المختصر المفيد في نظام الهجرة الجديد لكندا Express Entry - منتديات المطاريد
بسم الله الرحمن الرحيم
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ (84) وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِندَهُ عِلْمُ السَّاعَةِ وَإِلَيْهِ تُرْجَعُونَ (85) "الزخرف"

منتديات المطاريد | الهجرة الى كندا | الهجرة الى استراليا

 



BBC NEWS

    آخر 10 مشاركات
    ذكرى من أكتوبر
    (الكاتـب : blue bird ) (آخر مشاركة : حشيش)

    العودة   منتديات المطاريد > شؤون المغتربين > الهجرة إلى كندا > دليلك إلى الهجرة لكندا

    دليلك إلى الهجرة لكندا Your A-Z Guide to Canada Immigration

    دليلك إلى الهجرة لكندا

    المختصر المفيد في نظام الهجرة الجديد لكندا Express Entry


    الهجرة إلى كندا والولايات المتحدة واستراليا

    مواقع هامة وإعلانات نصية

    إضافة رد
     
    أدوات الموضوع انواع عرض الموضوع
    قديم 2nd April 2015, 01:47 PM mostafasaad غير متواجد حالياً
      رقم المشاركة : 1
    Golden Member
     






    mostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond repute

    mostafasaad's Flag is: Egypt

    :Canada: المختصر المفيد في نظام الهجرة الجديد لكندا Express Entry

    أنا : mostafasaad



    دعوه لموضوعي

    بسم الله الرحمن الرحيم

    أعزائي الإخوة المطاريد..

    طبعا انتوا عارفين أن أنا منشئ التوبيك "كل شئ عن نظام الهجرة الجديد لكندا Express Entry" والحمد لله الموضوع أصبح من أهم الموضوعات في أبواب الهجرة .. ولكن المشكلة فيه أننا بدأنا التوبيك في بداية أكتوبر 2014 حينما لم تكن الكثير من المعلومات متوافرة وبالتالي كنا بنكتب المعلومات المتوفرة لدينا ثم تم إضافة معلومات جديدة لاحقا عندما تم الإعلان عن النظام الجديد بالتفصيل في بداية ديسمبر.. ثم ظهرت تفاصيل أكثر وأكثر مع بدء تطبيق النظام في بداية يناير 2015 ثم توالي السحوبات..

    بالإضافة إلى ذلك تم التطرق إلى موضوعات كثيرة ومناقشات متوسعة بين الأعضاء وهذا بالطبع أمر جيد ولكنه يصعب المهمة كثيرا على الوافدين الجدد على الموضوع أو على موضوع الهجرة عموما في الحصول على أي معلومة مما يدفعهم لطرح تساؤلات ربما طرحت من قبل عشرات المرات ولكن يصعب عليهم الوصول إليها بسبب كثرة المشاركات والردود

    لذلك رأيت أن أقوم بإنشاء موضوع جديد يتم فيه شرح النظام الجديد من الألف إلى الياء وشرح خطوات التقديم بحيث يكون مرجعا لمن يريد الحصول على المعلومات حول الموضوع في حين سيتم غلق الموضوع أمام الردود لعدم التشتيت، ويبقى الموضوع الآخر مفتوحا لطرح التساؤلات، وكذلك موضوع المستشار المجاني

    في حالة وجود أي ملاحظة أرجو مراسلتي على الخاص أو على الموضوع المفتوح من أجل تحسين هذا الموضوع والوصول به إلى أعلى مستوى ممكن

     

    الموضوع الأصلي : المختصر المفيد في نظام الهجرة الجديد لكندا Express Entry     -||-     المصدر : منتديات المطاريد     -||-     الكاتب : mostafasaad

     

     


     
    رد مع اقتباس


    Latest Threads By This Member
    Thread Forum Last Poster Replies Views Last Post
    كندا كعب داير الهجرة إلى كندا عبير الجنة 509 165426 12th October 2016 05:40 PM
    المختصر المفيد في نظام الهجرة الجديد لكندا... دليلك إلى الهجرة لكندا muhannadsy 626 194757 2nd April 2015 01:47 PM
    كل شئ عن نظام الهجرة الجديد لكندا Express Entry الهجرة إلى كندا MrWareZ 5653 628246 2nd October 2014 07:19 AM

    قديم 3rd April 2015, 11:35 PM mostafasaad غير متواجد حالياً
      رقم المشاركة : 2
    mostafasaad
    Golden Member
     






    mostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond repute

    mostafasaad's Flag is: Egypt

    افتراضي

    أنا : mostafasaad




    دعوه لموضوعي

    سأبدأ في الكتابة في هذا الموضوع قريبا نظرا لانشغالي حاليا.. فاعذروني وانتظروني

     

     


     
    رد مع اقتباس

    قديم 26th July 2015, 12:07 PM Hany Said غير متواجد حالياً
      رقم المشاركة : 3
    Hany Said
    Member






    Hany Said is on a distinguished road

    Hany Said's Flag is: Egypt

    افتراضي

    أنا : Hany Said





    اقتباس
    مشاهدة المشاركة المشاركة الأصلية كتبت بواسطة mostafasaad
    سأبدأ في الكتابة في هذا الموضوع قريبا نظرا لانشغالي حاليا.. فاعذروني وانتظروني

    ربنا يباركلك يا مهندس مصطفي و الرجاء يكون بسرعة علشان الواحد متلغبط شوية في الموضوع الثاني

     

     


     
    رد مع اقتباس

    قديم 28th July 2015, 10:44 PM shriefpure غير متواجد حالياً
      رقم المشاركة : 4
    shriefpure
    Junior Member





    shriefpure is on a distinguished road

    افتراضي

    أنا : shriefpure




    منتظرينك يا استاذ مصطفى

     

     


     
    رد مع اقتباس

    قديم 5th August 2015, 06:08 PM M. Yousef غير متواجد حالياً
      رقم المشاركة : 5
    M. Yousef
    Member
     





    M. Yousef will become famous soon enoughM. Yousef will become famous soon enough

    M. Yousef's Flag is: Egypt

    افتراضي

    أنا : M. Yousef




    !For Medical Professionals Only

    السلام عليكم

    بعد اذنك يا باشمهندس مصطفى .. انا شفت الناس بتسأل كتير عن ازاى تبدأ ف الاكسبريس انترى و انت مشغول (ربنا يعينك و توصل على خير) ففكرت انى اكتب هنا كام ملاحظة كدا كنت مجمعهم بنية انى اعمل توبك زى دا.. بس انت سبقت بأه

    ف انا هاحط الكلمتين دول و انت تبقى تكملهم و تصلح اللى فيهم لما يبقى عندك وقت ان شاء الله.

    مبدئيا: الاكسبريس انترى مش نظام جديد للهجرة بدل الفيدرال و كيبيك.. هو مجرد طريقة جديدة للتقديم ف نفس الأنظمة القديمة (فيدرال – ترشيح مقاطعة – نظام الخبرة الكندية CEC ) و بيلمهم كلهم تحت سقف واحد زى ما بيقولوا.
    يعنى ايه؟ يعنى انت لسا هتقدم فيدرال... يعنى لازم تتوافر فيك شروط الفيدرال القديمة (ما عدا لستة الوظائف الملعونة ... من النهاردة مافيش لستة.... انا اللستة هههههههه)

    طيب هى ايه كانت شروط الفيدرال (بسرعة كدا للى لسا بادئين مشوار الهجرة و مش عارفين الحاجات دى):

    اولاً: تعدى ال 67 نقطة من 100 اللى بيتحسبو بنفس الطريقة القديمة:

    • 25 نقطة على التعليم: 21 لو بكالوريوس او ليسانس ، 23 لو ماستر و ال 25 كلها لو دكتوراه. و لازم طبعا تعمل تقييم (مش معادلة) من WES لغير المهن الطبية.
    • 28 نقطة على اللغة: 24 نقطة على اللغة الاساسية (جنرال ايلتس لو انجليزى و تيف لو فرنساوى .. بيتحولو الاتنين لحاجة اسمها Canadian Language Benchmark (CLB)) و 4 نقط لو امتحنت اللغة التانية بردو و جبت فيها سكور. تفاصيل حساب النقط حسب سكور كل امتحان موجودة هنا: https://www.cic.gc.ca/english/immigra...ge-testing.asp انزل لآخر الصفحة و دوس على Federal skilled worker program هتلاقى جداول حساب النقط على حسب انت الانجليزى لغة اساسية و الفرنساوى تانية ولا الفرنساوى لغة اولى و انجلش تانية. حد ادنى من اللغة الاساسية اللى هو CLB 7 اقل من كدا ما ينفعش تقدم.
    • 15 نقطة على سنين الخبرة برا كندا فى خلال اخر 10 سنين: 9 لاكتر من سنة و اقل من 2 ، 11 لاكتر من 2 و اقل من 4 ، 13 لاكتر من 4 و اقل من 6 و ال 15 كلهم للأكتر من 6 سنين خبرة. مش شرط متواصلين بس حد ادنى للتقديم سنة خبرة فى ال NOC اللى هتقدم عليه اقل من كدا ما ينفعش تقدم.
    • 12 نقطة على السن: اقل من 35 سنة بتاخد 12 نقطة كلهم. بعد كدا كل ما السن بيزيد النقط بتقل .. مش فاكر كام بالظبط لكل عمر. حد ادنى 18 سنة اقل من كدا ما ينفعش تقدم.
    • 10 نقط لعرض العمل المدعم ب LMIA: غالباً مش هتعرف تجيبه فى المرحلة المبكرة دى الا فى حالة من اتنين: يا اما تكون حاليا بتدرس او بتشتغل جوا كندا يا اما تكون سوبرمان و مخبى شخصيتك الحقيقية من الأشرار!
    • 10 نقط على Adaptability: و دا بند مطاط كدا بيديك 5 نقط لو انت او زوجتك (او زوجك) ليك قرايب درجة اولى ف كندا و 5 نقاط تانيين لو حد فيكو اشتغل او درس سنة كاملة او اكتر جوا كندا.

    ثانيا: يكون معاك مبلغ معين بيتحسب على حسب عدد افراد الأسرة و تجيب شهادة بنكية بكدا (نادراً ما بيقبلو ممتلكات عينية بدل الكاش) تفاصيل المبلغ هنا: https://www.cic.gc.ca/english/immigra...lled/funds.asp

    ثالثا: يكون معاك اثباتات ورق لكل الحاجات المطلوبة فوق دى:
    • شهادات التقييم من WES ليك و لزوجتك او زوجك (المهن الطبية ليهم تقييم مختلف ماعرفش عنه كتير .. ممكن حد من الدكاترة او الصيادلة هنا يفيدكم و ما اكثرهم ما شاء الله)
    • شهادات الايلتس او التيف او كلاهما ليكو انتو الاتنين
    • و شهادة خبرة من الشغل بمواصفات معينة (تحتوى على اسم و عنوان و تليفون و ايميل او فاكس الشركة، توضح تاريخ الالتحاق بالعمل و تاريخ ترك العمل لو استقلت و تاريخ اصدار الشهادة و المسمى الوظيفى و عدد ساعات العمل و الراتب الشهرى او السنوى و المهام اللى بتأديها و اللى طبعا لازم تكون شبه المهام الخاصة بال NOC بتاعك هنا https://www5.hrsdc.gc.ca/NOC/English/...h.aspx?val65=* بس طبعا ما تكونش متاخدة كوبى بيست. بلاش فهلوة المصريين من اولها كدا.

    دا باختصار شروط ال Federal Skilled worker لو عديت ال67 يبقى تنفع تقدم مش مهم جايب 68 ولا 98 بس ما يكونش فى مانع من الحاجات اللى قلنا عليها ما ينفعش تقدم من غيرها. لو فى حاجة من دول يبقى حتى لو معدى ال 67 مش هتعرف تقدم.

    طيب خلاص استوفينا جميع الشروط و عدينا ال 67 و جمعنا الورق اللى يثبت. نبعته ازاى و لمين علشان نقدم؟

    لأ سيادتك مش هتبعته لحد... دا بأه الاختلاف اللى عمله الاكسبريس انترى.
    انت هتعمل بروفايل تحط فيه كل الحاجات دى و تنضم ل مجموعة المنتظرين ( ال Pool) و تستنى تجيلك دعوة للتقديم Invitation to Apply (ITA) . لو اختاروك و بعتولك دعوة ساعتها هاتبعتلهم كل دا مع شوية حاجات تانية اونلاين بردو و خلاص.
    المرحلة الللى بعد ما ييجيلك ITA شرحها زميلنا EG_Mohamed فى التوبك بتاعه هنا https://www.almatareed.org/vb/showthread.php?t=749247 و هو ما شاء الله اول المطاريد اللى يجيلها دعوة ربنا يباركله و يوفقه ف حياته الجديدة. قولوا آمين.

    البوست دا كدا يعتبر مقدمة تمهيدية للناس اللى هتبدأ المشوار من الصفر و لسا بتتعرف على الدنيا.

    كان لازم اقول الكلام دا علشان لاحظت كام حالة كانو بيجيلهم انهم not eligible فى الاكسبريس انترى و السبب كان انهم ركزوا مع شروط ال EE مع انهم مش مستوفيين الشروط الاساسية بتاعة ال FSW.
    فى البوستات الجاية المهندس مصطفى و العبد لله هنحاول نتكلم خطوة بخطوة عن ال EE و شروطه و كيفية عمل البروفايل و التقديم ان شاء الله.

     

     



    التعديل الأخير تم بواسطة M. Yousef ; 5th August 2015 الساعة 06:18 PM
     
    رد مع اقتباس

    قديم 5th August 2015, 09:21 PM Mtaly غير متواجد حالياً
      رقم المشاركة : 6
    Mtaly
    Junior Member





    Mtaly is on a distinguished road

    افتراضي

    أنا : Mtaly




    شكرا جزيلا M. Yousef انا استفدت جدا من المعلومات دي

    انا بس عاوز استفسر زيادة عن الخطاب بتاع الخبرة خاصة من الاماكن القديمه للي كنت شغال فيها ومعايا خطاب يثبت كده بس مش بمفردات وتفاصيل زي اللي مطلوبه وانا مش عارف اذا كنت هقدر ارجع للجهات القديمه دي واطلب منهم يعملولي خطابات بالتفاصيل المطلوبه زي Full time او Part والراتب السنوي او الشهري .. الخ

    الحل ايه بقى ؟

     

     


     
    رد مع اقتباس

    قديم 5th August 2015, 11:58 PM M. Yousef غير متواجد حالياً
      رقم المشاركة : 7
    M. Yousef
    Member
     





    M. Yousef will become famous soon enoughM. Yousef will become famous soon enough

    M. Yousef's Flag is: Egypt

    افتراضي

    أنا : M. Yousef




    اقتباس
    مشاهدة المشاركة المشاركة الأصلية كتبت بواسطة Mtaly
    شكرا جزيلا M. Yousef انا استفدت جدا من المعلومات دي

    انا بس عاوز استفسر زيادة عن الخطاب بتاع الخبرة خاصة من الاماكن القديمه للي كنت شغال فيها ومعايا خطاب يثبت كده بس مش بمفردات وتفاصيل زي اللي مطلوبه وانا مش عارف اذا كنت هقدر ارجع للجهات القديمه دي واطلب منهم يعملولي خطابات بالتفاصيل المطلوبه زي Full time او Part والراتب السنوي او الشهري .. الخ

    الحل ايه بقى ؟

    معلش انا مش هاجاوبك هنا لسببين .. انا واخد بالى انك لسا مطرود جديد معانا (اهلا و سهلا بيك )
    السبب اللأول ان موضوع الHR letter دا اتهرى اسئلة و اتقال فيه كل اللى ممكن يتقال فى المنتدى.. سواء فى موضوع المستشار المجانى او فى موضوعات طريقة عمل ابلكيشن الفيدرال 2014 و ما قبلها

    السبب التانى هو ان السؤال بتاعك و الرد بتاعى دا هيتشالو من التوبك هنا بناء على رغبة المهندس مصطفى.. هو عاوز يعمل التوبك دا للخطوات بشكل مسلسل و بدون مقاطعة للأسئلة و الرد على الاستفسارات زى ما هو كاتب ف اول بوست.
    فممكن تدور فى التوبكات القديمة او تعمل بحث فى المنتدى او لو مستعجل تكرر السؤال فى التوبك بتاع كل شئ عن نظام الهجرة الجديد Express Entry و هناك هتلاقى الناس بتساعد.
    و اهلا بيك معانا كمان مرة

     

     


     
    رد مع اقتباس

    قديم 6th August 2015, 12:14 AM M. Yousef غير متواجد حالياً
      رقم المشاركة : 8
    M. Yousef
    Member
     





    M. Yousef will become famous soon enoughM. Yousef will become famous soon enough

    M. Yousef's Flag is: Egypt

    افتراضي

    أنا : M. Yousef




    فى البوست دا ان شاء الله هاتكلم شوية عن ال EE من البداية و نبدأ نفهمه مع بعض.
    مش هادخل فى خطوات ازاى تقدم و ازاى تعمل بروفايل و الكلام دا دلوقت. الأهم نفهم السيستم ماشى ازاى و اللى عملوه بيفكرو ازاى علشان نعرف ازاى نستفيد منه اقصى استفادة و لو لا قدر الله حصل معانا مشكلة نعرف نوصل لسببها و نحلها بسرعة.

    احنا قلنا قبل كدا ان ال EE عبارة عن طريقة للتقديم. يعنى طريقة لاختيار مين اللى هيسمحوله يقدم دلوقت و مين اللى يستنى شوية .. حسب الأولويات و متطلبات البلد

    قبل كدا كان كل اللى مستوفى الشروط بيحط الورق ف ظرف و يجرى يلحق يبعت بدرى بدرى.. علشان الاختيار كان على اساس اللى ييجى بدرى يلحق مكان.. و اللى يتأخر النهاردة يحاول بكرة..

    طبعا بكرة دى تبقى ال cycle اللى جاية.. يعنى بعد سنة !!! و دا لو حظك حلو و كانت الوظيفة بتاعتك لسا فى اللستة المطلوبة.
    دا خلى الناس بتعمل حاجات عجيبة ، تلاقى اللى بيجهز الورق قبل حتى ما تنزل اللستة ... على امل انه لو اتطلبت الوظيفة بتاعته يبقى جاهز... و تلاقى اللى بيمتحن ايلتس و هو اساسا امتحن قبل كدا و جايب السكور بس خايف صلاحية الشهادة تخلص قبل ما يستعملها فبيمتحن لواحدة جديدة..
    و تلاقى اللى اشد منهم كلهم و دا بأه بيروح يبعت الورق قبل ما يتفتح باب قبول الطلبات اساساً ب3 او 4 ايام .. عشان الفايل بتاعه ياخد ال 4 ايام دول شحن و يوصل ف اول يوم بداية قبول الطلبات.. اه والله!!!

    يعنى كانت وسيلة التنافس الوحيدة هى First Come First Served و طبعا دا مش منطقى. عشان كدا هما خلو فى كذا معيار لتحديد مين اللى له الأولوية فى التقديم. . يعنى بعد ما بقينا جاهزين نقدم و استوفينا شروط ال FSW هنبدأ بأه المعركة و المنافسة على الدعوات. و المعيار الجديد ده سموه Comprehensive Ranking System
    ال CRS بيقيم كل Applicant بنقط من 1200 نقطة متوزعين على اساس التعليم و الخبرة و العمر و اللغة و لو معاك عرض عمل او ترشيح مقاطعة. و بعد ما بيتحدد السكور بتاعك بتدخل قاعدة البيانات (ال pool) علشان كل شوية يرتبو الناس و ياخدوا اعلى سكور على حسب احتياجاتهم. يعنى كل اسبوع او كل اسبوعين او كل شهر هيروحو عاملين سحب و يختارو اللى جايبين سكور 500 مثلا فما فوق. دول هيبعتولهمم دعوات لتقديم الورق Invitation to Apply و بكده يكتمل الابلكيشن بتاعهم و يعملو الميدكال و الفيزا. و بالطريقة دى يبقوا مطمنين انهم فى كل مرة بيختاروا الأصلح سواء كان بقاله 10 شهور عامل بروفايل ولا لسا عامل البروفايل امبارح بالليل قبل ما ينام.

    و من توزيع النقط هنعرف هما يهمهم ايه فى المتقدم. و هنكتشف طريقة جديدة لتوزيع النقاط على عناصر كانت قديمة و استحداث لوصفة جديدة عن طريق مزج اكتر من عنصر مع بعض. و كمان هنلاقى انهم اهتمو اكتر بمؤهلات الزوج و الزوجة مع بعض و بقى فى تركيز اكبر على زوج/زوجة المتقدم الرئيسى علشان يتساووا بالمتقدم المفرد الغير متزوج.

    بمعنى مثلا لو فى بند معين من 100 نقطة و المتقدم الأعزب ممكن يجيب فيه 80 مثلا لو معاه بكالوريوس و 100 لو ماجستير.نيجى نحسب البند دا للمتزوج او المتزوجة نلاقى ان علشان يجيب ال 80 نقطة لازم يكونو هم الاتنين معاهم بكالوريوس و عشان يجيبو ال 100 لازم هما الاتنين يكونو معاهم ماجستير. لو المتقدم الرئيسى بس اللى معاه بكالوريوس هياخد 75 و ال 5 التانيين مش هيعرف ياخدهم الا لو زوجته/زوجها اخد بكالوريوس... و هكذا.

    هما كدا مش بيدو نقط اكتر للأعزب زى الناس ما كانت متخيلة.. هما كدا بيضمنوا ان الزوج و الزوجة يكونو هما الاتنين مؤهلاتهم تساوى الأعزب علشان ياخدو نقط تساويه. و انا شخصياً شايف ان دا نظام عادل و منطقى جداً (علشان انا سنجل طبعاً ههههههههه )


    بالنسبة بأه لحساب النقط... فى اكتر من موقع ممكن يحسب لك النقط بتاعتك ف اقل من دقيقة.. و دا شئ جميل. بس عيوبهم كلهم انهم بيدوك سكور نهائى فقط. انا شخصيا بافضل ان كل واحد يحسب نقطه بايده و بعدين يتأكد عن طريق المواقع دى.
    الفايدة الكبرى من كدا انك هتعرف ايه هى البنود اللى انت واخد فيها اعلى درجة (مقفلها) و ايه البنود اللى ممكن تحسن من نفسك فيها و ايه الحاجات اللى تسيبك منها لأنها ممكن تكلفك وقت و فلوس كتييير بس العائد منها ما يستاهلش .. و كل بند هيديك نقط زيادة قد ايه و ايه البنود اللى مستحيل عليك تجيبها ف تشيلها من حساباتك. و كل حالة بتفرق عن التانية.

    و الفايدة التانية ان لو اى اداة طلعت لك انك ما ينفعش تقدم not eligible تعرف تراجع وراها و تشوف ايه البند اللى مقصر معاك ولا يمكن انت دخلت لها بيانات مش مظبوطة.


    انا عارف ان اغلب الناس مستنية بفارغ الصبر خطوات عمل البروفايل و ال GC Key و الجوب بانك و عرض العمل و كل دا.. بس صدقونى بجد الرغى و الهرى اللى عمال انتع ف قلبى و اكتبه دا مش ف الفاضى .. دا مهم جدا و هيسهل علينا حاجات كتير بعد كدا.

     

     


     
    رد مع اقتباس

    قديم 6th August 2015, 02:46 PM M. Yousef غير متواجد حالياً
      رقم المشاركة : 9
    M. Yousef
    Member
     





    M. Yousef will become famous soon enoughM. Yousef will become famous soon enough

    M. Yousef's Flag is: Egypt

    افتراضي

    أنا : M. Yousef




    نيجى لطريقة حساب ال 1200 نقطة بتوع ال CRS ... هنلاقيهم مقسمين النقط ل 3 اقسام رئيسية.
    (الكلام اللى جاى فى البوست دا كله من هنا https://www.cic.gc.ca/english/express-entry/grid-crs.asp علشان لو عملو ابديت و غيروا التوزيعة يبقى اللنك دا هو المرجع)

    القسم الأول: خاص بمؤهلات الشخص و امكانياته Core/Human Capital factors و زى ما قلنا الشخص المتزوج محتاج يبقى هو و زوجته هما الاتنين فى نفس مؤهلات الشخص الأعزب و هى:

    1. العمر: 110 نقطة للأعزب يقابلهم 100 للمتزوج
    2. التعليم: 150 نقطة للأعزب يقابلهم 140 للمتزوج + 10 لزوجته/زوجها
    3. اللغة: و تنقسم لفرعين (مجموعهم 160 نقطة للأعزب يقابلهم 150 للمتزوج + 20 لزوجته/زوجها)
      • اللغة الأساسية: 136 نقطة للأعزب يقابلهم 128 للمتزوج + 20 لزوجته/زوجها
      • اللغة الثانية: 24 نقطة للأعزب يقابلهم 22 للمتزوج ( الزوج/الزوجة لا يشاركان فى نقاط اللغة الثانية)
    4. سنوات الخبرة فى العمل داخل كندا: 80 نقطة للأعزب يقابلهم 70 للمتزوج + 10 لزوجته/زوجها

    كدا 500 نقطة للأعزب قصادهم 500 بردو للمتزوجين (460 للمتقدم الرئيسى فيهم و 40 لزوجته/زوجها)
    توزيعة الدرجات للقسم الأول سهلة جدا ومباشرة فى حسابها. الجداول موجودة هنا https://www.cic.gc.ca/english/express-entry/grid-crs.asp
    هتلاقى تحت عنوان Points breakdown, section by section جداول حساب نقاط المتقدم الرئيسى (سواء اعزب او متزوج) لكل من العمر و التعليم و اللغة الأساسية و اللغة الثانية و الخبرة الكندية.

    بعدهم على طول هتلاقى جداول حساب نفس الحاجات لزوج او زوجة المتقدم الرئيسى (فى حالة الأزواج) CRS – B. Spouse or common-law partner factors (if applicable).
    لاحظ الزوج او الزوجة لهم جدول واحد بس لدرجات الغة لأن مالهمش نقط غير فى اللغة الأساسية، بتتحسب لكل مهارة على حدة من الاستماع و الكتابة و القراءة و التحدث.

    القسم الثانى: بيسموه Skill transferability factors

    و دا عبارة عن نقط ممنوحة لمزيج من مهارتين يشترط توافرهم مع بعض. يعنى مثلا اللغة ... لو معاك CLB 7 و معاك بردو شهادة بعد ثانوية (معهد او جامعة) يديك 13 نقطة... انما لو معاك نفس الشهادة بس معاك CLB 9 يديك 25 نقطة. و هكذا. الدرجات دى بتتحسب للمتقدم الرئيسى فقط سواء اعزب او متزوج ما بيفرقش.


    مزيج التعليم مع اللغة: حد اقصى 50 نقطة (و دى مهمة)
    • شهادة واحدة تعليم ثانوي: 0 نقط (لا شئ)
    • شهادة واحدة تعليم بعد ثانوى (معهد او جامعة): 13 نقطة لو CLB 7 و اقل من 9 ف اى فرع. و 25 نقطة لو CLB 9 او اعلى.
    • شهادتين بعد ثانوى (منهم واحدة 3 سنين): 25 نقطة لو CLB 7 و اقل من 9 ف اى فرع. و 50 نقطة لو CLB 9 او اعلى.

    مزيج التعليم مع خبرة العمل داخل كندا: حد اقصى 50 نقطة (مش مهمة الا للى اشتغل جوا كندا او لسا بيشتغل هناك)
    • شهادة واحدة تعليم ثانوي: 0 نقط (لا شئ)
    • شهادة واحدة تعليم بعد ثانوى (معهد او جامعة): 13 نقطة لو سنة خبرة. و 25 نقطة لوسنتين خبرة او اكتر.
    • شهادتين بعد ثانوى (منهم واحدة 3 سنين): 25 نقطة لو سنة خبرة. و 50 نقطة لوسنتين خبرة او اكتر.

    مزيج اللغة مع خبرة العمل خارج كندا: حد اقصى 50 نقطة (ودى كمان تهم معظمنا)
    • لو بدون سنين خبرة: 0 نقط (لاحظ ان بدون سنة خبرة على الأقل فى NOC بتاعك جوا او برا كندا مش هتعرف تقدم اساسا)
    • لو اكتر من سنة و اقل من 3 سنين خبرة: 13 نقطة لو CLB 7 و اقل من 9 ف اى فرع. و 25 نقطة لو CLB 9 او اعلى.
    • لو اكتر من 3 سنين خبرة: 25 نقطة لو CLB 7 و اقل من 9 ف اى فرع. و 50 نقطة لو CLB 9 او اعلى.

    مزيج خبرة العمل خارج كندا مع خبرة العمل داخل كندا: (بردو مش مهمة الا للى اشتغل او لسا بيشتغل هناك)
    • لو بدون خبرة خارج كندا: 0 نقط (لا شئ)
    • لو اكثر من سنة و اقل من 3 خارج كندا: بالإضافة لسنة خبرة كندية بتديك 13 نقطة ، اما لو سنتين او كتر خبرة كندية بتديك 25 نقطة.
    • لو اكثر من 3 سنين خارج كندا: بالإضافة لسنة خبرة كندية بتديك 25 نقطة ، اما لو سنتين او كتر خبرة كندية بتديك 50 نقطة.

    مزيج من شهادة ممارسة حرفية trade occupations مع اللغة: (خاصة بالناس اللى بتقدم ك Federal skilled Trades مش FSW ).
    • لو معاك الشهادة دى بالإضافة الى CLB اكبر من 5 و اقل من 7 بتديك 25 نقطة ، لو معالك الشهادة بالإضافة ل CLB 7 او اكتر بتديك 50 نقطة.


    طبعا كل كلامنا عن امتحانات اللغة بنستخدم مقياس ال CLB لان فى ناس بتختار الانجلش لغة اساسية فتحول سكور الايلتس بتاعها لل CLB ، و ناس تانية هتختار الفرنساوى فتحول ال TEF لل CLB بردو.
    و المقياس دا شرحه المهندس مصطفى قبل كدا فى الموضوع التانى:
    اقتباس
    مشاهدة المشاركة المشاركة الأصلية كتبت بواسطة mostafasaad
    CLB ده اختصار Canadian Language Benchmark وده معيار لقياس درجة اتقان اللغة سواء للانجليزي أو الفرنساوي (اللغتين الرسميتين لكندا) بمعنى أن كل سكور في كل امتحان لغة له مقابل في معيار الCLB

    علشان تحول من IELTS إلى CLB ممكن تستخدم الأداه دي:
    https://www.ieltsessentials.com/clb/index.html#

    يعني مثلا CLB7 (اللي هو الحد الأدنى للقبول في برنامج FSW) بيساوي IELTS 6 في جميع الفروع
    في حين CLB9 (اللي هو بيديك الحد الأقصى من النقاط في Skills Transferability Factors) بيساوي 8 في السماع و 7 في باقي الفروع
    ملحوظة هامشية: مقياس الCLB من 1 إلى 12 في حين مقياس IELTS من 1 إلى 9

    (خلوا بالكو ان اللى امتحن ال TEF بعد ابريل 2014 له طريقة تحول لل CLB غير اللى امتحن قبل ابريل 2014. بردو هنا https://www.cic.gc.ca/english/immigra...ge-testing.asp انزل لتحت و دوس على Federal Skilled Worker)


    ملحوظةالجزء دا انا شبه ترجمته بالكامل و نقلته من موقع ال CIC علشان الطريقة دى جديدة و فى ناس بتتلخبط فى فهمها.. لكن لو بصيت على الصفحة هتلاقى الجداول شارحة نفسها و الدنيا مش معقدة ولا حاجة.. عاوزة شوية تركيز بس.



    القسم دا مخصص ليه 100 نقطة. على الرغم من ان ال 5 factors كل واحد منهم بيدى لحد 50 نقطة... يعنى ممكن تجمع معاه لحد 250 نقطة.(دا باعتبار سيادتك سوبر مان و اشتغلت جوا كندا و برا كندا و معاك كذا شهادة و معدى ف اللغة و واخد شهادة حرفية و عملت كل حاجة ف حياتك من اول صينية البطاطس فى الفرن لحد ال كانيلونى و ال سوفليه و اللازانيا و حتى محشى ورق العنب هههههه) بس بردو مش هتاخد منهم غير 100 نقطة بحد اقصى!

    القسم الثالث: و دا ابسط من البساطة...

    و دا عبارة عن 600 نقطة بس مش كتير (حسبى الله و نعم الوكيل ) هتاخدهم:
    • لو معاك عرض العمل المدعم ب LMIA (Labor Market Impact Assessment)
    • لو معاك ترشيح مقاطعة.
    • لو معاك الاتنين!

    و دا يعرفنا هم اد ايه مهتمين ان اللى يدخل البلد يكون جاى على شغل جاهز. او ان هو اساسا شغال جوا البلد بفيزا عمل و بيقدم هجرة داخلى. او ان يكون فى مقاطعة محتاجاه او موافقة عليه.
    و من الطريف هنا ان اغلب برامج ترشيح المقاطعات بتطلب ان المتقدم يكون معاه عرض العمل من الأول (ما شاء الله اذكياء جداً!! ) باسثناء برامج زى نوفا سكوشيا و الأمير ادوارد و غيرهم. و دى بتكون المنافسة عليهم شديدة لأن عدد الأماكن غالبا بيكون قليل. ف لازم لو ناوى تجرب حاجة منهم تدور عليها و تعرف تفاصيلها كويس علشان تكون مستعد و تلحقها اول ما تفتح.

    و ان شاء الله المهندس مصطفى لما يكون عنده وقت ممكن يقول تفاصيل تجربته فى الاتجاه دا. ربا يكملها معاه على خير و يوفقه ف حياته الجديدة (قولو آمين :) ).. الراجل دا تعب مع الناس هنا كتييير و الحمد لله ربنا عوضه بالخير.

    و علشان هما مهتمين جداً بموضوع عرض العمل دا... حاطين شرط فى نظام ال EE ان لازم كل متقدم يكون بيحاول يحصل على عرض عمل من اكتر من مكان. او يكون بيجرب فى مكان واحد على الأقل (اللى هو ال Job Bank بتاع الحكومة) و هما بيحاولو يجيبوا اصحاب الأعمال يعرضوا الوظايف فى المكان دا بالإضافة للأماكن التانية اللى يحبوها. و كمان اشترطو عليهم انهم مش هيوافقوا على اى LMIA الا لما تكون الوظيفة اتعرضت فى الجوب بانك على الأقل.

    ف من هنا نعرف ليه هما بيشترطوا انك تعمل اكونت على الجوب بانك و تربطه بالبروفايل بتاعك فى ال EE (زى ما هنشوف بعد كدا) علشان البروفايل يتفعل و تدخل ال Pool of Applicants.

     

     


     
    رد مع اقتباس

    قديم 7th August 2015, 03:40 PM M. Yousef غير متواجد حالياً
      رقم المشاركة : 10
    M. Yousef
    Member
     





    M. Yousef will become famous soon enoughM. Yousef will become famous soon enough

    M. Yousef's Flag is: Egypt

    افتراضي

    أنا : M. Yousef




    جميل... كدا المفروض حسبنا السكور بتاعنا بايدينا و فهمناه ماشى ازاى...
    مافيش مانع بأه نجرب نحسبه فى اى موقع زى دا مثلاً https://www.cic.gc.ca/english/immigra...d/crs-tool.asp

    او دا https://www.ruichenlaw.com/eecalc/
    و التانى دا انا باعتبره احسن لأنه بيعرض السكور بتاعك خطوة بخطوة بعد ما تجاوب كل سؤال.

    جرب معاهم اكتر من مرة وغير فى اجاباتك و استكشف... لو زودت سنين خبرة هتستفيد ايه و لو زودت تعليم او لغة تانية هتفرق معاك اد ايه .. و يا ترى لو اللغة الأساسية اتحسنت شوية (الأيلتس عند اغلب الناس) هتعمل ايه؟ و كل تغيير فى كل مهارة بيفرق ازاى؟

    و فى كمان ال come to Canada tool هنا https://www.cic.gc.ca/ctc-vac/ee-start.asp
    و دى ليها اكتر من ميزة و عيب ف نفس الوقت.. انها بتعمل كل حاجة ..
    بتحسب سكور ال FSW و سكور ال EE. و بعد ما بتخلص بتديك النتيجة و بتديك معاه reference code . الكود دا مفيد لو انت كنت بتكتب بياناتك الحقيقية و الكاملة انك ممكن تستخدمه فى عمل بروفايل الاكسبريس انترى EE و توفر على نفسك ادخال البيانات من اول و جديد (فى خلال 30 يوم فقط.. بعدها الكود هيتلغى اوتوماتيك سواء استعملته او لأ). لكن ممكن لو مش عاوزه خلاص انساه ولا كأنك شفته.
    عادى و ابدأ من الأول و جرب بيانات تانية. و ممكن فى كل الأحوال تعمل بروفايل ال EE من غيره اساسا. عادى ما تخليهوش يعمل لك ازمة خالص.

    عيب الأداة دى بأه انها علشان تعمل كدا بتطلب كل البيانات اللى بتدخل فى عمل البروفايل. يعنى مش بس هتسألك سكورك كام فى الأيلتس او التيف.. لأ دى هتطلب منك رقم الشهادة و تاريخ الأمتحان. مش بس هتسألك على شهادتك الجامعية انت و زوجتك/زوجك .. لأ دى هتطلب بيانات شهادات التقييم بتاعة WES او غيرها..و هكذا. العيب التانى انها لو لقت لسبب ما انك ما ينفعش تقدم هتقولك not eligible و خلاص.. سواء بسبب بيانات ناقصة او انك دخلت رقم او كتبت حاجة غلط.. مش هتعرفك السبب و هتسيبك تضرب راسك ف الحيط!

    و بعد ما تخلص رحلة التجربة و الاستكشاف دى يا ريت يكون كتبت ملاحظاتك و نتايجك فى ورقة صغيرة و نقعد نتأمل فيها كدا مع بعض و نشوف ممكن نستنتج منها ايه؟

    اظن اى حد عدى على الكلام اللى فوق دا و قراه بتمعن ممكن ممكن يوصل لنفس الاستنتاجات اللى جاية دى:
    اولاً: النظام الجديد مش محتاج تسرع و جرى ف اى اتجاه و خلاص.. لازم كل خطوة تاخدها تكون عارف بتاخدها ليه و هتكلفك كام و هتستفيد من وراها ايه.
    ثانياً: الوقت عنصر مهم بس مش دايماً فى ايدك.. ممكن تبقى مجهز كل حاجة و تقعد بالشهور مستنى.. مافيش اى داعى للاستعجال طالما لسا ما وصلتكش دعوة.
    ثالثاً: و دا الأهم.. اعرف ايه اللى انت محتاجه عشان تبدأ و ايه اللى ممكن يتأجل لبعدين. و دا اللى الناس دايما بتسأل عليه. و اللى المفروض تكون عرفته من نفسك دلوقت.. بس انا هاقوله بردو

    اعمل ايه علشان ابدأ؟

    اول حاجتين هما تقييم الشهادات (مش المعادلة) ليك و لزوجتك/زوجك و امتحان اللغة الاساسية (ايلتس او تيف) ليكم انتم الاتنين. و المشوارين دول يستحسن انك تمشى فيهم مع بعض بالتوازى علشان تكسب وقت. و كل ما تخلصهم بدرى كل ما ممكن تبدأ بدرى لأن من غير ارقام الشهادات دى مش هتعرف تعمل بروفايل الEE اصلاً.

    تقييم الشهادة مش بياخد مجهود (غالباً) و مافيهوش تعب و محاولات بعكس اللغة. انت بتعمل ابلكيشن اونلاين مع WES و تدفع المصاريف و تبعت لهم الورق المطلوب وخلاص. كمان شهر بالكتير هتلاقى شهادات التقييم وصلتك. بس كدا.
    انما اللغة دى حاجة تانية خاااالص .. و علشان كدا انا خليتك تقرا ال 3 بوستات اللى فاتو دول و تفهم نظام حساب الدرجات.
    كل ما اللغة زادت كل ما تلاقى سكورك بيقفز قفزات كبيرة و فرصك فى تلقى دعوة بتتحسن اكتر و اكتر.

    و يمكن اللغة هى اكتر حاجة تعرف تحسن بيها فرصك لأنها الحاجة الوحيدة اللى ف ايدك! العمر دا متحدد خلاص و بيقل مع الوقت ، و سنين الخبرة اهى ماشية بردو زى العمر كدا ، و التعليم صعب تشتغل عليه و تاخد شهادة جديدة سواء دبلومة او ماستر او دكتوراه... مش اقل من سنة او اتنين شغل علشان تاخدهم. يبقى فاضل ايه؟ اللغة! على حسب اجتهادك و شغلك عليها ممكن مستواك يرتفع ( و سكورك يرتفع معاه) زى ما انت عاوز. و فى الوقت اللى انت عاوزه.

    و دى هى النصيحة اللى الزملاء هنا بيدوها لأى حد جديد بييجى يسأل اعمل ايه. بنقوله اشتغل على اللغة الأول و الباقى سهل. و انت دلوقت عرفت ليه. الفرق بين CLB 7 وCLB 9 فى اللغة الاساسية ممكن يديك 65 نقطة زيادة .. و لو عندك لغة تانية ممكن تحسنها و تاخد منها نقط بردو لحد 24 نقطة لو وصلت فيها ل CLB 9 هى كمان. و طبعا لو متزو ج يبقى زوجتك/ زوجك لازم يشتغل بردو على اللغة الاساسية علشان تحصلوا النقط دى.

    بعد ما تعدى العقبتين دول الباقى كله سهل و يخلص ف ساعتين زمن. كل اللى هتحتاجه ارقام الشهادات و بيانات الأسرة مع كوباية شاى بالنعناع (او نسكافيه) و قعدة روقان ف اى نادى او كافيه (لو مش بتعرف تركز فى البيت) و هتعمل بروفايل ال EE و ال GC Key و ال جوب بانك و كل حاجة.
    و ده اللى هنحاول نشرحه فى المشاركات القادمة ان شاء الله.


    يا رب يكون حد استفاد بالكلام اللى فات دا .. و استأذنكوا هاغيب اسبوع لظروف العمل و هارجع نكمل مع بعض ان شاء الله.

    رجاء بس لو فى استفسارات او اسئلة نخليها فى التوبك التانى هنا https://www.almatareed.org/vb/showthread.php?t=672914
    او لو فى توبك المستشار المجانى هنا https://www.almatareed.org/vb/showthread.php?t=15771
    علشان بس يفضل التوبك دا متسلسل و الناس ما تتوهش فيه كتير.

    و دائماً و ابداً النصيحة التى لا تنتهى صلاحيتها هى " اقرا الجايد ... اقرا الجايد .. اقرا الجايد"
    هتلاقى فيه كل حاجة انا قلتها و كل حاجة انا ما قلتهاش و كل حاجة اتعدلت بعد ما البوست دا اتنشر و كل حاجة ف اى حاجة عن اى حاجة... فقط محتاج صبر و تركيز و صبر و ورقة و قلم و شوية صبر كمان

    https://www.cic.gc.ca/english/immigra...tion-guide.asp
    https://www.cic.gc.ca/english/immigra.../candidate.asp
    https://www.cic.gc.ca/english/immigra...ed/profile.asp

    اشوفكم على خير و بالتوفيق للجميع ان شاء الله

     

     


     
    رد مع اقتباس

    إضافة رد

    مواقع النشر (المفضلة)

    الكلمات الدلالية (Tags)
    لكندا, المختصر, المفيد, الجديد, الهجرة, entry, express, نظام

    المختصر المفيد في نظام الهجرة الجديد لكندا Express Entry

    « الموضوع السابق | الموضوع التالي »
    أدوات الموضوع
    انواع عرض الموضوع

    الانتقال السريع

    Currency Calculator
    RSS RSS 2.0 XML MAP HTML


    Powered by vBulletin® Version 3.8.8
    .Copyright ©2000 - 2022, Jelsoft Enterprises Ltd
    (جميع الأراء والمواضيع المنشورة تعبِّر عن رأي صاحبها وليس بالضرورة عن رأي إدارة منتديات المطاريد)
    SSL Certificate   DMCA.com Protection Status   Copyright  
    منتديات المطاريد   Follow us on Google   لشراء مساحة إعلانية بالمطاريد  

    تنبيه هام

     يمنع منعاً باتاً نشر أى موضوعات أو مشاركات على صفحات منتديات المطاريد تحتوى على إنتهاك لحقوق الملكية الفكرية للآخرين أو نشر برامج محمية بحكم القانون ونرجو من الجميع التواصل مع إدارة المنتدى للتبليغ عن تلك الموضوعات والمشاركات إن وجدت من خلال البريد الالكترونى التالى [email protected] وسوف يتم حذف الموضوعات والمشاركات المخالفة تباعاً.

      كذلك تحذر إدارة المنتدى من أى تعاقدات مالية أو تجارية تتم بين الأعضاء وتخلى مسؤوليتها بالكامل من أى عواقب قد تنجم عنها وتنبه إلى عدم جواز نشر أى مواد تتضمن إعلانات تجارية أو الترويج لمواقع عربية أو أجنبية بدون الحصول على إذن مسبق من إدارة المنتدى كما ورد بقواعد المشاركة.

     إن مشرفي وإداريي منتديات المطاريد بالرغم من محاولتهم المستمرة منع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات وإن وجدت اى مخالفات يُرجى التواصل مع ادارة الموقع لإتخاذ اللازم إما بالتبليغ عن مشاركة مخالفة أو بالتراسل مع الإدارة عن طريق البريد الالكترونى التالى [email protected]