عاجل مساعدة من بدرية والسادة الأفاضل

[سمبا]

الصحف المصرية والعربية

السلام عليكم
هل هنا من يعلم شيئا عن مرض الفص الصدغي الأيمن اعلم اعراضه وعلاجه لكن سؤالي عن تكوين شخصية المريض
الي اي مدي يؤثر المرض علي شخصيته وقدرة استيعابه
ماهي تطورات المرض في حالة فشل العلاج او عدم تناوله من اساسه
هل هو وراثي هل ممكن ان ينتقل للابناء
ارجو ان يفيديني احد بشرح مفصل
ولكم جميعا جزيل الشكر


طبعا يا بدرية هتقولي مش تخصصك ماهو انا ماليش دعوة انا جربت كتير في مواقع عربية طلعت بالاستفادة تحت الصفر فربنا يخليكي شوفي الحكاية دي في مواقع طبية اجنبية وقوليلي عليها

 

[Badroora]

حاضر يا سمبا انت تؤمر بس انا مش عارفه يعنى ايه مرض الفص الصدغي الأيمن قولى معناها ايه بالانجليزي وانا هاتصرف انا اعرف الصدغ اللى اللى هو الخد لما امى كانت تقولى وانا صغيرة لو مبطلتيش لعب فى الكهربا هلطش صداغك: هل كدا انا فاهمة صح ولا غلط.

 

 

[سمبا]

ده اسم العصب الصدغي بالانجليزي
اناكنت فاكر اسم المرض ده بالانجليزي برضه هو قريب منه وعبارة عن كلمة واحدة بس نسيتها
Temporal nerve

 

 

[Badroora]

اوك يا سمبا ...حاضر هاقرا عنه واجبلك كل المعلومات

 

 

[سمبا]

انااسف نسيت اقولك
ان هو صرع الفص الصدغي الايمن
مش مرض الفص الصدغي

 

 

[Badroora]

الصرع عموما على حسب المسبب يعنى لو الصرع وراثى او بدون سبب هيبقي مزمن وممكن يتنقل للاطفال بالتاكيد..

لو الصرع نتيجة ورم فى المخ او مثلا مشكلة فى الفص الصدغى الدماغى مجرد استئصال الورم او العصب نفسه المريض بيخف وفى الحالة دى مش هيكون وراثى ولا حاجة.


السؤال الاول ..تأثير صرع الفص الامامى الصدغى على تكوين شخصية المريض .


1- بيكون له اثار كبيرة جدا على شخصية المريض

- الكلام ..يكرر الكلام بصورة مرضية

- انعدام الثقة بالنفس والوسوسة

- سلوك عدوانى

تغير فى النشاط الجنسي (زيادة فى النشاط)

- اضطراب الذاكرة

-اكتئاب

- التقوى المبالغ فيها

- التباعية

-الاحساس بالذنب (مذنب)

- الاهتمام بالفلسفة


الاستنتاجات : المرضى الذين يعانون من الصرع الفص الامامى الصدغى

لها نسبة اعلى من حالات اضطرابات الشخصيه والعاطفية ،

شوف كدا دا اللى انت عاوزة ولا عاوز تفاصيل اكتر من كدا قول رايك و بعدين نكمل

.

المواجع دى ممكن تترجمها من ع النت او حتى بجوجل للترجمة وتقرى او تتأكد من المعلومات الموجودة انا حاولت اختصر قد ماقدر شوف انت لو عاوز تفاصيل اكتر حدد لى وانا فى الخدمة .

Reference 1

Reference 2


Reference 3

 

 

[سمبا]

كده اوك يا بدرية ربنا يخليكي
بس عايز اعرف في حالة عدم تناول المريض علاج الصرع ايه تطورات الحالة

 

 

[Badroora]

ادوية الصرع بتتحكم فى نوبات الصرع التى يصاب بها المريض .. وعدم الاستمرار او الاستجابة للعلاج هتزود عدد نوبات الصرع (التشنج) وزى مانت عارف ممكن اثناء النوبة المريض يبلع لسانه ويسد الجهاز التنفسي ويصاب باختناق .

او كثرة نوبات الصرع المتتالية ممكن تؤثر على المخ او تسبب اصابات اثر السقوط المفاجيء على الارض.

وطبعا كل التاثيرات اللى ذكرتها اعلاه فى المشاركة السابقة لو المريض لم يخضع للعلاج او رفضه اكيد هتزيد وهتطور لمشاكل اكبر.

يا رب اكون قدرت اساعدك

اى خدمة يا سمبا

 

 

[سمبا]

انا معاكي يا بدرية ان نوبات الصرع هتزيد بس ده بالنسبة للصرع التشنجي
ام صرغ الفص الصدغي الايمن بتكون اعراضه عبارة عن نوبات لا وعي اثناء نوم المريض
بمعني انه يصحي يتكلم او يثور او يسئل اسئلة غريبة ويرجع ينام تاني والنوع ده مالوش اي اعراض تشنجية لكن اللي معروفوش فعلا هو بيتطور زي اي مرض عضوي ولا لأ
شكرا يا بدرية لتوضيحك تعبتك معايا

 

 

[Badroora]

كلامك صح يا سمبا انا خلطت بين الصرع العادى والصرع الصدغى الايمن.. بس بردوا الفكرةواحدة
صرع الفص الصدغى الايمن بيكون فى كهربة زيادة فى المخ اى ينعم التشنجات مش بتكون ظاهرة زى الصرع العادى ولكن بتتصرف بطريقة اخرى على هيئة الاتى .
فقدان الوعى ..ودى طبعا خطيرة جدا وخصوصا لو المريض فقد الوعى وهو نائم ممكن يجيله موت مفاجيء.
الكهربة الزائدة بتظهر على هيئة سلوك عدوانى ..انفصال عن الواقع هلوسنات سمعية وبصرية تصرفات لا ارادية .. العلاج دوره هنا انه بيحد او بيحكم هذه الاعراض ..ولو لم يتم العلاج بالطبع الاعراض هتزيد وهتبقي مشكلة ..وخصوصا كهربة المخ الزائدة دى عبيء على المخ ولازم تخرج او تتوقف ..العلاج بيصرفها بطرق مشروعة ام بدون علاج هتخرج زى ماقولت فى هيئة سلوك عدوانى ...اضطرابات فى النوم ..ضعف التركيز.
ونوبات صرع تشنجية.