Arabic Discussion Forum with a Special Interest in Travel and Immigration

Dr.Samo · 29th April 2011, 02:04 PM

نشبت معركة بين جماهير الأهلي والمصري في بورسعيد باستخدام الحجارة والشماريخ والشوم، بمجرد وصول جماهير الأهلي إلى بورسعيد، وذلك قبل ساعات قليلة من اللقاء الذي سيجمع الفريقين في استاد بورسعيد في الدوري.
ونقل مراسل Yallakora.com ان رجال الأمن المركزي فشلوا في السيطرة على الوضع – الذي شبهه بالمجزرة - رغم استخدامهم للقنابل المسيلة للدموع أملا في تفريق المشاغبين.
وأضاف ان العشرات تعرضوا للإصابات، بخلاف ان بعض المحلات التجارية حدثت بها تآلفيات جسيمة، مشيراً ان جماهير المصري استخدمت زجاجات المياة الغازية لإلقائها على جماهير الأهلي.
وتعرضت معظم السيارات المتواجدة بجوار محطة القطار للتكسير.
وقال مالك كافيتريا - تضررت من هذه الأحداث - في تصريحات خاصة لـ Yallakora.com "جماهير الأهلي اشتبكوا مع جماهير المصري، فور وصولهم لبورسعيد وتصاعد الأمر بشكل كبير".
وتابع "لو كان الشرطة والجيش لا يستطيعا حماية الجماهير، فلماذا قاما باستئناف الدوري"؟
وحاول رجال الأمن المركزي حماية جماهير الأهلي داخل محطة قطار بورسعيد بغلق البوابات عليهم والقيام "بكوردون" أمني لمنعهم عن جماهير المصري.
ووصل رجال الجيش لمساعدة رجال الأمن المركزي في تأمين جماهير الأهلي داخل محطة قطار بورسعيد، وسط تصميم من جماهير المصري لدخول المحطة.
وظهرت سيارات الاسعاف لنقل الجماهير ورجال الأمن الذين تعرضوا لإصابات عديدة.
يذكر ان المباراة سوف تقام في السابعة مساء اليوم الجمعة.

brain · 29th April 2011, 02:22 PM

ادي اللي اخذناه من الكوره و الدوري
علشان خاطر مجموعه من المنتفعين
امثال زاهر و شوبير و شلبي و عبد الغني
هيضيعوا البلد
قلنا قبل كده
اي مباراه هتكون في اي محافظه بين فريقين عندهم جماهير
ستتحول الى مجزره
بكره هنشوف مباراة الزمالك و الاسماعيلي
و الاهلي و الاسماعيلي
و مع الاتحاد و مع المصري
ده غير مباريات فرق المحافظات مع بعض
و المصيبه الكبرى
الاهلي و الزمالك
احنا اللي هنضيع البلد بايدينا

Dr.Samo · 29th April 2011, 02:43 PM

اقتباس


	رفضت رابطة أولترا أهلاوي العودة للقاهرة من بورسعيد إلا بعد مباراة المصري والاهلي، بعدما كانت قد قررت مغادرة محطة بورسعيد. وكانت قوات من الجيش قد قررت عودة اولترا اهلاوي إلى القاهرة حرصا على سلامتهم إلا ان أعضاء الرابطة رفضوا ذلك. وكانت حركة القطارات بمحطة بورسعيد قد توقفت بشكل كامل نظرا لأغلاق البوابات الرئيسية للمحطة من أجل تأمين جماهير الاهلي داخلها. وعلم مراسل Yallakora.com ان القطارات متوقفة نظرا لعدم قدرة المسافرين لدخول المحطة، المحاطة بكوردون أمني. وقال أحد مشجعي الاهلي في اتصال هاتفي بـYallakora.com ان الجماهير استقلت القطار وفي طريقها للقاهرة من جديد، قبل ان يتيغر الامر بعد ذلك ويقرروا البقاء. وتعرضت بعض الكافتيريات القريبة من المحطة لاضرار بالغة بسبب تراشق جمهوري الاهلي والمصري بالحجارة والاسلحة.

ربنا يعدى الماتش دا على خير يا برين
فعلا ماكنش له لازمة إستئناف الدورى
أمال فى الأسماعيلية هيعملوا أيه ......

تووت · 29th April 2011, 03:33 PM

هو أنا عندي سؤال... ليه "مبارة" تتحول "لمجزرة" ؟؟
تامر

yasovinas · 29th April 2011, 03:46 PM

قناة الاهلي مستضيفه عصام افندي عبد المنعم وطبعا بدأ يجعر ويشتم ويحمل المسؤوليه لرئيس النادي المصري وانه يا حرام (حمائم الاهلي) المهاجرة الى بورسعيد لتشجيع فريقة بكل شفافية وطيبة وذوق واخلاق لكن يا حرام غربان المصري كانوا وقفين لهم على ابواب بورسعيد وضربوهم والجيش عمل لهم اجلاء وحرمهم من مشاهدة المباراة

وبعد البوقين دول جابو صحفي موجود هناك فقال
جمهور الاهلي وصل بالباصات الى بورسعيد ونزل يعمل شوبنج لحين موعد فتح ابواب الاستاد وحصلت مشادات وخناقات مع البورسعيدية وهدأت الحكاية بسرعه

لكن باقي جمهور الاهلي والبالغ اربعة الاف مشجع وصلوا بالقطار ولما عرفوا باللي حصل مع مشجعي الباصات اعلنوا الحرب وبدأوا يسبو ويهتفو ضد المصري وبورسعيد فقامت قوات الشرطه بحجزهم في المحطة حتى لا تتفاقم المشكله فما كان منهم الا ان قاموا بتحطيم المحطة وتكسير ما وصلت اليهم اياديهم
بعضهم تمكن من الخروج وقاموا بالتشابك مع البورسعيدية الا ان الشرطه والجيش تمكن من السيطرة على الموقف وتم ترحيل جمهور الاهلي الى القاهره مرة اخرى

اتكبس عمنا عصام عبد المنعم ولم يستطع التعليق

savary · 29th April 2011, 05:40 PM

مش فاهم ابدا اللى بيحصل دا

ما فى داهيه الدورى و الكوره يا عم

ما بقالنا خمسين سنه بنلعب كوره

ايه الفايده يعنى !!

اخدنا ايه يعنى !!

فى سنين الحرب كان النشاط الرياضى كله بيقف

اوقف النشاط الرياضى فى السنتين دول !!

فتره انتقاليه و حرجه و البلد مش ناقصه !

واحنا هنبقى فاضيين كل شويه الجيش ينزل يأمن مباره كوره

ما عنهم ما لعبوا يا عم !!

ايه دى كمان محتاجه مظاهره مليونيه فى التحرير الجمعه اللى جايه ؟؟؟

KANE · 29th April 2011, 07:15 PM

اقتباس

المشاركة الأصلية كتبت بواسطة Dr.Samo


	ربنا يعدى الماتش دا على خير يا برين فعلا ماكنش له لازمة إستئناف الدورى أمال فى الأسماعيلية هيعملوا أيه ......

غالباً مصيبه

وربنا يستر من الدوري ده

لأن اللي عنده ضغط في اي حاجة مستني فرصه ينفس ع الضغط ده

بالإضافة لمخابيل الكرة

only you · 29th April 2011, 07:18 PM

للاسف ما اتعلموش الدرس من ماتش الجلابيه حدش واخد باله؟ اشمعنى الماتشات اللى بتتحول لمعارك؟

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
تكاليف المعيشة في كندا - 2015	الهجرة إلى كندا	Dr.Samo	22	4799	7th November 2015 02:46 PM
كندا على وشك اصدار قانون عنصرى للجنسية ؟!!	الهجرة إلى كندا	ysma	360	36180	20th June 2014 10:00 AM
بطلان مجلس الشورى وتأسيسية الدستور	شؤون مصر الداخلية	Sonesta	33	2779	2nd June 2013 10:17 AM
الغربــــــــــــــــة	مناقشات وحوارات جادة	جرديز	2	877	11th May 2013 11:01 PM
831 ملياااااااااار جنيه !!!!	شؤون مصر الداخلية	Eng Hesham	6	1584	27th April 2013 05:52 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ميدو يحرض جماهير الزمالك ضد النادي الأهلي	بريف هااارت	الشباب والرياضة	0	17th June 2011 03:13 PM
سباب عنيف من جماهير الأهلى ضد حسام	Dr.Samo	الشباب والرياضة	12	18th May 2011 01:39 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الشباب والرياضة

الجيش يتدخل لتأمين جماهير الأهلي وسيارات اسعاف تنقل المصابين