Arabic Discussion Forum with a Special Interest in Travel and Immigration

yasovinas · 29th December 2010, 04:35 PM

بمناسبة الحمله القوميه التي يقوم بها الجهبز ابن الجهبز معالي وزير التربية والتعليم ونجل وزير الخارجية السابق ذكي بدر
واخرها قرارة بتحويل مدارس المعاهد المتخصصه الى مدارس تجريبيه (الليسية سان مارك القلب المقدس كلية النصر للبنات مدرسة النصر للبنين المنار كلية فيكتوريا )

وطبعا سوف تتحول هذه المدارس بعد ذلك الى نموزج مضحك لمدرسة ورور في كفر ابو بطيخ ،،، وسوف تكون اسئلة الامتحانات على النحو التالي

yasovinas · 29th December 2010, 04:36 PM

اكتب ما لايقلعن 650 سطر فى أحد الموضوعات التالية
لم يجدالطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشامراقب اللجنة

yasovinas · 29th December 2010, 07:03 PM

شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز

O.S.A.M.A · 29th December 2010, 07:13 PM

أنا باشتغل فى حديد عز والحاج عز ده راجل زى الفل هو أوزعة آه بس جبار
وزى ماهو معروف ما فيش بنا غير بالحديد .. ولو حديد لازمن ولابودن يبقى حديد عزيز
ولو حتى عايز أسمنت ولا جبس ولا حتى خشب يبقى برضك حديد عز

حلو كده يا مثتر ياسو؟؟؟

yasovinas · 29th December 2010, 07:20 PM

عشرة على عشرة يا باشا
ولان انت ما فيش منك فايده ممكن نديلك شهادة التوجيهيه ليوسف اهو تريح نفسك وندور له على عروسة احسن

yasovinas · 30th December 2010, 06:26 PM

بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط.......

الورق متراقب

O.S.A.M.A · 30th December 2010, 07:04 PM

اقتباس

المشاركة الأصلية كتبت بواسطة yasovinas


	بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط....... الورق متراقب

اكيد دى ماحدش هايكتبلك فيها حاجة

yasovinas · 30th December 2010, 07:34 PM

يخرب بيت شيطانك يا ابو يوسف والله انقلبت على ظهري من الضحك الله يسعدك

بصراحه انا اتخضيت لما لاقيت ان في رد منك

yasovinas · 30th December 2010, 07:42 PM

اهو السؤال دا ليك يا ابو جو ،،،،، وكمان اجباري

من موضوع ( الزعيم..والفنان.. والقدوة) اقرأ القطعة وأجب

وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة

فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المَكَن؟؟

ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟

دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟

أكيد معزوم – طبيعى معزوم – وربنا معزوم.. اختر على أن تضع إيدك على المصحف وانت بتحلف للمراقب بتاع اللجنة
ــــــــــــــــــــــــــــــــــــــــــــــــــ ـــــ

O.S.A.M.A · 31st December 2010, 07:32 AM

أنا أؤيد تماماً ترشيح الزعيم لوزارة الصناعة نظراً لعشقه الخاص للمكن والذى يكون متوفراً تماماً فى كل أفلامه حيث أنه ومن أول عهده بالتمثيل لازم يكون معاه مكنتين تلاتة على الأقل ونحن نعتقد إعتقاد راسخ بأنه لا يعمل إلا وفى وجود مكنة بجواره وأنه أيضاً بلا شك قادر على يدير وزارة الثقافة وذلك لأحتواء أفلامه على مشاهد من نوع فوق 30 سنة أى مشاهد ثقافية وعليه فلزم التنويه على أن الزعيم يقدر يعملهم أتنين فى واحد ويمسك الثقافة الصبح ويكمل على الصناعة بالليل

ربنا يقويه الراجل ده بيتعب معانا بصراحة

وطبعاً أفلامه هاتعدى ساعتها ال 12 مليون أهيف دول ماهو ساعتها هايبقى وزيرين بمنظر واحد وممثل كمان يعنى هايقطع نفسه يبقى يستحق ياخد الملايين دى كلها ولا عزاء للفقراء

للأسف يا ياسو مش هاقدر اقول انى هادخل المرسحية دى لأنى مش باشوف حاجة جديدة لعادل إمام إلا وانا حاطط كمامة عشان الريحة

فطبعاً مش هاكون معزوم بأى طريقة من الطرق المذكورة

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
انا مش مصدق ،،،، انت ايه رايك !!!؟؟؟	المفسدون فى الأرض	aymanology	1	911	9th March 2012 08:48 AM
برامج لتعريب KYROS COBY	الكمبيوتر والإنترنت	majdi	3	3816	20th October 2011 04:00 PM
البلطجيه اشتكوا	توعية جماهيرية	كلزار	2	1091	21st July 2011 04:50 PM
حافظ على وظيفتك (نصائح)	مال وأعمال	حسام	13	2670	14th May 2011 07:16 AM
هل تعلم أين تذهب روحك وانت نائم ؟؟؟	موضوعات عامة ... موضوعات خفيفة ... منوعات	FINETOUCH	9	1509	29th April 2011 02:49 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بدء امتحانات الترم التانى	dr-amira	التعليم ماقبل الجامعي والجامعي	10	10th May 2010 06:57 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

خمسة فرفشة

امتحانات ،،،، امتحانات