حين ميسرة - منتديات المطاريد
بسم الله الرحمن الرحيم
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ (84) وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِندَهُ عِلْمُ السَّاعَةِ وَإِلَيْهِ تُرْجَعُونَ (85) "الزخرف"

منتديات المطاريد | الهجرة الى كندا | الهجرة الى استراليا

 


DeenOnDemand


BBC NEWS

    آخر 10 مشاركات

    Arabic Discussion Forum with a Special Interest in Travel and Immigration

    Immigration to Canada, Australia, and New Zealand

    Egypt and Middle East Politics, History and Economy

    Jobs in Saudi Arabia, USA, Canada, Australia, and New Zealand

    العودة   منتديات المطاريد > إعلام وثقافة وفنون > صحافة ... إعلام ... سينما ومسرح

    صحافة ... إعلام ... سينما ومسرح وسائل إعلام مسموع ومقروء ومرئى

    صحافة ... إعلام ... سينما ومسرح

    حين ميسرة


    الهجرة إلى كندا والولايات المتحدة واستراليا

    مواقع هامة وإعلانات نصية

    إضافة رد
     
    أدوات الموضوع انواع عرض الموضوع
    قديم 12th January 2009, 08:32 PM Farida غير متواجد حالياً
      رقم المشاركة : 1
    Brigadier General
     





    Farida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond repute

    افتراضي حين ميسرة

    أنا : Farida




    للى فكرنى بهذا الفيلم هو عرضه على قناة ا ر ت سينما هذه الأيام و
    بالمناسبه الفيلم ده اثيرت عليه ضجه كبرى بسبب مشاهد خارجه
    بين بطلتى الفيلم - ولو ان اثناء المشاهده لم الاحظ ان المشهد
    خارج قوى يعنى - لكن المشهد ده يجى ايه فىالمشاهد السوداويه الأخرى
    الفيلم جاب لى اكتئاب الحقيقه فيلم و الجديد فى الفيلم انه بيتعرض لسكان
    العشوائيات و طريقه معيشتهم و مدى فقرهم و طريقه تعاملهم مع بعضهم البعض و مع السلطه و تعامل الدوله معهم مع العلم ان المخرج قال انه اللى عرضه نقطه فى بحر من اللى بيحص حقيقه
    ...........و بجد لى صديقه عندها جمعيه خيريه
    مسئوله عن مجتمع عشوائى صارحتنى كما قال مخرج الفيلم ان الفيلم
    ده تقريبا ما جابش حاجه لأن الحقيقه العن و اضل سبيلا و الناس دى
    فعلا عايشين عيشه حيوانات مش بنى أدميين لدرجه انها قالت لى ممكن البعض يقعد بالشهرين و التلاته ما يستحموش مثلا و البنات معظمهم اعتدى عليهم من الأقارب و الجيران و المحارم كمان .........غياب كامل لدور الدين فى حياتهم و العلاقات المحرمه مش زى زمان كانت فى الدرى لأ دى عيننى عينك و شرب البيره و المخدرات فى الأفراح عادى جدا .......... يعنى غياب كامل للدين يعنى مافيش رادع اخلاقى ولا دينى لأى تصرف لدرجه ان البطله تسيب ابنها فى العربيه من غير اى تأنيب ضمير و دى حادثه حصلت فعلا ...........بجانب غياب كامل لدور الدوله
    و الدوله مش بتقضى عليهم تماما لأ و لكن لمصالح عليا هم نافعين لها فهم اللى بيتولوا ادارة الأنتخابات و تصفيه الخصوم و الله اعلم ايه كمان
    طبعا الفيلم اظهر ازاى الشرطه بتاخد الأعترافات من المواطنين لما جابوا ام المشتبه فيه الأول و زوجه التانى و خلوهم يتجردوا من ملابسهم امامهم منتهى القسوة ..........
    الموضوع كبير بجد اللى لفت نظرى تمثيل عمرو سعد هايل جدا و معبر هو و هاله فاخر و عمرو عبد الجليل بجد اكتشاف فىالفيلم ده اما الست سميه الخشاب مش عارفه ليه الشعور اللى بينتابنى كل ما اشوفها هو القرف حاسه انها بعد الدور ده و اثناء عملها فيه اتقمصت لدرجه انها زى لما ما رمت ابنها فى الأتوبيس من غير رحمه و بلا قلب و بدم بارد بالنسبه لى حتى فى لقاءاتها اصبحت بتتكلم و تجاوب بدون احساس و بلا قلب و بدم بارد
    الفيلم ناقوس خطر لمن يهمه امر البلد فعلا و كل واحد و هو بيتكلم عن مصر المستقبل يبقى عارف ة متأكد ان مش ممكن مصر حا تتقدم ولا ينصلح حالها و فيه ملايين عايشه العيشه دى مش عارفه ده مقصود ولا ايه ........
    و بجد اللى لفت نظرى اكتر و اكتر هو ان حتى الفقر تطور بعد ان كان الفقر مرادف للستر و التمسك بالله اصبح زى ما شوفنا فى الفيلم ولا دين ولا اخلاق ولا هدف
    حد حايسألنى ده علاقته ايه باللى بيحصل فى غزة اقول فيه شبه بين الأتنين فى مستوى المعيشه المتواضع مقارنه بجيرانهم اللى بيعيشوا فىالقصور لكن اللى فى غزة متسلحين بالأيمان و عندهم هدف سامى و نبيل و اللى بيموت فيهم بيموت شهيد لكن اللى فى العشوائيات قنابل موقوته و ماعندهومش ايمان ولا هدف و مش عارفه حاينفجروا امتى

     

    الموضوع الأصلي : حين ميسرة     -||-     المصدر : منتديات المطاريد     -||-     الكاتب : Farida

     

     


     
    رد مع اقتباس


    Latest Threads By This Member
    Thread Forum Last Poster Replies Views Last Post
    بسم الله الرحمن الرحيم : الأجابة ...ابو الفتوح إنتخابات الرئاسة مــــلامــــح 5 1686 22nd May 2012 11:23 PM
    اخص على كده : اسراء عبدالفتاح وشباب الثورة مع... شؤون مصر الداخلية انسان بقلب ملاك 55 5185 22nd March 2012 08:01 AM
    النائب الخبؤ : محمد العمدة عايز يلغى الخلع شؤون مصر الداخلية مصرى فقط 21 4010 22nd March 2012 07:06 AM
    جودة عبد الخالق عايزنا نحشى المحشى لسان عصفور شؤون مصر الداخلية Farida 0 1193 22nd March 2012 06:36 AM
    ترشيحات حزب النور بتقول ان فيه امل شؤون مصر الداخلية AlexG 13 2459 22nd March 2012 06:31 AM

    قديم 12th January 2009, 09:00 PM فــيــروز غير متواجد حالياً
      رقم المشاركة : 2
    فــيــروز
    Golden Member





    فــيــروز is on a distinguished road

    افتراضي

    أنا : فــيــروز





    بما إنّى لم أشاهد الفيلم للأسف حتى الآن ..

    الحديث عن العشوائيات و الناس اللىّ ساكنين فيها فى هذا الموضوع فكّرنى بالرد الذى كتبته من دقائق عن موضوع "اللىّ يعوزه البيت يحرم على الجامع" .. لقيتنى باسأل نفسى طيب طالما أحوال سكّان العشوائيات بهذا السوء هل يكون لوجهة النظر الرافضه للتضامن مع "غزّه" للتضامن مع فقراء الداخل وجيهه إذن !!

    و الصراحه ما جاء فى ذهنى أن الرغبه فى إصلاح حال هؤلاء البؤساء غالبا ليست على أجندة أى جهه رسميه و من ثمّ أعتقد أن أى جهود -إن بذلت أصلا و لم يكن الكلام لمجرّد الاستهلاك المحلّى و تنفير الناس من التضامن مع بؤساء خارج الحدود- لن تجدى نفعا و ستجد كل السبل موصده فى طريقها ممّا يجعل قضية "غزّه" فى رأيى المتواضع أجدى ..

    للأسف لا أتذكّر أن هناك جهود حقيقيه أو برامج لها طبيعة الاستمراريه وضعت لتحسين أوضاع المهمّشين و سكّان العشوائيات اللهم إلاّ محاولات فرديه ربّما أو تدخّلات متواضعه لجمعيات أهليه أو مشاركات من منظّمات عالميه غير حكوميه لكنّها جميعا و فى المجمل تعتبر قطره فى بحر .. و بصراحه السؤال الذى ينبغى أن نسأله لأنفسنا و نحن نقارن بين الأحوال فى العشوائيات و "غزّه" هو ما الذى فعلته الحكومات لتحسين أحوال هؤلاء و ما الذى يضمن لنا أن أى جهود شعبيه نقوم بها فى هذا الاتّجاه سيكون لها جدوى بدلا من الجعجعه الفارغه و العنتريات الكاذبه !! يعنى اليوم خلال الحديث عن حلقة "عمرو أديب" الذى وجد بالطبع بعض المؤيدين فى مكان عملى كانت النتيجه التى انتهينا إليها ليس أن التبرّعات ل "غزّه" ستؤثر على نصيب المصريين المحتاجين للتبرّعات لكن أنّه مفيش ثقه أصلا فى وصول أى تبرّعات لمستحقيها الحقيقيين و ليس هناك جهات غير حكوميه -طالما الجهات الحكوميه رفعت إيديها- لها سلطة التدخل للإصلاح و التقويم !!

    فيما يتعلّق ب "سميّه الخشّاب" ..
    "حين ميسره" جاء فى صالحنا من حيث لم نحتسب و العكس بالنسبه ل "سميّه الخشّاب" .. حيث أن "سميّه" بعد هذا الدور و دور مشابه فى "الريّس عمر حرب" -بشهادة بعض النقّاد- بقى صعب عليها تخرج من عباءة دور المرأه الساقطه و أظن هذا الخروج فيه تحدّى كبير لها .. فيه ممثلين و ممثلات ممكن يبتدوا بدايات مبشّره و واعده لكن كثرة أدائهم لنمط معيّن بيحوّلهم لممثلين ب single tone مهما عملوا مش بيقدروا يخرجوا منه زى "محمد سعد" و "عبله كامل" و أظن "سميّه الخشّاب" كذلك انضمّت لهم و بقى صعب نقتنع بيها فى أدوار مختلفه ومن ثمّ للأسف هى كممثله أصبحت كارت محروق و غالبا ما سيتم استدعاؤها لأداء أدوار مشابهه ولا أدرى هل هذا لتواضع موهبتها من البدايه أم بسبب الاعتياد على أداء دور مكرّر .. و بشكل عام أعتقد فيه تنميط ممل فى دور العاهره التى تنحرف بسبب ضغط الظروف عليها و العمليه اللىّ محتاجه تعملها لأمّها و كوم اللحم اللىّ بتجرى عليه و جوز أمّها اللىّ بيبص لها بصّات مريبه .. بجد يعنى الموضوع محتاج شوبة تجديد هو مفيش واحده بتنحرف عشان عاوزه تنحرف؟ تنحرف باختيارها يعنى أو لأن الانحراف أكسب !! يا ترى الفيلم قدّم أسباب الانحراف و أشار مثلا لرغبتها فى إنّها تعيشها بدقّه فى الحلال مع حبيب القلب و الاسطوانات دى ولاّ كان شجاع جابها منحرفه باختيارها الحر؟

    نستنّى بقى آراء الناس اللىّ شافت الفيلم ..

     

     


     
    رد مع اقتباس

    قديم 12th January 2009, 09:08 PM Farida غير متواجد حالياً
      رقم المشاركة : 3
    Farida
    Brigadier General
     





    Farida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond repute

    افتراضي

    أنا : Farida





    مش عارفه مين اللى قال ان سمية الخشاب بعد الفيلم ده بقت عامله زى سميحه ايوب فى سكة السلامه و هى بتصرخ و تقول ..........:" مش انت اللى خلتنى سوسو ........"

     

     


     
    رد مع اقتباس

    قديم 27th January 2009, 06:03 PM Sepia غير متواجد حالياً
      رقم المشاركة : 4
    Sepia
    Senior Member





    Sepia has a reputation beyond reputeSepia has a reputation beyond reputeSepia has a reputation beyond reputeSepia has a reputation beyond reputeSepia has a reputation beyond reputeSepia has a reputation beyond reputeSepia has a reputation beyond reputeSepia has a reputation beyond reputeSepia has a reputation beyond reputeSepia has a reputation beyond reputeSepia has a reputation beyond repute

    افتراضي

    أنا : Sepia




    فيلم حين ميسرة اهميته الوحيدة في نظرى انه اول فيلم يدون العشوائيات و حياة اولاد الشوارع. فقط لا غير .

    اما فنيا الفيلم ضعيف جدا , عبارة عن مجموعة من الحوادث من صفحة الحوادث تم جمعها في فيلم واحد. صحيح ان هذا هو الواقع لكن مين قال ان مجرد تصوير كوم قمامة يعتبر فن؟ .قد يعتبر كذلك لو المصور راعى ابعاد فنية مافي الصورة . لكن غير كده تعتبر صورة في تقرير صحفي ناجح ,,,و هكذا كان الفيلم من وجهة نظري.
    الفيلم خال من اي اسقاطات و لا يحفذ ابدا المشاهد على اي تخيل او تفكير,, لا يقدم سوى فكرة واحدة متساوية عند الجميع :باه مصر فيها المصائب دي كلها؟!
    و اعتقد انه مؤشر واضح على ضعف اي عمل فني لما تكون الرسالة واحدة لدى الجميع بلا زيادة او نقصان كانما هي رسالة تقرير او برنامج اخباري.

    التمثيل كان جيد بشكل عام ,, الا تمثيل سمية خشاب الذي ذكرني جدا بشادية في نحن لا نزرع الشوك ..لا اعلم هل هو تشابه الدور و لا كانت هي مراجعة حركات و تعبيرات شادية كويس قبل التصوير.

    لم يذكرني ساكنو العشوائيات بساكني غزة,,اطلاقا,,لكن لو لابد ان ابحث لهم عن مشابه ربما اقول سكان مصر كلها,,هذا التمسك بالفتات و الخوف عليه و الذوذ عنه ضد اي شئ يهدده (كما كان موقف هالةفاخر في تمسكها بعشتها الصفيح و تكرارها انها مش هتموت غيرهنا مع ان عيشتها ضنك ) يذكرني بموقف بعض من المصريين بالذات في محنة غزة الاخيرة و هم خايفين من اي تدخل ليهدد امنهم القومي و كانما يعيشون في نعيم مرفل و لسان حالهم يقول مع اغنية الفيلم "العيشة مرة لكن..اهي احسن من مفيش..."

     

     


     
    رد مع اقتباس

    قديم 27th January 2009, 06:58 PM msameh غير متواجد حالياً
      رقم المشاركة : 5
    msameh
    Golden Member
     






    msameh has a brilliant futuremsameh has a brilliant futuremsameh has a brilliant futuremsameh has a brilliant futuremsameh has a brilliant futuremsameh has a brilliant futuremsameh has a brilliant futuremsameh has a brilliant futuremsameh has a brilliant futuremsameh has a brilliant futuremsameh has a brilliant future

    msameh's Flag is: Netherlands

    افتراضي

    أنا : msameh




    !For Medical Professionals Only

    لم يشد انتباهي في الفيلم الا عمرو عبد الجليل

    طريقه نطقه الغريبه بهذه التلقائيه ربما يعكس وقتا طويلا و جهدا في التدريب علي النطق المشقلب ده

    الجدع دا ما نطقش كلمه صح في الفيلم

     

     


     
    رد مع اقتباس

    قديم 27th January 2009, 07:08 PM Badroora غير متواجد حالياً
      رقم المشاركة : 6
    Badroora
    Platinum Member
     






    Badroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant future

    أنا : Badroora




    بصراحة الفيلم دا دخلته قلبي وجعنى وبقيت اعيط من اول الفيلم لاخرة والناس حواليا" الخليجيين " نازلين ضحك معرفش على ايه مع ان الفيلم كله قهر وغم
    كتبت عن الفيلم فى شئون مصرية بعد ما رجعت من السينيما وهاشرككم به هنا كمان

    اقتباس

    شاهدت مساء امس فيلم ( حين ميسرة) فيلم مؤلم جدا بكيت من بداية الفيلم الى اخره دون مبالغة

    واكثر شيء ألمنى هو التناقض بين المشاهدين .

    انا كمصرية قلبي وجعنى اوى على مصر وعلى حال الناس القانطين فى المناطق العشوائية وظروفهم الصعبة وقد ايه الحياة بتلطش فيهم .

    صديقتى رغم انها ليست مصرية ولكن دموعها وبكائها لم يقل عنى بل احسست انها مصرية تتألم مما يتألم منه المصريين وكأنها عايشة وسطهم.

    وعلى النقيض الاخر

    قهقهة اهل الخليج على مشاهد مؤلمة وكأنهم لا يعانون من نفس المأساة او ليس لديهم مناطق عشوائية وأناس مستواهم تحت خط الفقر.

    ولكن طالما القضية خارج وطنهم فلا بأس من الضحك والقهقهة على حال المصريين وظروفهم الصعبة .

    قصة الفيلم .......تتلخص فى الاتى ...

    فقر .........جهل .........ضياع .........خراب ..........دمار .... ارهاب.........سوء استخدام سلطة .....حكومة بلا كرامة

    ...والمقابل .......حب ........تماسك.........اصالة .........شهامة............الحكومة هيبة .

    أتت فتاة (سمية الخشاب ) وكان اسمها ناهد الى القاهرة هاربة من زوج امها الذي بدأ ينظر اليها نظرة غير ابوية ولم تعد تتحمل ذلك فهربت منه .

    بدأ المشهد وهى تصرخ لانها ركبت العربية مع شخص لانها لم تمتلك اى نقود لاخذ تاكسي او مواصلات عامة .

    وكانت تصرخ لان الذي توهمت انه شهم وهيساعدها كان يحاول الاعتداء عليها , استنجدت ب عادل الشهير بحشيشة ( عمرو سعد )

    وخلصها منه وركبت معه وبعد ذلك طارده الرجل الذي ركبت معه ناهد فى الاول وادى الى سقوطة فى النيل ودخل حشيشة السجن 6 شهور .

    وعاشت ناهد مع ام حشيشة ( هالة فاخر ) فى منزلها لمدة 6 شهور حتى خرج عادل من السجن

    وبعد ذلك قررت الام ان تبعد ناهد عن المنزل حفاظا عليها فى ظل وجود ابنها البالغ.

    ولكن ....ناهد لم تذهب لانها ليس لديها اى مكان اخر تقيم فيه .....سوى منزل عادل المكون من غرفه واحدة فقط يسكن فيه امه و8 اطفال او اكثر .

    وحدث ما لا كانت توده ام حشيشة وكانت بصدده تود رحيل ناهد من المنزل .............وانتهى الامر بحمل ناهد من حشيشة

    ورفض ان يقبلها زوجه هى وابنها نظرا لظروفه المادية الصعبة .

    اضطرت ناهد الى العودة الى منزل والدتها وزوجها الغير محترم .....الى ان وضعت جنينها ولم تترحم من لسان امها وزوج امها.

    ذهبت الى عادل مرة اخرى ولكنه آبا ان يقبلها زوجه هى وابنها ........اثناء عودتها الى منزل والدتها تركت ابنها فى الاتوبيس لتتخلص منه.

    وذهبت الى امها مرة اخرى ولكن حدث مشاكل تانى مع امها وزوجها.

    ذهبت ناهد الى محطة الاتوبيس وسالت على ابنها الذى اخذه الكمسرى واعطاه لاسرة ثرية كانت ليس لديها اطفال انذاك.

    وظل الزمن يلطش فى ناهد من ناحية الى ان ادى بها الامر الى راقصة فى كبارية ...........

    هالة فاخر ........جسدت دور الام ببراعة انا لو على اديها جايزة كبرى على دورها فعلا فظيع لم اصدق هالة فاخر الفنانة

    الكوميدية خفيفة الظل التى تضحكنى من قلبي فى افلامها انها هى نفسها هالة فاخر ام رضا.التى ابكتنى من اعماق قلبي .

    ام صبورة .....ترعى ابناء ابنها الغائب فى العراق .......وبنات ابنتها التى قتلها زوجها .......هالة فاخر كانت رائعة .

    وفاء عامر .........من اجمل الادوار التى شاهدتها لوفاء عامر ......زوجة تبان فى بداية الفيلم سليطة اللسان مستقوية على زوجها ابراهيم .

    ولكنها بعد ذلك ظهر معدنها الاصيل .......زوجها كان عقيم وهى كانت بتخلف من زوجها السابق ومع ذلك تزوج عليها زوجها ظنا انها هى التى لم تنجب .

    ولم تجرحه باى كلمة على رغم انه اهانها كثير ........وحتى زوجته الثانية كانت رائعه عندما هددهم انه سيتزوج عليهم زوجه ثالثة لينجب طفل .

    ورغم انها تعلم ان العيب منه ولكنها لم تتفوه بكلمة تجرحه بها ......الا ان ادرك ان العيب منه وخيرهم

    بين البقاء معه او الذهاب .....ولكنهم رفضوا الطلاق وفضلوا البقاء مع زوج عقيم رغم قلة اصلة .

    ابراهيم ........معرفش اسمه الحققي ايه ...كنت حاسة انه بيحاول يقلد محمد سعد فى طريقة نطقه

    الخاطيء للالفاظ زى اللمبي بالظبط .

    بس كان ليه جملة ظريفة عجبتنى ويمكن دى الوحيدة اللى ضحكتنى .( كان بيعاكس جارتهم ويقولها يا روح الروح ) ايه بقي

    روح الروح دى معرفش .

    عمرو سعد ......او عادل ......او حشيشة ........الولد دا مستقبله هايل وامامة مستقبل كبير لو تعامل مع مخرج محترم يعرف يستخدم امكانياته صح .

    عادل ........ولد صايع .........مؤدب ..........حنين............متحمل اسرة واطفال اخواته........شايل هموم فى قلبه .

    من اكثر المشاهد التى ابكتنى بحرقه فى الفيلم له هو الاتى.

    المشهد الاول .........لما االدنيا ضاقت به ذهب الى تاجر مخدرات لكى يعمل معه .. واعطاة حتة حشيشة يبعها ولكنه شربها مع اصحابة

    ارسل المعلم صبيانة لاخذ النقود ......ولكن عادل كان ليس لدية اى فلوس .....واوهم الصبيان ان لدية نقود فى المنزل

    واستاذنهم ليحضرها ... ذهب ولم يجد امامه غير غوايش امه اللى شيلاهم لجنازتها ......المشهد دا يقطع القلب بجد

    ام تبكي لاغتصاب ابنها غوايشها .......وابن يبكي انه يفعل ذلك بامه مضطر .......ومنظر الدموع فى عين الام والابن

    تبكي اى حد لو حتى دموعه عزيزة . الرائع هنا هو اننا اعتدنا على رؤية دموع عادية فى الافلام او المسلسلات .....لكن اول مرة اشوف

    دمعة بتتولد .....انقباض الاوعية الدموية للعين ... واحمرارها .....ونزل الدمعة .. لم اصدق انها تمثيل ابدا


    ودا اكتر شيء عجبنى فى الفيلم .....هو خلق دموع مش تصنيع دموع .بجلسرين او خلافة .

    أيمن .....بن ناهد وعمرو ....تربي فى اسرة ميسورة الحال الى سن تقريبا 6 سنوات .. ثم آبا رب الاسرة على استضافته مبررا

    ان امراته اصبحت حامل فلا داعى لو جود بن بالبتبنى ........ولحظة خروج ايمن من المنزل الذي ظن انه منزل ابويه

    ودموع امه بالتبنى كانت فعلا مشهد يعور القلب ويبكي العين ...........

    ذهب ايمن الى منزل اخر .......حيث العنصرية بين الابناء .........فهرب وانضم الى اولاد الشوارع القانطين على شط النيل

    وتحت الكبارى ........اطفال ابرياء مشردين لا ولى ولا رقيب ولا اى حاجة

    نتج عن ذلك حمل طفلة من ايمن الطفل ......وولادته بطريقة بشعة على شط النيل .......
    وتكرر نفس الماساة .....طفل اب لطفل .!!!

    الحكومة .......مالهاش كرامة .....كما وصفها اكبر رتبة فى الداخلية ........والحكومة هيبة ... مش كرامة

    تعذيب فى السجون بدون حق

    اقتحام بيوت الناس فى منتصف الليل دون اعتبار لاى حرمة المنزل او حتى اطفال ابرياء يستيقظون على صوت البوليس واقتحامه لمنزلهم .

    دور البوليس ......كان فعلا فظ سوء استخدام سلطة واعطاء لانفسم صلاحيات وضع الناس فى السجن زور وتلفيق قضايا

    وتعذيب كبار السن والبريء من الناس .!!

    الارهاب ......دور الارهاب فى الفبلم ...لم يلفت نظرى كثير ا ......لانه ناتج من سيناريو الحياة البائسة

    فقر .............. جهل .............مرض .........بالطبع سيكون الناتج ..........مدمنين .......ارهاب .........زنا

    ......تشرد........الخ

    نقط ضعف الفيلم ...

    هو الاطفال .....بدؤا اطفال فى الفيلم وحتى بعد مرور 12 سنه هما هما نفس الاطفال ... او الكبر مكنش

    بالمعدل المتوافق مع الزمن الفعلى .

    ناهد .........و عمرو ......ابنهم كبر واصبح اب وهما لسه بصورتهم زى مابدؤ بها الفيلم .

    يعنى مخرج عبقري زى خالد يوسف مش عرفه عديت عليه ازاى النقطة دي .......يعنى عجبنى اوى ..

    خلق الدموع ودى تعتبر اصعبهم .لكنه فاتت عليه موضوع السن دا.

    النهاية طبعا مؤلمة ........هو القضاء على العشش والناس بداخلها . !!!

    من الاخر روحت سينيما عشان انبسط واغير مودى .........رجعت حزينة وقلبي مهموم .......وكان نفسي

    اصدق ان دا وهم مجرد دراما.

    ولكن لاسف .......انا شاهدت وتعاملت مع أناس مثلهم فى الحياة وكانت ايام سودة بجد.

    عندنا فى الكلية فى رابعة .......مادة اسمها community health ) صحة المجتمع .......وكان لينا 4 شهور تدريب فى مناطق عشوائية .

    معظمها كانت بيوت فى المقابر .....تخيل طفل يصحى من النوم يرى امامه مقبرة ولا واحد بيندفن ........يااااااااااه صعب صعب.

    9 افراد اسرة مقيمين فى بيت عبارة عن حجرة فيها كل حاجة .......مطبخ .....نوم ........وحمام صغير فى مدخل الباب

    بجد جالى اكتئاب وكنت استغرب ان وقتها كنت احلم انى اجيب عربية وناس تانية تحلم حتى ......بسرير بمرتبة عدلة يعرفوا يناموا عليه.

    مش هاقول غرفه خاصة مش هتكلم عن خصوصية الاب والام مش هتكلم عن خصوصية الابناء مش هتكلم عن خصوصية البنات.

    كنت حاسة ان الظلم واقع على الجميع .........حضرت موقف ..فى منزل وكان احد افراد الاسرة التى كنت مسئولة عنهم حاب يغير ملابسه ولم يجد مكان يغير فيه .

    نظر ا لوجودى غريبة بينهم .....استأذنت وخرجت خارج المنزل الى ان غير ملابسه وكنت باقول يعنى

    البنات لو حبت تغير هدومها ولا تعمل اى حاجة هتروح فين فى ظل وجود الاب واخوانها.!!

    بجد مأساة ......اسرة اخرى ....ابنها 10 سنوات مدمن .!!! طيب يا بنى انت الى بيدمن

    دا عاوز يهرب من مشاكل الحياة انت بن 10 سنوات عندك ايه تهرب منه.

    كنت وقتها مفكرة نفسي باتكلم مع طفل المفروض كل همه اللعب واللهو مش طفل بيتحمل مسئولية اسرته بعد وفات ابيه.

    تتكلم مع طفل عنده 10 سنوات كأنه شاب فى الثلاثينات .....شايل الهم وعارف الاسعار والتموين والمشاكل .....

    قولت فى نفسي معندوش اى سبب يمنعه من الادمان ......طالما طفل لا يتستمتع بطفولته وتحمل المسئولية فى هذا السن

    وشال الهم بدرى ........

    لدى .......اكثر من سؤال ........

    من المسئول عن العشوائيات ؟

    ما دور الصحة والحكومة فى القضاء على العشوائيات كمساكن وليست كأشخاص .؟

    اين الجمعيات الحيرية وحماية حقوق الانسان ؟

    هل سكان العشوائيات ........ينتمون للمنظمة المباركية المتحدة؟

    اسئلة كثيرة تدور فى خاطرى ........ولكنى من مرراة حلقي ....والقهر .....لا اود ان اكتب اكثر من ذلك ........
    لكى الله يا مصر ..........ويا ساكنى عشوائيات مصر.!!!

     

     


     
    رد مع اقتباس

    قديم 27th January 2009, 07:11 PM Badroora غير متواجد حالياً
      رقم المشاركة : 7
    Badroora
    Platinum Member
     






    Badroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant future

    أنا : Badroora




    بخصوص المشاهد الخارجة اللى اتكلموا عليها فى العاشرة مساءا للاسف لم اراها.

    اقتباس
    انا انضحك على ودخلت الفيلم مشفر انا مشوفتش الشذوذ اللى كان فى الفيلم ولا حتى

    لقطة اغتصاب هالة فاخر .. عملت بحث على يوتيوب وشوفت برنامج عمرو اديب ولقائه مع

    المخرج خالد يوسف وابطال الفيلم .

    واخدت بالى لما ذكر مشهد سومية الخشاب وغادة عبدالرازق واعتراضة على عدم التنبيه بأن

    الفيلم للكبار فقط وكان مستاء منها جدا .

    الفيلم اللى شوفته كان محذوف منه مشاهد كتيرة وكمان كان مكتوب للكبار فقط . بس مش دى

    المشكلة يعنى اللى تستاهل عشان عمرو اديب يكبرها ويعملها حجته .

    يعنى هو كل همه الاطفال وابنه اللى هتشوف الفيلم طيب معترضتش ليه على الاطفال اللى فى

    الفيلم وسنهم ااقل من 19 سنه ؟ تناقض غريب .!!

    انا بردوا من خلال رؤيتى للفيلم انه فيلم ممتاز والمشاهد الخارجة او الشاذة اللى مشوفتهاش

    حتى لو شوفتها مكنتش هتعنيني كثير لانه واقع ومينفعش نغمض عنينا عنه ونقول المفروض

    تلميح مش تصريح .

    المفروض .....ننتظر ايه من ناس تحت خط الفقر عايشين فى اوضة واحدة اب وام بتمارس

    حياتها الطبيعية امام اطفالها ونقول المفروض يكونوا مثاليين .

    كون الفيلم لم يذكر ايجايبات او ان الفيلم كله سلبي مش معناه ان كل العشوائيات كدا وان مافيش

    حد كويس يبقي كدا الفيلم مبالغ فيه او انه مجرد فرقعه اعلاميه .

    مثال ......احنا فى مهنتنا مثلا لما نحب نحذر الناس من اضرار التدخين بنبدأ باسوائها

    عشان الناس تدرك ان الامر خطير ..علب السجاير مكتوب عليها ان التدخين ضار جدا

    بالصحة وانه سبب مباشر للوفاة .

    هل ينفع لما اجى ادى محاضرة تثقيف صحى للناس لمساعدتهم لللاقلاع عن التدخين اقولهم

    والله الى الان لم نجد دراسة او بحث شافي كافى بينص على ان التدخين سبب مباشر للوفاة

    وانه فقط عامل مساعد . وابدأ اسرد امثله على ناس بتدخن بقالها 30 سنه ومجرلهاش حاجة .!!!

    اذن الهدف من الفيلم هو القاء الضوء على المساويء حتى يتم الالتفات اليها ولكن لو جبت

    نماذج كويسة يبقي الطبيعي طيب ماهوم دول ناس ودول ناس ايش معنى دول حالهم اتقلب

    ودول ناس ناجحين .!!!

    انا بدون مبالغة بكيت من بداية الفيلم لاخرة وكل المشاهد اللى لم تقص محستش انها خارجة او

    خادشة للحياء لانى مش بانظر لكل مشهد على حدا. يعنى مثلا اللى ركز على مشهد سومية

    الخشاب مع عمرو وترك باقي المشهد .ام نايمة على الكنبه وكام عيل نايمين ع الارض

    ومافيش غطى وكلهم عريانين . بالذمة انهى الاقوى عشان الواحد يركز فيه .

    بالعكس المشهد دا انا حزنت جدا من نومة العيال خلف خلاف ع الارض وكلهم فى اوضه واحدة .

    الشذوذ موجود فى حياتنا ومينفعش نغمض عنينا عنه المفروض نبرزة عشان نعرف نعالجة ودا

    دورنا فى الحياة البحث عن المساويء والقاء الضوء عليها مش ننكرها وندفن رؤسنا فى الرمل .

     

     


     
    رد مع اقتباس

    قديم 28th January 2009, 09:07 AM بطيخة غير متواجد حالياً
      رقم المشاركة : 8
    بطيخة
    Member
     





    بطيخة is on a distinguished road

    افتراضي

    أنا : بطيخة




    بصراحة عجبني أحد النقاد عندما أطلق عليه " حين مسخرة "
    الفيلم بيطرح قضية مهمة ... لكن مش لازم يعني التفاصيل اللي مالهاش لازمة في الفيلم
    في اكتر من طريقة وطريقة لتوصيل المعنى ...
    لكن الترويج بهذه المشاهد اصبحت للاسف الوسيلة الوحيدة لاستقطاب الجماهير

     

     


     
    رد مع اقتباس

    قديم 28th January 2009, 09:19 AM toota غير متواجد حالياً
      رقم المشاركة : 9
    toota
    Platinum Member
     





    toota is on a distinguished road

    افتراضي

    أنا : toota




    .


    اقتباس
    مشاهدة المشاركة المشاركة الأصلية كتبت بواسطة toota

    ده موضوع كنت عملته من سنة تقريبا في منتدى اخر....وكتبت تعليقي عليه....


    حين ميسرة... فيلم يستاهل

    فيلم حين ميسرة... بقالي فتره عايزه اشوفه...ومتردده ... يمكن بسبب الدوشه واللغط حواليه

    وكمان الظروف مسمحتش اني اشوفه الا من يومين...


    الفيلم فنيا يعتبر اكتر من الممتاز.. فعلا من احلى الافلام الي شفتها الموسم ده...اخراج ... قصه... سيناريو... تمثيل... رغم تحفظي على مشهد النهايه...

    فاجأني الفيلم بشويه ممثلين مكنتش شايفاهم بالشكل ده... عملوا حاجه جديده.. وبرغم تحفظي على بعض المشاهد الخارجه...الا اني اعجبت بالفيلم ككل... بجد يعتبر فيلم الموسم بدون منازع

    نصيحه : الي رايح يشوف سميه الخشاب ببدله الرقص... مش حيعرف يشوف حلاوة العشش الصفيح والمعنى المقصود بالفيلم ده...

    ياريت الي شاف الفيلم يقول رأيه ... ولي عوده باذن الله لمزيد من التفاصيل


    والتكملة

    اهو فتحي ده طلع مفاجأة الفيلم بدون منازع .. الممثل ده حيعمل شغل محصلش الفتره الجايه لو استخدم امكانياته وموهبته بشكل صحيح... مش ممكن الافيهات الي طلعها في الفيلم حتشتغل الفتره الجايه في كل حته في البلد... حيعمل تغيير في اسلوب الكلام ولفظه

    شخصيه لذيذه برغم بلطجتها بس جدعه ....

    الي لفت نظري ايضا... اسلوب الناس دي... فجاه تلاقيهم حبايب وفجاه يقلبوا على بعض...بشكل سريع...ويرجعوا حبايب تاني... مش عارفه بيفكروني بشويه ناس كنت استغرب ازاي ممكن يتخانقوا وبعد كده يرجعوا حبايب بدون اي مشاكل ...

    كمان الولد ابن سميه الخشاب والبنت الي معاه... برغم صغر سنهم ادوا المشهد الجنسي الخارج بشكل محترف برغم اني اول مره اشوفهم بيمثلوا...


    اقتباس
    مشاهدة المشاركة المشاركة الأصلية كتبت بواسطة toota

    تعليق اخر

    بتتكلمي عن سن الممثلين ازاي يأدوا مشهد جنسي بالشكل ده


    ولا انه لا يصح عرض مشهد جنسي عن اطفال الشوارع...؟؟

    ان كان على الممثلين... اظن ان سنهم اكبر من 18 بس الممثلين صغننين في الحجم وأدوا الدور بالشكل المطلوب...

    اما لو كان قصدك انه لا يصح عرض هذا المشهد عشان اطفال الشوارع مش بيعملوا الكلام ده... معلش اسمحيلي مش حنعمل زي النعامه الي بتدفن راسها بالرمل عشان متشوفش عيوبها...

    الخطر موجود واطفال الشوارع بيعملوا كده واكتر... لانهم ببساطه ميعرفوش يعني ايه حلال وحرام ... وخطأ وصح...معندهمش ابسط مبادىء الاخلاق... فأزاي المشهد ده حيكون حاجه مش حتتعمل في ظل الظروف الي عايشاها هذه الفئة من المجتمع....؟؟؟؟

     

     


     
    رد مع اقتباس

    قديم 28th January 2009, 09:23 AM Mizo غير متواجد حالياً
      رقم المشاركة : 10
    Mizo
    Golden Member
     






    Mizo is a splendid one to beholdMizo is a splendid one to beholdMizo is a splendid one to beholdMizo is a splendid one to beholdMizo is a splendid one to beholdMizo is a splendid one to beholdMizo is a splendid one to behold

    افتراضي

    أنا : Mizo




    خالد يوسف رافع قضيه مؤخراً على شبكة art يتهم الشبكه إنها قامت بقطع مقاطع شوهت الفيلم وبصفته المخرج تضرر من هذا الإجراء...

    مكتب الــ art رد عليه وقاله اخبط دماغك في الحيط ياض يا خالد احنا لا نعرفك ولا اشترينا منك افلام وهنعرض الفيلم براحتنا وزي ماحنا عايزين لاننا مش طرف في الدعوه..

     

     


     
    رد مع اقتباس

    إضافة رد

    مواقع النشر (المفضلة)

    حين ميسرة

    « الموضوع السابق | الموضوع التالي »
    أدوات الموضوع
    انواع عرض الموضوع

    الانتقال السريع

    المواضيع المتشابهه
    الموضوع كاتب الموضوع المنتدى مشاركات آخر مشاركة
    للتاريخ : مجزرة حماة 1982 KANE شؤون عربية ودولية 2 4th May 2011 07:12 AM
    مجزرة كفر قاسم 54 عاما أسامة الكباريتي فلسطين أرض الرباط 0 30th October 2010 07:14 AM
    اختفاء معروضات مجزرة بحر البقر!!!!!!!! KANE تاريخ مصر 1 28th January 2010 11:37 AM

    Currency Calculator
    Your Information
    RSS RSS 2.0 XML MAP HTML


    Powered by vBulletin® Version 3.8.8
    .Copyright ©2000 - 2024, Jelsoft Enterprises Ltd
    (جميع الأراء والمواضيع المنشورة تعبِّر عن رأي صاحبها وليس بالضرورة عن رأي إدارة منتديات المطاريد)
    SSL Certificate   DMCA.com Protection Status   Copyright  


    تنبيه هام

     يمنع منعاً باتاً نشر أى موضوعات أو مشاركات على صفحات منتديات المطاريد تحتوى على إنتهاك لحقوق الملكية الفكرية للآخرين أو نشر برامج محمية بحكم القانون ونرجو من الجميع التواصل مع إدارة المنتدى للتبليغ عن تلك الموضوعات والمشاركات إن وجدت من خلال البريد الالكترونى التالى [email protected] وسوف يتم حذف الموضوعات والمشاركات المخالفة تباعاً.

      كذلك تحذر إدارة المنتدى من أى تعاقدات مالية أو تجارية تتم بين الأعضاء وتخلى مسؤوليتها بالكامل من أى عواقب قد تنجم عنها وتنبه إلى عدم جواز نشر أى مواد تتضمن إعلانات تجارية أو الترويج لمواقع عربية أو أجنبية بدون الحصول على إذن مسبق من إدارة المنتدى كما ورد بقواعد المشاركة.

     إن مشرفي وإداريي منتديات المطاريد بالرغم من محاولتهم المستمرة منع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات وإن وجدت اى مخالفات يُرجى التواصل مع ادارة الموقع لإتخاذ اللازم إما بالتبليغ عن مشاركة مخالفة أو بالتراسل مع الإدارة عن طريق البريد الالكترونى التالى [email protected]