صفحة حارتنا الهزلية - منتديات المطاريد
بسم الله الرحمن الرحيم
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ (84) وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِندَهُ عِلْمُ السَّاعَةِ وَإِلَيْهِ تُرْجَعُونَ (85) "الزخرف"

منتديات المطاريد | الهجرة الى كندا | الهجرة الى استراليا

 



BBC NEWS

    المعادلة الكندية للصيادلة
    (الكاتـب : Batman ) (آخر مشاركة : dr_jojo)
    وينيبج- مانيتوبا
    (الكاتـب : mohsen ) (آخر مشاركة : tours)

    قديم 15th October 2010, 04:22 PM أسامة الكباريتي غير متواجد حالياً
      رقم المشاركة : 1
    Field Marshal
     






    أسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond repute

    أسامة الكباريتي's Flag is: Palestinian

    افتراضي صفحة حارتنا الهزلية

    أنا : أسامة الكباريتي






    عبد ربه يا كايدهم !



    كتبت نوال الجوال
    طل القمر في عز الظهر وصار يحكي, الكل نصت للكلام, المتحدث ياسر عبد عباس (عبد ربه سابقا) أمين سر منظمة "الدح الدح نبو", مش مشكلة شو بحكي بس لازم يطلع بموقف.

    الكاميرا شغالة، قالوا له من جوا "اطلع احكي" قاللهم "شو؟", قالوا له "أي شيء", قلهم أنا بطلع بشوت الكرة في ملعب نتنياهو.. وطلع زلمتنا نسي حاله ولا على باله.

    عبد ربه قال "بنعترف بالدولة اليهودية"، شو هالتألق السياسي.. كبير يا ياسر، ولما سمع نتنياهو الطرح صعق من فهلوة عبد ربه اجتمع مع كبار قادة الموساد والشاباك وقرر اغتياله على هالحنكة السياسية.

    العقدة في الموضوع آلية الاغتيال، أحدهم قال "مثل عرفات" نط غيره قال "محروقة عند عبد ربه هاتوا غيرها", أجا آخر وقال "اغتيال بالطائرات" رد رابع وقال "ما بستاهل"، ضل التفكير شغال إلى الآن وكل دولة الاحتلال منشغلة بالتخلص من عبد ربه.

    يا عم خبرة وكنز سياسة, أصلا من كل هالموضات مفاوضات مباشرة وغير مباشرة وريفيرس لغير المباشرة هاي أحلى موضة, جعيرات استحى يسوّيها.

    والآن يجب على عبد ربه أن يحافظ على حاله من يد الغدر الصهيونية أن تطاله من شطارته, ومن النصائح التي يجب أن يأخذها بعين الاعتبار عدم التنقل بالسيارات اللي عنده, ويجب أن يحول رصيده في البنك باسم غيره للتمويه ويقلل من المقترحات النارية اللي مثل هيك, أحسن إسرائيل تستفز وتسحب الفي أي بي منه أو تستوقف سيارته عالجسر الأردني وتصادر جوالات أو ملابس تجارة وهيك رزقته تروح .

    اصبر واتحمل يا ياسر, كل الانتقاد لطرحك عبارة عن حسد عشانك بتطلع عالكاميرا.

    بفهموش بدهم قرون لما يصيروا بشطارتك, صح انت على حالك من يوم ما شفناك على الكاميرا بس مش مشكلة, صح أنك بتعرف شو صار مع عرفات بس مش مشكلة, صح انك لا تمثل إلا نفسك بس مش مشكلة, إنساك من كلام العزّال وقلهم بالبونط العريض "الوقت للهامل" وأنت قدها وقدود.

    بتعرف لو السلطة بتقدّر اللي مثلك, لازم يجففوك ويعملوك تمثال في نص رام الله والكل يتصور عندك.

    يا رجل والله إنها خطوة منيحة على طريق السلام, بس بتعرف لو يعملوا هيك مع كل الفهلوية اللي زيك كان المقاطعة كلها تماثيل, وشو عليه؟ بنصير داخلين كتاب غينيس في المناسف والمسخن والكنافة والتماثيل!.

     

    الموضوع الأصلي : صفحة حارتنا الهزلية     -||-     المصدر : منتديات المطاريد     -||-     الكاتب : أسامة الكباريتي

     

     


    !Start Your Website Now


     
    رد مع اقتباس

    Latest Threads By This Member
    Thread Forum Last Poster Replies Views Last Post
    أطيز طبخة ريحتها نتنة: مرة أخرى.. فلسطين الثمن... فلسطين أرض الرباط أسامة الكباريتي 0 798 29th March 2017 11:06 AM
    لولولولولويييي بدء تطوير وتوسيع معبر رفح من... فلسطين أرض الرباط أسامة الكباريتي 0 547 24th March 2017 09:26 PM
    اغتيال الأسير المحرر مازن فقهاء القيادي في حماس فلسطين أرض الرباط أسامة الكباريتي 9 1028 24th March 2017 09:15 PM
    "حماس" تنشغل بالتحضير لإطلاق وثيقتها... فلسطين أرض الرباط أسامة الكباريتي 0 263 20th March 2017 08:53 AM
    تل أبيب التي لنا! تدوينة فلسطين أرض الرباط أسامة الكباريتي 0 355 20th March 2017 08:04 AM

    قديم 16th October 2010, 02:58 AM أسامة الكباريتي غير متواجد حالياً
      رقم المشاركة : 2
    أسامة الكباريتي
    Field Marshal
     






    أسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond repute

    أسامة الكباريتي's Flag is: Palestinian

    افتراضي

    أنا : أسامة الكباريتي





    خيرك مغرقنا يا أبو حسين !


    كتب مراسل "حارتنا" سعيد الحزين:
    لما أجا أوباما على الحكم، كل العرب قالوا: "أجا زلمتنا وهو ما راح يخذلنا, والرجل ملسن وملحلح".
    لف لفة على دول العرب وروّح بسيف بلمع ونعجتين عساف وعدد من الجاجات وصقر, وحرمته ميشيل نالها من الحب جانب من مجوهرات وملابس تراث والوضع كان منيح.
    العرب صح أعطوه كل هالهدايا، بس هم قالوا : "مش مشكلة يا أوباما اسمك منا وفينا وخيرك سابق, ما في طوشة إلا بتدخّلنا فيها وما في فايدة إلا بتبعدنا عنها والله انك محترم, المهم خلصلنا موضوع الفلسطينيين والصهاينة عالسريع، وبدناش فوضى زهقنا طباعة بيانات".
    أوباما دق على صدره, هو لا يلام في حينها "لأنه مثل بدوي نازل عالسوق", وفكر انو السياسة الأمريكية شوربة وميزاجية, مش عارف أنو اللوبي الصهيوني ماسكها وفش لف ودوران عند مصالحهم.
    شاشت مع اوباما وراح لعب في عقل الفلسطينيين، وقلهم انتو "تيسو" وما توافقوا على المفاوضات مع الاستيطان وصار الكل "يصفقلوا" وشوي كان حطوا صورة كبيرة إله في المؤسسات الحكومية .

    أهبل يا بتتهبل؟

    سمعوا في الخبر أسياد اوباما وبلشوا يعملوا اتصالاتهم على جماعتهم هناك, ولحظات دغدغة وتهديد وإغراء صار الفلسطيني على الشجرة مثل" المعلّقة لا مجوزة ولا مطلقة", وأوباما سكر تلفونه, وقعدوا اليهود معه وفهموه مصلحته، وقالوا له شكلك "أهبل يا بتتهبل", خليك في حالك وما تسوي فيها أبو علي, غيرك سواها ومونيكا أهديناه اياها.
    قعد وفكر اوباما وقال ما إلي إلا اللي أعطوني السيف والنعجة والجاجات, بطلب منهم يشكلوا هيئة ومن خلالها بنفذ القرارات وهيك بضل مكيف على العرب وفي نفس الوقت اليهود ما بزعلوا.
    وبالفعل، العرب قالوا إله: أجاك يا جاك وصار شي اسمه لجنة المتابعة العربية المنبثقة عن جامحة الدول العربية وصار اللي بدو يعطس يرجع إلها وهي بتوقع قرار جاك وبعقدو مؤتمر والعبي بتشتغل وعمرو موسى بغرد بالعبارات المكررة والبيانات, بس هاي اللجنة فقط تختص في قرارات حول القضية الفلسطينية أما اغتيال الحريري وطوشة لبنان ومسخرة السودان هذي كلها إلها لجان أخرى لضمان الشفافية ووحدة الكلمة وبعيدا عن التشتت والانقسام!!!!.
    وهيك صار شيء اسمه مفاوضات غير مباشرة, وبعدها مباشرة وبعدها يطرح موضوع الاستيطان للنقاش في هذه اللجنة عشان تعطي الكشاف الأخضر للفلسطينيين بالاستمرار وصار فرص مرة ومرتين لأمريكا وأخرى شوي لسرلنكا وبعدين للسنغال، طبعاً.. هدفها إرضاء العالم " كريمة هاللجنة", ومش مشكلة الاستيطان والهدم والقتل كله كرمالك يا أوباما "يابو حسين هالنشمي".

     

     




     
    رد مع اقتباس
    قديم 16th October 2010, 03:40 AM أسامة الكباريتي غير متواجد حالياً
      رقم المشاركة : 3
    أسامة الكباريتي
    Field Marshal
     






    أسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond repute

    أسامة الكباريتي's Flag is: Palestinian

    افتراضي

    أنا : أسامة الكباريتي





    نتنياهو في "سرت" هو إللي قطع الكهرباء على الرئيس



    كتب –موفد "حارتنا" للقمة "تحرير محرر طفران"
    في ما تناولته الصحافة عن لمة سرت قليل مخل ، وبسيط مطل ، وخفيف مشل .
    لحسن الحظ كان مراسلنا الفهمان أبو الجديان حاضراً على التفاصيل بعد دخوله الخيمة على شكل وزير مساعد للتمويه .
    كالعادة المعروفه خطب الزعماء ... دخنت القاعة ... حميت الشباب ... فكوا ربطات الأعناق ، لكن كان في المكان مفاجأة من العيار الثقيل.
    زعيم مرتب عارف القصة عبر عن احتجاجه بشخير مدو في القاعة ، التفت الجمهور إليه صفق الحضور وقالوا : هيك بنفلق نتنياهو .
    موساد إسرائيل رأى في القصة صفعة مرتبة ، فبعث فرقة المهمات السرية لقص سلك الكهرباء الموصل للمة العربية ، الحظ العاثر صادف كلمة السلطة الفلسطينية .
    على طول الخط اتهموا السورية ، على إثر ذلك الطبخة العربيه شاطت في الجلسة الحواريه .
    الريس عزوز(إسم مستعار يا جماعة بلاش نخرب العلاقات الخربانة) على ذمة أبو الجديان عمل كبسه وحراسه تصرفوا وقاموا بالواجب وبذلك (إتخوزقت) إسرائيل واستمرت القمة .
    أبو الغيط الفهمان والسياسي الورمان ، كاشف الزعران ، حدد العمل العربي المشترك وأجمل قاع القمة وسقفها فصرح تصريح مثل شطة غزه وقال : "إنه حصار غزة ما بينفك بجيوش عربية ، والحرب مع إسرائيل مزاوده على مصر الأبية ، ومعبر رفح خرم إبره إن فتحناه بيكثرن الحوادث والأزمة المروريه .
    وإذا حد يريد المزاوده علينا في قصة القوافل ... يا عالم انتم لا تعرفون أن القادمين زي غلوي وشلته بدهم : غدوه ، وعشوه ، وتحلايه .
    إلي بفلق على رأيه لا يأكلون إلا (هامبرجر) ، الخطة القومية العربية وفكرة وزيرنا العبقريه ... رجعهم بتوفر ، احبسهم بحرموا ، بهدلهم بتصير ضجة ... هيك فلقنا نيتو ياهو (مشفر للتمويه ) .
    أبو هزري ... مخربش العلاقات مع الشقيقه (لارج ) دقني لأدقك ، لم تعجبه القمة ، ولا خطة أبو الغيط ، والجزيرة الفتانة لاحقته على الهواء ، وجايبه معه صورة دبابسة ، وتصريحات أبو عطوان ، وعملية دهس الولد في القدس .
    أي بطلعلهم يشغلوا إغواتنمو على مراسليها إلي عطلوا العمل العربي المشترك ، والعمله الموحدة ، ولسا المخفي أعظم .

    في ختام التقرير والشهيق والزفير اقتراح ونصيحة خلوا العربية إتغطي اللمات العربية ، وخلي المشفر الأشقر إيخبر العاجل ، بس على الهادي .
    هكذا يمكن إنتاج قمة نار ... سلامات يا زعامات للمه إجديده

     

     




     
    رد مع اقتباس
    قديم 16th October 2010, 02:13 PM أسامة الكباريتي غير متواجد حالياً
      رقم المشاركة : 4
    أسامة الكباريتي
    Field Marshal
     






    أسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond repute

    أسامة الكباريتي's Flag is: Palestinian

    افتراضي

    أنا : أسامة الكباريتي




    نجاد ... طول روحك


    بقلم/ محرر متحرر قرفان
    من لبنان خطب نجاد : سنهدم الاستكبار ، وسنقتل الكفار ، وسنقلب القافية والأشعار .
    على رنين الكلمات الفارسية، ولع تيار الإعتلال العربي، ونعوا لبنان، ثم همس بعضهم أن طيارة الضيف القادم تحمل أطنان النار لحزب الله، وبحجم النار (مشاتيح ) الدولار .

    اليهود اتفقوا مع المعتلين العرب فمنهم قال أقصفوه، وبعضهم قال خوفوه، وقسم آخر اقترح مسيرة للتحدي قبالة مارون الراس، وعيتا، وغيرها من المناطق التي بهدلت (إسرائيل ).

    في متابعة مراسلنا الفهمان ، شاف العجايب على حد تعبيره.. تكبير، وتهليل ، وزغاريد لنجاد .

    في سر ذلك قال أبو الجديان : قدّم في الليل بتلاقي في النهار، وقدم ذهب بتلاقي ذهب ، وضرب حجار بتلاقي نار، فلا تنسوا أن نجاد قدم للجنوب مليار دولار، أعادت بناء ما هدمته حرب اليهود.

    الخبيث أبو المعتل قال : الفلوس راحت للشيعة ، (يعني من دهنوا إقليلوا ) بإختصار لا تمن علينا إيران ولا غيرها على حسب قوله .


    مواطن غزاوي خربان بيته ... كل يوم بنام على الأمل، سأل زوجته: كم دجاجة في الخم عنا اليوم؟، ردت : 22 ، قال والديوك ؟، ضحكت وردت : في الدار ؟
    قلها يا خبيثة :في الخم ؟ ، قالت: مفيش ديوك.. لا في الخم ولا في غيره.


    المعتلين العرب مش عاجبهم زيارة نجاد، أما هم فالله لا يخلف عليهم.. أدخلوا دواء منتهي تاريخه لغزة، ولما حميت المشاعر، دخلوا شوكلاته دهن، وشكولاته حشي، وشوكلاته مص، وشكلاته برم، حتى الدايت ما نسيوها .


    على رأي حمدي قنديل : الريس العربي ، "يشتري ناس ممكن، و يبيع ناس ممكن، يشتري نسوان، يبيع رجال كمان ممكن، بس ميعرفش يكذب علينا في الكرامه والشهامة، دي متنبعش في المزاد" .


    والحب ما ينبعش في المزاد ، والمواقف مش كلام ، ورفح مش أحلام ، والحصار مش سراب ، والدمار مش شعار .

    يا حكام العرب : مش عاجبكم زيارة نجاد للبنان؟ طيب إلي راجل منكم يزور غزة ، يبني فيها بيت ، يطعم جائعها غير الكلام .


    زوبعة تاخدكم، تعصركم، وتكبسكم، وتعلبكم، أو تاخذنا ونخلص منكم.. أو غاروا من نجاد الشيعي على رأيكم ، صاحب محور الشر .

     

     




     
    رد مع اقتباس
    قديم 16th October 2010, 02:53 PM أسامة الكباريتي غير متواجد حالياً
      رقم المشاركة : 5
    أسامة الكباريتي
    Field Marshal
     






    أسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond repute

    أسامة الكباريتي's Flag is: Palestinian

    افتراضي

    أنا : أسامة الكباريتي




    !For Medical Professionals Only

    عباس " الحفيد " : عام 2105 سيشهد ولادة الدولة المستقلة



    شدد على رفض المفاوضات ان استمر الاستيطان
    عباس " الحفيد " : عام 2105 سيشهد ولادة الدولة المستقلة

    رام الله-مراسل "حارتنا بكرة" مبسوط الحزين
    أعلن رئيس سلطة الحكم الذاتي الفلسطيني محمود ياسر محمود عباس رفضه التام لأي استئناف للمفاوضات غير المباشرة، مع الجانب الإسرائيلي في حال استمر الاستيطان الإسرائيلي في الضفة الغربية.

    جاء هذا ردا على مطالبة رئيس الوزراء الإسرائيلي ايهود اسحق بنيامين نتنياهو للجانب الفلسطيني لاستنئاف المفاوضات.

    وشدد عباس "الحفيد" على أن العام القادم ( 2105) سيشهد قيام الدولة الفلسطينية على كافة الأراضي الفلسطينية "المتبقية"، مؤكدا أنه حصل على ضمانات "أمريكية وأوربية" جديدة تؤكد جدية المجتمع الدولي في قراره دعم ومساندة الشعب الفلسطيني في حصوله على الحرية والاستقلال.
    وكان الرئيس الأمريكي بيل رونالد جورج بوش "الإبن" قد طالب الجانبين الفلسطيني والإسرائيلي بالعمل السريع على استنئاف التفاوض "قبل فوات الأوان".

    وجدد الرئيس الفلسطيني تأكيده على أن السلام هو الخيار الاستراتيجي للشعب الفلسطيني، مؤكدا رفضه لكافة أعمال العنف والارهاب.

    وندد عباس "الحفيد" بقرار الحكومة الاسرائيلية ببناء 20 وحدة استيطانية داخل مقر المقاطعة في رام الله، معتبرا القرار بأنه "خطوة استفزازية".

    لكن نتنياهو " الحفيد"، شدد على أن القرار هو بمثابة خطوة اضطرارية نظرا للنمو الطبيعي للمستوطنين في الضفة الغربية، خاصة بعد امتلاء الوحدات الاستطيانية في "دوار المنارة" في وسط رام الله بالمستوطنين اليهود القادمين من كلكتا الهندية.
    وقال عباس "الحفيد" في تصريح لوكالة الأنباء السيرلانكية :" لم يتبق لنا في الضفة الغربية سوى 3 مدن وهي رام الله ونابلس وأريحا، بعد أن تم تهويد كافة المدن والقرى وهدم المخيمات، ونقل سكانها إلى الأردن، وحتى تلك المدن، لم يتبق منها سوى 3 شوارع في رام الله، وحارة في نابلس، و3 أزقة في أريحا، بالاضافة الى زقاق وحيد في بلدة بيت جالا القريب من القدس.

    وتابع الرئيس يقول في انفعال ظاهر : ورغم ذلك فاننا مصرون على مواصلة طريق آباءنا وأجدادنا الذين اختاروا درب المفاوضات والسلام كطريق وحيد لاستعادة حقوقنا".
    لكن عباس "الحفيد" استدرك قائلا:" هذا لا يعني أننا سنقبل بأي حال من الأحوال استئناف المفاوضات دون تجميد اسرائيل لكافة أعمال الاستيطان".

    يشار إلى أن إسرائيل كانت قد أتمت الشهر الماضي، بناء 3500 وحدة استيطانية داخل حي أم الشرايط في رام الله، وأكملت بناء 3 مدن استطيانية مكان مخيمات الجلزون وعين بيت الماء ومخيم نابلس.

    وشدد عباس " الحفيد" على ضرورة وقف اسرائيل لنشاطاتها الاستطيانية في الزقاق الأخير المتبقي من بلدة بيت جالا، على اعتبار انها المكان الفلسطيني الوحيد الأقرب الى القدس، التي هودت بالكامل منذ 13 عاما، هي والبلدات العربية المحيطة بها.

    وتابع الرئيس يقول:" ان القيادة الفلسطينية مصرة على إقامة دولتنا وعاصمتها "زقاق بيت جالا" على اعتبار انه المكان الأقرب الى العاصمة الأبدية مدينة القدس".

    من جانبه شدد الرئيس المصري حسني أنور جمال محمد حسني مبارك، على ضرورة استنئاف عملية السلام في الشرق الأوسط، وعدم ترك المجال لأعداء السلام كي يدمروا آمال المنطقة في الاستقرار.

    وندد مبارك خلال لقاء جمعه بالعاهل الأردني عبد الله الثالث بن حسين بن عبد الله الثاني، بالعاصمة الأردنية عمان، بقرار الحكومة الإسرائيلية باستئناف الاستيطان، مطالبا المجتمع الدولي بالتدخل العاجل لوقف الممارسات الإسرائيلية الاستفزازية.

     

     




     
    رد مع اقتباس
    قديم 19th October 2010, 02:56 AM أسامة الكباريتي غير متواجد حالياً
      رقم المشاركة : 6
    أسامة الكباريتي
    Field Marshal
     






    أسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond repute

    أسامة الكباريتي's Flag is: Palestinian

    افتراضي

    أنا : أسامة الكباريتي




    حارتنا .. سر إعادة السلطة للمستوطنين




    الضفة الغربية -كتب مراسل "حارتنا" "من الفرحة مش مصدق"
    صرّح مصدر مسئول بأن السلطة لا تقف مكتوفة الأيدي أمام محاولات المستوطنين تخريب أخلاق الشعب الفلسطيني في الضفة الغربية، وإنما تقوم بكل جهودها للحد من محاولاتهم إفساد أبناء الشعب.

    وقال المصدر الذي فضّل عدم ذكر اسمه – خوفاً من الملاحقة الصهيونية له- إن المحاولات التي يقوم بها المستوطنون للتسلل إلى المدن الفلسطينية تنتهي بالفشل بعد قيام نشامى الأمن الوقائي والمخابرات والكل والله داير باله " ليش الحكي" بإعادتهم إلى مستوطناتهم فوراً بعد ترجّيهم بعدم تكرار مثل هذه المحاولات.

    وأضاف قائلاً:" في إحدى المرات قمنا بإعادة أحد المستوطنين الذي دخل إلى مدينة رام الله، بالقرب من الخمارة تقريباً وعلى بعد أمتار من حفلة راقصة كانت بتجنّن، ولكننا قمنا بإعادته فوراً كي نقضي على أي محاولة إفساد".

    وأردف معلقاً:" يعني هالمستوطنين جايين من بلاد برة بنعرفش أخلاقهم كيف والعياذ بالله، بدناش ندخل في سين وجيم, ناهيك عن تخريبهم للاقتصاد الوطني، يعني بشتروا الخمرة وغيرها من عندنا بأسعار أقل من داخل دولتهم!, كل هذا وبتّهمونا بالتنسيق الأمني, والمشكلة اللي بتهمونا ما بعرفوا أهدافنا المبطنة من هذا التنسيق, بعرفوش انو لحد الآن نمتلك أكثر من 150 بطاقة "في آي بي V.I.P" والله اليهود ما سحبوها منا، وقال بقولوا عنا شو أنجزنا!.

    وفي السياق ذاته طلب المسئول من مستوطني رام الله وبيت لحم أن يتقيدوا بتعاليمهم التوراتية مثل مستوطني نابلس والخليل الذين يحرقون الزيتون والمنازل ويعتدون على أهالي تلك المدن، موضحاً بأن أولئك لا تتم إعادتهم إلى مستوطناتهم عندما يدخلون القرى الفلسطينية لأنهم "متدينون" ويحافظون على الأخلاق العامة.

    وتابع:" مثلاً المستوطنون الذين يدخلون بورين أو عورتا أو الخليل والحرم الإبراهيمي لا نقوم بإعادتهم إلى مستوطناتهم، لأنهم مثال للالتزام بالتعاليم الدينية وندعو جميع المستوطنين إلى التشبه بهم، وكما تلاحظون فإننا نعاملهم بالمثل ونتحلى بأذواق رفيعة ولا نقوم بإزعاجهم أثناء زياراتهم الترفيهية للقرى المذكورة بل لا نتواجد هناك أصلاً سهراً على راحتهم، حتى أننا ومن واجب الاحترام قمنا بترميم قبر يوسف في نابلس لتوفير الراحة وتسهيل دخولهم متى شاءوا.. إتعلّموا يا مستوطني رام الله وإذا شدّيتوا حيلكم بنخلّي مسجد البيرة الكبير "مقام الصدّيق شمعون" لعيونكم".

    واختتم قائلاً:" وإحنا والله لو يطلع بإيدنا بنرجّع جلعاد لأهله، يا راجل شو بتفكّر، إحنا عازز علينا دموع أمه, بس شو نسوّي مش لاقيينه, لو في خمارة واحدة في غزة كان نشرنا شبابنا عندها وهيك لقطناه".

     

     




     
    رد مع اقتباس
    قديم 19th October 2010, 03:02 AM أسامة الكباريتي غير متواجد حالياً
      رقم المشاركة : 7
    أسامة الكباريتي
    Field Marshal
     






    أسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond repute

    أسامة الكباريتي's Flag is: Palestinian

    افتراضي

    أنا : أسامة الكباريتي




    " لولا " حبلى يا جماعة

    وصاروا اليهود نسايبنا



    رام الله – فلسطين الآن – كتب "عتريس شنبو" مراسل حارتنا العسكري

    بصراحة كان مشهد خطير يا جماعة .. عساكرنا المغاوير وكبار قادتنا الأشاوس من ألوية وعمداء ونسور وسيوف، متجمعين علشان يسلموا الكلبة لولا إلي هربت من مستوطنة قرب رام الله في أراضي الضفة ، ويا عيني الكلبة بيضة وكلابنا حواليها .


    الكلبة لولا ما ضاعت يا جماعة .... كيف تضيع ؟


    البلد أمن وأمان وناس بتخش وناس بتطلع , ومافي أي مشاكل في الضفة ...ولا أنتو ملاحظين غير هيك !!!؟ ...

    بكل بساطة ليش نحرم الكلبة من أبسط حقوقها ...! هيك بيقول الشيخ الهباش ! بيفتي عن حقوق الحيوان , وانو لازم الكل , كل قوات الأمن تشاركنا في إنقاذ حياة لولا .

    وعلل ذلك أن لولا راحت تسهر في أحد الكباريهات في رام الله مع كلب حبيب إلها , وإحنا ما إلنا فيها دخل ...( إلها دينها , وإلنا دين ) .


    لولا يا جماعة كلبة مسكينة , ما إلها دخل في الي حصل ... لولا بيقفلها ألف راجل , وبتحل علي حبل المشنقة ولولا اليوم صارت في بلدنا , وإلى بتعدي علي حرمتها بتعدى علي حرمة بلدنا .

    رجال ونياشين وسلاح وقوات وسيارات كلهم طلعوا من عربنا ومن غير عربنا , لأنو اليوم ما في فرق بينا وبين اليهود ما دام المصاري بتدخل .

    صحيح هوا صار بعض الأشياء ما بتفرح، لكن عادي احنا تعودنا ..... واحنا بندور علي (لولا) , كان الجنود تاعون نتن ياهو بيحاصروا بيت في جنين في اتنين من السرايا ... وكمان في خلال 48 أربعين ساعة من البحث, كانوا أخوة المستوطن بروخي ( صاحب الكلبة لولا ) بيهاجموا ست فلسطينية معها ابنها .

    لكن وشرفيا .... القصة شرفيا, إحنا هزنا الخبر لما اسمعنا بمثل هيك تصرفات من اليهود....و كنا بدنا نقسم حالنا لثلاث أقسام .... قسم في الخليل , وقسم في جنين (علشان نأدب اليهود طبعا), وقسم مع لولا , بس والله ما قدرنا لأنو الهدف الرئيسي بيضيع , خفنا ما يكفي عددنا لنقدر نبحث عن لولا ونطلعها لو من تحت الأرض ..هيك التعليمات .

    الرجال شنوبها بتهز جبال وما بتهتز , والكوفية عالية , وبنلولح فيها , الرجال كلمتها وقافة , وبتغار علي عرضها وأرضها , واهلها , ونسوانها ,وبناتها .... كانت الأمثال الفلسطينية زمان حلوة كتير ....

    وفي الأخر بعد ما أزهقنا بحث من حارة لحارة ,ومن دار لدار , ومن باب لباب, ومن شباك لشباك , ومن حمام لحمام ......

    لقينا ( لولا )وصلناها بسلام لأهلها , وحبايبها .

    صحيح أنسيت أقلكوا :- اتصورنا مع لولا قبل ما ترجع للمستوطنة .

    مش مشكلة انو الكرمي والي معاه "النتشة" مات ... المهم انو لولا رجعت ....

    اتصلنا بعديها لنطمئن علي صحة لولا قالوا إلنا :- لولا في المستشفي ما قدروا يروحوها علي البيت إلا بعد ما يطمنوا علي صحتها ...

    راحت المستشفى , وفحصت دم وبول ... وفي الآخر أجا الخبر الأكيد وإلى كنا نستناه من زمان .

    لولا حامل يا جماعة , بس 48 أربعين ساعة , صارت فيهن لولا حامل, وصرنا احنا واليهود نسايب .

    احتمال يكون اشي مدبر النا حتي يضغطوا علينا في المفاوضات لنآخد ابن لولا في رعايتنا بكرة لما تولد ...
    والله انا خايف الرئيس يقبل يتنازل , لأنو الولد عزيز زي ما بيقولوا ... والمرة الي بدها تركع جوزها تحرد وبس.

     

     




     
    رد مع اقتباس
    قديم 20th October 2010, 02:38 PM أسامة الكباريتي غير متواجد حالياً
      رقم المشاركة : 8
    أسامة الكباريتي
    Field Marshal
     






    أسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond repute

    أسامة الكباريتي's Flag is: Palestinian

    افتراضي

    أنا : أسامة الكباريتي




    عباس لـ " حارتنا " : إيش نقعد نسوي بدون مفاوضات؟


    فلسطين الآن - حارتنا
    في مكان ما وفي وقت ما تمكن مراسلنا سعدون الأهبل، من الحديث مع سيادة رئيس الولايات الفلسطينية المتحدة، محمود عباس، خلال سفره معه على الطائرة الجامبو التي أقلتهما إلى تشيلي كي يشرف سيادته بنفسه على إنقاذ عمال المنجم المحبوسين من شهرين تحت سادس أرض.

    اللقاء كان صريحا صراحة سكر زيادة، و و و زهقت من الكتابة ..وهي الحوار قدامكم.. أف:

    س: سيادة الرئيس، هل فعلا تم تجميد المفاوضات، ولا الحكاية فيها إنّ ؟!
    ج: لا إن ولا لكن، الكل عارف أن النتن ياهو مش راح يعطينا حاجة، فوقّفنا..

    س: طيب لماذا لا تعلنوا عن فشل المفاوضات بدل ربطها بالاستيطان، ما دام النتن يا هو مش راح يعطيكم حاجة على كل الاحوال؟
    نعم..نعم.. وإيش نقعد نسوي بدون مفاوضات؟
    س:طيب وبعدين؟ لوين راح توصلوا؟
    ج:لآخر الشارع هاهاهاها حلوة ليش ما بتضحك ؟ أوعى تكون انقلابي ؟
    س:لا عن جد يا أبو مازن، خلينا نحكي جد شوية، لوين راح تودينا؟
    ج:انا ايش يعرفني..هينا ماشيين وربنا يستر.
    س: لكن ألا يجب ان تكون لديكم كقيادة رؤية وخطة و...
    ج: (عباس مقاطعا بحدة) يعني وقفت علي أنا، ما هي كل بلادنا ماشية على البركة.
    س:طيب وايش قصة المصالحة مع حماس..
    ج:العكاريت المحللين السياسيين كشفونا، يعني الحكاية مش محتاجة ذكاء، احنا بنعمل خط رجعة، اذا فشلت المفاوضات والنتن ياهو وأوباما أعطونا زبمة-على رأي أبو علاء-بنميل على حماس، واذا مشيت المفاوضات بنطقع لها هاهاهاها ...
    س:لكن حماس اليوم ليست سهلة والتجارب علمتها..هل هي بهذه البساطة، كي تخدع بالجزرة اللي رميتها لها؟
    ج:والله هم المشايخ فعلا صاروا اليوم مش سهلين، واحنا صراحة كنا بنفكرهم بهاليل لكن طلعوا "دهاقنة سياسة" –على رأي أبو علي.
    س: أبو علي مين يا سيادة الرئيس؟
    ج:أبو علي شاهين يا راجل، هذا اكثر واحد من فتح بيكرهم هاهاهاها
    س:ماذا بالنسبة لغزة، هل ستعملون على فك الحصار عنها؟
    ج: أيوة أيوة..علشان حماس تعمل لها دولة هناك، وعمرها ما ترجع للشرعية، وأبو العبد ياخذ راحته على الآخر.
    س:طيب ما دمتم خايفين من استقلال حماس بغزة، انجزوا المصالحة معها؟
    ج:هم راكبين راسهم وبدهم مصالحة ند بند، وراس براس، وهذا مستحيل، ما بنقبل الا ان يكون وضع حماس في غزة، زي وضع حماس في الضفة، بعدين هل أنا مجنون أقيد نفسي سياسيا في هذه المرحلة، ويقعدوا يرفضوا دخولي في المفاوضات!.
    س: طيب يا سيادة الرئيس، أنا صراحة زهقت وبدي أنهي الحوار، بدك تضيف شئ؟
    ج:آه طبعا، بدي أقول لشعبي :أوعى تخاف أو تمل أو تزهق أو تقرف، احنا راحين للدولة المستقلة عن طريق المفاوضات وبس، وأوعى تردوا على أبو العبد وتصدقوا كلامه عن المقاومة والتحرير ومش عارف ايش .. وسلمولي على أبو تحسين.

     

     




     
    رد مع اقتباس
    قديم 24th October 2010, 02:44 AM أسامة الكباريتي غير متواجد حالياً
      رقم المشاركة : 9
    أسامة الكباريتي
    Field Marshal
     






    أسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond repute

    أسامة الكباريتي's Flag is: Palestinian

    افتراضي

    أنا : أسامة الكباريتي




    بيان هام..

    الآذان في الضفة "SMS"



    فلسطين الآن – كتبت مراسلة حارتنا – فرشوحة ديلفري:
    إلى جماهير شعبنا البطل في الضفة المبسوطة، نعلن لكم البرنامج الذي وضعه وزير الأوقاف محموق البلاش، سهراً على راحتكم، والذي يقوم على أجدد أساليب الدعوة للدين, حول المساجد والصلاة والخطب والمواعظ وغيرها, حيث جعل من الدين "إشي روعة" وصارت الناس من كثر ما هي مبسوطة تصلي في منازلها.

    يا جماهيرنا.. إن من أبرز ما ورد في البرنامج خطب الجمعة, كان زمان كل خطيب على كيفه يحكي, بس اليوم لأ تغيّر الوضع, بتكون القدس مولعة وسلوان مشعللة وخطباء الضفة بتحدثوا عن الولاء للرئيس أو عن الميراث أو الإفطار في أيام النوافل، أو الحيض والنفاس.

    وهيك ما بنعطي الفرصة للاحتلال إنو يهيّج شعبنا ويروح لانتفاضة ثالثة واللي بتدمر مصالح السلطة، قصدي المشروع الوطني.

    وبعدين صار لت وعجن في موضوع سماعة المسجد واطية ولاّ عالية, يا خوي الدين بقول ما تزعج غيرك, وإحنا وطينا الصوت في سماعات المساجد مش عشان في اتفاق إسرائيلي فلسطيني لا لا لا لا يا حبيبي إلعب غيرها.

    إحنا أصلا ما غلبنا جيراننا وخليناهم يطلبوا منا، إحنا فهمنا على الطاير وشغلتنا نلبي النداء والرسول وصى بسابع جار "مش أصحاب الدار" وبصراحة سماعات المساجد عالية كثيير لدرجة طلاب التوجيهي ما بعرفوا يدرسوا والله.

    وما إلكم علينا يمين أجانا مطرب ورقاصته وقلنا يعني الأغنية والرقصة بتتخربط في الحفلات لما بطلع صوت الآذان.. يعني هموم الناس كثيرة .

    ومنو بنبطل نزعج المستوطنين وهيك ننفذ برنامجنا اللي من أهدافه "أسلمة المستوطنين"، بكرة لما ببطلوا يسمعوا صوت الآذان ويعرفوا انو عشانهم بهجموا على منازل وأراضي وزيتون الفلسطينيين معلنين إسلامهم مثل اللي في مستوطنات آرئيل وكريات أربع وغيرها ..ما شاء الله كثار المستوطنات، يعني المسلمين رح يكثروا.

    كل إشي مخطط إله، وحسب خطة كبير شلة الضفة لإقامة الدولة المستقلة عام 2011 بكون كل المستوطنين مسلمين وما في مشكلة مع اليهود, وفي الأيام الجاية عشان نضمن عدم إزعاجهم أكثر رح يصير الآذان عبارة عن مسج على الجوالات بس نرجو إنكم تخلوا جوالاتكم "صامت" وهيك بنوفر في ميزانية السلطة وبنجمع كل سماعات المساجد وبنبيعها على اليهود في أعيادهم لأنهم كثير بكونوا مبسوطين وبحبوا يسمّعونا احتفالاتهم.

    أما الصفقة بخلّصها إلنا "البلاّش والدحدح "هذي شغلتهم, وهيك بندخّل على السلطة ميزانية كبيرة وبنحولها كوبونات بنزين، ولاّ كيف بدنا نحرك سيارات الأمن عشان تحافظ على مجتمعنا من تسلل المستوطنين لأسواقه وخمّاراته المرخصة.. "إحنا رايحين لدولة مش مسخرة.. بدها تخطيط".

    وفي المستقبل رح ننزل مناقصات لبيع سجاد المساجد لانوا إحنا بدنا نسحب البساط من تحت كم مستوطن مراهق بيجوا يحرقوا سجاد المساجد وهيك بشوفو البلاط وبنفلموا فيلم أخو أخته.

    ومش هون النهفة لسه، لما يلاقونا جمعنا المصاحف من المساجد وبعناها على الخليج وهيك ما بلاقوا إشي يحرقوه ولا صوت آذان يدلهم على مكان المسجد.

    وإذا بضلوا مصرين على فضولهم في البحث عن المساجد إحنا بنقرر انو تكون الصلاة في البيوت وبنهدم المآذن, يعني بدكم العالم يتفرج على مشاكلنا مع اليهود والمفاوضات تنهار عشان كم مسجد وكم قرية ؟

    مش لهالدرجة يعني قلة الفهم! بدها لحلحة واطّمنوا كل اشي مخطط وإذا بتضلكم معنا في الخطط أي والله لتنسوا إنكم مسلمين .
    ومعا وسويا للتقليل من المساجد .... من أجل ضفة خالية من الآذان

     

     




     
    رد مع اقتباس
    قديم 24th October 2010, 02:57 AM أسامة الكباريتي غير متواجد حالياً
      رقم المشاركة : 10
    أسامة الكباريتي
    Field Marshal
     






    أسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond reputeأسامة الكباريتي has a reputation beyond repute

    أسامة الكباريتي's Flag is: Palestinian

    افتراضي

    أنا : أسامة الكباريتي




    أبو خالد يفتتح أكبر بلوعة مجاري في الشرق الأدنى



    فلسطين الآن – كتب لحارتنا سليف أبو ذريع

    في احتفال مهيب حضره العشرات من مناديب السلطة وحرس عمي أبو خالد (فياض ما غيرو) وبعض دوريات جيش ولاد عمنا نتنياهو في بلدة نائية أقصى غرب شرق رام الله، افتتح معالي رئيس وزراء ولايات الضفة الغربية المستقلة الديمقراطية أكبر مصرف لمياه المجاري .

    وبدأت الحفلة بكلمة لرئيس بلاليع البلد أبو صفوان الذي أكد أنه هاي البلاليع أكبر نموذج على تطور خطة عمي أبو خالد في كم سنة لإقامة دولة جديدة، وإنها راح تكون مفتوحة بالليل وبالنهار لكل من يريد أن يدخل التاريخ من أضيق أبوابه برئاسة عمي أبو خالد .


    ومن ثم ألقى عمي أبو خالد كلمة طلب خلالها من الحضور إغلاق أنوفهم (يعني مناخيرهم) وأذانهم إن أرادوا، وخلال كلمته التي ألقاها وهو يلبس جزمة نمرتها 44، أن هاي البلوعة ستكون مجرى لحكومته نحو السلام الذي ينتج دويلات في أي بقعة .


    وأحيا المطرب الوطني أبو الليف الضفاوي حفلة غنى فيها لبلاليع أبو خالد وحمّس الجماهير حتى تدافع بعضهم لافتتاح البلاليع، كما شارك في الحفلة رغم أنه جاء متأخرا شيخ المشايخ هباش الحيران الذي دعا أن يرزق الله المواطنين بالإمساك وأن يرزق أبو خالد بالإسهال .


    وفي نهاية الحفلة دخل أبو خالد إلى حمام (شغل إفرنجي) ليعلن من داخله افتتاح البلوعة الأكبر على مستوى موسوعة غينيس للشغلات البايخة .

     

     




     
    رد مع اقتباس
    إضافة رد

    مواقع النشر (المفضلة)

    الكلمات الدلالية (Tags)
    الهزلية, حارتنا, صفحة


    أدوات الموضوع
    انواع عرض الموضوع

    الانتقال السريع

    المواضيع المتشابهه
    الموضوع كاتب الموضوع المنتدى مشاركات آخر مشاركة
    قداسة النص بين أولاد حارتنا والبخاري KANE مناقشات وحوارات جادة 42 13th December 2011 03:06 AM
    صفحة geuvara أدب وشعر وقراءات متنوعة 2 26th March 2011 07:26 PM
    المنتدي بيفتح صفحة هكر biopasha إقتراحات ... مشاكل تقنية 29 7th January 2010 10:33 PM

    IP


    Powered by vBulletin® Version 3.8.8
    .Copyright ©2000 - 2017, Jelsoft Enterprises Ltd
    (جميع الأراء والمواضيع المنشورة تعبِّر عن رأي صاحبها وليس بالضرورة عن رأي إدارة منتديات المطاريد)

    DMCA.com Protection Status     SSL Certificate

    منتديات المطاريد   Follow us on Google   لشراء مساحة إعلانية بالمطاريد  

    تنبيه هام

     يمنع منعاً باتاً نشر أى موضوعات أو مشاركات على صفحات منتديات المطاريد تحتوى على إنتهاك لحقوق الملكية الفكرية للآخرين أو نشر برامج محمية بحكم القانون ونرجو من الجميع التواصل مع إدارة المنتدى للتبليغ عن تلك الموضوعات والمشاركات إن وجدت من خلال البريد الالكترونى التالى [email protected] وسوف يتم حذف الموضوعات والمشاركات المخالفة تباعاً.

      كذلك تحذر إدارة المنتدى من أى تعاقدات مالية أو تجارية تتم بين الأعضاء وتخلى مسؤوليتها بالكامل من أى عواقب قد تنجم عنها وتنبه إلى عدم جواز نشر أى مواد تتضمن إعلانات تجارية أو الترويج لمواقع عربية أو أجنبية بدون الحصول على إذن مسبق من إدارة المنتدى كما ورد بقواعد المشاركة.

     إن مشرفي وإداريي منتديات المطاريد بالرغم من محاولتهم المستمرة منع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات وإن وجدت اى مخالفات يُرجى التواصل مع ادارة الموقع لإتخاذ اللازم إما بالتبليغ عن مشاركة مخالفة أو بالتراسل مع الإدارة عن طريق البريد الالكترونى التالى [email protected]