مغامرات ختم ظرف الشهاده لل WES - منتديات المطاريد
بسم الله الرحمن الرحيم
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ (84) وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِندَهُ عِلْمُ السَّاعَةِ وَإِلَيْهِ تُرْجَعُونَ (85) "الزخرف"

منتديات المطاريد | الهجرة الى كندا | الهجرة الى استراليا

 


DeenOnDemand


BBC NEWS

    آخر 10 مشاركات

    Arabic Discussion Forum with a Special Interest in Travel and Immigration

    Immigration to Canada, Australia, and New Zealand

    Egypt and Middle East Politics, History and Economy

    Jobs in Saudi Arabia, USA, Canada, Australia, and New Zealand

    العودة   منتديات المطاريد > شؤون المغتربين > الهجرة إلى كندا

    الهجرة إلى كندا
    المنتدى بإشراف Ehab Salem,Remon.soliman,Muhammad Gad

    الهجرة إلى كندا

    مغامرات ختم ظرف الشهاده لل WES


    الهجرة إلى كندا والولايات المتحدة واستراليا

    مواقع هامة وإعلانات نصية

    إضافة رد
     
    أدوات الموضوع انواع عرض الموضوع
    قديم 17th March 2015, 10:50 AM khaled_sabry غير متواجد حالياً
      رقم المشاركة : 1
    Senior Member
     





    khaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud of

    khaled_sabry's Flag is: Egypt

    افتراضي مغامرات ختم ظرف الشهاده لل WES

    أنا : khaled_sabry




    السلام عليكم
    معظمكم مش واخد باله من اول خطوه فى خطوات الهجره و غالبا بينسى اتعملت ازاى لانها بتتعمل مره واحده و خلاص
    اقصد طبعا الختم على الظرف بتاع الشهاده اللى بتتبعت لل WES
    للاسف دى الخطوه الوحيده تقريبا اللى بتتحوج فيها للبروقراطيه المصريه و غالبا الجامعه بترفض ختم الظرف
    انا كنت حاولت مع جامعتى (جامعه اسيوط) و طبعا رفضو يختمو على الظرف
    و بالتالى اطريت انى ابعت الظرف و انا خاتمه باى ختم (مش ختم النسر) على اساسا انهم مش حيلاحظو
    فلاقيتهم بعتولى و بيقولو لازم يتختم بختم الجامعه
    طبعت الميل و روحت بيه المجلس الاعلى للجامعات (اللى فى جامعه القاهره) و روحت جامعه اسيوط تانى و برضه نفس الرد و ان الجهه دى اصلا مش معتمده لديهم علشان يخاطبوهم
    يعنى من الاخر مافيش اى طريقه انه يتختم بختم مظبوط
    فياريت كل واحد يستعرض هو عمل ايه فى الموقف ده - فيه البعض ختمه من حد معرفه فى المجلس المحلى و البعض من اى جهه تانيه
    انا عاوز استفيد من خبراتكم فى الجزئيه دى لانى محبط جدااا و خصوصا من بعد نظام ال Express entry

     

    الموضوع الأصلي : مغامرات ختم ظرف الشهاده لل WES     -||-     المصدر : منتديات المطاريد     -||-     الكاتب : khaled_sabry

     

     


     
    رد مع اقتباس


    Latest Threads By This Member
    Thread Forum Last Poster Replies Views Last Post
    تعديل اسمى الى K.Fahmy إقتراحات ... مشاكل تقنية Admin 1 12886 27th March 2018 08:49 AM
    الحلم الامريكي VS الدب الكندى أبناؤنا فى الخارج AhmedME 18 9089 17th May 2017 08:21 AM
    دراسه ماجستير علوم حاسب فى امريكا الدراسة فى كندا واستراليا واوروبا khaled_sabry 19 11729 25th February 2017 07:27 PM
    الجزء الثانى : طريقه التقديم فى Saskatchewan -... مقاطعات كندا عبير الجنة 181 49468 26th October 2016 01:19 PM
    الهجره الى سلوفاكيا - ب 6000 يورو فقط الهجرة إلى أستراليا ونيوزيلاندا والسويد فادي الشيخ 46 46958 5th October 2016 09:24 AM

    قديم 18th March 2015, 10:06 AM mahmoud serafy غير متواجد حالياً
      رقم المشاركة : 2
    mahmoud serafy
    Member





    mahmoud serafy will become famous soon enough

    mahmoud serafy's Flag is: Egypt

    افتراضي

    أنا : mahmoud serafy





    يا باشا انا قلت لحضرتك قبل كده
    انت تقدر تقاضيهم وتوديهم في داهية
    لان الورقة الي هيمضوها ويختموها مفادها انهم بيبعتوا بيان تقديراتك للجهة دي بره , اللي هي رسميا بتطلب افادة بموقفك
    فاضعف الايمان هو انهم يقولولك احنا هنرد بمعرفتنا , ويقوموا هما بارسال البيان مع الخطاب في ظرف مختوم
    لازم تبقي فاهم ان ده حقك وهما كده بيوزعوك وخلاص
    قوللهن ان ده هيأثر علي تصنيف الجامعة وانك هتشردهم وحتكبر الموضوع
    يختاروا حاجة من الاتنين
    يا يختمولك الحاجة يا يبعتوها مختومة بمعرفتهم
    اما التجاهل فهو مش من حقهم وهو غير قانوني, لانه بالظبط عامل زي ما واحد جاتله وظيفة والجهة طلبت مؤهله فالجامعة رفضت افادته

     

     


     
    رد مع اقتباس

    قديم 19th March 2015, 07:40 AM al mohager غير متواجد حالياً
      رقم المشاركة : 3
    al mohager
    Member





    al mohager is on a distinguished road

    al mohager's Flag is: Egypt

    افتراضي

    أنا : al mohager







    و عليكم السلام و رحمة الله و بركاته
    بص يا أستاذ خالد
    أنا في الأول واجهت نفس المشكلة بتاعتك لما كنت بسأل شئون الطلبة و شئون الخريجين و قالولي ما ينفعش و ما نقدرش و الكلام ده لكن اكتشفت ان الجهة الوحيدة المسئولة عن الموضوع ده هي مكتب عميد الكلية لأن ده المكان الوحيد في الكلية اللي بيبقى عندهم ظرف عليه شعار الكلية و الجامعة و هما فقط المسئولين عن المكاتبات الرسمية باسم الكلية
    رحت لمكتب العميد و دخلت على السكيرتارية قلتلهم أنا عاوز احط الشهادة دي في ظرف عليه شعار الكلية عشان هبعته لجهة لمعادلة الشهادات في كندا
    لقيت الموظفة بكل سهولة طلعتلي الظرف و قالتلي لازم تكتب اسم و عنوان الجهة على الظرف كتبت العنوان بتاع WES و هي اخدت الظرف و قفلته و ختمت عليه .... بس خلاص خلص الموضوع بكل سهولة بعد ما موظفين شئون الطلبة قفلوا الدنيا في وشنا

    الخلاصة أن الموظفين مش فاهمين و بيخافوا إنما مكتب العميد عارفين الموضوع و مجربينه كذا مرة قبل كده ليه؟؟ .... عشان أي خريج أو معيد بيروح يدرس بره مصر لازم يعمل الخطوة دي و في معيدين بيبعتوا الظرف للجامعة مباشرة أو لجهة معادلة الشهادات المعترف بيها من الجامعة زي WES
    عشان كده السكرتيرة فاهمة و خلصت الموضوع بسرعة

    طيب و انا رايح للحوار ده اخدت معايا كام ورقة من موقع الWES احتياطي عشان لو الموظف مش فاهم افهمه تطبعهم من موقع WES و تاخدهم معاك

    دي فيها الورق المطلوب بالعربي و فيها كمان عنوان WES اللي هتكتبه على الظرف
    https://www.wes.org/ca/required/egypt.asp

    و دي فيها كيفية وضع الشهادة في الظرف و الختم
    https://www.wes.org/required/WES_Sealed_Envelope.png



    و تطلع على مكتب العميد و لو السكرتيرة عصلجت تطلب مقابلة العميد و توريله الورقة و تفهمه و هو اكيد فاهم عشان حضر دراسات عليا و مر عليه الموضوع ده أو على زمايله
    و لو ما عرفتش تقابل العميد تطلع لوكيل الكلية تقابله و لو معرفتش تروح لأي رئيس قسم في الكلية أو دكتور و كلهم هيبقوا فاهمين عشان عملوا الخطوات دي قبل كده و غالبا هتلاقي حد يساعدك و طبعا التوفيق من عند ربنا فمتنساش قبل ما تنزل تصلي ركعتين قضاء حاجة و تتوكل على الله و باذن الله هترجع و أمورك تمام و تدعيلي

    في ملاحظة صغيرة حصلت مع ناس .. نقولها للفايدة

    بعض الموظفين بيقفل الظرف بالسلوتب (اللزق) و بعدين يحط الختم فوق السلوتب و طبعا كده الختم مجرد ما ييجي عليه صباعك هيتمسح فالحل انك تلحقة قبل ما يلزق السلوتب و تخليه يختم الأول على قفلة الظرف و بعدين يحط السلوتيب ... المشكلة دي حصلت قدامي مرتين من موظفين مختلفين ...
    بالتوفيق للجميع باذن الله

     

     


     
    رد مع اقتباس

    قديم 19th March 2015, 08:27 AM khaled_sabry غير متواجد حالياً
      رقم المشاركة : 4
    khaled_sabry
    Senior Member
     





    khaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud of

    khaled_sabry's Flag is: Egypt

    افتراضي

    أنا : khaled_sabry




    اقتباس
    مشاهدة المشاركة المشاركة الأصلية كتبت بواسطة mahmoud serafy
    يا باشا انا قلت لحضرتك قبل كده
    انت تقدر تقاضيهم وتوديهم في داهية
    لان الورقة الي هيمضوها ويختموها مفادها انهم بيبعتوا بيان تقديراتك للجهة دي بره , اللي هي رسميا بتطلب افادة بموقفك
    فاضعف الايمان هو انهم يقولولك احنا هنرد بمعرفتنا , ويقوموا هما بارسال البيان مع الخطاب في ظرف مختوم
    لازم تبقي فاهم ان ده حقك وهما كده بيوزعوك وخلاص
    قوللهن ان ده هيأثر علي تصنيف الجامعة وانك هتشردهم وحتكبر الموضوع
    يختاروا حاجة من الاتنين
    يا يختمولك الحاجة يا يبعتوها مختومة بمعرفتهم
    اما التجاهل فهو مش من حقهم وهو غير قانوني, لانه بالظبط عامل زي ما واحد جاتله وظيفة والجهة طلبت مؤهله فالجامعة رفضت افادته

    يافندم اقاضى مين ؟؟
    انتا بلدك دى مش بتاعت قضاء و كلام من ده و عاوزه الدراع
    و هما عارفين كده كويس
    كلهم دماغهم انهم مش عاوزين يحطو نفسهم فى موقع مسئوليه لحسن اكون بنصب عليهم و لا حاجه

    اقتباس
    مشاهدة المشاركة المشاركة الأصلية كتبت بواسطة al mohager

    أنا في الأول واجهت نفس المشكلة بتاعتك لما كنت بسأل شئون الطلبة و شئون الخريجين و قالولي ما ينفعش و ما نقدرش و الكلام ده لكن اكتشفت ان الجهة الوحيدة المسئولة عن الموضوع ده هي مكتب عميد الكلية لأن ده المكان الوحيد في الكلية اللي بيبقى عندهم ظرف عليه شعار الكلية و الجامعة و هما فقط المسئولين عن المكاتبات الرسمية باسم الكلية
    رحت لمكتب العميد و دخلت على السكيرتارية قلتلهم أنا عاوز احط الشهادة دي في ظرف عليه شعار الكلية عشان هبعته لجهة لمعادلة الشهادات في كندا
    لقيت الموظفة بكل سهولة طلعتلي الظرف و قالتلي لازم تكتب اسم و عنوان الجهة على الظرف كتبت العنوان بتاع WES و هي اخدت الظرف و قفلته و ختمت عليه .... بس خلاص خلص الموضوع بكل سهولة بعد ما موظفين شئون الطلبة قفلوا الدنيا في وشنا

    ماهو انا عملت كده - اول مكان روحته خالص كان هو مكتب عميد الكليه - لما دخلت للسكرتاريه قالولى مانعرفشى و دخلونى للعميده بشكل مباشر
    العميده "شخصيا" ما اهتمشى اصلا انها تقرى الورقه و وش كده قالتلى احنا مش بنمضى غير على ورق رسمى من عندنا او ورق جاى من جهه رسميه مش ورق مطبوع من النت
    قولتلها انا عاوز الختم على قفل ظرف الكليه - قالتلى و ايه بقى ظرف الكليه تقصد ظرف حكومى عادى !!! قولت ماعلينا اى ظرف بس يتختم على قفله قالتلى ماينفعشى اختم على اى ظرف ابيض هو الختم ده لعبه و لا ايه
    قولتلها على WES قالتلى ماعرفهاش و احنا بنراسل العالم كله و مش معقول يبقى فيه حاجه كده و ماكونشى سمعت عنها

    اكرر تانى الموظفين مش عارفين لكن المره دى بتكلم مع العميده نفسها
    بعد كده روحت شئون خريجين الجامعه (مش الكليه) و الموظفين اللى هناك مافهموش حاجه و قفلوها
    بعد كده روحت المجلس الاعلى للجامعات - موظفي هما اللى قابلونى و الصراحه كانو متفهمين و قرو الورقه بس برضه ماساعدونيش

    فمن الاخر انى امشى الموضوع رسمى مش حينفع نهائى - فانا فاتح الموضوع ده علشان اسمع اقتراحات التحايل على الموضوع ده

     

     


     
    رد مع اقتباس

    قديم 19th March 2015, 09:06 AM al mohager غير متواجد حالياً
      رقم المشاركة : 5
    al mohager
    Member





    al mohager is on a distinguished road

    al mohager's Flag is: Egypt

    افتراضي

    أنا : al mohager




    !For Medical Professionals Only



    بص حاول تشوف حد من الدكاتره أو المعيدين درس بره مصر و يكون متعاون و يساعدك و يطلع يشرح للعميدة
    أو حاول تدخل على موقع أي جامعة من جامعات كندا و تطبع الورقة و تروح على إنك هتقدم في الجامعة و حتى لو اضطريت تكتب عنوان الجامعة على الظرف و تكتب جنبه عنوان WES بعد ما تاخد الظرف عادي هتمشي

    كمان ممكن تتكب عنوان أي جامعة معروفة في كندا بالقلم الجاف اللي بيتمسح (هتلاقيه في المكتبات الكبيرة زي مكتبة سمير و علي) و لما تاخد الظرف تمسحه

    أخيرا ممكن تشوف أي موظف في شئون الطلبة تشرحله موقفك و تغمزه عشان يحطلك الختم و الموظف ده ممكن تعرفه من الفراشين بعد ما تغمزهم برده

    و أخيرا تشوفلك حد في مجلس محلي و لا محافظة يختملك
    أو تشوف محامي مكحرت شاب كده يروح الكلية و يسلكلك الموضوع

    و عليك قبل كل ده الاستعانة بربنا و باذن الله هتخلصها
    و ربنا يتوب علينا من الغمز و الموظفين اللي مش بيفهموا و لا بيساعدوا



     

     


     
    رد مع اقتباس

    قديم 22nd March 2015, 10:54 PM shawi غير متواجد حالياً
      رقم المشاركة : 6
    shawi
    Colonel
     





    shawi has a reputation beyond reputeshawi has a reputation beyond reputeshawi has a reputation beyond reputeshawi has a reputation beyond reputeshawi has a reputation beyond reputeshawi has a reputation beyond reputeshawi has a reputation beyond reputeshawi has a reputation beyond reputeshawi has a reputation beyond reputeshawi has a reputation beyond reputeshawi has a reputation beyond repute

    shawi's Flag is: Canada

    افتراضي

    أنا : shawi




    انا والله عارف ظروفك
    لاني بره مصر وكان لازم اعمل كده قبل ما يبقى ويز هو الاساس
    وخدت معايا سنه لغايه ما ناس ربنا يفتح عليهم جوه الكليه فهموا بالظبط ايه اللي انا عاوزه وان الموضوع مفيهوش مسؤليه عليهم وانا دفعت تكاليف الدي اتش ال وكل حاجه
    للاسف فيه بعض الموظفين بيغلقوا الابواب وهم مش فاهمين ان اللي بيعملوه غلط
    اسال الله العظيم رب العرش العظيم ان يساعدك في قضاء حاجتك.........لا استطيع غير الدعاء لك بظهر الغيب

     

     


     
    رد مع اقتباس

    قديم 23rd March 2015, 05:53 PM EG_Mohamed غير متواجد حالياً
      رقم المشاركة : 7
    EG_Mohamed
    Member
     





    EG_Mohamed is a jewel in the roughEG_Mohamed is a jewel in the roughEG_Mohamed is a jewel in the rough

    EG_Mohamed's Flag is: Egypt

    افتراضي

    أنا : EG_Mohamed



    دعوه لموضوعي

    هو بالنسبة للورقة المطبوعة من على الموقع، هى مش ضرورية أو إلزامية، و فى نفس ذات الوقت هى أكتر حاجة بتقلق الناس إنهم يملوها.

    فحضرتك ممكن تستنى شوية و تجرب تانى، بس متجيبش سيرة الورقة خالص، مجرد بيان الدرجات فى "أى" ظرف لو حتى أبيض، و مختوم على قفلته بختم الكلية.

    و ربنا يوفقك إن شاء الله.

     

     


     
    رد مع اقتباس

    قديم 14th August 2015, 01:11 PM s_m_e_m غير متواجد حالياً
      رقم المشاركة : 8
    s_m_e_m
    Junior Member





    s_m_e_m is on a distinguished road

    s_m_e_m's Flag is: Egypt

    افتراضي

    أنا : s_m_e_m




    سؤال من فضلك هو لو الكلية ختمت على الظرف اللي فيه اوراق الكلية (بيان الدرجات والشهادة) هل لازم هي اللي تبعته ولا ممكن انا اللي ابعته؟ عشان لقيت مكتوب على موقع wes انه الكلية لازم هي اللي تبعته

     

     


     
    رد مع اقتباس

    قديم 14th August 2015, 01:12 PM s_m_e_m غير متواجد حالياً
      رقم المشاركة : 9
    s_m_e_m
    Junior Member





    s_m_e_m is on a distinguished road

    s_m_e_m's Flag is: Egypt

    افتراضي سؤال بسيط

    أنا : s_m_e_m




    اقتباس
    مشاهدة المشاركة المشاركة الأصلية كتبت بواسطة EG_Mohamed
    هو بالنسبة للورقة المطبوعة من على الموقع، هى مش ضرورية أو إلزامية، و فى نفس ذات الوقت هى أكتر حاجة بتقلق الناس إنهم يملوها.

    فحضرتك ممكن تستنى شوية و تجرب تانى، بس متجيبش سيرة الورقة خالص، مجرد بيان الدرجات فى "أى" ظرف لو حتى أبيض، و مختوم على قفلته بختم الكلية.

    و ربنا يوفقك إن شاء الله.



    سؤال من فضلك هو لو الكلية ختمت على الظرف اللي فيه اوراق الكلية (بيان الدرجات والشهادة) هل لازم هي اللي تبعته ولا ممكن انا اللي ابعته؟ عشان لقيت مكتوب على موقع wes انه الكلية لازم هي اللي تبعته

     

     


     
    رد مع اقتباس

    قديم 15th August 2015, 12:47 AM sara.hassan غير متواجد حالياً
      رقم المشاركة : 10
    sara.hassan
    Junior Member





    sara.hassan is on a distinguished road

    sara.hassan's Flag is: Egypt

    افتراضي

    أنا : sara.hassan




    بالنسبه لسؤال حضرتك ان الزامى الكليه تبعته ولا لا ؟؟؟ فا هما كاتبين ان الكليه تبعته بمعرفتها او حضرتك تختمها منهم و تبعتها انت بنفسك


    انا عندى مشكلة تانيه خالص انا مش لاقيه اسم كليتى (كليه خاصه) على الموقع عشان اكمل بقيت الاجراءات ايه العمل ؟؟؟؟؟؟؟؟؟

    و كمان هى كلمة نسخ يقصدوا بيها نسخ اصليه ولا نسخ تصوير من الورق ؟؟؟؟

     

     



    التعديل الأخير تم بواسطة sara.hassan ; 15th August 2015 الساعة 01:01 AM سبب آخر: اضافة سؤال
     
    رد مع اقتباس

    إضافة رد

    مواقع النشر (المفضلة)

    الكلمات الدلالية (Tags)
    مغامرات, الشهاده

    مغامرات ختم ظرف الشهاده لل WES

    « الموضوع السابق | الموضوع التالي »
    أدوات الموضوع
    انواع عرض الموضوع

    الانتقال السريع

    Currency Calculator
    Your Information
    RSS RSS 2.0 XML MAP HTML


    Powered by vBulletin® Version 3.8.8
    .Copyright ©2000 - 2024, Jelsoft Enterprises Ltd
    (جميع الأراء والمواضيع المنشورة تعبِّر عن رأي صاحبها وليس بالضرورة عن رأي إدارة منتديات المطاريد)
    SSL Certificate   DMCA.com Protection Status   Copyright  


    تنبيه هام

     يمنع منعاً باتاً نشر أى موضوعات أو مشاركات على صفحات منتديات المطاريد تحتوى على إنتهاك لحقوق الملكية الفكرية للآخرين أو نشر برامج محمية بحكم القانون ونرجو من الجميع التواصل مع إدارة المنتدى للتبليغ عن تلك الموضوعات والمشاركات إن وجدت من خلال البريد الالكترونى التالى [email protected] وسوف يتم حذف الموضوعات والمشاركات المخالفة تباعاً.

      كذلك تحذر إدارة المنتدى من أى تعاقدات مالية أو تجارية تتم بين الأعضاء وتخلى مسؤوليتها بالكامل من أى عواقب قد تنجم عنها وتنبه إلى عدم جواز نشر أى مواد تتضمن إعلانات تجارية أو الترويج لمواقع عربية أو أجنبية بدون الحصول على إذن مسبق من إدارة المنتدى كما ورد بقواعد المشاركة.

     إن مشرفي وإداريي منتديات المطاريد بالرغم من محاولتهم المستمرة منع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات وإن وجدت اى مخالفات يُرجى التواصل مع ادارة الموقع لإتخاذ اللازم إما بالتبليغ عن مشاركة مخالفة أو بالتراسل مع الإدارة عن طريق البريد الالكترونى التالى [email protected]