قبل ان تحاسبوا ~ العبوا مع الكبار (ياخسارة)

[KANE]

الصحف المصرية والعربية

اليوم وفي هذه اللحظة

وجدت نفسي اكذب نفسي أولاً

ثم اتجه للذهول

ثم إلى الحزن والمرارة


برنامج على القناة المصرية الأولي لمذيعة اسمها بسمة وهبة



لمن لا يعرفها بسمة وهبة كانت مذيعة محجبة في إقرأ القناة الدينية


الآن اصبحت متبرجة في الأولى


بعد ان كانت تستضيف الشيوخ في برنامج "قبل أن تحاسبوا"

أصبحت تقدم "اللعب مع الكبار" مع الرقصة اللولبية دينا

الحقيقة تذكرت حديث رسول الله

عن أبي عبد الرحمن عبد الله بن مسعود رضي الله عنـه قال حدثنه رسول الله صلى الله عليه وآله وهو الصادق المصدوق ( إن أحدكم يجمع في بطن أمه أربعين يوماً نطفه ثم يكون علقه مثل ذلك ثم يكون مضغه مثل ذلك ثم يرسل إليه الملك فينفخ فيه الروح ويؤمر بأربع كلمات بكتب رزقه وٍأجله وعمله وشقي أم سعيد فو الله الذي لا إله غيره إن أحدكم ليعمل بعمل أهل الجنة حتى ما يكون بينه وبينها ذراع فيسبق عليه الكتاب فيعمل بعمل أهل النار فيدخلها وإن أحدكم ليعمل بعمل أهل النار حتى ما يكون بينه وبينها ذراع فيسبق عليه الكتاب فيعمل بعمل أهل الجنة فيدخلها ) رواه البخاري



اللهم احسن خوتيمنا

 

[أحمد باشــا]

ده معناه انها مذيعة بروفيشنال بتلبس الزي المناسب للشغل المناسب

اما حجابها فلم يكن عن تقوى او ايمان بل أكل عيش و خلاص ...

 

 

[nash]

تفتكر يا كين أيه سبب التغيير ده؟؟؟

وبعدين يا تري فاكرين ابن فاروق الفيشاوي وبرنامجه الديني التوعوي مع الشباب ؟

أحيانا بسال نفسي ايه سر التناقض الرهيب بين المظهر والجوهر ....وكيف ومتي تتغير قناعات شخص الفكريه والدينيه في امر ما؟

يعني افهم مثلا أن اللي غير محجبه ..ربنا يهديها وتتحجب..لكن ان تتحول من مظهر التدين والأخلاق إلي العكس ...لا افهم الحقيقه له سبب..

معقوله الواحد بعد ما يطلع كذا درجه علي السلم...ينزلهم مرة واحده علي جدور رقبته....

طبعا مش بتكلم عن الحجاب في حد ذاته..ولكن التغيير الفكري الحاد في لحظه لشخص ما هو ما يؤرقني ..

ألف حمدلله علي السلامه يا كين منور الجبل ومنورنا كلنا

 

 

[KANE]

الحقيقة أنا سمعت هي ليه غيرت موقفها بزاوية 180

كانت آخر حلقة من برنامجها قبل أن تحاسبوا وكانت عن ملك اليمين

المشكلة أن المشايخ الذين كانوا معها لخبطوها وشككوها

وده بيوضح إن الشيخ النص نص والغير متمكن من علوم الدين ممكن يتسبب في خراب الدنيا



اما ليه اتحولت فدي لها اسباب كتير

ممكن كانت واخده الحكاية موضه

ممكن ما كانتش مقتنعه 100%

حد لعب في دمغها والزن على الودان


فيه اسباب كتييير

الله وحده اعلم

 

 

[KANE]

اقتباس المشاركة الأصلية كتبت بواسطة nash ألف حمدلله علي السلامه يا كين منور الجبل ومنورنا كلنا

الله يخليكي منور بأهلة الطيبيين

 

 

[أحمد باشــا]

اقتباس المشاركة الأصلية كتبت بواسطة kane المشكلة أن المشايخ الذين كانوا معها لخبطوها وشككوها وده بيوضح إن الشيخ النص نص والغير متمكن من علوم الدين ممكن يتسبب في خراب الدنيا

قال الله تعالى (وَلَا تَزِرُ وَازِرَةٌ وِزْرَ أُخْرَى ثُمَّ إِلَى رَبِّكُم مَّرْجِعُكُمْ فَيُنَبِّئُكُم بِمَا كُنتُمْ تَعْمَلُونَ إِنَّهُ عَلِيمٌ بِذَاتِ الصُّدُورِ{7}سورة الزمر
وقال تعالى (كُلُّ امْرِئٍ بِمَا كَسَبَ رهين ) 21 سورة الطور

و لا حتى فتوى المفتي ستشفع للعاصي يوم القيامة

 

 

[Farida]

دى كانت موريانا الويل فى برنامجها القديم و مرة مسكت بنت اغتصبت و نزلت فيها تهزئ لأنها لم تكن محجبه و قالت لها ما معناه انها هى السبب فى ان المغتصب اغتصبها ..............حاجه مثيره للغثيان و القرف و مافيش حجه لأنها تخلع الحجاب او لو كانت خلعته تقعد فى بيتها احسن لنها من قبل لم تكن مذيعه محجبه عاديه دى كانت بتمرر عيشة اللى يقع تحت ايدها و كأن كان معاها صكوك الغفرانو هى اللى عارفه مين داخل الجنه ومين داخل النار
بس بجد انا ما بقتش مستغربه من التحولات اللى بتحصل لناس حوالينا و الثقه اللى احيانا بنضعها فى اشخاص بنتوهم انهم محترمين و على درجه من العلم و المعرفه و الثقافه و فى النهايه بنكتشف الخدعه الكبيرة انا شخصيا بقيت احس ان الناس دى لم يحدث لها تحول ولا حاجه الناس دى كانت كده و طول عمرها كده .هم فقط كانوا بيجيدوا تمثيل دور النصاح و التنويرين و المثقفين و كانوا بيجيدوا التصنع و احنا كنا متساهلين معاهم و مع انفسنا و انقدنا لهم لأسباب متعدده بس لا يجب ان نعفى انفسنا من المسئوليه .......علشان كده المفروض لا نعطى اهميه لأى حد يدعى العلم و الثقافه لمجرد انه بيقول على نفسه كده و مانصدقش كل كلمه بتتقال حوالينا ولا نعطى ثقتنا الا لمن يستحقها مش اللى ليل و نهار يقول انا الأفضل انا الأحسن ........لازم نتعلم ندور على المعلومه بنفسنا و نعلم نفسنا بنفسنا و نتأكد من مؤهلات من يعلمنا و يفهمنا ديننا و يزيدنا علما .........كفايه بقه ضحك علينا و استخفاف و استهانه بنا...............

 

 

[Ghost]

و الله يا كين الواحد افتكر دعاء الرسول صلى الله و عليه وسلم
اللهم يا مقلب القلوب ثبت قلبي على دينك
الواحد يصح في حال و ينام في حال تاني و قلبه بين اصبعين من اصابع الرحمن
و ما ربك بظلام للعبيد
عوده حميده يا كين
واحشنا و الله

 

 

[بنت شعنونة]

ليس كل ما تراه العين يصدقه القلب
يا جماعا انتوا اللي غلطانين؟
دي "مذيعة" يعني وظيفة
محجبة بقى متبرجة بقى اهو كل سبووووووووبة
وما حدش قال ابدا ان الشاشة الماسية مفروض تجيب الناس على حقيقتهم؟
كل واحد بينقي العمة اللي تريحه عشان يلبسها
لجل الامانة انا لبست عمة بسمة دي لما طلعت عيني وبكيييييييييت الف مرة بسببها
وضربت نفسي ميت جزمة لما شفتها ع القناة الأولى

عارفين مين كمان زييها؟
دعاء عامر بتاعت برنامج الدين والحياة على قناة الحياة
كذابة من الدرجة الاووووووووووولى ومصلحجية للصبح ولو عاوزة منك خدمة تبقى يا حبيبي ويا نور عيني ولو خلصت حاجتي من جارتي ابقى قابلني لو قالتلك سلامو عليكم

حاجا بقت تقرف

مفروض يعملوا قناة مفتوحة الوقت فيها مباع
شفت الموضوع دا مرة برا
قناة عبارة عن محل في مول و كاميرا وهوا طول الوقت
تدخل المحل تشتريلك 5 دقايق او مضاعفتها وتطلع ع الهوا تقول اللي نفسسسسسسسسسسسك فيه للعالم كله
جامدا مووووووووت الفكرة دي والله
ها اصرف فلوسي كلها عليها لو حصلت في مصر

 

 

[ابتسامــة]

لم اعلم أنها خلعت الحجاب
حقاً حزينة جدا أنا الآن ...
رغم ان التغير إلى النقيض أصبح سمة شبه يومية
وأراها كثيرا وفي أشخاص لم أكن أتخيل هذا التغير يطالهم
إلا أني لم أستطع أبدا الاعتياد عليه
وكل مرة أفاجأ به ويتآكلني الحزن الشديد...