Arabic Discussion Forum with a Special Interest in Travel and Immigration

biopasha · 15th January 2011, 03:59 PM

لو خايف على مصر .. لو عايز حقك .. انضم لينا .. وشارك وكفاية سكوت بقه لحد كده

احنا مش أقل من تونس .. نزل عشرات الآلاف جابوا حقوقهم كلها ووصلت لدرجة إقالة رئيس الجمهورية وهروبه من البلد .. احنا عايزين حقوقنا .. عايزين اللي قتل خالد سعيد يتعاقب واللي قتل السيد بلال يتعاقب ووزير الداخلية يستقيل .. عايزين أي شخص عذب مصري يتحاكم .. عايزين قانون الطوارئ يتلغي .. مش عايزين قمع في مصر .. عايزين نكون أحرار

عايز أعرف أعبر عن رأيي في بلدي ..... عايز مخافش من أمن دولة ولا ضابط شرطة .. عايز يتم معاملتي بآدمية واحترام بغض النظر عن جنسي ولا لوني ولا ديني ولا حالتي المادية

أنا مش عايز حرامية في بلدي بيسرقوا المليارات وبيهربوا .. واللي بيسرق ملاليم في المعتقلات بيتعذبوا

يللا يا شعب قوم وفوق!

يوم 25 يناير لازم نوري العالم كله إننا مش شعب خانع ولا شعب جبان

https://www.facebook.com/event.php?e...200575&index=1

biopasha · 15th January 2011, 04:00 PM

biopasha · 15th January 2011, 04:00 PM

مطالبنا الأساسية:
أولا: رفع الحد الأدنى من الأجور لـ 1200 جنيه عملا بأحكام القضاء وصرف إعانات للعاطلين عن العمل
ثانيا: إلغاء العمل بحالة الطوارئ وإقالة وزير الداخلية وإخراج كل المعتقلين بدون أحكام قضائية
ثالثا: حل مجلس الشعب وإعادة الانتخابات مع ضمان نزاهتها وتعديل الدستور لمنع ترشح أي رئيس لأكثر من فترتين رئاسيتين

نقلا من صفحة يوم الثورة علي التعذيب والفقر والفساد والبطالة

https://www.facebook.com/event.php?ei...200575&index=1

biopasha · 15th January 2011, 04:02 PM

يوم 25 يناير مش هنكسر ومش هنخرب ومش هنعمل أي حاجة تضر ممتلكات أهالينا وقرايبنا .. يوم 25 هننزل كلنا بأعلام مصر مش بأعلام أحزاب ولا حركات سياسية .. يوم 25 يناير هنصحى كلنا ونفوق وننزل ونمشي في مسيرات في كل مصر ونهتف مطالبين بحقوقنا ومطالبين ان الشعب كله ينضم لينا .. يوم 25 مش هو النهاية .. بس لو اتحدنا هيكون بداية النهاية

نقلا من صفحة يوم الثورة علي التعذيب والفقر والفساد والبطالة

https://www.facebook.com/event.php?ei...200575&index=1

biopasha · 15th January 2011, 04:04 PM

ضابط من الجيش المصري بيتضامن مع اخواته .. وبيقول: هانت يا مصرييين معادنا ٢٥ يناير

الخامس والعشرين من يناير

من ضابط قوات مسلحة مصري: هانت يا مصريين ومعادنا 25 يناير .. يللا يا مصري قوم .. واصحى .. كلنا ايد واحدة ضباط وعساكر سواء شرطة وجيش وشعب .. كلنا مظلومين وكلنا هنطالب بحقوقنايوم 25 يناير مصر كلها لازم تنزل في مسيرات ومظاهرات واعتصامات .. لازم نفهمهم إن الملايين مننا مش راضيين عن الأوضاع ولينا مطالب وحقوق وعايزين ناخدها .. والمجرمين في حقوق الشعب المصري لازم يتحاسبوا .. لازم نتحرك

https://bit.ly/Thawraبواسطة: كلنا خالد سعيد

biopasha · 15th January 2011, 04:05 PM

التوانسة مش أرجل ولا أشجع من المصريين .. لازم نتعلم منهم .. فيه 8 أيام أسقطوا أقوى نظام ديكتاتوري في العالم العربي بقاله 23 سنة بيقمع شعبه .. والتكلفة كانت 80 شهيد .. أقل من اللي بيموتوا عندنا بسبب التعذيب في مصر في شهر .. يا رب كلنا نفوق ونتحرك

نقلا من صفحة يوم الثورة علي التعذيب والفقر والفساد والبطالة

https://www.facebook.com/event.php?ei...200575&index=1

biopasha · 15th January 2011, 04:08 PM

اللي هيقبل الدعوة لازم يكون قد المسؤولية .. عايزين نكون 100 ألف يوم 25 يناير

https://www.facebook.com/event.php?ei...200575&index=1

biopasha · 15th January 2011, 04:12 PM

ضباط الداخليه في مصر يتهجمون علي فتيات ويضربونهم

biopasha · 15th January 2011, 04:21 PM

شارك في ثورة مصر ضد النظام و الفساد

savary · 15th January 2011, 04:36 PM

شكلنا داخلين على ايام زى العسل بالصلاه على النبى

سوق ياريس

ماهى كده كده

رايحه فى داهيه

يلا

ع البركه

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
بوتين يسخر من المسؤولين الأتراك باستخدام لفظ...	شؤون عربية ودولية	biopasha	8	2960	4th December 2015 12:31 AM
بناقص واحد ....	ثورة مصر ... 25 يناير 2011	سعيد صالح	1	2428	21st October 2015 08:58 PM
اقترح رواية ...	أدب وشعر وقراءات متنوعة	mahir baik	34	5087	2nd May 2015 12:49 AM
الجواز .. لو رجع بيك الزمن هتعمل أيه؟؟	مناقشات وحوارات جادة	محمد شاذلي	40	7829	16th April 2015 11:03 PM
مليون مصري ضد السيسي ومجلسه العسكري .. يسقط حكم...	ثورة مصر ... 25 يناير 2011	imatinib	3	2483	24th December 2014 08:56 PM

أدوات الموضوع
أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
آراء أعجبتني حول ثورة مصر 2011	abysaleh	ثورة مصر ... 25 يناير 2011	92	12th October 2011 06:23 AM
لوحة شرف ثورة 25 يناير 2011	linux	ثورة مصر ... 25 يناير 2011	6	2nd August 2011 10:07 PM
اول فيلم وثائقي عن ثورة مصر 25 يناير 2011	kodo	ثورة مصر ... 25 يناير 2011	1	4th July 2011 12:00 PM
ألبوم صور ثورة مصر ... 25 يناير 2011	redcode	ثورة مصر ... 25 يناير 2011	0	9th February 2011 02:21 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

ثورة مصر ... 25 يناير 2011

ثورة مصر 25 يناير 2011 ... يوم الإرادة المصرية