أخى المغترب أختى المغتربه ..ممكن تعملوا ايه ؟

[Farida]

الصحف المصرية والعربية

اليوم باتكلم مع زميله كانت تعمل باحدى الجامعات الأمريكيه قالت لى لو تشوفى الأعلانات اللى بيعملها اليهود و تصويرهم على انهم الناس المتحضرين الى عايزين يعيشوا فى سلام و يزرعوا الورود لكن الأرهابيين الفلسطينيين اللى بيقتلوا اولادهم مش عايزين السلام و بيحاربوهم .........
ياترى عزيزى المغترب و عزيزتى المغتربه فى بلاد الغرب السعيد ايه امكانيه انكم تساعدوا فى تغيير الصورة دى و توضيح ماهية اسرائيل و مخططاتها الأستيطانيه و هل حاولتم و نجحتم ام فشلتم و ايه هى المعوقات اللى قابلتكم و ايه المخاوف اللى ممكن تمنع البعض من القيام بهذا الدور ..........
جايز تجاربكم تفيد البعض اللى بيحاول او قلقان و شكرا

 

[Farida]

أخى المغترب اختى المغتربه .............ألوووووووووووووووووووووووووو

 

 

[yassir]

الاخت الفاضله فريده ....تحيه و تقدير على توقيت طرح الموضوع ....

بالطبع الموضوع ليس على رأس القائمه فى كل الدول التى ينواجد بها مغتربون مصريون أو عرب فالقضيه ضمن قضايا عديده ربما بالنسبه لنا فى مصر و الشرق الأوسط لها الاولويه و لكن فى المهجر الأمر لايتخذ نفس الأهميه لكثره القضايا , عندك مثلا الأرمن ومشكلنهم الأزليه مع الاتراك , الأكراد و حلم القوميه الكرديه , عرب ستان و أيران و الأستقلال البعيد المنال , حقوق الكلدانيين و الأشوريين فى العراق , معارضى أبران و جبهه مجاهدى خلق و الحكومه الأيرانيه , الشيعه و السنه , الأقباط و الحكومه المصريه,الامازيغ و الحكومه الجزائريه, و غيره و غيره ........ كل هؤلاء مواطنيين من المنطقه العربيه جاليات كبيره لها أهتمامات و اولويات اخرى .
و مع هذا هناك خطوات كثيره أتخذتها هيئات مهتمه بالتوضيح للمجتمع الصوره الحقيقيه للقضيه الفلسطينيه .....المشكله فى ضعف الكوادر العربيه المؤهله للتصدى لقضيه فلسطين من ابرز التجارب الجديده نجربه الكونجرس الاسلامى و الذى اخذ على عاتقه تعديل الخطاب الاسلامى فى الاعلام الأمريكى و أخراجه من حاله العزله و اللف فى حلقات مفرغه من الموضوعات المختلف عليها منذ الأزل كنعدد الزوجات و ملك اليمين و الجهاد .....
أبضا نجربه البيت الفلسطينى بكندا نجربه أكثر ألتصاقا بالمشكله و من اجمل ما يحاول الفبسطينيون تطبيقه هو حلقات اللقاء بين الأجداد من جيل 48 و الاحفاد و يروى فى هذه الحلقات الأجداد ما عاصروه من المأسى من الغاصب و غرس القضيه فى نفوس الشباب و الأطفال...
بالطبع التجارب لاترقى الى حرفيه اليهود فى طرح قضيتهم فالأحتفال بالهولوكست فى المعاهد و الجامعات لا يمكن يؤجل او يلغى فى سنه من السنين و لو حتى كانت السنوات العجاف .... اتمنى أن اكتب موضوع فى هذا الشأن ستعجبين كيف لايمل اليهود من طرح هذه القضيه مرارا و تكرارا .....الاجمل من هذا ما بدأ من فتره من التسويق لحق البهود فى العوده لمصر بس و الله الناس يشكروا مش عايزين تعويض من الحكومه المصريه عن ممتلكاتهم التى تركوها بعد 56 ...الحديث له جوانب كثيره و تكتب فيه تفاصيل كثيره أتمنى طرحها فى مداخله أخرى .....جزاكى الله كل خير على فتح هذا الموضوع القيم ...

 

 

[gadolly]

الحقيقة يا ياسر انا نفسي تكمل في الموضوع ده, بالذات ان هنا مفيش يهود تقريبا فمشعارف بيعملوا ايه بالضبط في كندا ! و الحقيقة كمان تقريبا مفيش غير مسلمين قليل جدا فالقضية مش واضحة تماما بالنسبة لاهل المدينة

 

 

[hend]

أنا اسفه ان هذه المداخلة ليست لها علاقة بالموضوع بس لانًي جديدة في المنتدي فمش عارفة افتح موضوع جديد أنا جئت فرنسا منذ شهرين واولادي كانوا في مدارس خاصة في مصر والآن انتظموا في المدارس الفرنسية الان أنا محتارة هل يظلوا كما هم في مدارس مصر بمعني أني. اضمن مكانهم ام مالوش لازمة بمعني هل من فايدة من ان يحافظوا علي مكانهم في مصر هل من متاعب ممكن تواجهنا عندما نرجع مصر من الاعترافزبمدرستهم اللي في فرنسا مثلا

 

 

[HanyMan]

اقتباس المشاركة الأصلية كتبت بواسطة gadolly الحقيقة يا ياسر انا نفسي تكمل في الموضوع ده, بالذات ان هنا مفيش يهود تقريبا فمشعارف بيعملوا ايه بالضبط في كندا ! و الحقيقة كمان تقريبا مفيش غير مسلمين قليل جدا فالقضية مش واضحة تماما بالنسبة لاهل المدينة

.

بس لية تعقيب على موضوع حضرتك انتى كمان وانتى فى مصر ممكن تشاركى فى تحسين الصورة من خلال الاشترك فى منتديات ناطقة بالانجليزية وعمل موضوعات توضح للغرب سماحة الاسلام والمسلمين والموضوع بس مش على عاتق الناس اللى فى الغربة ودة لانى ليا وجهة نظر ممكن تكون صح وممكن تكون غلط وهى ان الناس اليهود اللى بتعمل بروباجندا زى ما حضرتك وضحتى هى ما بتعملهاش فى الشارع ولا فى البيوت ولكن بتتعمل من خلال وسائل الاعلام المختلفة واللى منها الانترنت واللى هى أكيد وسيلة متاحة للى فى مصر واللى براها

تقبلوا تحياتى

 

 

[حشيش]

اقتباس المشاركة الأصلية كتبت بواسطة hend أنا اسفه ان هذه المداخلة ليست لها علاقة بالموضوع بس لانًي جديدة في المنتدي فمش عارفة افتح موضوع جديد أنا جئت فرنسا منذ شهرين واولادي كانوا في مدارس خاصة في مصر والآن انتظموا في المدارس الفرنسية الان أنا محتارة هل يظلوا كما هم في مدارس مصر بمعني أني. اضمن مكانهم ام مالوش لازمة بمعني هل من فايدة من ان يحافظوا علي مكانهم في مصر هل من متاعب ممكن تواجهنا عندما نرجع مصر من الاعترافزبمدرستهم اللي في فرنسا مثلا

أولاً برحب بيكى يا أخت هند وأتمنى إن حد من الزملاء اللى له نفس الظروف يقدر يفيدك إن شاء الله

 

 

[Tornado]

اقتباس المشاركة الأصلية كتبت بواسطة hend أنا اسفه ان هذه المداخلة ليست لها علاقة بالموضوع بس لانًي جديدة في المنتدي فمش عارفة افتح موضوع جديد أنا جئت فرنسا منذ شهرين واولادي كانوا في مدارس خاصة في مصر والآن انتظموا في المدارس الفرنسية الان أنا محتارة هل يظلوا كما هم في مدارس مصر بمعني أني. اضمن مكانهم ام مالوش لازمة بمعني هل من فايدة من ان يحافظوا علي مكانهم في مصر هل من متاعب ممكن تواجهنا عندما نرجع مصر من الاعترافزبمدرستهم اللي في فرنسا مثلا

اهلا وسهلا بحضرتك مدام هند

 

 

[hend]

اقتباس المشاركة الأصلية كتبت بواسطة حشيش أولاً برحب بيكى يا أخت هند وأتمنى إن حد من الزملاء اللى له نفس الظروف يقدر يفيدك إن شاء الله

متشكرة جداً يا استاذ حشيش هو مينفعش حضرتك تضع الموضوع في توبيك منفصل عشان الناس اللي في فرنسا تنتبه للموضوع وامتحانات نصف السنة في مصر اقتربت وانا محتارة ولازم أخذ قرار خلال اسبوع*