ايه افضل برنامج للطبخ بتحبه و ايه افضل شيف بتتابعه ؟

[Farida]

الصحف المصرية والعربية

بجد تنوع برامج المطبخ على القنوات الفضائيه اعطانى افكار كتير للطبخ و خلى عندى الجرأة للأختراعات و التفنن فى الأكلات ...............و افضل برامج المطبخ طبعا قناة فتافيت هايله ولو ان كل الأكلات اللى فيها غربيه ولازم نبيذ فى معظم الأكلات بس برضه فيه برامج بتلفت نظرى زى برنامج ناجيلا و جيمى اوليفر و غيرهم بس فيه برنامج مميز اسمه اكلات عباس السريه بيقدمه واحد اسمه عباس فهمى بيلف و يدور فى احياء العالم العربى و يقدم الوصفات السريه للأكلات الأصليه زى الحواوشى و الكبه و الفطائر و الكوارع و الحاجات العربيه الأصليه من مصادرها الأصليه ....................
بس البرنامج بقه اللى باتابعه و اتعلمت منه كتير هو من كل بلد اكله على قناة الأسرة و الطفل بيجيب شيفات هايلين و الميزة ان كله اكل مصرى او اكل غربى بلمسه مصريه و طبعا على رأسهم الشيف شربينى و الشيف نبيل عتاوله فى المطبخ ................فيه ناس كتير تانيه حأفتكر و اقولكم

 

[moka]

.
.

بصراحة انا بتابع قناة فتافيت .. والشيفز اللي فيها بيعملوا اكلات الواحد عاوز ينط جوا الشاشة.

وكمان قناة bbc lifestyle على الشوتايم
اكلاتهم حلوة ومترتبة والحلويات احلى

 

 

[nash]

أي برنامج للشيف أسامه السيد في اي فضائيه ...حقيقي ساحر في طريقه التقديم...كأنه بيقدم كوبايه ميه..مش طبخ واكل معقد...

 

 

[بندق]

اقتباس المشاركة الأصلية كتبت بواسطة Farida بجد تنوع برامج المطبخ على القنوات الفضائيه اعطانى افكار كتير للطبخ و خلى عندى الجرأة للأختراعات و التفنن فى الأكلات ...............و افضل برامج المطبخ طبعا قناة فتافيت هايله ولو ان كل الأكلات اللى فيها غربيه ولازم نبيذ فى معظم الأكلات بس برضه فيه برامج بتلفت نظرى زى برنامج ناجيلا و جيمى اوليفر و غيرهم بس فيه برنامج مميز اسمه اكلات عباس السريه بيقدمه واحد اسمه عباس فهمى بيلف و يدور فى احياء العالم العربى و يقدم الوصفات السريه للأكلات الأصليه زى الحواوشى و الكبه و الفطائر و الكوارع و الحاجات العربيه الأصليه من مصادرها الأصليه .................... بس البرنامج بقه اللى باتابعه و اتعلمت منه كتير هو من كل بلد اكله على قناة الأسرة و الطفل بيجيب شيفات هايلين و الميزة ان كله اكل مصرى او اكل غربى بلمسه مصريه و طبعا على رأسهم الشيف شربينى و الشيف نبيل عتاوله فى المطبخ ................فيه ناس كتير تانيه حأفتكر و اقولكم

يعنى ما جيبتيش سيرة الشيف بندق يا دكتورة ؟؟؟


شوفى يا دكتورة .. فيه برنامج للشيف ريك ستاين على فتافيت وجورجيو لوكاتيلى .. وجيادا .. وفيه راجل عجوز ايطالى كده شكله كأنه مصرى طلعان روحه .. فيه كمان الواد أندرو عشان بيفتكس على طول .. ده بالاضافة للى حضرتك قلتى عليهم ..

زمان كان أسامة السيد بيقدم حاجات تحفة .. والغريب انه لما كنا نتفرج عليه انا والولاد كنت ألاقيه يعمل حاجات بطريقتى (وأصلا مفيش حد علمها ليا) بس وأنا بأجرب كنت أقول لازم تكون كده .. زى رز الصيادية مثلا ..

الشيفين شربينى وزميله .. مش عجبونى كتير .. وأنا ما شفتهومش كتير ..



دايما فى كل أكلة فيه حاجة صغيرة تغير الطعم تماما .. ممكن يقى تحفة أو بشع .. الحاجة دى ممكن ترتيب أو طريقة خلط المكونات او وقت اضافة كل مكون .. أو مكون زيادة يتحط أو ينقص .. وفى الغالب بتكون حاجة بسيطة أوى .. ادراك الحاجات البسيطة دى هو اللى بيفرق ومع تبسيط الأكل .. تبقى حاجة اسمها سهل ممتنع ..

 

 

[Farida]

اول ما جبت الدش تقريبا لم يكن هناك سوى برنامج الشيف رمزى على قناة المستقبل بس تعبت قوى فى متابعته هو هايل بس كله لبنانى لبنانى لما اتحولت و فيه اسامى كتير ما كنتش باعرف اكتبها زائد طبعا كلامه بالفصحى تحس انه بروفيسور مش شيف عادى و بعدين تابعت اسامه السيد فى البدايه كان عادى زينا كده و بياخدنا بالهداوة و يقول الوصفه مره و اتنين و اتعلمت حاجات منه برضه بس بعدد كده ابتدى العك لما راح قناة دبى و بقيت اشوفه يعمل وصفات غريبه و مكونات اعجب ده غير افتكاساته بقه و كله فى لاسريع و من غير تركيز و كأن حد بيجرى وراه لما زهقنى
البرنامج اللى باتابعه برضه و باعتبر مقدمته ست الستات فى المطبخ هو برنامج مطبخ منال العالم على قناة ابو ظبى ....اكتر من رائعه الحقيقه و بهدوء و بتأنى و ووصفاتها فى مستوى الطالب المتوسط حاجه شيك و راقيه

 

 

[Farida]

اقتباس المشاركة الأصلية كتبت بواسطة بندق يعنى ما جيبتيش سيرة الشيف بندق يا دكتورة ؟؟؟ ..

يا خبر يا دى الكسوف هو حضرتك بتيجى الساعه كام ...........

 

 

[بندق]

اقتباس المشاركة الأصلية كتبت بواسطة Farida يا خبر يا دى الكسوف هو حضرتك بتيجى الساعه كام ...........

كل يوم بعد الارسال ما يقطع ..بأستغل الفضا اللى فى القنوات

 

 

[Farida]

من ساعه ما الشيف شربينى راح قناة الحياة و بقى بيعمل حلو و الشيف حسن كمان راح الحياة و بقى بيعمل حادق كرهتهم الأتنين ..حد يعرف ست الستات منال العالم ميعاد برنامجها امتى .........الست دى استاذه و رئيسة قسم

 

 

[Farida]

فى قناة فتافيت برنامج اسمه عباسيات .بيروح فى اماكن عجيبه فى جميع انحاء العالم العربى و بيدخل حوارى و ازقه و يروح للى بيبيعوا لحمة راس فى الشارع و احيانا افخر المطاعم الطليانى فى اشهر الأوتيلات ............بيحاول يعرف اسرار الأكل
يوم الجمعه راح لواحد مشهور اسمه زيزو النتن ..............انا استغربت لأنه لما راح لقاه محل سندوتشات - شكلها تحفه - محترم و بروحوه اجانب و كاتبين عنه فى مجلات السياحه ..............
حد جرب عم زيزو ده وليه بيقولوا عليه نتن رغم ان الناس عليه بالضرب

 

 

[اغابي]

هااااي
على فكرة احلى واخف برنامج - هو شوربة ونقنقة على فتافيت وكمان صحبة طيبة برضوه على فتافيت باقي اغلب البرامج بيطلبو مكونات صعبة وكمان - بحس ان الاكل مش بيجري ريقي
ومادام ريقي ماجريش يبقي الاكلة اكيد مش طيبة
تحيـــ ـــاتي