حمد بن جاسم: أمانة الجامعة لن تفرق بين قطر ومصر

[أسامة الكباريتي]

الصحف المصرية والعربية

دبلوماسي لـ«العرب»: تزايد فرص فوز العطية

حمد بن جاسم: أمانة الجامعة لن تفرق بين قطر ومصر

2011-04-28

الدوحة - محمد الشياظمي- القاهرة -العرب
قال معالي رئيس الوزراء وزير الخارجية الشيخ حمد بن جاسم بن جبر آل ثاني إن قطر تؤيد قيام علاقات بين مصر وإيران، وأكد في الوقت ذاته أن شغل منصب الأمين العام لجامعة الدول العربية سيدرس بطريقة أكثر وئاماً بين قطر ومصر، ولن يتسبب في خلاف، ولن يكون مجالاً للفرقة بين البلدين.

وقال معاليه في مؤتمر صحافي مشترك مع نظيرة المصري عصام شرف في الدوحة أمس إن الجميع يحترم مصر وثورتها وجهودها، ورأى أن موضوع الأمين العام للجامعة العربية مسألة فنية ستدرس بطريقة أكثر وئاماً بين قطر ومصر، وقال: إن مسألة تدوير منصب الأمين العام أثيرت في قمة الجزائر، وظلت موضع نقاش لوزراء الخارجية العرب.

وأثنى معالي رئيس الوزراء على عمق العلاقات التي تجمع قطر ومصر ووصفها بـ«التاريخية»، واعتبر مصر «الشقيق الأكبر»، وقال: مصر هي الدولة العربية الكبرى، وهي الميزان في العالم العربي، وإذا صحت صح العالم العربي كله، وتمنى النجاح للثورة المصرية في تحقيق أهدافها.
وفي القاهرة أكد مصدر دبلوماسي بجامعة الدول العربية لـ «العرب» أن فرص مرشح دولة قطر لمنصب الأمين العام لجامعة الدول العربية عبد الرحمن العطية تتزايد مع اقتراب موعد اجتماع وزراء الخارجية العرب يوم 8 مايو القادم، بينما تتراجع فرص المرشح المصري الدكتور مصطفى الفقي.



تعقيب:
بكل تاكيد ان ثورة 25 يناير قد طوت صفحات قاتمة من تاريخ العرب ..
وزيارة شرف الخارجية حتى الآن غاية في التوفيق ..
بالطبع لا نتوقع كل شئ بين يوم وليلة ..
لكن تباشيرها بالتأكيد غيجابية ..
اما عن مسألة امين عام الجامعة العربية .. فتحكمها عدة أمور منها..
طلب عربي سابق بتداول الأمانة بين الدول العربية ..
المرشح المصري عليه اعتراضات شخصية لبعض الدول العربية ..
مرشح قطر "عبدالرحمن العطية لديه خبرات جيدة ويتمتع بمواصفات يفتقد لها مرشح مصر الذي يشتهر بعصبيته وافتقاده إلى الدبلوماسية ..

 

[Prof]

في الواقع مرشح مصر هو راجل دون.. مش دون المستوى.. ﻷ دون ولا يصلح ببصلة.
وأعتقد أنه من اﻷفضل لمصر وللجميع أن تترك المنصب لمن يستحقه طالما ليس لدينا مرشح مناسب أو لا نريد أن نبحث عن مرشح مناسب.. على اﻷقل لو كان شرابة خرج كمن سبقوه في السنوات الأخيرة فسيكون قد رفع الحرج عن مصر وسياسات مصر ورفع عنها عبء المسئولية وجرائرها.

 

 

[savary]

مينفعش يا جماعه !!

مصر متدخلش انتخابات عشان جماعه الدول البتناجنيه مع حد !!

مينفعش !!

يمكن زمان ايام المخلوع كنا بلعناها

لانه كان قزم و قزم مصر معاه

مينفعش دلوقتى !

المبدأ نفسه غير قابل للطرح و غير قابل للنقاش !

مصر متمشيش ورا قطر

مصر لا تدور فى فلك أحد !!

مصر هى الجامعه وهى العروبه و هى السياسه و هى الكبيره

تاريخ و جغرافيا و فلك و رياضيات !

من مصر كان الخطاب القومى و من مصر كان الحلم و من مصر كان المشروع

مصر زيها زى ايران و زى تركيا و زى اسرائيل

العرب هما اللى ينضموا للمشروع المصرى

مش مصر اللى تنضم للمشروع القطرى !!!

عيب و ميصحش !!

والمفروض الكلام يبقى كده

احنا الكبار و احنا الجامعه و مرشحنا ايا كان هو أمين عام جامعه الدول العربيه

عاجبكم اهلا وسهلا

مش عاجبكم

خدوا جامعتكم البتنتاجنيه دى و على اى خرابه و لا كشك على الخليج و اتلكوا على الله !!

مش هتفرق معانا كتير !

انتوا أساسا فى التيه - زى ما طول عمركم كنتم فى التيه -
منقسمين و متشرذمين وحالتكم بالبلا !

 

 

[Prof]

مش فاهم وجهة نظرك يا سافاري..
أولاً
ده مجرد منصب إداري وبروتوكولي وأثره محدود في تقرير سياسات أو تحديد توجهات.. يعني أقرب إلى مدير جلسات وإجراءات وكذا.
ثانيًا
واحد زي عمرو موسى أفتك من أنجبت الدبلوماسية المصري منذ عقود.. ماذا فعل للجامعة العربية أيًا كان مشروعه أو مشروعهم أو مشروعنا... أليس صفر كبير!
ثالثًا
القيادة وتوجيه الدفة إذا كانا ضرورة لازمة لفئة دون فئة -وليسا كذلك- فليسا بالضرورة مسألة منصب أو علامة بارزة في مؤسسة ما، الأمر يتعلق بالقدرة على أن تقنع وعلى أن تقول ما يُسمع.

هذا وبالله التوفيق

 

 

[savary]

ماهو حضرتك رديت على نفسك يا مستر برووف !

عمرو موسى لم يستطع أن يفعل شيئا لأنه غير منوط به أن يفعل شيئا من الأساس !

الجامعه العربيه رد فعل ,, ترمومتر !!

الترمومتر دا بيقيس درجه الترابط والوحده و قوه المشروع السياسى لهذا التكتل المسمى بجامعه الدول العربيه

عمرو موسى ولا غيره يقدر يعمل حاجه لأن لا فى ترابط ولا فى مشروع ولا فى اى حاجه !

الكيانات العربيه عباره عن شيخ قبيله سايق وراه قبيلته , الامريكان راضيين عنه و قبيلته مش فدماغها غير انها تاكل وتشرب وتتناسل وخلصنا على كده

يظلمهم يعنى اللى يقول على الكيانات دى ( دول ) !!

انهرده مصر وتونس فى شرنقه الفكاك من هذا الواقع الأليم

شرنقه الخروج إلى الأدميه و الأنسانيه

فى طور اللحاق بالبشر !

ودا بيترتب عليه سياسه خارجيه لدوله بمفهوم الدوله مش بفهوم القبيله .

يعنى بناء توازنات سياسيه وعلاقات جيده مع الجميع بشكل براجماتى و بشكل محترف لما يخدم المشروع السياسى لمصر .

ودا ابتدا يحصل فعلا بتحقيق المصالحه الفلسطينيه , مصر هنا بتتحول من ساعى بريد بين الامريكان والصهاينه والفلسطينين الى لاعب أساسى فى المنطقه !

مع الدول العربيه فلازم الموضوع دا يتكرر , لازم يبقى فى مشروع مصرى بيبحث عن نفوذ و امساك باوراق دبلوماسيه ومشروع سياسى مصر فى المنطقه

وجامعه الدول العربيه احد اوراق هذا المشروع السياسى المصرى !!

مينفعش افرط فيه بسهوله كدا للبتاع القطرى دا

قطر عباره عن قاعده أمريكيه و الحقوا بيها دوله وقناه فضائيه !!

دى كل الحكايه .

مينفعش اسلملها منصب امين عام جامعه الدول العربيه , لا هى ولا غيرها

دا يرجعنا للوضع صفر

يرجعنا للجامعه المهلهله اللى ملاش لازمه اساسا

واحنا لو عاوزين جامعه الدول زى ما كانت قبل الثوره ,, يبقى بجد ملهاش لازمه وننسحب منها احسن

عشان نوفر الوقت فى حاجه مفيده

احنا محتاجين اعاده هيكله لدور مصر الأقليمى والمركزى فى المنطقه

و محتاجين اعاده هيكله كامله لجامعه الدول باعتبارها احد الاوراق المصريه فى السياسه الخارجيه

التاريخ اللى بيقول كدا !

واعاده الهيكله دى مش هتحصل وانا بسلم منصب الامين العام واللى طول عمره مصرى ولمصرى
لواحد تانى !!

منصب الامين العام مش مجرد منصب بروتوكلى ابدا

احنا لما كنا بندور فى فلك الامريكان كان المنصب كدا فعلا !!

انما لدوقتى الوضع اختلف , دلوقتى نحن نبحث عن مكان لنا كنا قد فقناه على يد النظام البائد

والمنصب دا هيبقى مهم جدا فى وضع الاطر العامه لسياسه الجامعه الفتره اللى جايه , ولازم يكون لمصرى حتى يتبع المشروع المصرى والسياسه الخارجيه المصريه

انا شايف ان تدويل المنصب يعنى اعاده الوضع لما قبل الثوره ودا معناه انتحار على صعيد السياسه الخارجيه المصريه بالشأن العربى !!

 

 

[brain]

يا سافاري يا خويا انت واخد الامور على اعصابك ليه
انت عايز ايه من الجامعه العربيه ؟
بجد مش فاهم
الجامعه العربيه ستظل فيها الاغلبيه معروفه و محدده
6 دول خليجيه : السعوديه و الكويت و البحرين و قطر و عمان و الامارات
مملكتان : المغرب و الاردن
5 جمهوريات (ولا الضالين امين للقرار الخليجي) : موريتانيا و الصومال و جيبوتي و جزر القمر و فلسطين
كده المجموع 13 دوله
يتبقى 8 دول
مصر و العراق و الجزائر و تونس و السودان و لبنان و سوريا و اليمن
يعني قرار الجامعه العربيه هو قرار امريكي بامتياز
ايه بقى اللي يخلينا نربط نفسنا بالقصه دي ؟
مصر عندها مشروع تقدمه للعرب
و لكن لا تربط نفسها بقرار الجامعه
ربط مصر نفسها بالجامعه و قرار الجامعه هيجعل مصر تحت رحمة التصويت المعروف نتيجته سلفا كما اوضحته فيما هو مذكور اعلاه
مشروعك تقدمه و تعرضه على الدول و الشعوب العربيه
مع التوضيح انه مشروع سيتم تنفيذه
وافق العرب او رفضوا

 

 

[Prof]

سافاري
طيب في الأغلب الأعم متفق معاك والنظرية ذات نفسها برضه يفترض أن يكون لها قبول عريض بالنظر إلى مظلة شاملة للأمن القومي العربي.
لكن كل ده -فيما أرى- يستحيل أن يحققه واحد منتهي الصلاحية زي مصطفى الفقي، بل هو أول عقبة في طريق هذا الكلام أشاسًا.

 

 

[Eng A7m3d]

طيب
هو انا رأيي يتلخص في نقطتين
1- مصطفى الفقى ده زي ما قال بروف (راجل دون) وكمان مرشح نص لبه ومبينفعش
2- الجامعه العربية دي ديكور ملهوش لزمة أساسا لكن قطر واخداها عند مع مصر يبقى خلاص عند ب عند بس غيروا الراجل المتخلف ده

 

 

[savary]

اقتباس المشاركة الأصلية كتبت بواسطة brain يا سافاري يا خويا انت واخد الامور على اعصابك ليه انت عايز ايه من الجامعه العربيه ؟ بجد مش فاهم الجامعه العربيه ستظل فيها الاغلبيه معروفه و محدده 6 دول خليجيه : السعوديه و الكويت و البحرين و قطر و عمان و الامارات مملكتان : المغرب و الاردن 5 جمهوريات (ولا الضالين امين للقرار الخليجي) : موريتانيا و الصومال و جيبوتي و جزر القمر و فلسطين كده المجموع 13 دوله يتبقى 8 دول مصر و العراق و الجزائر و تونس و السودان و لبنان و سوريا و اليمن يعني قرار الجامعه العربيه هو قرار امريكي بامتياز ايه بقى اللي يخلينا نربط نفسنا بالقصه دي ؟ مصر عندها مشروع تقدمه للعرب و لكن لا تربط نفسها بقرار الجامعه ربط مصر نفسها بالجامعه و قرار الجامعه هيجعل مصر تحت رحمة التصويت المعروف نتيجته سلفا كما اوضحته فيما هو مذكور اعلاه مشروعك تقدمه و تعرضه على الدول و الشعوب العربيه مع التوضيح انه مشروع سيتم تنفيذه وافق العرب او رفضوا

يا برين اللى بتتكلم فيه دا مش سياسه خالص !
السياسه لا تعرف المواقف المتخذه سابقا !!

تعرف ان يكون لك نفوذ , ودا مش لازم يكون معناه اقصاء حد

هى تورته وهو بياكل منها لوحده , مفيش مشكله لما احاول انا اكل شويه !

مفيش مشكله انى افهم الخليج ان مصر ممكن يكون ليها دور فى الازمه مع ايران

ان مصر ممكن تكون وسيط جيد و صديق جيد و صمام امان لهذه المنطقه

افهمهم انهم هما كمان محتاجين بعضا من الاستقلاليه عن القرار والمشروع الامريكى

نوسع الفلك اللى بندور فيه حوالين واشنطن و لو قليلا

نفس الأمر فى الفناء الخلفى المصرى فى افريقيا

نفس الأمر مع المغرب العربى و مشاكله

اقامه توازنات تساعد شويه الدول الخليجيه و اكيد هتساعد مصر

الخطاب القومى ممكن يهدأ كتير من النفوذ الايرانى فى العراق و الكويت والخليج بس بشكل لا يهدد انظمه هذه الدول او يجعلها تشعر بارتباك و خوف زى ما كانوا فى الخمسينات والستينات

دا غير تعاون اقتصادى وتجارى وثقافى

هى قطر لما بتحاول يكون ليها دور فى لبنان ماهى بتعمل كده

صحيح ان ايران والسعوديه و الغرب فى يده كل الأوراق ولكن لا مانع من محاوله التواجد

من غير احكام مسلم بيها

اى واقع سياسى و اى توازن سياسى فى الدنيا قابل للتعديل ولو قليلا !

 

 

[savary]

اقتباس المشاركة الأصلية كتبت بواسطة Prof سافاري طيب في الأغلب الأعم متفق معاك والنظرية ذات نفسها برضه يفترض أن يكون لها قبول عريض بالنظر إلى مظلة شاملة للأمن القومي العربي. لكن كل ده -فيما أرى- يستحيل أن يحققه واحد منتهي الصلاحية زي مصطفى الفقي، بل هو أول عقبة في طريق هذا الكلام أشاسًا.

يبقى نرفض مبدأ التدويل نهائيا
ونقدم مرشح بدليل لمصطفى الفقى

او نرفض التدويل نهائيا برده
ونبقى الفقى حتى الانتخابات الرئاسيه الجديده
ثم يتم تغيره

المشكله ان تدويل هذا المنصب سيعنى حتما انحصار كبير للدور المصرى ولطموحات المشروع المصرى

يكفى تدويل مكان انعقاد القمه

لكن منصب الامين العام يبقى انا كده عامل زى اللى بيرمى فلوس فى الشارع !

زى ما قولت

مصر الكبيره و مصر هى من يتبعها الآخرون و ليست هى من يتبع احدا
ودا فى مصلحه الجميع

الموضوع عامل زى مجموعه مسافره بالعربيه
احسن واحد بيسوق هو اللى يسوق
مش نبدل كلنا حتى اللى لسه جديد و بيسوق على قده

انا شخصيا لا أعتقد ان المشروع القطرى و محاوله قطر البحث عن دور لها فى المنطقه يخدم قضايا العرب فى المنطقه !

هذه السطوه لهذه الدويله التى لا نعلم لها توجهات ولا نعلم لها نوايا
مقصود منه اقصاء من يخشون من تواجده

يخشون من امتداد نفوذه

هى قطر دى لغتها الرسميه ايه أساسا ؟؟
الأنلجيزيه بالأمريكان سلانج ؟

دى قاعده امريكيه و محطه فضائيه والحقوا بيها دوله

هل هى طريقه اخرى لضرب المشروع العربى ليبقى مشروعان فى المنطقه ؟
اما ايرانى و اما امريكى ؟؟؟

القاهره و دمشق و بغداد , هكذا هى الأمور على مر التاريخ