هو أحنا ليه كده؟ - منتديات المطاريد
بسم الله الرحمن الرحيم
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ (84) وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِندَهُ عِلْمُ السَّاعَةِ وَإِلَيْهِ تُرْجَعُونَ (85) "الزخرف"

منتديات المطاريد | الهجرة الى كندا | الهجرة الى استراليا

 


DeenOnDemand


BBC NEWS

    آخر 10 مشاركات

    Arabic Discussion Forum with a Special Interest in Travel and Immigration

    Immigration to Canada, Australia, and New Zealand

    Egypt and Middle East Politics, History and Economy

    Jobs in Saudi Arabia, USA, Canada, Australia, and New Zealand

    العودة   منتديات المطاريد > سياسة واقتصاد > شؤون مصر الداخلية

    شؤون مصر الداخلية

    هو أحنا ليه كده؟


    الهجرة إلى كندا والولايات المتحدة واستراليا

    مواقع هامة وإعلانات نصية

    إضافة رد
     
    أدوات الموضوع انواع عرض الموضوع
    قديم 31st May 2009, 10:42 PM nash غير متواجد حالياً
      رقم المشاركة : 1
    Field Marshal
     






    nash has a reputation beyond reputenash has a reputation beyond reputenash has a reputation beyond reputenash has a reputation beyond reputenash has a reputation beyond reputenash has a reputation beyond reputenash has a reputation beyond reputenash has a reputation beyond reputenash has a reputation beyond reputenash has a reputation beyond reputenash has a reputation beyond repute

    هو أحنا ليه كده؟

    أنا : nash




    الحقيقه مش عارفه أبتدي منين ولا إزاي ولا حتي عارفه أعمل مقدمه للموضوع ... لكن الحقيقه أن الحكايه كبيرة مش مجرد تأملات في حياتنا اليوميه ومشاكلنا في المحروسه اللي عمرها ماهاتنتهي أبدا ...تساؤلات دارت في ذهني ... والحقيقه مش عارفه أخترع لها اي إجابه مقنعه ابدا ... وعندي أحساس يقيني أن الكلام في الموضوع مش هايحل حاجه ....

    بغض النظر عن أننا شعب نوعا ما سلبي ... إلا اننا نتمتع بأشياء غريبه ....

    تلاقي الواحد مننا ينظف بيته مثلا ويلقي بالقمامه في الشارع وببساطه ممكن يكون الصندوق علي بعض خطوات منه ولا يكلف نفسه حتي عناء الإهتمام بوضعها في مكانها الصحيح ...ثم يأتي ليصرخ أن الحشرات ترتع في الحي والكائنات الثدييه تنتشر في المكان سواء فئران أو كلاب ضاله أو قطط ويلقي اللوم علي الحكومه.....

    تلاقي عم سيد نسي يغلق حنفيه الميه العموميه ..أو أغلقها نص إغلاق وغرق الشارع في شبر ميه وبعدها نلاقي الحوادث والسيارات بتسلم علي بعضها ونقول ...ماهو كله من الحكومه هي السبب ....

    الحدائق العامه ..تلاقي الزوجه المصون والزوج الهمام قاعدين ولا علي بالهم الولاد نازلين حتتك بتتك في الزرع والجري بالعجل فوق النجيله الخضرا رغم وجود يافطه تسد عين الشمس بتقول يا جماعه ممنوع السير علي الحشائش أو لعب الكرة أو اللعب بالدراجات ..لكن لا حياة لمن تنادي ..وبعد ما الأسرة السعيده يقضوا قعدتهم الجميله ..أتفرجوا علي المنظر العام ...أكياس وورق وبقايا سندويتشات في كل مكان وكأن غارة أنقضت علي المكان واكلت الأخضر واليابس ...ويقولك الحكومه مهمله ماجملتش الحدائق الرئه والمتنفس لأهالي القاهرة....ويكون زعلان جدا من الوضع ويهز راسه اسفا وحزنا علي المظهر الحضاري...

    نفسي اعرف بجد اين يبدا دور الحكومه واين ينتهي وماهو دور المواطن ..إذا كان في ابسط شيء بيشتري دماغه ..واول كلمه يقولها واحنا مالنا ...هي كانت بتاعتنا ولا كان بيتنا ...

    طيب ماهو ده بينعكس علي الحياة اليوميه ...ولما الواحد يصطبح الصبح بالمناظر الغريبه العجيبه اللي بتقابله ممكن ببساطه يتعكنن أو يجيله حاله تبلد في المشاعر ومافيش حاجه هاتفرق معاه...

    المفروض بجد الإحساس بالجمال يكون شيء اساسي في حياتنا .. ايون فيه فقر وفيه نكد وفيه مشاكل ..لكن أيه دخل ده بموضوع النظافه العامه ...وموضوع الإتقان لأي عمل .....

    هايجري ايه لو كل واحد طلع شويه قدام بيته ونظف قليلا.... مافيش حاجه هاتحصل غير انه هايكون عاش حياة ظريفه...

    زمان كنت أري جارة أجنبيه ..والله العظيم كانت تقوم بالكنس امام فيلتها ...في الشارع نفسه وليس في حديقتها ... وكنا نتريق عليها وعلي البلاهه اللي هي فيها ... وكانت ماده مسليه للتندر والتهريج ... طبعا كبرنا وعرفنا قيمه اللي كانت بتعمله ...

    ليه احنا كده؟ وليه بنطالب الحكومه بحقوقنا قبل ما نقوم بواجبتنا كامله ؟؟ طيب بجد بجد هي تلاحق علينا منين ؟؟

     

    الموضوع الأصلي : هو أحنا ليه كده؟     -||-     المصدر : منتديات المطاريد     -||-     الكاتب : nash

     

     


     
    رد مع اقتباس


    Latest Threads By This Member
    Thread Forum Last Poster Replies Views Last Post
    طائرة حربيه عاجله لبور سعيد شؤون مصر الداخلية ابو السام المصرى 4 1581 10th February 2012 04:45 PM
    محاوله إغتيال أبو حامد شؤون مصر الداخلية سهران لوحدى 13 2167 10th February 2012 03:07 PM
    هو فيه ايه في الشارع؟ شؤون مصر الداخلية aymanology 41 3270 8th February 2012 12:22 PM
    عااجل هشام طلعت مصطفي الحكم نهائي المفسدون فى الأرض AzzA 10 2702 6th February 2012 05:28 PM
    هاتنتخبوا مين وليه؟ إنتخابات الرئاسة dr-amira 56 3412 6th February 2012 04:13 PM

    قديم 1st June 2009, 04:57 AM O.S.A.M.A غير متواجد حالياً
      رقم المشاركة : 2
    O.S.A.M.A
    Golden Member
     






    O.S.A.M.A has a reputation beyond reputeO.S.A.M.A has a reputation beyond reputeO.S.A.M.A has a reputation beyond reputeO.S.A.M.A has a reputation beyond reputeO.S.A.M.A has a reputation beyond reputeO.S.A.M.A has a reputation beyond reputeO.S.A.M.A has a reputation beyond reputeO.S.A.M.A has a reputation beyond reputeO.S.A.M.A has a reputation beyond reputeO.S.A.M.A has a reputation beyond reputeO.S.A.M.A has a reputation beyond repute

    O.S.A.M.A's Flag is: Qatar

    افتراضي

    أنا : O.S.A.M.A





    يا فتاح يا عليم يا رزاق يا كريم ....


    أحنا خلصنا يا نوش من موضوع هيا مصر بقت كده ليه لما تطلعيلنا فى مآساة تانية


    طيب استعنا عل الشقا بالله
    بصي يا ستى...

    اقتباس
    مشاهدة المشاركة المشاركة الأصلية كتبت بواسطة nash
    الحقيقه مش عارفه أبتدي منين ولا إزاي ولا حتي عارفه أعمل مقدمه للموضوع ...

    ابتدى من أى حتة تعجبك .... الموضوع ده تحديداً من المواضيع العشوائية اللى ممكن تبتدى فيه من أى حتة

    اقتباس
    مشاهدة المشاركة المشاركة الأصلية كتبت بواسطة nash
    لكن الحقيقه أن الحكايه كبيرة مش مجرد تأملات في حياتنا اليوميه ومشاكلنا في المحروسه اللي عمرها ماهاتنتهي أبدا ...تساؤلات دارت في ذهني ... والحقيقه مش عارفه أخترع لها اي إجابه مقنعه ابدا ... وعندي أحساس يقيني أن الكلام في الموضوع مش هايحل حاجه ....

    فعلاً مشاكلنا فى المحروسة مش ممكن تنتهى ... عشان أحنا مش بنعرف نبتدى نتكلم عن مشاكلنا منين ؟ ده غير أن فيه نسبة مش بطالة من الناس مش معترفة بوجود المشاكل دى أصلاً من باب "يا عم ماشي الحال" بس فى كل الأحوال حل أى مشكلة بيبدأ بالحوار واللى أكيد إن شاء الله هاينتهى بالفعل "ماهو مش معقول نقضيها حوار يعنى لازم يكون فيه فعل"

    اقتباس
    مشاهدة المشاركة المشاركة الأصلية كتبت بواسطة nash
    بغض النظر عن أننا شعب نوعا ما سلبي ... إلا اننا نتمتع بأشياء غريبه ....

    احنا شعب سلبى ؟؟؟ حرام عليكى يا ناش أحنا من أكثر شعوب الأرض إيجابية فى "هدم ذاتها"
    أحنا يا أمى من أرقى شعوب الأرض فى مسألة أهدم عشان تبنى بس أحنا بنهدم عشان نهدم
    أنا حاسس أن موضوع السلبية ده أحنا تجاوزناه من زمان أحنا دلوقت فى إيجابية أزاى نهدم حياتنا ونزيد من منغصاتها

    اقتباس
    مشاهدة المشاركة المشاركة الأصلية كتبت بواسطة nash
    تلاقي الواحد مننا ينظف بيته مثلا ويلقي بالقمامه في الشارع وببساطه ممكن يكون الصندوق علي بعض خطوات منه ولا يكلف نفسه حتي عناء الإهتمام بوضعها في مكانها الصحيح ...ثم يأتي ليصرخ أن الحشرات ترتع في الحي والكائنات الثدييه تنتشر في المكان سواء فئران أو كلاب ضاله أو قطط ويلقي اللوم علي الحكومه.....

    عادى جداً اللى بيحصل لأن أصلاً مافيش ثقافة النضافة عند ناس كتير بس أقولك على حاجة يا نوش الناس دى برضه لو دخلتى بيتها مش هاتلاقى أبعد كتير من اللى بيعملوه فى الشارع يعنى هاتلاقيها نسبية ... الشارع فيه زبالة كتير البيت فيه شوية زبالة ...
    وطبعاً لازم يلقى اللوم على الحكومة أومال ؟؟؟ لأن الحكومة مساهم أساسى فى الموضوع ده لأن بصراحة لو الحكومة كانت وفرت صناديق للقمامة آدمية وكانت بتشغل الجماعة بتوع النضافة بشكل محترم يعنى كل يوم يشيلوا القمامة فى وقت محدد وماتتكومش على صناديق القمامة كنتى هاتلاقى الناس واحدة واحدة غصب عنها هاتلتزم بس مافيش التزام من الحكومة يبقى ليه الناس هاتلتزم
    طب هاحكيلك على موقف خاص بى أنا من صغرى بسافر بره كتير وواخد على ثقافة النضافة بشكل فظيع وكنت متعود أنى طول مانا ماشي فى صناديق قمامة ولما كنت بانزل مصر والكلام ده فى السبعينات لمنتصف الثمانينات كنت ابقى ماشي فى الشارع ويكون مثلاً معايا حاجة باكولها شيكولاته..بسكويت ..لب حتى أو مناديل المهم لما ماكونتش بالاقى مكان أرمى فيه الحاجات دى ووالله كنت باشوف الشوارع كأنها مقلب قمامة كامل كنت باعمل أيه ؟؟؟ كنت باحط اللى معايا فى جيبى لغاية أما أروح وكانت والدتى "الله يرحمها" تقعد تفضى جيوبى ولما فشلت تماما أنى أحل المشكلة دى بقيت آخد معايا كيس بلاستيك عشان الحاجات دى وبصراحة كان بيجيلى تأنيب ضمير فوق الوصف لو حاجة وقعت منى غصب عنى وأحس ان كل الدنيا بتبص عليا ...
    شوفتى بقى الموضوع كله موضوع ثقافة يا نوش

    اقتباس
    مشاهدة المشاركة المشاركة الأصلية كتبت بواسطة nash
    تلاقي عم سيد نسي يغلق حنفيه الميه العموميه ..أو أغلقها نص إغلاق وغرق الشارع في شبر ميه وبعدها نلاقي الحوادث والسيارات بتسلم علي بعضها ونقول ...ماهو كله من الحكومه هي السبب ....

    دى ثقافة تانية هيا ثقافة الإهمال ودى برضه من الحاجات اللى عايزة كتير الناس تحس بأن الإهمال ده بيودى لفين

    اقتباس
    مشاهدة المشاركة المشاركة الأصلية كتبت بواسطة nash
    الحدائق العامه ..تلاقي الزوجه المصون والزوج الهمام قاعدين ولا علي بالهم الولاد نازلين حتتك بتتك في الزرع والجري بالعجل فوق النجيله الخضرا رغم وجود يافطه تسد عين الشمس بتقول يا جماعه ممنوع السير علي الحشائش أو لعب الكرة أو اللعب بالدراجات ..لكن لا حياة لمن تنادي ..وبعد ما الأسرة السعيده يقضوا قعدتهم الجميله ..أتفرجوا علي المنظر العام ...أكياس وورق وبقايا سندويتشات في كل مكان وكأن غارة أنقضت علي المكان واكلت الأخضر واليابس ...ويقولك الحكومه مهمله ماجملتش الحدائق الرئه والمتنفس لأهالي القاهرة....ويكون زعلان جدا من الوضع ويهز راسه اسفا وحزنا علي المظهر الحضاري...

    برضه عادى خالص .. وده من باب أن أحنا بنعمل زى غيرنا يعنى مش أحنا بس اللى عملنا كل القاذورات دى ومش أحنا بس اللى قطعنا الزرع ... ويا ستى سيبى الولاد يفرحوا

    اقتباس
    مشاهدة المشاركة المشاركة الأصلية كتبت بواسطة nash
    نفسي اعرف بجد اين يبدا دور الحكومه واين ينتهي وماهو دور المواطن ..إذا كان في ابسط شيء بيشتري دماغه ..واول كلمه يقولها واحنا مالنا ...هي كانت بتاعتنا ولا كان بيتنا ...

    دور الحكومة كبير وهام جداً .. بيبدأ من التوعية ويتداخل وينتهى فى توفير الخدمات المهيئة
    بس طبعاً زى مانتى عارفه الحكومة مش فاضية !!! "عندها أولويات تانية!!"
    وده اللي بيحول المواطن من مواطن أيجابى فى الإتجاه الصح لمواطن إيجابى برضه بس فى الإتجاه الغلط وبيتحول الموضوع للا مبالاة "بس برضه لامبالاة أيجابيه" يعنى المواطن بيشارك مشاركة فعالة فى جعل البيئة لا تصلح للآدميين

    اقتباس
    مشاهدة المشاركة المشاركة الأصلية كتبت بواسطة nash
    طيب ماهو ده بينعكس علي الحياة اليوميه ...ولما الواحد يصطبح الصبح بالمناظر الغريبه العجيبه اللي بتقابله ممكن ببساطه يتعكنن أو يجيله حاله تبلد في المشاعر ومافيش حاجه هاتفرق معاه...

    يتعكنن؟؟؟؟؟؟؟
    انتى بتجيبى الكلام ده منين ؟؟... مش قولتلك قبل كده ؟؟
    "قولتيلى انتى بقالك أد أيه بره مصر؟؟؟"
    يا أمى واحد بقت هيا دي ثقافته أن المناظر دى مش غريبة ولا عجيبة خالص يبقى أيه اللى هايعكننه

    اقتباس
    مشاهدة المشاركة المشاركة الأصلية كتبت بواسطة nash
    المفروض بجد الإحساس بالجمال يكون شيء اساسي في حياتنا .. ايون فيه فقر وفيه نكد وفيه مشاكل ..لكن أيه دخل ده بموضوع النظافه العامه ...وموضوع الإتقان لأي عمل .....

    الإحساس بالجمال ... انتى جيتى على حاجة بتعزف جوايا أنا شخصياً .. عشان الإحساس بالجمال ده أحساس راقى جداً وماعتقدش ان فيه حد عنده مشاكل حياتية من نوع توفير لقمة العيش والوقوف فى الطوابير الغير أدمية والشعبطة فى الأتوبيسات هاتقدرى تقوليله لازم يكون عندك أحساس بالجمال ...
    لما يكون فيه فقر وفيه نكد يبقى مافيش جمال "ألا مين جمال ده يا ناش؟؟؟"

    اقتباس
    مشاهدة المشاركة المشاركة الأصلية كتبت بواسطة nash
    هايجري ايه لو كل واحد طلع شويه قدام بيته ونظف قليلا.... مافيش حاجه هاتحصل غير انه هايكون عاش حياة ظريفه...

    عاش حياة نظيفة وكمان سمعله كلمتين من الناس اللى حواليه من نوعية "التيييييت أهوووو"
    وطبعاً مع وجود مبدأ أن الحتة دى بتاعتى والحتة دى بتاعة الجيران أما الحتة التالتة دى بتاعة الحكومة فماحدش هايعمل حاجة

    اقتباس
    مشاهدة المشاركة المشاركة الأصلية كتبت بواسطة nash
    زمان كنت أري جارة أجنبيه ..والله العظيم كانت تقوم بالكنس امام فيلتها ...في الشارع نفسه وليس في حديقتها ... وكنا نتريق عليها وعلي البلاهه اللي هي فيها ... وكانت ماده مسليه للتندر والتهريج ... طبعا كبرنا وعرفنا قيمه اللي كانت بتعمله ...

    شوفتى عشان هيا عندها ثقافة متحضرة وعارفه وفاهمة هيا بتعمل أيه

    اقتباس
    مشاهدة المشاركة المشاركة الأصلية كتبت بواسطة nash
    ليه احنا كده؟ وليه بنطالب الحكومه بحقوقنا قبل ما نقوم بواجبتنا كامله ؟؟ طيب بجد بجد هي تلاحق علينا منين ؟؟

    انتى خنأتينى يا نوش ماقولنا الحكومة متداخلة فى الحوار ده كله .... وتلاحق علينا منين أزاى يعنى ؟؟
    هو مثلاً الحكومة هيا اللى هاتنزل تنضف الشوارع ولا سي الوزير هو اللى هايسيأ الأرض ولا المحروس المحافظ اللى هايروح يقفل حنفية الميه
    فيه يا ناش مؤسسات كاملة المفروض تقوم بدورها بس لما يكونوا عارفين هما أيه المطلوب منهم بالزبط

    نوش بينى وبينك انتى بداياتك كده مش مبشرة أبداً ومحتاجة تاخدى جرعة ثيراجران هيماتينيك للتعامل فى أجواء المحروسة قبل ماتنزليها

     

     


     
    رد مع اقتباس

    قديم 1st June 2009, 06:02 AM brain غير متواجد حالياً
      رقم المشاركة : 3
    brain
    Brigadier General
     





    brain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond repute

    افتراضي

    أنا : brain





    اقتباس
    مشاهدة المشاركة المشاركة الأصلية كتبت بواسطة nash
    الحقيقه مش عارفه أبتدي منين ولا إزاي ولا حتي عارفه أعمل مقدمه للموضوع ... لكن الحقيقه أن الحكايه كبيرة مش مجرد تأملات في حياتنا اليوميه ومشاكلنا في المحروسه اللي عمرها ماهاتنتهي أبدا ...تساؤلات دارت في ذهني ... والحقيقه مش عارفه أخترع لها اي إجابه مقنعه ابدا ... وعندي أحساس يقيني أن الكلام في الموضوع مش هايحل حاجه ....

    بغض النظر عن أننا شعب نوعا ما سلبي ... إلا اننا نتمتع بأشياء غريبه ....

    تلاقي الواحد مننا ينظف بيته مثلا ويلقي بالقمامه في الشارع وببساطه ممكن يكون الصندوق علي بعض خطوات منه ولا يكلف نفسه حتي عناء الإهتمام بوضعها في مكانها الصحيح ...ثم يأتي ليصرخ أن الحشرات ترتع في الحي والكائنات الثدييه تنتشر في المكان سواء فئران أو كلاب ضاله أو قطط ويلقي اللوم علي الحكومه.....

    تلاقي عم سيد نسي يغلق حنفيه الميه العموميه ..أو أغلقها نص إغلاق وغرق الشارع في شبر ميه وبعدها نلاقي الحوادث والسيارات بتسلم علي بعضها ونقول ...ماهو كله من الحكومه هي السبب ....

    الحدائق العامه ..تلاقي الزوجه المصون والزوج الهمام قاعدين ولا علي بالهم الولاد نازلين حتتك بتتك في الزرع والجري بالعجل فوق النجيله الخضرا رغم وجود يافطه تسد عين الشمس بتقول يا جماعه ممنوع السير علي الحشائش أو لعب الكرة أو اللعب بالدراجات ..لكن لا حياة لمن تنادي ..وبعد ما الأسرة السعيده يقضوا قعدتهم الجميله ..أتفرجوا علي المنظر العام ...أكياس وورق وبقايا سندويتشات في كل مكان وكأن غارة أنقضت علي المكان واكلت الأخضر واليابس ...ويقولك الحكومه مهمله ماجملتش الحدائق الرئه والمتنفس لأهالي القاهرة....ويكون زعلان جدا من الوضع ويهز راسه اسفا وحزنا علي المظهر الحضاري...

    نفسي اعرف بجد اين يبدا دور الحكومه واين ينتهي وماهو دور المواطن ..إذا كان في ابسط شيء بيشتري دماغه ..واول كلمه يقولها واحنا مالنا ...هي كانت بتاعتنا ولا كان بيتنا ...

    طيب ماهو ده بينعكس علي الحياة اليوميه ...ولما الواحد يصطبح الصبح بالمناظر الغريبه العجيبه اللي بتقابله ممكن ببساطه يتعكنن أو يجيله حاله تبلد في المشاعر ومافيش حاجه هاتفرق معاه...

    المفروض بجد الإحساس بالجمال يكون شيء اساسي في حياتنا .. ايون فيه فقر وفيه نكد وفيه مشاكل ..لكن أيه دخل ده بموضوع النظافه العامه ...وموضوع الإتقان لأي عمل .....

    هايجري ايه لو كل واحد طلع شويه قدام بيته ونظف قليلا.... مافيش حاجه هاتحصل غير انه هايكون عاش حياة ظريفه...

    زمان كنت أري جارة أجنبيه ..والله العظيم كانت تقوم بالكنس امام فيلتها ...في الشارع نفسه وليس في حديقتها ... وكنا نتريق عليها وعلي البلاهه اللي هي فيها ... وكانت ماده مسليه للتندر والتهريج ... طبعا كبرنا وعرفنا قيمه اللي كانت بتعمله ...

    ليه احنا كده؟ وليه بنطالب الحكومه بحقوقنا قبل ما نقوم بواجبتنا كامله ؟؟ طيب بجد بجد هي تلاحق علينا منين ؟؟

    يا استاذه ناش حضرتك وصلتي لنتيجه خطأ
    المعادله عند حضرتك مش مظبوطه
    حضرتك يتتكلمي عن كيفيه مطالبه الناس لحقوقها من الحكومه قبل ما نقوم بواجبتنا و هذا هو سبب المشكله التي يقع فيها الكثير من الناس عندما يضعوا المشكله على روؤس المواطنين
    العلاقه بين الحاكم و المحكوم تحكمها اعراف و قواعد لا يمكن ان نحيد عنها
    القواعد و الاعراف تحدد هذه العلاقه و منها ثوابت فعندما تسقط هذه الثوابت فلا يمكن الحديث عن نقاط بعدها
    هناك اساسيات يجب ان تقدمها الحكومات قبل ان تطالب المواكنين باي شئ
    و ساشرح الموضوع ببساطه
    هل تستطيعي ان تجبري ابنك على المذاكره اذا لم تكوني قد هياتي له المكان المناسب للمذاكره ؟
    هل تستطيعي ان تجعلي ابنك يفكر في المذاكره اذا لم توفري له الكتب و الادوات اللازمه ؟
    هل تستطيعي ان تجعلي ابنك يفكر في النجاح و التفوق اذا لم تقدمي له العون اللازم ؟
    طيب ما رايك في نفس هذا الابن اذا وجد نفسه محروما من كل هذا و في نفس الوقت وجد اخاه الاخر يحصل على كل الرعايه و المكان و الجو المناسب والعون و المساعده منك ؟
    هل يمكن لكي ان تطالبيه بشئ او تحلمي ان يحقق شيئا ؟
    على الرغم من ان الامر في النهايه لمصلحته هو و لن تستفيدي انتي شيئا سواء نجح او فشل
    هذا هو حال الحكومه مع المواطنين
    الحكومه المصريه لم تقدم للمواطن المصري اي شئ فكيف له ان يفكر في تقديم اي شئ
    الانسان المصري يعيش عمره كله مشغول بالمستقبل
    فهو لا يضمن اي شئ من هذا المستقبل
    اكثر من 50% من الشعب المصري تحت خط الفقر
    بمعنى انهم لا يجدون قوت يومهم
    لا يسكنون في مكان ملائم - هذا اذا وجدوا السكن اصلا
    لا يتمكنون من علاج ابنائهم او حتى انفسهم
    لا يضمنون حتى في حاله الوفاه انهم يجدوا مكانا يدفنون فيه
    و في نفس الوقت هناك من هم يتمتعون بكل شئ
    و يحصلون على كل شئ
    بل و يجدون من يدافع عنهم و عما يحققونه بالسرقه و النهب و الظلم
    ماذا تتوقعي من الناس في هذه الحاله ؟
    هل من الممكن تخيل ان هناك من يفكر مجرد تفكير في واجبات عليه ؟
    اي واجبات يمكن ان يفكر فيها هولاء الاشخاص ؟ هل حصلوا على حقوق الحيوانات و ليس الانسان ؟
    لهذا السبب تجدي الناس تتفنن في تحطيم الممتلكات العامه بينما منذ 40 عاما كانوا يتفننون في الحفاظ على الممتلكات العامه لماذا ؟
    لانهم في هذه الايام يعرفون جيدا ان الممتلكات العامه لا تعني انها ملكهم بل تعني انها ملك من يملكون مصر الان
    و لكن من 40 عاما مضت كانوا يعرفون ان كل حبه رمل على هذه الارض هي ملك لهم لا يملك احد مجرد التفكير في ان ينتزعها منهم
    لهذا السبب تجدي الناس تغالي في الحفاظ على ممتلكاتها الخاصه لانها الشئ الوحيد الذي يضمن انها ملكه
    اما غير ذلك فاليوم قد تكون ملكه و غدا قد تحلى في عيون بعض الساده الجدد فينتزعها فتضيع منه الى الابد
    الناس تتعامل بطريقه علي و على اعدائي
    فاذا لك اكن ساحصل على حقي في ما املكه بحكم القانون و الاعراف و كل الشرائع
    فلا يمكن ان اتركه لغيري ليحصل عليه بهذه السهوله
    العدل يا مدام ناش هو اساس الملك
    هذه هي الحكمه التي يجب ان نرسخها في اذهان الجيل الجديد
    طالما ان هناك ظلم فلا يمكن ان تستقر الحياه في مصر
    سيظل الناس يتعاملون مع كل شئ بمنطق اللامبالاه
    و سياتي اليوم الذي يعود الحق الى اصحابه
    عندها فقط ستري الشعب المصري الحقيقي
    حتى لو مر 1000 عام

     

     


     
    رد مع اقتباس

    قديم 1st June 2009, 06:03 AM bosy غير متواجد حالياً
      رقم المشاركة : 4
    bosy
    Golden Member
     





    bosy has a reputation beyond reputebosy has a reputation beyond reputebosy has a reputation beyond reputebosy has a reputation beyond reputebosy has a reputation beyond reputebosy has a reputation beyond reputebosy has a reputation beyond reputebosy has a reputation beyond reputebosy has a reputation beyond reputebosy has a reputation beyond reputebosy has a reputation beyond repute

    افتراضي

    أنا : bosy




    ياااااااااااااااه فعلا اول مره الاقى حد بيقول اننا احنا اللى غلطانين مش الحكومه لان على راى ناش بجد احنا كل يوم بنزيد باعداد مهوله الحكومه حتلاحق علينا ازاى لازم يكون فى رقابه على نفسنا مننا احنا لان الحكومه عملت اللى عليها وكتبت اليافطه طيب ايه اللى مطلوب اكتر من كده واهو كله بيرجع علينا ماحدش بيستفاد او يطضر غيرنا لان فى الاول وفى الاخر اسمنا ايه البلد المتخلفه اللى مافيش حته فيها كويسه غير قليل بجد كل ده من السلبيه واللامبالاه طيب وايه يعنى والكلام العجيب ده واكتر حاجه باسمعها ماهو كلهم بيعملوا كده وهو احنا اللى حنعمل المنظر الوحش؟ طيب ماهو لو كل واحد قال كده مش حنخلص بجد

    ميرسى اوى يا ناش على الموضوع

     

     


     
    رد مع اقتباس

    قديم 1st June 2009, 06:11 AM sanaa غير متواجد حالياً
      رقم المشاركة : 5
    sanaa
    Platinum Member





    sanaa has a reputation beyond reputesanaa has a reputation beyond reputesanaa has a reputation beyond reputesanaa has a reputation beyond reputesanaa has a reputation beyond reputesanaa has a reputation beyond reputesanaa has a reputation beyond reputesanaa has a reputation beyond reputesanaa has a reputation beyond reputesanaa has a reputation beyond reputesanaa has a reputation beyond repute

    افتراضي

    أنا : sanaa




    !For Medical Professionals Only

    اقتباس
    مشاهدة المشاركة المشاركة الأصلية كتبت بواسطة brain
    اكثر من 50% من الشعب المصري تحت خط الفقر
    بمعنى انهم لا يجدون قوت يومهم
    لا يسكنون في مكان ملائم - هذا اذا وجدوا السكن اصلا
    لا يتمكنون من علاج ابنائهم او حتى انفسهم
    لا يضمنون حتى في حاله الوفاه انهم يجدوا مكانا يدفنون فيه
    و في نفس الوقت هناك من هم يتمتعون بكل شئ
    و يحصلون على كل شئ


    والله يابراين انا كنت داخله اقول تقريبا نفس المعني لقيتك كفيت ووفيت

     

     


     
    رد مع اقتباس

    قديم 1st June 2009, 06:23 AM hoppa غير متواجد حالياً
      رقم المشاركة : 6
    hoppa
    Golden Member
     





    hoppa is on a distinguished road

    افتراضي

    أنا : hoppa




    الناس اللى عايشة فى العشوائيات عليها دور كبير فى هذه المهزلة..العشوائية معناها ان الواحد يبنى على مكان غير مرخص بالبناء عليه
    طيب و ليه الواحد يبنى على مكان غير مرخص...لانه لقى أرض و عايز يستثمر فى العقارات اللى بتوفر اسهل و اسرع ربح
    طيبو ليه الاقبال على السكن فى العشوائيات لانه ببساطة الزيادة فى السكانية لا يعادلها نمو فى المساحة العمرانية و الزيادة مش بس بالتكاثر لكن بالنزوح من الريف و الصعيد لاجل فرص العمل
    عندكم انا مثلا كان نفسى اسافر للعمل فى القاهره و كانت المشكلة مشكلة سكن
    بالنسبة لبنت العمل هيكون مؤقت و مسيرى هرجع لبلدى بس بالنسبة لشاب بيسافر عشان الشغل و الاستقرار والزواج و هو فيه ارخص من الأماكن العشوائية يعيش فيها...و على رأى خالدة الذكر مارى منيب..طوبة على طوبة خلى العشوائيات منصوبة

    بالنسبة للنظافة اولا فيه حاجة معروفة جدا عن الناس فى مصر ان الواحد يلاقى بيوتهم ما شاء الله فى الجمال و النظافة و خارج البيت بمتر واحد متصدقش اللى ممكن تشوفه؟؟!!!
    مش عارفة الناس احساسها ازاى
    دا غير عدم وجود حاويات القمامة نفسها و دى حاجة لاحظتها فى مدينة من أكبر مدن الصعيد ((((اسيوط)))) اما لقرى فمحدش يسألنى عمرى ما شفت حاوية قمامة فى اى قرية و بيتخلصوا من الزبالة ذاتيا بحرقها فى الفرن البلدى

    انا افتكر مرة لما كنت فى اعدادى كنت بنضم لمجموعات النشاط المدرسى و انضميت لمجموعة الخدمة العامة و جماعة الاسعاف الأولى و كانت ليا زيى مميز كدة و كارنية و بنعمل اجتماعات و حركات يعنى شغل جامد مش لعب اطفال و كانوا اساتذتنا بيتابعونا
    فى مرة عملتنا مجموعتنا للخدمة العامة حملة للنظافة و التشجير و التجميل كان رااااااااااائعة بمعنى الكلمة بس تعالوا شوفوا اللى حصل لما والدتى عرفت انى بنضف المدرسة..الخبر وصلها بالشكل ده((((انى بنضف المدرسة))) هما شوية ورق لميناهم و عملنا ملصقات للتوعية و فقرة عن النظافة فى الاذاعة المدرسية بس طبعا المدرسة فيها بالفعل عمال نظافة لكن مساعدتهم و مشاركتنا احنا كانت جانب ايجابى فعلا..بس انا عمرى ما شاركت فى اى جماعات نشاط تانى

     

     


     
    رد مع اقتباس

    قديم 1st June 2009, 06:25 AM زعلان غير متواجد حالياً
      رقم المشاركة : 7
    زعلان
    Golden Member
     





    زعلان has a reputation beyond reputeزعلان has a reputation beyond reputeزعلان has a reputation beyond reputeزعلان has a reputation beyond reputeزعلان has a reputation beyond reputeزعلان has a reputation beyond reputeزعلان has a reputation beyond reputeزعلان has a reputation beyond reputeزعلان has a reputation beyond reputeزعلان has a reputation beyond reputeزعلان has a reputation beyond repute

    افتراضي

    أنا : زعلان




    يا برين نحن في زمن حتى الملكيات الخاصة لم تعد مضمونة في مصر اي بلطجي او حرامي من اعضاء الحزب الوطني سواء عضو عامل او بكارنيه او من الضيشهم الي بيشتغلوا معاهم في الانتخابات و السيطرة على الشارع ممكن يسطو على حقوقك وبطرق قانونية ملتوية تلاقي حاجتك بقت مش حاجتك ولو حابب اجيبلك كم قصة سواء سمعنها او قرأنها بل و عشناها حصلت لنا شخصيا

     

     


     
    رد مع اقتباس

    قديم 1st June 2009, 06:30 AM toota غير متواجد حالياً
      رقم المشاركة : 8
    toota
    Platinum Member
     





    toota is on a distinguished road

    افتراضي

    أنا : toota




    اظن اكثر مشاكل القاهرة عموما...هي النزوح من الريف طلبا للقمة العيش..والتكدس السكاني الرهيب ......لو عرفنا نحل المعضلة دي...حنعرف نحل باقي المشاكل....وانا بتكلم عن الشعب مش عن الحكومة وبلاويها....

     

     


     
    رد مع اقتباس

    قديم 1st June 2009, 06:32 AM brain غير متواجد حالياً
      رقم المشاركة : 9
    brain
    Brigadier General
     





    brain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond repute

    افتراضي

    أنا : brain




    اقتباس
    مشاهدة المشاركة المشاركة الأصلية كتبت بواسطة hoppa
    الناس اللى عايشة فى العشوائيات عليها دور كبير فى هذه المهزلة..العشوائية معناها ان الواحد يبنى على مكان غير مرخص بالبناء عليه
    طيب و ليه الواحد يبنى على مكان غير مرخص...لانه لقى أرض و عايز يستثمر فى العقارات اللى بتوفر اسهل و اسرع ربح

    بذمتك يا هبه الكلام ده صح ؟
    الناس بتسكن في العشوائيات علشان عايزه تستثمر في العقارات و تحصل على اسهل ربح ؟
    يعني سكان الدويقه اختاروا انهم يسكنوا تحت الارض و زي الفئران علشان يبيعوا حته ا لارض و يتاجروا بيها و يشتروا في مارينا مثلا ؟
    من المؤكد ان الكلام ده هزار و لكنه هزار لا يدعو للضحك
    السبب في العشوائيات يا هبه ان الحكومه توقفت عن اداء دورها الملزم لها
    فلو قامت الحكومه بتنميه الريف و الصعيد بمشروعات تفيدهذه الاماكن ما فكر احد ان يرحل منها
    لو اهتمت الحكومه بالظهير الصحراوي لكل مدن الصعيد ما فكر احد بالهجره الى المدن
    لو ساوت الحكومه في الخدمات بين الريف و الصعيد و بين القاهره و الاسكندريه و بورسعيد و المنصوره و طنطا ما فكر احد ان يعيش في هذه المدن و يترك ارضه
    لو كانت الحكومه قررت انشاء مدن لاسكان هولاء الناس في العشوائيات بدلا من بيع الارض للمستثمرين بخمسه جنيه علشان يبيعها ب 7000 جنيه و يصرف فلوسها على الهلس و الرقص و المخدرات و المطربات ما كان هناك مكان واحد عشوائي في مصر
    هذه هي اسباب العشوائيات الحقيقيه يا هبه و ليس الاستثمار في الارض لتحقيق ربح

     

     


     
    رد مع اقتباس

    قديم 1st June 2009, 06:34 AM brain غير متواجد حالياً
      رقم المشاركة : 10
    brain
    Brigadier General
     





    brain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond reputebrain has a reputation beyond repute

    افتراضي

    أنا : brain




    اقتباس
    مشاهدة المشاركة المشاركة الأصلية كتبت بواسطة زعلان
    يا برين نحن في زمن حتى الملكيات الخاصة لم تعد مضمونة في مصر اي بلطجي او حرامي من اعضاء الحزب الوطني سواء عضو عامل او بكارنيه او من الضيشهم الي بيشتغلوا معاهم في الانتخابات و السيطرة على الشارع ممكن يسطو على حقوقك وبطرق قانونية ملتوية تلاقي حاجتك بقت مش حاجتك ولو حابب اجيبلك كم قصة سواء سمعنها او قرأنها بل و عشناها حصلت لنا شخصيا

    طيب يا زعلان اذا كانت الحاله كده
    يبقى بنطالب الشعب انه يعمل ايه ؟
    يدافع عن ايه او يفكر في انه بلد ؟
    اذا كانت حتى الممتلكات الخاصه بتروح قدام عينك و لن تستطيع ان تستردها
    فكيف نطالب الناس بأن تفكر في زرع ولا جناين ولا نظافه ولا حتى بلد بحالها ؟

     

     


     
    رد مع اقتباس

    إضافة رد

    مواقع النشر (المفضلة)

    هو أحنا ليه كده؟

    « الموضوع السابق | الموضوع التالي »
    أدوات الموضوع
    انواع عرض الموضوع

    الانتقال السريع

    المواضيع المتشابهه
    الموضوع كاتب الموضوع المنتدى مشاركات آخر مشاركة
    ليه كده يا شيخ حافظ ..عمر طاهر dr-amira منقوووووووووووولات 5 1st May 2011 04:54 PM
    إحنا ليه كده Sonesta أدب وشعر وقراءات متنوعة 0 14th October 2010 11:24 AM
    "هام جداً" - هى مصر بقت عاملة كده ليه ؟ "مش هى دى مصرنا.. أبداً" O.S.A.M.A شؤون مصر الداخلية 85 10th May 2009 02:14 PM
    ليه كده يا شحرورة ؟؟!! حرررم بم بم موضوعات عامة ... موضوعات خفيفة ... منوعات 8 10th March 2009 08:35 AM

    Currency Calculator
    Your Information
    RSS RSS 2.0 XML MAP HTML


    Powered by vBulletin® Version 3.8.8
    .Copyright ©2000 - 2024, Jelsoft Enterprises Ltd
    (جميع الأراء والمواضيع المنشورة تعبِّر عن رأي صاحبها وليس بالضرورة عن رأي إدارة منتديات المطاريد)
    SSL Certificate   DMCA.com Protection Status   Copyright  


    تنبيه هام

     يمنع منعاً باتاً نشر أى موضوعات أو مشاركات على صفحات منتديات المطاريد تحتوى على إنتهاك لحقوق الملكية الفكرية للآخرين أو نشر برامج محمية بحكم القانون ونرجو من الجميع التواصل مع إدارة المنتدى للتبليغ عن تلك الموضوعات والمشاركات إن وجدت من خلال البريد الالكترونى التالى [email protected] وسوف يتم حذف الموضوعات والمشاركات المخالفة تباعاً.

      كذلك تحذر إدارة المنتدى من أى تعاقدات مالية أو تجارية تتم بين الأعضاء وتخلى مسؤوليتها بالكامل من أى عواقب قد تنجم عنها وتنبه إلى عدم جواز نشر أى مواد تتضمن إعلانات تجارية أو الترويج لمواقع عربية أو أجنبية بدون الحصول على إذن مسبق من إدارة المنتدى كما ورد بقواعد المشاركة.

     إن مشرفي وإداريي منتديات المطاريد بالرغم من محاولتهم المستمرة منع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات وإن وجدت اى مخالفات يُرجى التواصل مع ادارة الموقع لإتخاذ اللازم إما بالتبليغ عن مشاركة مخالفة أو بالتراسل مع الإدارة عن طريق البريد الالكترونى التالى [email protected]