدود فأنتي مثلا تؤمنين (بمنطقك الغير محدود حسب تصورك) يقينا و ايمانا تاما بأن رسول الاسلام صعد في رحلة الى السماء اسمها الاسراء و المعراج في حين ان كل غير المسلمين على الارض بمنطقهم المحدود (حسب تصورك) شايفين الكلام ده مضحك و غير حقيقي و حاجات تانيه مش هقولها عشان ماتزعليش و صديقي اوسكا العزيز يؤمن بمنطقه الغير محدود (حسب تصوره) ان الله نزل و تجسد في صورة بشر (المسيح) ليكفر عن خطيئة آدم في حين انك بمنطقك الغير محدود (حسب تصورك) شايفه الكلام ده مضحك ايضا يعني باختصار دخول موضوع المنطق المحدود و الغير محدود هنا مالهاش اي صله بالموضوع الموضوع معلومات (كبيره ام صغيره) دخلت الى عقل يفكر (على قد امكانياته) (و ارجوا الا تتخيلي ان امكانياتك العقليه اكبر او اصغر من الآخر فأنا لا اقارن و كل الاحتمالات وارده) و اقنعته باتجاه معين حسب منطقه هو و قناعاته هو و ليس حسب المحدود و الغير محدود حسب المشروح اعلاه تحياتي

اولا المنطق المحدود الذى اقصده هو المنطق المادى المطلق الذى ذكرته بالمشاركة وكلمة محدود لم يقصد بها انه منطق منقوص او خاطىء ولكن يقصد بها انه منطق محدود التطبيق غير سارى دائما وابدا على جميع الامورالدينية والدنيوية على حد سواء..هذا منطق البشر فكيف اساويه باعجاز وتدبيرخالق البشر!!!!

طبعا انت فهمتها انه فيه منطق ناقص ومنطق كامل (وانا دح وهما كخ) وعملت مشاركة طويلة عن شىء غير اللى اقصده اساسا .. وبالتالى انا هاعدي الجزء ده لانه رد بناء على فهم غير سليم للجملة.

بس هارد على الجزء الخاص بديانة الاخر لانى ارى انه مهم

انا اذا لم اقتنع بشىء ورد بديانة الاخر فان هذا يكون بناء عن ما ورد بهذاالشأن فى صحيح دينى انا وليس من منطلق بان هذا الشىء ساخر او مضحك .. الاديان ليست مثار للسخرية والاستهزاء ايا كان الدين ..ولكن ما يشتمل عليه دينى هو ما التزم به وهو ما يجعلنى اصدق هذا او لا اصدق هذا واوسكا نفس الشىء.. وهذا هو الفرق بشكل عام بين الطريقة التى يفكر بها شخص مؤمن بالاديان او بدين ( ايا كانت ديانته او درجة التزامه) وبين الملحد اوالعابث بالاديان والذى يتخذها لهوا..

الجزء الاخير

حرية ان حضرتك تقدر تذكر دينى بما يسىء هنا .. مش هاتحصل

والحقيقة انا لم اسعى لعمل اى مقارنات مع اى حد ولا فى اى حاجة ولا عايزة اظهر احسن من الاخر ولا اوحش من الاخر زى ما حضرتك بتحاول انك توصلى لانه ببساطة انا فى تمام الرضا من دينى وعلى قناعة شديدة بكل ما يتضمن معنديش الدافع انى اثبت او ما اثبتش او اصارع اومعرفش ايه ..

انا برد بمنتهى البساطة على حضرتك او على غيرك ومن ابسط المعلومات اذا اقتنع من يقرأه فالحمد لله اذا لم يقتنع فانا قمت بواجبى فى حدود ما استطيع..

انا عن نفسى مش تعبانة اللى تعبان يصارع هو ..

مش عارفة ليه حاسة ان الرد فيه هجوم ضمنى ...

هو مشاركتى كان فيها حاجة ضايقت حضرتك؟؟؟!!!! ..
انا مش شايفة فيها حاجة الصراحة

 

 

[Eng Hesham]

ريمو .. زوهيرى لا يقصدك شخصيا على الاطلاق
هو بيتكلم بشكل عام ان نسبه كبيره من المتدينين بتثبت دينها عن طريق هدم الاخر

مش مهم انا صح في ايه المهم هو غلط فى ايه
والكلام دا لكل الاديان مش اسلام بس ولا مسيحيه بس

 

 

[Mzohairy]

إطلاقا يا ريمو
وحياة ولادي مافي اي حاجه ضايقتني
ليه اعتقدتي كده ؟؟؟؟

 

 

[Mzohairy]

اقتباس المشاركة الأصلية كتبت بواسطة Remooo اولا المنطق المحدود الذى اقصده هو المنطق المادى المطلق الذى ذكرته بالمشاركة وكلمة محدود لم يقصد بها انه منطق منقوص او خاطىء ولكن يقصد بها انه منطق محدود التطبيق غير سارى دائما وابدا على جميع الامورالدينية والدنيوية على حد سواء..هذا منطق البشر فكيف اساويه باعجاز وتدبيرخالق البشر!!!! طبعا انت فهمتها انه فيه منطق ناقص ومنطق كامل (وانا دح وهما كخ) وعملت مشاركة طويلة عن شىء غير اللى اقصده اساسا .. وبالتالى انا هاعدي الجزء ده لانه رد بناء على فهم غير سليم للجملة. وجهة نظرك و انتي حره فيها و احترمها رغم انها غير ملزمه لمن يختلف معك فيها فهناك 5 مليار انسان غير مقتنعون بمنطقك على وجه الارض بس هارد على الجزء الخاص بديانة الاخر لانى ارى انه مهم انا اذا لم اقتنع بشىء ورد بديانة الاخر فان هذا يكون بناء عن ما ورد بهذاالشأن فى صحيح دينى انا دعينا نصحح بعض المفردات....ما تعتقدين انه صحيح دينك وليس من منطلق بان هذا الشىء ساخر او مضحك .. الاديان ليست مثار للسخرية والاستهزاء ايا كان الدين ..ولكن ما يشتمل عليه دينى هو ما التزم به وهو ما يجعلنى اصدق هذا او لا اصدق هذا واوسكا نفس الشىء.. وهذا هو الفرق بشكل عام بين الطريقة التى يفكر بها شخص مؤمن بالاديان او بدين ( ايا كانت ديانته او درجة التزامه) وبين الملحد اوالعابث بالاديان والذى يتخذها لهوا.. سلوك محترم و نرجوا ان يلتزم به الجميع في انهم يحترمون الاخر مهما اختلفوا معه الجزء الاخير حرية ان حضرتك تقدر تذكر دينى بما يسىء هنا .. مش هاتحصل و مين له الحق في الاساءة الى اي دين؟ انا من اكتر الناس اللي بتدافع عن حتمية احترام الاديان لكن الموضوع هحاول اوضحهولك باختصار بمثال صغير و حاولي القياس عليه هناك فريق و ليكن انت و نزيه و تكسير و جرديز (و لك و لهم كل الاحترام) و الفريق الاخر انا بشخصي الضعيف احد اعضاؤه الفريق الاول مثلا يرى انه طالما حديث رضاع الكبير حديث صحيح اذا القصة حدثت و يدافع عن حقيقتها و حدوثها بكل ما يستطيع من اجل ابعاد اي شبهة عن كتب الاحاديث و مصداقيتها و يعتقد هذا الفريق ان اي مكذب لاي حديث يعتقدون في صحته هو انسان يحاول هدم الدين بشكل او باخر انا بقى مثلا مايهمنيش البخاري كله لو كان هيضر الاسلام بقصص مكذوبة وضعها في صحيحه بدون قصد ما يهمني هو ان ازيل اي تشويه يلحق بديني من الفريق الآخر بسبب معتقداته يعني لو هقارن بين مصداقية البخاري و سمعة الرسول عليه الصلاة و السلام يبقى ليذهب البخاري بغير رجعة و ليبحث علماء المسلمين عن طريقة اخرى تنقل المعلومات بدون تشويه و اعتقد انا و كل من في فريقي ان الطرف الآخر يشوه الدين بأفكاره المتطرفة و تشبثه بأمور اقل كثيرا في اهميتها عن النتائج السلبية التي ستنتج عنها و بالتالي احنا فريقين هدفنا واحد (في رأيي) لكن كل فريق يسير عكس الآخر في الاتجاه و الاسلوب ارجوا ان يكون الشرح واضح و بسيط والحقيقة انا لم اسعى لعمل اى مقارنات مع اى حد ولا فى اى حاجة ولا عايزة اظهر احسن من الاخر ولا اوحش من الاخر زى ما حضرتك بتحاول انك توصلى لانه ببساطة انا فى تمام الرضا من دينى وعلى قناعة شديدة بكل ما يتضمن معنديش الدافع انى اثبت او ما اثبتش او اصارع اومعرفش ايه .. مين جاب سيرة صراع او رضا او اثبات؟ انا بقول كل واحد حر في قناعاته من الصبح ...اعمل ايه تاني طيب؟؟ انا برد بمنتهى البساطة على حضرتك او على غيرك ومن ابسط المعلومات اذا اقتنع من يقرأه فالحمد لله اذا لم يقتنع فانا قمت بواجبى فى حدود ما استطيع.. حقك و حق من يخالفك الرأي ايضا و مجهود تثابي عليه (اذا كانت نتيجته فيما يريد الله فعلا و ليس فيما تعتقدين ان الله يريده) انتي او الآخر طبعا انا عن نفسى مش تعبانة اللى تعبان يصارع هو .. محدش تعبان خالص و لا جاب سيرة التعب غير حضرتك ......و ربنا يبعد التعب عن الجميع مش عارفة ليه حاسة ان الرد فيه هجوم ضمنى ... هو مشاركتى كان فيها حاجة ضايقت حضرتك؟؟؟!!!! .. انا مش شايفة فيها حاجة الصراحة

تحياتي

 

 

[Mr.Linux]

اقتباس المشاركة الأصلية كتبت بواسطة Ehab Salem مفيش حاجه إسمها حد الرده .... زي ما بنفرح بإن واحد غير مسلم يعلن إسلامه لازم نقبل إن واحد مسلم يعلن إنه لم يعد مسلم

اكيد لا طبعا

 

 

[Remooo]

سبحان الله...كلامك فى سكة والفعل فى سكة تانية خالص

بداية ..لا اخفى عليك مشاركاتك بما تحمل من تشكيك متعمد واساءة للدين فى اكثر من موضع و فى اكثر من مناسبة وهو ما تطلق عليه انت مسمى وجهة النظر والحرية الشخصية اصبحت تصيبنى بحالة والله حاولت كتير اجيب لها مسمى يناسبها بس ما لاقتش-ومش انا لوحدى-والمشاركة انا بعملها وانا فى حالة من الاستياء والاضطرار..

- وجهة نظرك و انتي حره فيها و احترمها رغم انها غير ملزمه لمن يختلف معك فيها فهناك 5 مليار انسان غير مقتنعون بمنطقك على وجه الارض

برضه هايقولى ملزمة وغير ملزمة..هو انا رحت جيبتك ولا جبت غيرك وقلتلهم تعالوا والنبى منطقى اهو لازم تقتنعوا بيه؟؟..هو مش انت اللى دخلت وكل همك تشكك وتنكر وتسىء للدين وفى اكثر من موضوع ..اما رديت عليك بكلام مش عاجبك طلعت ضوافرك وبدات الهجوم...انت كنت متصور انى هاجاملك انا ولا غيرى فى الدين ولا ايه ؟؟؟

ومين قالك ان كلامك ومنطقك مقتنع به المليار والنصف مسلم على وجه الارض؟؟..الفئة دى مش هى اللى فارقة معاك من أساسه على الاقل من المنظور الايجابى

ليه واشمعنى مهتم اوى بالخمسة مليار اللى مش مقتنعين بل ومتحمس جدا لهذه الحالة من عدم القناعة لمنطق لا يدعو فى الاساس الى الحاد او شرك واعتبرته منقوص فيما سبق ؟؟؟...طب يا سيدى ما اقنعتهمش انت ليه بمنطقك السليم ؟؟؟ده اذا اصلا الجزئية دى تمثل لديك اى قيمة ولكن ليس هذا هو الهدف من الاساس ...دى وجهة نظرى انا كمان وليا الحرية فى طرحها زى ما انت قلت

- دعينا نصحح بعض المفردات....ما تعتقدين انه صحيح دينك

وليس بالضرورة ما تعتقد أنت انه ليس بصحيح دينى ان يكون فعلا هكذا

(رأيك يخضع لنظرية الاحتمالات ايضا ولا هى تسرى عليا انا بس؟؟؟)

حقك و حق من يخالفك الرأي ايضا و مجهود تثابي عليه

(اذا كانت نتيجته فيما يريد الله فعلا و ليس فيما تعتقدين ان الله يريده)

وبرضه مجهودك سوف تثاب عليه ان شاء الله...ده ماشاء الله يعنى تشكيك شغل فنادق المتر بالشىء الفلانى

محدش تعبان خالص و لا جاب سيرة التعب غير حضرتك ......

واضح

و مين له الحق في الاساءة الى اي دين؟

الا البعيد سؤال؟؟؟..والا المصيبة تكون بتوجهولى انا !!!!!

انا من اكتر الناس اللي بتدافع عن حتمية احترام الاديان

طبعا طبعا..هو حد قال غير كده

هناك فريق و ليكن انت و نزيه و تكسير و جرديز (و لك و لهم كل الاحترام)

ودى كانت الفقرة الكوميدية فى المشاركة

للامانة انا فرحت (وضحكت) اما لاقيت اسمى مع الناس دول ولكن انا لا اعتقد ان ده نفس احساسهم وبصراحة لم اتوقع فى يوم ان يربطنى بهم اى حاجة فى اى حاجة لا امبارح ولا النهاردة ولا بعد 20 سنة..ايه جاب القالعة جمب البحر...بس عامة معاك كله جايز


وتحياتى برضه...ليه لأ

 

 

[imatinib]

اقتباس الحاجة التانية اللى حضرتك بتقولها وهىوجوبمناصرة الاسلامين

مصطلح الاسلاميين نفسه مشكله كبيره

المفروض اننا كلنا مسلمين من اهل السنه و لا يوجد مسلم سنى لونه اصفر و اخر لونه اخضر عشان تبع جماعة الاخوان و ثالث لونى احمر عشان تبع جماعة كذا

من اول الشيخ فى المسجد حتى الراقصة فى الكباريه كلنا مسلمين من اهل السنة

هذا عالم و هذه امرأة عاصية لكن لا نختلف عن احترامنا للدين و رغبتنا فى تطبيق الشرع

و القلة القليلة التى تحارب الهوية الاسلامية للبلد ما هم الا بعض الناعقين على النت او وسائل الاعلام

مثل بتوع حقوق المرأة يطلعوا فى التليفزيون يصدعوا دماغنا و نسائنا فى البيوت يسبونهم

فلما نقول (الاسلاميين) فكأننا نتكلم عن اتباع دين خاص منفرد عن عموم المصريين

ربما الصبغة العلمانية للبلد هى التى فعلت ذلك

ربما ظهور جماعة الاخوان كواجهة للمدافعين عن الشريعة هو من رسخ فكرة ان المسلمين ينقسموا الى تابع جماعة كذا و عامى لا يتبع جماعة

المفروض مصر اسلامية

تطبيق الشريعة الاسلامية يقسم عليه الرئيس كما يقسم على الحفاظ على النظام الجمهورى

كون تطبيق الشرع محل نعم او لا سيزيد من ترسيخ هذا المصطلح (الاسلاميين)

 

 

[imatinib]

اقتباس ديننا ليس دين اعمى..اعطينا العقل لنميز الخطأ والصواب

صحيح

و تمييز الحق و الباطل بالكتاب و السنة

و اذا خالف شخص ايا كان الكتاب و السنه فكلامه فى صفيحة الزباله حتى لو كان الامام الشافعى نفسه

 

 

[imatinib]

اقتباس والاسلاميين ليسوا انبياء يجب اتباعهم ونحن مغمضين الاعين الناس فاهمة انه عشان اسلامى انا معاااااااه لو حتى ودانا ورا الشمس

صحيح

و تعبير "عشان اسلامى" يؤكد المشكلة التى قلتها سابقا و هى اعتبار الملتزمين كأنهم اتباع دين منفصل عن عموم الناس

 

 

[imatinib]

اقتباس المصدر: منتديات المطاريد ... لقراءة المزيد إضغط على الرابط : https://www.almatareed.org/vb/showthr...#ixzz2BcGJz6Oh نصيحه اخرج من الشرنقة اللى انت فيها هتلاقى ملايين بيلحدوا وبيكفروا بكل الاديان واللى منتشر فى العالم حاليا الالحاد بسبب رجال الدين وخطابهم

مسألة التصير فى افريقا حقيقة

و مسألة انتشار الاسلام فى الغرب حقيقة ايضا

لكن العدد و فلان اسلم و فلان كفر شىء لا يهم كثيرا بالنسبة لى

فيديوهات الجزيرة و ما عرفش ايه ممكن تكتب على اليوتيوب كلمة JIHAD BY DEMOGRAPHICS

او ISLAMIC DEMOGRAPHY

لكن هذا لا يهم

الى يسلم لنفسه و الى يكفر على نفسه