زهقان من البيت و الشغل اروح فييييييييييييييييين؟

[طارق السعد]

الصحف المصرية والعربية

السلام عليكم ورحمة الله وبركاته

زهقان من البيت و الشغل اروح فييييييييييييييييين؟

عايز اغير جو و لو قلت لمراتى اروح اغير جو يومين لوحدى او مع الاصدقاء حتزعل

ينفع اعمل حركة افلام عربى بتاعة زمان و اقولها عندى ماموريه و اروح اغير جو يومين و انطلق و اعمل ريفرش لدماغى
تعبت من الضغوط و حفيص و محدش حيلاقينى

 

[imatinib]

وعليكم السلام و رحمة الله و بركاته
اعمل اتفاق مع مراتك/انا يوم و انت يوم/و فسحها يوم/ واطلع فى يومك زى مانت عايز

 

 

[طارق السعد]

انا قصدى عاوز اعمل فصل يومين تلاته خارج من كل المسؤوليات يعنى اسافر
و هى مبتحبش كده اعمل ايه انا بقى انا بقى

 

 

[عالي مستواها]

يعتمد هتسافر فين؟ طبعا مش هتسمحلك تسافر اخر الدنيا

 

 

[طارق السعد]

اقتباس المشاركة الأصلية كتبت بواسطة عالي مستواها يعتمد هتسافر فين؟ طبعا مش هتسمحلك تسافر اخر الدنيا

لا طبعا انا بتكلم على حاجة كده .............مسافة السكة

 

 

[BenNeal]

انت عندك الخيارات الآتية:
١. ان تذهب وحدك للترفيه عن نفسك بدون ان تخبر زوجتك. فاذا كان هذا هو اختيارك فدعنى اذكرك بالنقاط التالية.
١.١ هل ترضى ان تعاملك زوجتك بالمثل؟
١.٢ ان ذهبت الى مكان ترفيهى قد يكون فيه من المغريات التى قد تدفعك الى المعصية وان كانت فى قلبك فقط.
١.٣ ماذا يكون موقفك لو حدث شيئ لا قدر الله لزوجتك او احد من اطفالك اثناء غيابك كمرض او حادث؟ هل ستسامح نفسك بعد فشلك فى تأدية واجبك؟
١.٤ ماذا انت فاعل اذا لا قدر الله حدث شيئ لك و كيف تلقى ربك وانت كاذب على اهل بيتك و مقصر فى اداء واجبك؟
١.٥ ماذا انت فاعل اذا لا قدر الله حدث شيئ لك واضطررت للاتصال بزوجتك؟ ستفقد ثقتها بك الى الأبد.
She might forgive you, but she will never forget


٢. ان تذهب وحدك للترفيه عن نفسك بعد ان تخبر زوجتك. فاذا كان هذا هو اختيارك فدعنى اذكرك بالنقاط التالية.
٢.١ ثق تماما انك ان حصلت على موافقتها على الرحلة فهذا لا يعنى ابدا انك قد حصلت ايضا على رضاها عن الرحلة.
٢.٢ مهما كانت ثقة الزوجه بزوجها فان سفرك لرحلة ترفيهية لوحدك قد يزرع فى قلبها الشك او الغيرة وانت فى غنى عن كليهما.
٢.٣ لا قدر و اصيب احد اطفالك او زوجتك بحادث طفيف (يعنى الواد يقع من على العجلة او البنت دخل فى صابعها شوكة او ان بلاعة الحوض تتسد) فان زوجتك لن تسامحك و ستذكرك بهذه "المأساة" كما لو كانت نهاية الدنيا.


٣. ان تجبر زوجتك على الذهاب معك. فاذا كان هذا هو اختيارك فدعنى اذكرك بالنقاط التالية.
٣.١ هاتنغص عليك عشتك (آسف لسوقية الالفاظ) لو حصلت اى حاجة غلط زى لقت صرصار فى حمام الفندق او الاتوبيس او الطيارة اتاخروا دقيقتين.
٣.٢ عمرها ما تتحسبلك كفسحة ترفيهية فى ميزان حسناتك عندها مهما كان جمال مكان الزيارة او تكلفة الرحلة.

وانا ارى ان تختار واحدة من الآتيين:
أ. ان تأخذها الى فندق راق بنفس مدينتك و تقضى به ليلة او اتنين.
ب. انت تذهب لعمل عمرة. اعتقد انك ستجد راحة البال و تكسب رضا الله و الزوجة فى نفس الوقت.
ت. ان تصبر كلما اشتد الضيق بك تذكر اننا مهما ضاق الحال بنا افضل من ناس كتير اوى. (الحمد لله).


يعنى من الآخر هو ده الجواز و دخول الحمام مش زى خروجه (واعتذر مرة اخرى لسوقية المثل).


Good luck

 

 

[تكسير]

اقتباس المشاركة الأصلية كتبت بواسطة طارق السعد السلام عليكم ورحمة الله وبركاته زهقان من البيت و الشغل اروح فييييييييييييييييين؟ عايز اغير جو و لو قلت لمراتى اروح اغير جو يومين لوحدى او مع الاصدقاء حتزعل ينفع اعمل حركة افلام عربى بتاعة زمان و اقولها عندى ماموريه و اروح اغير جو يومين و انطلق و اعمل ريفرش لدماغى تعبت من الضغوط و حفيص و محدش حيلاقينى

خلي ليك ساعة في اليوم , لك وحدك
اطلع السطح , أقف في البلكونة , في السرداب , في الصندرة في السيارة في إي حتة بس ما تكنش بعيد عن البيت

خد معاك قلم حلو بتحبه , وكراسة , وقران , أكتب شوية , أقرأ شوية , أحفظ شوية
حتلاقي الساعة عدت بسرعة
وحتدمن الحكاية دي

 

 

[ysma]

اقتباس المشاركة الأصلية كتبت بواسطة BenNeal انت عندك الخيارات الآتية: ١. ان تذهب وحدك للترفيه عن نفسك بدون ان تخبر زوجتك. فاذا كان هذا هو اختيارك فدعنى اذكرك بالنقاط التالية. ١.١ هل ترضى ان تعاملك زوجتك بالمثل؟ ١.٢ ان ذهبت الى مكان ترفيهى قد يكون فيه من المغريات التى قد تدفعك الى المعصية وان كانت فى قلبك فقط. ١.٣ ماذا يكون موقفك لو حدث شيئ لا قدر الله لزوجتك او احد من اطفالك اثناء غيابك كمرض او حادث؟ هل ستسامح نفسك بعد فشلك فى تأدية واجبك؟ ١.٤ ماذا انت فاعل اذا لا قدر الله حدث شيئ لك و كيف تلقى ربك وانت كاذب على اهل بيتك و مقصر فى اداء واجبك؟ ١.٥ ماذا انت فاعل اذا لا قدر الله حدث شيئ لك واضطررت للاتصال بزوجتك؟ ستفقد ثقتها بك الى الأبد. She might forgive you, but she will never forget ٢. ان تذهب وحدك للترفيه عن نفسك بعد ان تخبر زوجتك. فاذا كان هذا هو اختيارك فدعنى اذكرك بالنقاط التالية. ٢.١ ثق تماما انك ان حصلت على موافقتها على الرحلة فهذا لا يعنى ابدا انك قد حصلت ايضا على رضاها عن الرحلة. ٢.٢ مهما كانت ثقة الزوجه بزوجها فان سفرك لرحلة ترفيهية لوحدك قد يزرع فى قلبها الشك او الغيرة وانت فى غنى عن كليهما. ٢.٣ لا قدر و اصيب احد اطفالك او زوجتك بحادث طفيف (يعنى الواد يقع من على العجلة او البنت دخل فى صابعها شوكة او ان بلاعة الحوض تتسد) فان زوجتك لن تسامحك و ستذكرك بهذه "المأساة" كما لو كانت نهاية الدنيا. ٣. ان تجبر زوجتك على الذهاب معك. فاذا كان هذا هو اختيارك فدعنى اذكرك بالنقاط التالية. ٣.١ هاتنغص عليك عشتك (آسف لسوقية الالفاظ) لو حصلت اى حاجة غلط زى لقت صرصار فى حمام الفندق او الاتوبيس او الطيارة اتاخروا دقيقتين. ٣.٢ عمرها ما تتحسبلك كفسحة ترفيهية فى ميزان حسناتك عندها مهما كان جمال مكان الزيارة او تكلفة الرحلة. وانا ارى ان تختار واحدة من الآتيين: أ. ان تأخذها الى فندق راق بنفس مدينتك و تقضى به ليلة او اتنين. ب. انت تذهب لعمل عمرة. اعتقد انك ستجد راحة البال و تكسب رضا الله و الزوجة فى نفس الوقت. ت. ان تصبر كلما اشتد الضيق بك تذكر اننا مهما ضاق الحال بنا افضل من ناس كتير اوى. (الحمد لله). يعنى من الآخر هو ده الجواز و دخول الحمام مش زى خروجه (واعتذر مرة اخرى لسوقية المثل). Good luck

ما إنت مش واخد بالك إن الراجل فى البلاد العربية و خاصة فى ماسر يفعل ما يشاء لكن الست ... الست عليها الويل و الثبور و عظائم الأمور

 

 

[BenNeal]

اقتباس المشاركة الأصلية كتبت بواسطة ysma ما إنت مش واخد بالك إن الراجل فى البلاد العربية و خاصة فى ماسر يفعل ما يشاء لكن الست ... الست عليها الويل و الثبور و عظائم الأمور

اعتقد اننى حاولت ان اوضح فى ردى باننى لا اعطى الزوج اى حقوق انكرها على الزوجة. فاذا حدث اى لبس فقد خاننى التعبير.

اما ان الرجل فى البلاد العربية "يفعل ما يشاء" بينما الزوجة "عليها الويل و الثبور و عظائم الأمور" فبالطبع انا لا استطيع ان اتكلم عن كل الرجال و لكنى استطيع ان اؤكد ان هذا لا ينطبق على معظم اقاربى و اصدقائى.

 

 

[IEU]

اقتباس المشاركة الأصلية كتبت بواسطة طارق السعد السلام عليكم ورحمة الله وبركاته زهقان من البيت و الشغل اروح فييييييييييييييييين؟ عايز اغير جو و لو قلت لمراتى اروح اغير جو يومين لوحدى او مع الاصدقاء حتزعل ينفع اعمل حركة افلام عربى بتاعة زمان و اقولها عندى ماموريه و اروح اغير جو يومين و انطلق و اعمل ريفرش لدماغى تعبت من الضغوط و حفيص و محدش حيلاقينى

ــــــــــــــــــــــــــــــــــــــــــــــــــ ــــــــــ

على فكرة انت لو خرجت مراتك، حتخليك تخرج مع اصحابك ومش حتزعل. انا شايفة مافيش داعي للكذب.