القافزون على نجاح الثورة!

[مطرودالجبل]

الصحف المصرية والعربية

السلام عليكم و رحمة الله..

القافزون على نجاح الثورة.. و ما اكثرهم و اكثرهن..
وجودهم متوقع, على الرغم من انه غير طبيعى بالمرة!

اكتر حاجة بتستفزنى من القافزون على نجاح الثورة - زى البراشوت - انهم.. و بكل صفاقة.. بيتكلموا باسم الثورة و باسم الشباب.. على الرغم من انك لو سألت حد منهم كنت فين يوم 28 الساعة 10 بالليل.. اكيد لاما كان بيتفرج المسلسل الاجنبى عالقناة التانية لاما كان فى الحمام

اولا خلينى اشرح تعريفى البسيط للقافزون على نجاح الثورة.. و ما هم الا حثالة المجتمع..

هم مجموعة سطوا - بقدرة قادر - على نجاح الثورة.. و ادعوا انهم اصحابها و انهم اول من دعمها و بشر بها.. على الرغم من انك لو تعرفهم و كنت متتبعهم.. كنت عرفت انهم اصلا معرفوش فين ميدان التحرير ده.. الا بعد ما بقى متأمن بالجيش و شباب الثورة اللى كانوا بيبدلوا فى دوريات علشان يفتشوا اللى داخل و اللى خارج..

من حق جميع المصريين انهم يفرحوا بالثورة و يفخروا بها.. سواء شاركوا او لا..

حتى اللى كانوا ضد الثورة.. ثم اصبحوا معها بعد نجاحها.. و اعترفوا بخطأهم.. فمرحبا بهم..

اما هؤلاء الحثالة اللى بيدعوا انهم كانوا اول من بشر بالثورة.. و عمالين بيستغلوا الثورة عالمستوى السياسى و المعنوى و الاجتماعى.. و بيفرغوا الكبت اللى فى نفسهم.. كبت اسمه مرض جنون العظمة.. بحيث انهم يكونوا محور الحديث و الساعة!!

فعلا حاجة تفقع ان تلاقيهم بيتمنظروا.. اصل لما كنا فى التحرير.. و اصل و انا جى فى التحرير.. اصل و انا رايح التحرير.. و والله اتحداهم لو قالوا انهم نزلوا قبل يوم 2 فبراير..

و اللى يفقع بجد بقى.. ان تلاقيهم بيقولوا.. لازم يا جماعة تنزلوا و تشاركوا و كفاية مشاركة كيبوردات من عالنت

انا فعلا حزين.. و لكن فى النهاية.. يشرفنى و افتخر انى قدمت شىء بسيط جدا (و اللذى لا يقارن بذرة مما قدمه الشهداء) لهذا البلد قبل ان اتركه للابد..

و اوجه تحياتى لشهداء الثورة.. اللى كانوا - و بكل صراحة - الدافع الوحيد لبقائى معتصما فى التحرير..فى كل مرة كنت افكر فيها فى التراجع... حتى اراد الله أمرا كان مفعولا.. و عسى الله ان يتقبلهم عنده شهداءا خالصين لله..

و الله الموفق و المستعان.

 

[only you]

تحيه لك يا بطل واكيد الشعب دلوقتى اكثر وعيا وعارف مين اللى معاه ومين اللى عاوز يستفيد من الهوجه


تحياتى

 

 

[AlexG]

يعنى عاوز المكافأة على نزولك ميدان التحرير ؟؟

وكل ابناء الوطن بتحجر عليهم ومش من حقهم يتكلموا وانتا اللى المفروض بس تتكلم عشان انتا نزلت

واللى يتكلم فى نظرك او يعبر عن رأيه هو من "حثالة المجتمع" !!!

اصرخ بأعلى صوت ... انا عاوز حقى فى الكعكة ... انا عاوز نصيبى .... او اعمل مظاهرة احسن

ايه المنطق المريض دا ؟؟ !!

 

 

[مطرودالجبل]

اقتباس المشاركة الأصلية كتبت بواسطة AlexG يعنى عاوز المكافأة على نزولك ميدان التحرير ؟؟ وكل ابناء الوطن بتحجر عليهم ومش من حقهم يتكلموا وانتا اللى المفروض بس تتكلم عشان انتا نزلت واللى يتكلم فى نظرك او يعبر عن رأيه هو من "حثالة المجتمع" !!!

حضرتك فهمت كلامى العكس

انا قصدى ان الثورة لا تنسب لاحد الا للشعب كله لكن اللى يجى و يتمنظر و هو اصلا لم يشارك فهؤلاء من يجب الوقوف ضدهم!

الثورة ملك الشعب كله.. من شارك و من لم يشارك... و ده اللى انا كاتبه...
الثورة ملك كل مصرى سواء كان يعيش على ارضها ام يعيش فى ارض الله الواسعة..

الحثالة هم من يدعوا انهم اول من شارك فى الثورة.. مع اننا ماشفناش وشهم..

اما من يستحق المكافأة.. فهم الشهداء وحدهم.. و عسى ان يكافأهم الله بالفردوس الاعلى..
لكن انا فيه منى مليون و نص نزلوا الشارع.. يعنى عدد فى اللمون

 

 

[مطرودالجبل]

اقتباس المشاركة الأصلية كتبت بواسطة only you تحيه لك يا بطل واكيد الشعب دلوقتى اكثر وعيا وعارف مين اللى معاه ومين اللى عاوز يستفيد من الهوجه تحياتى

شكرا على اطراء حضرتك اللذى لا استحقه..

الابطال هما الشهداء اللذين سالت دمائهم فداء هذا الوطن..
اما انا.. ففيه منى كتير..

 

 

[مودة]

دعوه لموضوعي

مدونة مودتي بلا حدود

رحم الله شهداء الثورة وتقبلهم ان شاء الله من الشهداء
فلولاهم
ماشممنا نسيم الحرية
ولاانكشف لنا اشخاص كانوا يخدعونا بمعسول الكلام وهم من اكبر الفاسدين
فحقا على كل واحد منا ان نحافظ على هذه الثورة من التفاف الطامعين ولا نتركها لهم هدية سهلة
وكل واحد منا له دور في المحافظة عليها
حتى لا تضيع دماء الشهداء هدر
وتقبل فائق تحياتي

 

 

[geuvara]

اخي مطرود الجبل
دعني اطلق عليهم

المنافقون

لا الى هؤلاء ولا الى هؤلاء

عم يتفرجو

ليشوفو لمين الغلبة

وينسبو انفسهم الهم

الله محيي رجال ونساء الثورة

وان شاء الله من عندهم رح يبدأ التغيير

للافضل

والاجمل

لمصر وللاسلام والعروبة

 

 

[AlexG]

يجدعان ماحنا كلنا نزلنا ميدان التحرير ...

انا والله العظيم خسرت شغلى وانا فى عز الثورة وبعدها رحت ميدان التحرير

وحاليا قاعد فى البيت زى ربات البيوت ... ولا شغلة ولا مشغلة

محدش عاوز يسطوا على الثورة ولا حاجة ... لان فيه ارادة شعب بحاله

واذا كنت تقصد الاسلاميين ... فمش معنى انهم بيطالبوا بحكم الشريعة انهم عاوزين يحكموها

انا كمسلم لا اخوانجى ولا سلفى ... نفسى اتحكم بالاسلام من اى حد ... مش معناها انى احكم

كفايانا تخوين فى بعض ... وشتيمة ... وتعالى .. ارجوكم

خلونا نشوف مصر وحالها ... ونشوف اللى عاوزين يجيبولها اتاتورك جديد يمسخها ويضيعها

بدل مانحتقر بعض .... خلونا نبنى مصر

 

 

[مطرودالجبل]

مودة و جيفارا.. شكرا لفهمكم عمق الموضوع.

AlexG... انا كمان خسرت شغلى لانه كله عالنت.. و 90% من شغلى تدمر بمعنى الكلمة.. لولا ان ربك بيعوض..
ده غير ان فيه ناس محلاتها اتكسرت.. شركات المقاولات وقفت.. السياحة اتضربت.. bla bla bla

توضيح فقط.. انا لا اقصد فئة او مجموعة بعينها.. و لم اقصد السلفيين تحديدا..
و لكن انا بتكلم عن كل من يريد الانتفاع بالثورة و تحقيق مكاسب.. على الرغم من انه اصلا مكانش ليه علاقة بيها من قريب او بعيد.. غير انه عدا على ميدان التحرير بعد ما الدنيا هديت!!

ربما اكون عرضت الموضوع بصفتى الشخصية.. لكن كنت اعتقد انه سيٌفهم ان ده لسان حال كل الشباب اللى نزلوا التحرير.. لان فيه مليون و نص غيرى نزلوا.. اشمعنى انا اللى هطالب بحقى

تلخيص الموضوع فى كلمتين و نص: الناس اللى بتدعى انها شاركت فى الثورة و انهم اصحاب الثورة, على الرغم من انهم ملهمش دعوة بيها من قريب او بعيد.. هما دول اللى انا اقصد.

اذا فأنا بتكلم فى جزئية مختلفة تماما عن اللى حضرتك بتقولها..
زى بالظبط لما انا اقول هو الساعة كام.. حضرتك تقولى النهاردة التلات.. انت عندك حق.. الاجابة صح لكنها ليست الاجابة لسؤالى.

اتمنى ان الرسالة تكون وصلت..

 

 

[HanyMan]

تحياتى ليك يا مطرود الجبل وحمد الله على السلامة يا بطل

بالنسبة لموضوعك ان من خلال مشاهدتى للتلفزيون أرى ان مفيش حد كان عدو للثورة دة حتى صفوت الشريف يا راجل هو اللى كان الراجل اللى ماسك العلم فوق أعلان مترو اللى فى ميدان التحرير وزكريا عزمى كان ماسك مكنسة جلد وبينضف الميدان وسهير رمزى كانت بتعمل شاى للشهداء قبل ما يموتوا وتنت يسرا كانت نايمة فى الخيمة ساعة موقعة الجمل.

بجد مصر كلها كانت عشرة على عشرة

وبعدين انا عايزك تسمع كلام الشيخ الشعراوى وتبقى ثائر حق وتسامح كل الناس واللى يعرف ياخد من التورتة ياخد ما هى خلاص بقت يغمة ومولد صاحبة غايب.

نعم للدكتور محمد البرادعى