عيشوا عيشة أهاليكم شوية - منتديات المطاريد
بسم الله الرحمن الرحيم
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ (84) وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِندَهُ عِلْمُ السَّاعَةِ وَإِلَيْهِ تُرْجَعُونَ (85) "الزخرف"

منتديات المطاريد | الهجرة الى كندا | الهجرة الى استراليا

 


DeenOnDemand


BBC NEWS

    آخر 10 مشاركات

    Arabic Discussion Forum with a Special Interest in Travel and Immigration

    Immigration to Canada, Australia, and New Zealand

    Egypt and Middle East Politics, History and Economy

    Jobs in Saudi Arabia, USA, Canada, Australia, and New Zealand

    العودة   منتديات المطاريد > المنتدى العام > مناقشات وحوارات جادة

    مناقشات وحوارات جادة

    عيشوا عيشة أهاليكم شوية


    الهجرة إلى كندا والولايات المتحدة واستراليا

    مواقع هامة وإعلانات نصية

    إضافة رد
     
    أدوات الموضوع انواع عرض الموضوع
    قديم 11th November 2010, 10:57 AM شينكاوي غير متواجد حالياً
      رقم المشاركة : 1
    Platinum Member






    شينكاوي has a reputation beyond reputeشينكاوي has a reputation beyond reputeشينكاوي has a reputation beyond reputeشينكاوي has a reputation beyond reputeشينكاوي has a reputation beyond reputeشينكاوي has a reputation beyond reputeشينكاوي has a reputation beyond reputeشينكاوي has a reputation beyond reputeشينكاوي has a reputation beyond reputeشينكاوي has a reputation beyond reputeشينكاوي has a reputation beyond repute

    عيشوا عيشة أهاليكم شوية

    أنا : شينكاوي






    هشام الصادق يكتب: إلى مواليد التسعينات.. عيشوا عيشة أهاليكم شوية

    الثلاثاء، 9 نوفمبر 2010 - 21:41


    العيال اللى قاعدين ع الفيس بوك يتريقوا على كلمة إنجازات مبارك وحملة الحزب الوطنى وعد فأوفى ... والشباب الكول اللى مغرق نفسه حركات إشى 6 إبريل واشى 9 مارس وكلهم خلاص مش عاوزين الرئيس مبارك، واضح ان كلهم مواليد التسعينات بعد افتتاح دريم بارك وتشغيل شبكة المحمول ..أحب اقولهم عيشوا عيشه اهاليكم شويه ..و اسمحولى معلهش ازعجكم شويه وافكركم اهاليكم كانوا عايشيين ازاى قبل مبارك.

    شارعنا كان فيه 3 عربيات فقط لا غير ومنهم سيارة والدى الرهيبة ال 128 وكنت كل يوم انزل بالمفتاح للعيال فى الشارع ينقلوها علشان يلعبوا كورة (ملحوظة كنا نسكن شارع رئيسى يمر فيه اليوم مترو الأنفاق).

    عمارتنا كان فيها تليفونين واحد فى الدور الثانى وواحد عندنا فى الخامس وكانت العمارات الثلاث تتناوب عليهما لدرجه فكرنا يوما ان نضع عدة على السلم برة.

    اصحابى فى الصيف كانوا ينزلوا كل يوم 9 صباحا يتنقلوا من طابور لطابور على بقالين المنطقة لحد كل واحد ما يرجع لابوه بعلبتين سجاير سوبر ( ملحوظه الحمد لله ابى لم يكن مدخن) اجدع بقال كان عنده 3 اصناف جبنه بيضه وجبنه رومى وحلاوه ... الجبنه النستو جت بعد 81.

    وكانت العائلة كلها بتستحمى بصابونة واحدة هى هى بس كل كام شهر يغبروا اسمها و كان عند البقال مفيش أنواع هو يا صابون وش يا صابون مواعين يا رابسو للغسيل .

    وكنت سيادتك لما تيجى تتجوز تحجز ثلاجة و تحجز بوتاجاز وتحجز قطن علشان المراتب و يا عالم تستلمهم قبل الجواز والا بعد ما تخلف .... ويقال إن والدى استلم البوتاجاز يوم ولادة اخويا الأصغر و الانبوبه بعدها ب 6 شهور.

    مصر كلها كانت بتتمرجح و تركب عربيات التصادم فى ملاهى ادهم لان السندباد فتحت 85 و طبعا دريم بارك فتحت 98 مصر كلها كانت بتصيف فى مكانين لا ثالث لهما .. شارع خالد ابن الوليد و جمصه .... مين ينسى حفلات عمر فتحى فى جمصة.

    المشروب الرسمى للشعب المصرى كان عصير القصب و اسباتس ده كان للضيوف و كل اللى بتبرقعوا فيه دلوقت ده جه بعد 81.

    التليفزيون كان بيفتح الساعه 5 و يقفل الساعه 12 و يسهر شويه يوم الخميس و القنوات كانوا اتنين القناه الخامسه و القناه التاسعه بعد كده سموهم الاولى والتانية ... وكان برنامج الاطفال الوحيد يوم الجمعه صباحا .

    التلفزيون القديم كان شغال بالمكثف فكنت تفتحه و تستنى ربع ساعه على ما يولع و لما جه التليفزيون الترانزيستور اللى تفتحه يشتغل على طول كنا حنتجنن.

    وكان كل شارع فيه مخبأ علشان الغارات فى الحرب و كل عماره كانت بانيه سد طوب كده قدام الباب قال يعنى القذيفه لو جت مش حتدخل العمارة و كان لون الزجاج ( معظمه ) مازال ازرق من أثار حرب اكتوبر .

    و كانت الكهرباء مقطوعة معظم فترات النهار و المياه كذلك و حراره التليفون من المعجزات.

    وأخيرا كانت مصر لم تحقق اى بطوله رياضيه افريقيه و رصيد ميداليه واحده اوليمبيه من قبل الثوره .... و كل ما حققته مصر من بطولات فى كره القدم و الاسكواش و المصارعة ووووو جاء بعد 1986 .

    أصدقائى مواليد التسعينات أتمنى أن أكون قد قدمت لكم فكرة مبسطة عن الحياة فى بر مصر قبل افتتاح دريم بارك .

    ___________________________

    هو الحزب الوطني مش المفروض يستنضف الاشكال اللي بتدافع عنه ويشترط ان الواحد فيهم يبقي عنده إبتدائية ولا حتي دخل الكُتاب او ان الراجل دا بيهرج وبيستخدم إسلوب ساخر جديد علي الغلابة اللي زيي .

     

    الموضوع الأصلي : عيشوا عيشة أهاليكم شوية     -||-     المصدر : منتديات المطاريد     -||-     الكاتب : شينكاوي

     

     


     
    رد مع اقتباس


    Latest Threads By This Member
    Thread Forum Last Poster Replies Views Last Post
    شالوم ترحيبات ... مناسبات ... علاقات عامة Sonesta 12 1578 3rd December 2014 01:49 PM
    مدونة التوحيد والجهاد مدونات الأعضاء only you 2 1940 16th June 2013 10:02 PM
    ذكريات لحظة التنحي مواضيع شخصية دكتور مهندس جمال الشربيني 13 2843 8th February 2012 06:00 PM
    اسمـــــــــــــــاعيـــــــــل ترحيبات ... مناسبات ... علاقات عامة شينكاوي 4 1045 7th February 2012 05:38 PM
    بورسعيد العام الماضي ... المسكوت عنه شؤون مصر الداخلية شينكاوي 7 1651 4th February 2012 11:57 AM

    قديم 11th November 2010, 11:05 AM مدى غير متواجد حالياً
      رقم المشاركة : 2
    مدى
    Brigadier General
     






    مدى has a reputation beyond reputeمدى has a reputation beyond reputeمدى has a reputation beyond reputeمدى has a reputation beyond reputeمدى has a reputation beyond reputeمدى has a reputation beyond reputeمدى has a reputation beyond reputeمدى has a reputation beyond reputeمدى has a reputation beyond reputeمدى has a reputation beyond reputeمدى has a reputation beyond repute

    افتراضي

    أنا : مدى





    اقتباس
    مشاهدة المشاركة المشاركة الأصلية كتبت بواسطة شينكاوي



    هو الحزب الوطني مش المفروض يستنضف الاشكال اللي بتدافع عنه ويشترط ان الواحد فيهم يبقي عنده إبتدائية ولا حتي دخل الكُتاب او ان الراجل دا بيهرج وبيستخدم إسلوب ساخر جديد علي الغلابة اللي زيي .


    مقالة مضحكة ..وسمجة..
    يعني المفروض نوقف عجلة الحضارة ونحمد ربنا بقى ع النعيم اللي أهالينا عاشوا فيه..
    ونشوف بقى حياة الرغد اللي الحزب الوطني جابهالنا..
    هو لو حذف أول كام سطر من المقالة ..ممكن تمشي..
    لكن حركة واضحة وهبلة للأسف..
    تفكير غبي

     

     


     
    رد مع اقتباس

    قديم 11th November 2010, 11:07 AM !! Lidooooo !! غير متواجد حالياً
      رقم المشاركة : 3
    !! Lidooooo !!
    Platinum Member
     





    !! Lidooooo !! has a reputation beyond repute!! Lidooooo !! has a reputation beyond repute!! Lidooooo !! has a reputation beyond repute!! Lidooooo !! has a reputation beyond repute!! Lidooooo !! has a reputation beyond repute!! Lidooooo !! has a reputation beyond repute!! Lidooooo !! has a reputation beyond repute!! Lidooooo !! has a reputation beyond repute!! Lidooooo !! has a reputation beyond repute!! Lidooooo !! has a reputation beyond repute!! Lidooooo !! has a reputation beyond repute

    !! Lidooooo !!'s Flag is: Egypt

    افتراضي

    أنا : !! Lidooooo !!





    ياكش يطمر ..
    يا شعب نمرود

     

     


     
    رد مع اقتباس

    قديم 11th November 2010, 11:17 AM شينكاوي غير متواجد حالياً
      رقم المشاركة : 4
    شينكاوي
    Platinum Member






    شينكاوي has a reputation beyond reputeشينكاوي has a reputation beyond reputeشينكاوي has a reputation beyond reputeشينكاوي has a reputation beyond reputeشينكاوي has a reputation beyond reputeشينكاوي has a reputation beyond reputeشينكاوي has a reputation beyond reputeشينكاوي has a reputation beyond reputeشينكاوي has a reputation beyond reputeشينكاوي has a reputation beyond reputeشينكاوي has a reputation beyond repute

    افتراضي

    أنا : شينكاوي





    انا بستغرب بجد يا جماعة من الحال اللي وصل لها الحزب الوطني وفي حالة التخبط اللي بيعيشها رجاله لدرجة انهم مبقوش عاوزين يفرقوا بين الحقبة التي نعيشها وبين ما قبل الميلاد فالأخ كاتب المقال اللي اشك انه بجد مش من هنا نسي يقولنا الان عدد الشباب العاطل عن العمل وحجم الدين العام ونسبة الصادرات الي الورادات واسباب انهيار الصناعة الوطنية وتفشي الجريمة وانعدام الامن وكمية التلوث وازمة القمح ورغيف العيش وبيذل الاجيال التي تحلم بمستقبل افضل بالصابونة اللوكس والأجبان الفرنسية واللحوم الهندية واللحوم السودانية والعربيات المستوردة اللي منعرفش نصنع صامولة لعجلة من عجلاتها , بجد قمة الاستهبال من جريدة سواء مطبوعة او الكترونية انها تنشر مقالة هزيلة بالطريقة دي وتسمح لكاتب اخره يروح يكتب في حيطة جيرانهم انه يقرفنا بالكلام الاهبل المكتوب دا وعلي فكرة انا نقلت المقال لحضراتكم علشان تشوف الترهل في الخطاب الغير رسمي للحزب الوطني وازلامه من بعض المحسوبين كصحفييين .

     

     


     
    رد مع اقتباس

    قديم 11th November 2010, 12:37 PM alex fox غير متواجد حالياً
      رقم المشاركة : 5
    alex fox
    Golden Member
     






    alex fox has a reputation beyond reputealex fox has a reputation beyond reputealex fox has a reputation beyond reputealex fox has a reputation beyond reputealex fox has a reputation beyond reputealex fox has a reputation beyond reputealex fox has a reputation beyond reputealex fox has a reputation beyond reputealex fox has a reputation beyond reputealex fox has a reputation beyond reputealex fox has a reputation beyond repute

    alex fox's Flag is: Egypt

    افتراضي

    أنا : alex fox




    !For Medical Professionals Only

    يا شينكو يا عزيزى ده مجرد تلموذ صغير بس عبيط شويتين...
    يجى ايه ده جنب بتاع الأوزى والبعرور...
    ولا بتاع طشة الملوخية...
    على رأى طنط نزاكة(لا مؤاخذة يا ياسو) :
    من الأوزى للملوخية يا قلبى لاتحزن...
    عاشت صاحبة الجلالة...

     

     


     
    رد مع اقتباس

    قديم 11th November 2010, 04:24 PM Dr.Samo غير متواجد حالياً
      رقم المشاركة : 6
    Dr.Samo
    Platinum Member
     





    Dr.Samo has a reputation beyond reputeDr.Samo has a reputation beyond reputeDr.Samo has a reputation beyond reputeDr.Samo has a reputation beyond reputeDr.Samo has a reputation beyond reputeDr.Samo has a reputation beyond reputeDr.Samo has a reputation beyond reputeDr.Samo has a reputation beyond reputeDr.Samo has a reputation beyond reputeDr.Samo has a reputation beyond reputeDr.Samo has a reputation beyond repute

    Dr.Samo's Flag is: Egypt

    افتراضي

    أنا : Dr.Samo




    هو المفروض ان الحزب الوطنى هو اللى اخترع الموبيل
    وهو اللى بنى دريم بارك
    هما مستخسرين ان يبقى فى مصر حد بينطق ؟؟؟؟؟؟
    على ما اعلم مصر كلها سنة 1977 قامت على حيلها فى 17-18 يناير علشان شالوا الدعم عن السكر والزيت
    علشان شوية شباب نطق .....تقوموا تعايروهم عينى عينك كدا
    والمعايرة دى على ايه ......هى بلد أهاليكو ؟؟؟؟؟؟؟
    دلوقت عالم مفتوح ......ومصر من أهم الأسواق المستهدفه من كل القوى الأقتصادية واللى على رأسها الصين .....واللى فاتحة بيوت ناس كتير فى مصر
    ثم مش الناس اللى كسبت واحتكرت دى ....هى رؤوس الحزب الوطنى
    وانت كنت تلاقى زمان تاجر حديد ولا تاجر سيراميك عضو فى الهيئة العليا للحزب
    ولا كان أستاذ جامعة ....او سياسى ....او تكنوقراط
    أقولك يا كاتب المقال ....يحيا الحزب الصينى الوطنى الديمقراطى
    كاتكو نيلة ميلتوا البلد

     

     


     
    رد مع اقتباس

    قديم 11th November 2010, 04:43 PM m.sherif غير متواجد حالياً
      رقم المشاركة : 7
    m.sherif
    Member
     






    m.sherif is a splendid one to beholdm.sherif is a splendid one to beholdm.sherif is a splendid one to beholdm.sherif is a splendid one to beholdm.sherif is a splendid one to beholdm.sherif is a splendid one to beholdm.sherif is a splendid one to behold

    m.sherif's Flag is: Egypt

    افتراضي

    أنا : m.sherif




    هوا اسمه هشام الصادق فعلا ولا دى صفته !!!لا اله الا اللهمش عايز اى تطور فى 30 سنة حكم !!دا لو الناس عايشة من غير حكومة كان وضعنا هيبقى أفضل

     

     


     
    رد مع اقتباس

    قديم 11th November 2010, 04:50 PM shah غير متواجد حالياً
      رقم المشاركة : 8
    shah
    Member
     





    shah is on a distinguished road

    shah's Flag is: Egypt

    افتراضي

    أنا : shah




    الحمد لله ان بقي في جبنه رومي و بيضا و سجاير سوبر و lm و في دريم بارك و محمول

    مش مهم بقي حريه و ديموقراطيه و عدل و كرامه

     

     


     
    رد مع اقتباس

    قديم 11th November 2010, 06:33 PM بنت الشاطئ غير متواجد حالياً
      رقم المشاركة : 9
    بنت الشاطئ
    Golden Member
     






    بنت الشاطئ has a reputation beyond reputeبنت الشاطئ has a reputation beyond reputeبنت الشاطئ has a reputation beyond reputeبنت الشاطئ has a reputation beyond reputeبنت الشاطئ has a reputation beyond reputeبنت الشاطئ has a reputation beyond reputeبنت الشاطئ has a reputation beyond reputeبنت الشاطئ has a reputation beyond reputeبنت الشاطئ has a reputation beyond reputeبنت الشاطئ has a reputation beyond reputeبنت الشاطئ has a reputation beyond repute

    بنت الشاطئ's Flag is: Egypt

    افتراضي

    أنا : بنت الشاطئ



    دعوه لموضوعي

    "من انجازات عهد مبارك ... دخول الجبنة النستو لمصر سنة 81 وافتتاح ملاهي السندباد سنة 85"

    كل السلع الاستهلاكيه دي دخلت مصر مع الانفتاح الاقتصادي


    موضوع مستفز وينم عن الغباء

    الشخص كاتب المقال ده ينطبق عليه تماماً مثل قبضنى تجدنى

     

     


     
    رد مع اقتباس

    قديم 11th November 2010, 06:55 PM mohsen غير متواجد حالياً
      رقم المشاركة : 10
    mohsen
    Silver Member
     






    mohsen has a brilliant futuremohsen has a brilliant futuremohsen has a brilliant futuremohsen has a brilliant futuremohsen has a brilliant futuremohsen has a brilliant futuremohsen has a brilliant futuremohsen has a brilliant futuremohsen has a brilliant futuremohsen has a brilliant futuremohsen has a brilliant future

    mohsen's Flag is: Canada

    افتراضي

    أنا : mohsen




    لو كانت كل الناس عاشت عيشة أهاليها كان زمان العلم لسة عايش فى كهوف.

    بس على فكرة هو نفس المنطق اللى بنسمعه دلوقت:

    إنت بتشتكى من إن سوء الوضع ؟ طيب و إيه يعنى ماهو كان سئ قبل كده - من أيام الفراعنة يعنى.

    و الإستمرار كويس برضه.

     

     


     
    رد مع اقتباس

    إضافة رد

    مواقع النشر (المفضلة)

    الكلمات الدلالية (Tags)
    الشيطان يعظ, حسني مبارك, سنة 1981, سندوتشات كبده, هشام الصاوي

    عيشوا عيشة أهاليكم شوية

    « الموضوع السابق | الموضوع التالي »
    أدوات الموضوع
    انواع عرض الموضوع

    الانتقال السريع

    المواضيع المتشابهه
    الموضوع كاتب الموضوع المنتدى مشاركات آخر مشاركة
    عيشة تقرف النجم الثاقب صحافة ... إعلام ... سينما ومسرح 15 18th January 2013 07:28 PM
    تعرف انك عجزت ..لما..!!!!!! toota قهوة المطاريـــــــــــــــــد 262 11th September 2012 12:44 PM
    عدسة ماتركس Matrix هوايات متنوعة 95 7th June 2012 08:10 PM
    محلاها عيشة الصياد Prof هوايات متنوعة 107 27th July 2010 12:14 PM

    Currency Calculator
    Your Information
    RSS RSS 2.0 XML MAP HTML


    Powered by vBulletin® Version 3.8.8
    .Copyright ©2000 - 2024, Jelsoft Enterprises Ltd
    (جميع الأراء والمواضيع المنشورة تعبِّر عن رأي صاحبها وليس بالضرورة عن رأي إدارة منتديات المطاريد)
    SSL Certificate   DMCA.com Protection Status   Copyright  


    تنبيه هام

     يمنع منعاً باتاً نشر أى موضوعات أو مشاركات على صفحات منتديات المطاريد تحتوى على إنتهاك لحقوق الملكية الفكرية للآخرين أو نشر برامج محمية بحكم القانون ونرجو من الجميع التواصل مع إدارة المنتدى للتبليغ عن تلك الموضوعات والمشاركات إن وجدت من خلال البريد الالكترونى التالى [email protected] وسوف يتم حذف الموضوعات والمشاركات المخالفة تباعاً.

      كذلك تحذر إدارة المنتدى من أى تعاقدات مالية أو تجارية تتم بين الأعضاء وتخلى مسؤوليتها بالكامل من أى عواقب قد تنجم عنها وتنبه إلى عدم جواز نشر أى مواد تتضمن إعلانات تجارية أو الترويج لمواقع عربية أو أجنبية بدون الحصول على إذن مسبق من إدارة المنتدى كما ورد بقواعد المشاركة.

     إن مشرفي وإداريي منتديات المطاريد بالرغم من محاولتهم المستمرة منع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات وإن وجدت اى مخالفات يُرجى التواصل مع ادارة الموقع لإتخاذ اللازم إما بالتبليغ عن مشاركة مخالفة أو بالتراسل مع الإدارة عن طريق البريد الالكترونى التالى [email protected]