Arabic Discussion Forum with a Special Interest in Travel and Immigration

romaro · 24th April 2010, 11:17 PM

السلام عليكم ورحمة الله وبركاته

اخوتي الاعزاء اعضاء منتدي المطاريد لي كام سؤال هامين بخصوص الهجرة لكيبك وبالاخص في لستة الوظائف هل الاخوة المهنيين واصحاب الدبومات فوق المتوسطة مطلوبين في اللستة الجديدة ودرجاتهم في التقييم .
استفسار بخصوص اللغة انا هقدم في المركز الفرنسي في اسكندرية بعد كام ليفل اقدم طلب هجرة ( افتح ملف ) ارجو الافادة من اخوتي لاني فعلا محتاج عشان عايز اقدم ملف.
كل من يعرف معلومة يرد لاني مستني اجابات من فضلكم.
والله الموفق.

وسيمو · 25th April 2010, 09:38 AM

انا اخدت بنتي في المقابلة كان عندها شهر سالتني الي تقم بالمقابلة البيبي ما يبكيش قلتلها لا
وفيه ناس في الصالة جايبن اولاد فمروا بالتناوب دخل الاب وبعديها الام وهو مسك الاولاد برا

طرزانطرزانطرزان · 25th April 2010, 10:34 AM

1- انا عايز اعرف الاماكن الفاضية ف الابلكيشين بنكتب فيها ايه؟؟؟؟
N/A واللا S/O ومعناهم ايه اصلاً؟؟؟
2- اسم الشركة اللى بشتغل فيها بترجمه فرنساوي واللا بيتساب ذى ما هو بالانجليزى؟؟؟
3- رقم 8 فى الابلكيشين
Titre du diplôme obtenu
عند الثانوى بيتكتب ايه؟؟؟
4- اكتب التنقلات ف اخر عشر سنيين اللى بارا مصر بس واللا اللى جواها كمان؟؟؟
طب لو انا سافرت شهر برا مصر سياحة بس باكتبها برضو؟؟؟؟؟
نرجو الرد العاجل
Merci beaucoup
A bientôt

فدائى النبى · 25th April 2010, 10:53 AM

بعد اذن الساده الأفاضل اساتذة كيبيك
انا هارد على الخ روميرو و لو عندى غلط يا ريت يصلحولى
بالنسبه للناس المهنيين و اللى معاهم دبلومات مهنيه بعد مراجعة نموذج تقدير الدرجات بعد 14 اكتوبر 2009
بص يا سيدى
اولا بالنسبة للتعليم
لو معاك ثانويه صناعيه او تجاريه او زراعيه يس يتاخد 6 درجات
لو معاك دبلوم مهنى و بعدة دبلوم فوق متوسط سنتين هاتاخد 10 درجات
ثانيا الخبره
اقل من 6 شهور بتاخد صفر
6 شهور لسنتين 4 درجات
سنتين ل اربع سنين الا يوم 6 درجات
اربع سنين و يوم 8 درجات
ثالثا السن
من 18 سنه الى 35 سنه بتاخد 16 درجه
36 سنه 14 درجه
37 سنه 12 درجه
38 سنه 10 درجه
40 سنه 6 درجات
41 سنه 4 درجات
42 سنه 2 درجه
43 او اكثر تاخد صفر
اقل من 18 سنه صفر
بالنسبة للغه
لو مقدم كيبيك بتكون لغتك الأساسيه فرنسية و بتاخد فيها من صفر الى 16 درجة
يعنى لازم تجيب على الأقل b1فى امتحان الtef او ال dalf علشان تاخد 8 درجات اللى همه الحد الأدنى للتحدث بالفرنسية
و بتكون اللغه الانجليزيه هيه اللغه الثانيه و بتاخد عليها من صفر الى 6 درجات
ممكن تاخد كورسات فى المركز الثقافى البريطانى و ترفق الشهادات على اساس انها دليل على انك بتتكلم انجليزى او لو ما قدمتش و رحت لمقابله اللى بيقابلك بيقيم الانجليزى بتاعك و يديك درجه
بالنسبه اذا كنت مقيم او متعلم او اشتغلت قبل كدا فى كيبيك او ليك اقارب فى كيبيك بتاخد درجات اقصاها 8 درجات
و لو ما فيش ما بتاخدش حاجه من البند دا

الكفاية المالية
بتاخد عليها درجه واحده لو معاك فلوس تغطى اقامتك اول 3 شهور فى كيبيك

لو معاك عرض عمل من كيبيك بتاخد عليه 6 درجات

بعد كل ده بتجمع درجاتك و لازم علشان تروح مقابله تكون جايب على الأقل 49 درجه لو انته عازب
لو انته متجوز بتاخد درجات على المرافقيت ليك كالاتى

مؤهل الزوجه
لو ثانوى عام بتاخد درجه واحده
لو ثانوى مهنى بتاخد درجتين
لو مؤهل فوق متوسط بتاخد 3 درجات
لو مؤهل جامعى بتاخد 3 درجات
السن لو من 18 الى 35 بتاخد 3 درجات
من 36 الى 39 بتاخد درجتين
من 40 الى 42 بتاخد درجه
اكتر من 42 او اقل من 18 بتاخد صفر

معرفته الزوجه باللغه الفرنسية بتاخد عليها درجه من صفر الى 6 حسب تقييم الشخص اللىبيقابلك او حسب شهاداتها اللى تثبت معرفتها باللغه الفرنسية

لو فيه اطفال تحت 12 سنه بتاخد على الطفل 4 درجات بحد اقصى طفلين
و لو اكتر من 12 سنه بتاخد على الطفل درجتين لحد سن 21 سنه

و لازم علشان تدخل المقابله يكون معاك 57 نقطة

بعد كدا لو انته جايب الحد الأدنى للدرجات بيتحددلك مقابله ان شاء الله و بتاخد فيها درجه من صفر الى 6
و علشان تتقبل لازم يكون عدد النقاط بعد المقابله 55 للعازب و 63 للمتزوج

romaro · 25th April 2010, 11:34 AM

اقتباس

المشاركة الأصلية كتبت بواسطة فدائى النبى


	بعد اذن الساده الأفاضل اساتذة كيبيك انا هارد على الخ روميرو و لو عندى غلط يا ريت يصلحولى بالنسبه للناس المهنيين و اللى معاهم دبلومات مهنيه بعد مراجعة نموذج تقدير الدرجات بعد 14 اكتوبر 2009 بص يا سيدى اولا بالنسبة للتعليم لو معاك ثانويه صناعيه او تجاريه او زراعيه يس يتاخد 6 درجات لو معاك دبلوم مهنى و بعدة دبلوم فوق متوسط سنتين هاتاخد 10 درجات ثانيا الخبره اقل من 6 شهور بتاخد صفر 6 شهور لسنتين 4 درجات سنتين ل اربع سنين الا يوم 6 درجات اربع سنين و يوم 8 درجات ثالثا السن من 18 سنه الى 35 سنه بتاخد 16 درجه 36 سنه 14 درجه 37 سنه 12 درجه 38 سنه 10 درجه 40 سنه 6 درجات 41 سنه 4 درجات 42 سنه 2 درجه 43 او اكثر تاخد صفر اقل من 18 سنه صفر بالنسبة للغه لو مقدم كيبيك بتكون لغتك الأساسيه فرنسية و بتاخد فيها من صفر الى 16 درجة يعنى لازم تجيب على الأقل b1فى امتحان الtef او ال dalf علشان تاخد 8 درجات اللى همه الحد الأدنى للتحدث بالفرنسية و بتكون اللغه الانجليزيه هيه اللغه الثانيه و بتاخد عليها من صفر الى 6 درجات ممكن تاخد كورسات فى المركز الثقافى البريطانى و ترفق الشهادات على اساس انها دليل على انك بتتكلم انجليزى او لو ما قدمتش و رحت لمقابله اللى بيقابلك بيقيم الانجليزى بتاعك و يديك درجه بالنسبه اذا كنت مقيم او متعلم او اشتغلت قبل كدا فى كيبيك او ليك اقارب فى كيبيك بتاخد درجات اقصاها 8 درجات و لو ما فيش ما بتاخدش حاجه من البند دا الكفاية المالية بتاخد عليها درجه واحده لو معاك فلوس تغطى اقامتك اول 3 شهور فى كيبيك لو معاك عرض عمل من كيبيك بتاخد عليه 6 درجات بعد كل ده بتجمع درجاتك و لازم علشان تروح مقابله تكون جايب على الأقل 49 درجه لو انته عازب لو انته متجوز بتاخد درجات على المرافقيت ليك كالاتى مؤهل الزوجه لو ثانوى عام بتاخد درجه واحده لو ثانوى مهنى بتاخد درجتين لو مؤهل فوق متوسط بتاخد 3 درجات لو مؤهل جامعى بتاخد 3 درجات السن لو من 18 الى 35 بتاخد 3 درجات من 36 الى 39 بتاخد درجتين من 40 الى 42 بتاخد درجه اكتر من 42 او اقل من 18 بتاخد صفر معرفته الزوجه باللغه الفرنسية بتاخد عليها درجه من صفر الى 6 حسب تقييم الشخص اللىبيقابلك او حسب شهاداتها اللى تثبت معرفتها باللغه الفرنسية لو فيه اطفال تحت 12 سنه بتاخد على الطفل 4 درجات بحد اقصى طفلين و لو اكتر من 12 سنه بتاخد على الطفل درجتين لحد سن 21 سنه و لازم علشان تدخل المقابله يكون معاك 57 نقطة بعد كدا لو انته جايب الحد الأدنى للدرجات بيتحددلك مقابله ان شاء الله و بتاخد فيها درجه من صفر الى 6 و علشان تتقبل لازم يكون عدد النقاط بعد المقابله 55 للعازب و 63 للمتزوج

مشكور اخي العزيز جدا علي ردك
انا هقول المؤهلات بتاعتي وحضرتك تقولي .
السن 24 سنة
المؤهل الدراسي دبلوم فوق متوسط نظام خمس سنوات قسم ميكانيكا لحام
مع العلم اني ممكن اكمل في كلية (جامعة مفتوحة)
العمل بقالي 3 سنوات شغال بالشهادة بتاعتي في اللحام.
قبل كده كنت شغال في حاجة تانية وخبرتي فيها سنتان
بالنسبة للغة اني انا هقدم في السنتر اول شهر 6 عشان ظروف العمل وانا يعني اعرف شوية في اللغة.
حالتي الاجتماعية اعزب
الحالة المادية جيدة جدا واقدر اغطي اول 3 شهور في سفري .
ممكن تجمع الدرجات تقولي موقفي . عشان انا ناوي اقدم في اخر السنة ديه او اول السنة الجديدة المهم عندي درجة تقدمي في اللغة الفرنسية.

فدائى النبى · 25th April 2010, 01:36 PM

قبل ما تقدم لكيبيك روح على التوبيك بتاع الهجره الفيدرال و اسال الاخوه هناك لأنى أعتقد ان تخصصك مطلوب فى الفيدرال
فى االحاله دى لو كنت فعلا مطلوب فى قائمة الفيدرال الاخوه هناك همه ادرى بنظام الفيدرال و همه اقدر على مساعدتك لأن نظام التقييم بيختلف و هايكون مطلوب منك ايلتس فى الانجليزى و كمان مده الانتظار هاتكون اقل بكتير من الهجره لكيبيك

No Body · 25th April 2010, 02:38 PM

اقتباس

المشاركة الأصلية كتبت بواسطة طرزانطرزانطرزان


	1- انا عايز اعرف الاماكن الفاضية ف الابلكيشين بنكتب فيها ايه؟؟؟؟ N/A واللا S/O ومعناهم ايه اصلاً؟؟؟ بتكتب N/A ودي اختصار Not Aplicant 2- اسم الشركة اللى بشتغل فيها بترجمه فرنساوي واللا بيتساب ذى ما هو بالانجليزى؟؟؟ بتتساب زي ماهي بالإنجليش لو بتملى الاستمارة بالإنجليش .. ولو بتملاها بالفرينش ( يستحسن تسيبها زي ما هي بالإنجليش ) لكن لو عايز تبينلهم إنك بتقرى فرنساوي زي نابليون بونابرت ... يبقى تترجمها ترجمة سليمة للفرينش وتكتبها فرينش 3- رقم 8 فى الابلكيشين Titre du diplôme obtenu عند الثانوى بيتكتب ايه؟؟؟ مش فاهم 4- اكتب التنقلات ف اخر عشر سنيين اللى بارا مصر بس واللا اللى جواها كمان؟؟؟ طب لو انا سافرت شهر برا مصر سياحة بس باكتبها برضو؟؟؟؟؟ التنقلات خلال آخر عشر سنوات برة وجوة لكن السفريات السريعة لأ وأعتقد إنها موجودة في التعليمات الخاصة بملئ الأبليكيشن .. السفريات التي لا تقل عن 6 شهور خارج القطر تتسجل نرجو الرد العاجل أي خدمة Merci beaucoup برضه أي خدمة A bientôt إزي الحال

إنت لسة بتكتب الأبليكيشن !!

romaro · 25th April 2010, 03:00 PM

اقتباس

المشاركة الأصلية كتبت بواسطة فدائى النبى


	قبل ما تقدم لكيبيك روح على التوبيك بتاع الهجره الفيدرال و اسال الاخوه هناك لأنى أعتقد ان تخصصك مطلوب فى الفيدرال فى االحاله دى لو كنت فعلا مطلوب فى قائمة الفيدرال الاخوه هناك همه ادرى بنظام الفيدرال و همه اقدر على مساعدتك لأن نظام التقييم بيختلف و هايكون مطلوب منك ايلتس فى الانجليزى و كمان مده الانتظار هاتكون اقل بكتير من الهجره لكيبيك

سيدي الفاضل فين التوبك بتاع الفيدرال وبعدين ايهما افضل لي فيدرال ولا كيبك
انا درست شوية فرنساوي بسيط وبصراحة اللغة انا حببها جدا ونفسي ادخل السنتر واكمل فيها
اما لو افضل لي ان اقدم فيدرال يبقي لازم ادرس انجليش فياريت لو حضرتك تعرف تقيم درجاتي لكيبك وتقولي ايه النظام ودلني علي التوبيك بتاع الفيدرالي

فدائى النبى · 25th April 2010, 05:25 PM

بالنسبة للفيدرال ممكن تلاقى التوبيك على الرابط ده
https://www.almatareed.org/vb/showthread.php?t=1275
و التوبيك ده هاتلاقى فيه معلومات عن المتقدمين على ليسته الفيدرال بعه 28فبراير 2008
https://www.almatareed.org/vb/showthread.php?t=11244
و بالنسبه للغه انته مهاجر و اعتقد ان المهاجر مش هايفرق معاه اللغه اللى المفروض يتكلم بيها
على كل حال لو انته حابب تتكلم فرنسى بعد كدا ممكن بعد لما تروح كندا ان شاء الله تعيش فى كيبيك و ما اعتقدش ان حد ممكن يمنعك
بالنسبة للافضليه الفيدرال أفضل لأن مدة الانتظار اقل و الاجراءات اقل بس لمن وظائفهم فى الليسته
انما اللى وظائفهم خارج الليسته ما فيش قدامهم الا كيبيك
بالتوفيق

طرزانطرزانطرزان · 26th April 2010, 12:58 PM

Merci beaucoup

بس انا كنت عايز اعرف اعمل ايه ف الثانوى؟؟؟
Titre du diplôme obtenu اكتب le BAC ؟؟؟ واللا ايه؟؟؟؟؟

كمان عايز اعرف التنقلات جوه مصر برضو تتكتب
يعنى عنوان ما قبل الزاج يتكتب و عنوان ما بعد الزواج يتكتب برضو؟؟؟
و الاتنيين جوا مصر ام ...الدنيا

عايزين لو حد بعت فى 2010 وجالوا فايل نمبر يقووول
او لو حد متأكددد

اصلى عايز ابعت الابلكيشين واخلص من المرحلة دى

Merci beaucoup تانى

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مختصر اي سؤال في الخطوات العمليه للهجره لكندا	دنتستاوي	دليلك إلى الهجرة لكندا	218	11th August 2018 08:42 PM
الخطوات الاولية فى الهجرة الاسترالية	مشكاح	الهجرة إلى أستراليا ونيوزيلاندا والسويد	85	6th September 2017 06:16 AM
تكنولوجيا المستقبل الحياه العمليه	Bassam	الموبايل والإتصالات وتكنولوجيا المعلومات	2	15th March 2011 09:53 PM
سؤال بخصوص مستوى اللغة الفرنسية اللى أكتبة فى الطلب لكيبك؟	هشام المصرى	الهجرة إلى كندا	9	20th September 2010 10:35 AM
العمليه رقم 7--- مـصـــيده رئيس الموساد في القاهره	د. يحي الشاعر	المخابرات والتجسس والجاسوسية	0	9th September 2008 07:45 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الهجرة إلى كندا

أي سؤال في الخطوات العمليه للهجره لكيبك؟