Arabic Discussion Forum with a Special Interest in Travel and Immigration

Farida · 11th January 2009, 09:34 AM

طبعا العنوان مأخوذ من الجمله الشهيره فى فيلم وا اسلاماه اما قائد التتار كان عايز يسلم رساله الى مصر و لما حضر لم يجد من يكلمه فتساءل هذا السؤال .......بالنسبه لى الموضوع جاد جدا لأن فى الأزمه الأخيره و ما يحدث لأخواننا فى غزة كثرت الأحاديث و المقالات اللى بتتحدث عن مصر و موقفها و مصر عايزه ايه و بتعمل ايه و عملت ايه و ايه اللى فى مصلحه مصر و ايه اللى بيضرها و مش بس فى الصحف لأ فى المنتديات كمان لقيت اللى بيقول كفايه اللى مصر عملته و مصر عملت كتير و كفايه عليها كده .........حاولت اتكلم مع مصر ما عرفتش اتكلم مع مين ........مين اللى بيتكلم بلسان شعب مصر
مين اللى الشعب المصرى اختاره يتكلم بالنيابه عنهم
مين اللى يقول الشعب المصرى متعاطف ام مش متعاطف مع غزة
مين اللى يقول الشعب المصرى موافق على الموقف الرسمى المتخاذل ولا مش موافق
مين اللى يقول للدول الغربيه و الشقيقه موقف شعب مصر ايه من اللى بيجرى لأخوانه ..............
مصر مين المتظاهرين اللى بعشرات الألاف بيتظاهروا و وواخدين المؤن و المعونات وواقفين على الحدود ولا مصر هى اسامه سرايا و احمد موسى و شيخ الأزهر ووزير الخارجيه اللى منين ما يتكلموا يتكلموا و كانهم مفوضين عننا
تذكرت الموضوع ده و انا باشوف امس فتحى سرور بيحيل نائب فى مجلس الشعب للقيم لأنه شتم مصر فى الجزيره الراجل قال انه لم يشتم مصر و لكن شتم الموقف المصرى الرسمى ......و نائب وطنى اخر بيوصم كل اللى عارضوا الموقف الرسمى المصرى بانهم بيعملوا مع الأعداء
بجد ممكن حد يفيدنى مين اللى له الحق يتكلم باسم مصر

MFaisal · 11th January 2009, 09:37 AM

اتصلى بـ 140 دليل

Farida · 11th January 2009, 09:38 AM

اقتباس

المشاركة الأصلية كتبت بواسطة ضبش


	اتصلى بـ 140 دليل

انت شكلك شوفت فيلم الناظر ......ماشى ماشى ............

Farida · 11th January 2009, 10:41 AM

طبعا انا متخيله ان حد ممكن يقول ان مجلس الشعب نوابه جاءوا بانتخابات ديموقراطيه والرئيس نفسه نزل امامه فى انتخابات الرئاسه 11 رئيس حزب اى نعم واحد فيهم دلوقتى فى السجن والتانى انطرد من الحزب بتاعه وواحد توفاه الله و الباقيين لهم رب اسمه الكريم و الرئيس هو اللى نجح ببرنامج انتخابى الحكومه مش عارفه تنفذه للأن ..........مش عارفه هل فعلا فيه ناس مصدقه حكاية الديموقراطيه دى .........

toota · 11th January 2009, 11:32 AM

عش رجبا ترى عجبا....الواحد بقى يكلم نفسه ارحم

انسان بقلب ملاك · 11th January 2009, 12:03 PM

اقتباس

المشاركة الأصلية كتبت بواسطة farida


	طبعا العنوان مأخوذ من الجمله الشهيره فى فيلم وا اسلاماه اما قائد التتار كان عايز يسلم رساله الى مصر و لما حضر لم يجد من يكلمه فتساءل هذا السؤال .......بالنسبه لى الموضوع جاد جدا لأن فى الأزمه الأخيره و ما يحدث لأخواننا فى غزة كثرت الأحاديث و المقالات اللى بتتحدث عن مصر و موقفها و مصر عايزه ايه و بتعمل ايه و عملت ايه و ايه اللى فى مصلحه مصر و ايه اللى بيضرها و مش بس فى الصحف لأ فى المنتديات كمان لقيت اللى بيقول كفايه اللى مصر عملته و مصر عملت كتير و كفايه عليها كده .........حاولت اتكلم مع مصر ما عرفتش اتكلم مع مين ........مين اللى بيتكلم بلسان شعب مصر مين اللى الشعب المصرى اختاره يتكلم بالنيابه عنهم مين اللى يقول الشعب المصرى متعاطف ام مش متعاطف مع غزة مين اللى يقول الشعب المصرى موافق على الموقف الرسمى المتخاذل ولا مش موافق مين اللى يقول للدول الغربيه و الشقيقه موقف شعب مصر ايه من اللى بيجرى لأخوانه .............. مصر مين المتظاهرين اللى بعشرات الألاف بيتظاهروا و وواخدين المؤن و المعونات وواقفين على الحدود ولا مصر هى اسامه سرايا و احمد موسى و شيخ الأزهر ووزير الخارجيه اللى منين ما يتكلموا يتكلموا و كانهم مفوضين عننا تذكرت الموضوع ده و انا باشوف امس فتحى سرور بيحيل نائب فى مجلس الشعب للقيم لأنه شتم مصر فى الجزيره الراجل قال انه لم يشتم مصر و لكن شتم الموقف المصرى الرسمى ......و نائب وطنى اخر بيوصم كل اللى عارضوا الموقف الرسمى المصرى بانهم بيعملوا مع الأعداء بجد ممكن حد يفيدنى مين اللى له الحق يتكلم باسم مصر

الدكتورة المحترمة

اللى من حقة يتكلم عن شعب مصر هومن يختارة شعب مصر وبما اننا زى ماأنتى عارفة اختيارنا هو ؟؟؟؟يبقى من حق كل واحد يقول اللى عايزة
وبما اننا شعوب محرومون من الديوقراطية لانها مرض الشعوب الحرة يبقى مانزعلش على اننا لسنا مرضى يعنى مش بنختار ومادمنا لانختار فيجب علينا الا نحتار فى امور زى دى علشان نحن لا نستحق ان نختار لاننا جميعآ وانا معكم لانصلح لأختيار لاننا ضعفاء

أحمد باشــا · 11th January 2009, 12:09 PM

اقتباس

المشاركة الأصلية كتبت بواسطة farida


	طبعا انا متخيله ان حد ممكن يقول ان مجلس الشعب نوابه جاءوا بانتخابات ديموقراطيه والرئيس نفسه نزل امامه فى انتخابات الرئاسه 11 رئيس حزب اى نعم واحد فيهم دلوقتى فى السجن والتانى انطرد من الحزب بتاعه وواحد توفاه الله و الباقيين لهم رب اسمه الكريم و الرئيس هو اللى نجح ببرنامج انتخابى الحكومه مش عارفه تنفذه للأن ..........مش عارفه هل فعلا فيه ناس مصدقه حكاية الديموقراطيه دى .........

طبعا فيه ديموقراطية في مجلس الشعب

موش حدفوا بعض بالجزم !!!!!

و بوش قال أن ضربه بالجزمه هو دليل على الديموقراطية

فلتحيا ديموقراطية الجزم

.....

لا نتكلم جد

بصي يا دكتوره الموضوع و ما فيه أن سياسة أمريكا في أحداث فوضى خلاقة ظهرت نتائجه

nash · 11th January 2009, 02:53 PM

اقتباس

المشاركة الأصلية كتبت بواسطة Farida


	طبعا العنوان مأخوذ من الجمله الشهيره فى فيلم وا اسلاماه اما قائد التتار كان عايز يسلم رساله الى مصر و لما حضر لم يجد من يكلمه فتساءل هذا السؤال .......بالنسبه لى الموضوع جاد جدا لأن فى الأزمه الأخيره و ما يحدث لأخواننا فى غزة كثرت الأحاديث و المقالات اللى بتتحدث عن مصر و موقفها و مصر عايزه ايه و بتعمل ايه و عملت ايه و ايه اللى فى مصلحه مصر و ايه اللى بيضرها و مش بس فى الصحف لأ فى المنتديات كمان لقيت اللى بيقول كفايه اللى مصر عملته و مصر عملت كتير و كفايه عليها كده .........حاولت اتكلم مع مصر ما عرفتش اتكلم مع مين ........مين اللى بيتكلم بلسان شعب مصر مين اللى الشعب المصرى اختاره يتكلم بالنيابه عنهم مين اللى يقول الشعب المصرى متعاطف ام مش متعاطف مع غزة مين اللى يقول الشعب المصرى موافق على الموقف الرسمى المتخاذل ولا مش موافق مين اللى يقول للدول الغربيه و الشقيقه موقف شعب مصر ايه من اللى بيجرى لأخوانه .............. مصر مين المتظاهرين اللى بعشرات الألاف بيتظاهروا و وواخدين المؤن و المعونات وواقفين على الحدود ولا مصر هى اسامه سرايا و احمد موسى و شيخ الأزهر ووزير الخارجيه اللى منين ما يتكلموا يتكلموا و كانهم مفوضين عننا تذكرت الموضوع ده و انا باشوف امس فتحى سرور بيحيل نائب فى مجلس الشعب للقيم لأنه شتم مصر فى الجزيره الراجل قال انه لم يشتم مصر و لكن شتم الموقف المصرى الرسمى ......و نائب وطنى اخر بيوصم كل اللى عارضوا الموقف الرسمى المصرى بانهم بيعملوا مع الأعداء بجد ممكن حد يفيدنى مين اللى له الحق يتكلم باسم مصر

مش هانسي أبدا منظر الراجل اللي طول بعرض وربنا..ايام الإستفتاء علي حكمه..وهو واقف بيقول..( بابا مبارك

انا وعيت علي الدنيا ماشوفتش غيرة ربنا يخليهولنا أحنا من غير حكمته مانساويش حاجه ) بس بالامانه كان لابس قميص مشجر وعامل شعرة بوجوديه .

وأنا كنت هاتشل بصراحه....

فالمهم يا دكتورة فريده ..اللي عايز يكلم مصر يروح فيلا بابا مبارك عند العروبه.....

امانى · 12th January 2009, 11:04 PM

اللى عايز يكلم مصر يا دكتورة هيلاقى مصر انخرست ليس لها صوت ولا سمع علشان ترد عليكى لكن لها مالك هو الامر الناهى والحاكم بأمر الله فى زمن الحرية والديمقراطية المنشودة واللى بنقرا عنها ومش عارفين نمارسها .
اصبحنا فى عصر العبيد بس ع الموضة . تفتكرى بعد ده كله فى مصر علشان تكلميها ؟؟

haya · 13th January 2009, 04:56 AM

الحقيقة إن الحكومة في وادي والشعب في وادي

الحكومة بتمثل نفسها كاشخاص وبس

والشعب ..له ربنا ...

لما تعوزي تكلمي الشعب .هتلاقينا ..

ولما تعوزي تكلمي الحكومه هتلاقيها ..

لكن لما تعوزي تكلمي مصر ..مووووووش هتلاقيها

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
بسم الله الرحمن الرحيم : الأجابة ...ابو الفتوح	إنتخابات الرئاسة	مــــلامــــح	5	1698	22nd May 2012 11:23 PM
اخص على كده : اسراء عبدالفتاح وشباب الثورة مع...	شؤون مصر الداخلية	انسان بقلب ملاك	55	5206	22nd March 2012 08:01 AM
النائب الخبؤ : محمد العمدة عايز يلغى الخلع	شؤون مصر الداخلية	مصرى فقط	21	4035	22nd March 2012 07:06 AM
جودة عبد الخالق عايزنا نحشى المحشى لسان عصفور	شؤون مصر الداخلية	Farida	0	1202	22nd March 2012 06:36 AM
ترشيحات حزب النور بتقول ان فيه امل	شؤون مصر الداخلية	AlexG	13	2465	22nd March 2012 06:31 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اكلم مين لما احب اكلم الشعب المصرى	dr-amira	ثورة مصر ... 25 يناير 2011	14	4th October 2011 01:39 PM
لما أحب أكلم مصر أكلم مين ؟؟؟؟	sanaa	إقتراحات ... مشاكل تقنية	14	21st June 2010 10:10 PM
كنت بتحلم تكون اية و بقيت اية ؟	WildButNice	موضوعات عامة ... موضوعات خفيفة ... منوعات	17	20th April 2010 12:58 PM
أين الحقيقة ..ألا ينتظر هذا التأويل وأين الوثائق والسجلات عن نكسة وهزيمة 1967	د. يحي الشاعر	نكسة يونيو 1967	3	24th August 2009 10:09 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

مناقشات وحوارات جادة

لما احب اكلم مصر اكلم مين ؟؟؟