ليه حظهم قليل مع إني المعاناة شديدة

[سنا الشرق]

الصحف المصرية والعربية

بسم الله الرحمن الرحيم

السلام عليكم ورحمة الله وبركاته

طلاب الثانوية الازهرية حظهم قليل مع الاعلامي المصري مع إني معاناتهم شديدة

القنوات التعليمية للتعليم العام

حتى قناة الرحمة لما تبث برامج تعليمية يكون للثانوية العامة

صحيح هناك مواد مشتركة إنما القليل منها

متابعة الامتحانات للثانوية العامة

الفرحة بالنتيجة للثانوية العامة

الاوائل وضجة تصحبهم للثانوية العامة

مساكين طلاب الثانوية الازهرية

 

[hopsan]

عندما يستقل الأزهر و يصبح مؤسسه دينيه علميه مستقله سيكون لهؤلاء الطلبه شأن آخر و سيكون معتمر الزى الأزهرى مفخره للذى يسير بجواره

 

 

[dr-amira]

معاكى حق يا سنا ..حتى يوم الفيزياء كانوا بيصوتوا من صعوبتها و الاعلام كان مركز مع سهولة فيزيا الثانوية العامة ...نفس الكلام مع اوائل الخريجين ...اوائل الازهر بيشتكوا مر الشكوى من عدم التعيين فى الوقت اللى تم الاعلان عن تعيين اوائل الجامعات من 2002 .....حاجة غريبة

 

 

[سنا الشرق]

اقتباس المشاركة الأصلية كتبت بواسطة hopsan عندما يستقل الأزهر و يصبح مؤسسه دينيه علميه مستقله سيكون لهؤلاء الطلبه شأن آخر و سيكون معتمر الزى الأزهرى مفخره للذى يسير بجواره

ا

الشعب يريد استقلال الازهر

 

 

[سنا الشرق]

اقتباس المشاركة الأصلية كتبت بواسطة dr-amira معاكى حق يا سنا ..حتى يوم الفيزياء كانوا بيصوتوا من صعوبتها و الاعلام كان مركز مع سهولة فيزيا الثانوية العامة ...نفس الكلام مع اوائل الخريجين ...اوائل الازهر بيشتكوا مر الشكوى من عدم التعيين فى الوقت اللى تم الاعلان عن تعيين اوائل الجامعات من 2002 .....حاجة غريبة

فعلا الفيزيا بتاعت الازهر كانت صعبة جداً ومافيش حد جاب سيرتها غير واحد غلبان في منتدى الازهر التعليمي

ربنا معاهم

 

 

[سنا الشرق]

شيخ الأزهر يقرر حذف فقرتين من امتحان الفيزياء بالثانوية




قرر فضيلة الإمام الأكبر الدكتور أحمد الطيب شيخ الأزهر حذف فقرتين من امتحان مادة الفيزياء للشهادة الثانوية الأزهرية بالقسم العلمى , وذلك بناء على ما قررته اللجنة التى تم تشكيلها لمراجعة الامتحان والتى تكونت من أساتذة متخصصين فى الفيزياء من جامعة الأزهر.

وأوضح بيان صادر عن الأزهر الثلاثاء أن اللجنة التى قرر شيخ الأزهر تشكيلها رأت أن الامتحان فى مستوى الطالب المتوسط فى مجمله , ويشمل أغلب أجزاء المقرر وجميع الأسئلة التى وردت فى الامتحان وفقراتها المختلفة وردت فى نسخة كتاب الفيزياء للثانوية العامة لوزارة التربية والتعليم طبعة (2010/2009) والمقررة على طلاب الشهادة الثانوية الأزهرية.

وأضاف البيان أن اللجنة تأكدت أن الأسئلة فى مجملها واضحة وإجابتها النموذجية وردت فى الكتاب المذكور وإن كان هناك بعض أجزاء الأسئلة بها بعض الغموض الذى يتطلب طالبا متميزا , حيث أوصت اللجنة بحذف الفقرة ب (1) من السؤال الثانى , وحذف الفقرة ا- (3) من السؤال الرابع تيسييرا على الطلاب ومراعاة لمصالحهم.

وكان طلاب الثانوية الأزهرية القسم العلمى قد اشتكوا من بعض أسئلة الفيزياء لصعوبتها وخروجها عن المنهج.

 

 

[سنا الشرق]

بعض التعليقات على الموضوع السابق لانه تم حذف الاسهل وترك الاصعب


عليقات القراء

الاسم : ام منى ورامي

اللجنة المشكلة لحذف الفقرات كان الفروض تتشكل قبل الامتحان مش بعدة (همسة عتاب)
الاسم : مني رامي

ياريت قبل ما تحذفوا حاجة اسألونا الاول
الاسم : اللورد

الامتحان سهل جدا
الاسم : اللورد

الامتحان سهل جدا
الاسم : سمر

حراااااااااااااااام الامتحان جاى صعب جدا اصعب من امتحانات الثانوية العامة؟؟؟يا ظلمة حسبى الله ونعم الوكيل
الاسم : *ساسو*

توقعت اجزاء تانية اللى تتحذف بصراحة لو عايزين نشتكى الكميا كما ن مفش ليها حذف؟
الاسم : سارة

ربنا كبير وان شاء الله ربنا هيخلص ده كله منهم يمهل ولا يهمل واقرب مثال للظالم حسنى مبارك
الاسم : وامتحان التاريخ

القسم الادبي بيقول اشمعن اتحذف في الفيزياء والتاريخ ماتحذفش فيه حاجه ولا علشان احنا طيبين بس احنا مش هنسكت
الاسم : سليم عرفه

حرام عليكم الامتحان كان صعب حرام عليكم امتحنات المواد الثقافيه صعبه جداااا
الاسم : سارة النجدى

والله دا ظلم احنا نتعب طول السنة وفى الاخر الطلابة الفاشلة هما اللى ينجحو بالغش حسبى الله ونعم الوكيل
الاسم : ولي أمر طالب

حرام تحذف الأجزاء المباشرة وتسيب المسائل الغير مباشرة وصعبة ومحتاجة وقت هذا ظلم بين ... أعتقد حرام عليكم
الاسم : محمد

اشكر فضيلة الامام ولكن ارجو منه ان ينظر في قصر الوقت
الاسم : حازم

حــــــــــــراااااااااااامــــــــــــــ
الاسم : مصطفي

انا حليت الفقرتين دول صح والسؤال الخامس كان فيه بعض الصعوبة طيب اللي حليتهم راحوا خلاص ولا ايه
الاسم : هدير ماهر

حرام حذف ماحذف لان هذا ليس اصعب مافي الامتحان والاصعب والاولى حذفه هو ج في السؤال الثالث
الاسم : مجهول

اريد الشفقة بالطلا ب
الاسم : مها

جاى يحذف الاسئلة المباشرة وسايب الاسئلة الصعبة اللى محتاجة تفكير
الاسم : غادة

حرام بجدحرام يعنى الاستاذ المحترم الى اختار الاسئلة دى علشان يحذفها عمى عن الاسئلة الصعبة الاسئلة دى بذات متأكدة أن كل الطلبة حلنها. ياريت متحذفوش حاجة احسن
الاسم : مجهول

روح الهى يقعدها لاحفادك
الاسم : مها

جاى على اللى احناحلناوالساهل وتحذفهايه اصله دةيارب ماتضيع تعبي طول السنة حسبي الله ونعم الوكيل
الاسم : مجهول

حرام والله الإستاذ المحترم الي اختار النقط الي تنحذف في الإمتحان يسمحلي اقوله ان هو مش بيفهم حاجه خالص في الفيزياء عشان يختار اسهل النقط ويحذفها حرام عليكم دا دي هي الحاجات الي احنا حلناها راعوا ربنا لإما ماتحذفوش حاجه خالص
الاسم : هاجر

ربنا ينتقم منكم الامتحان كان صعب جدا حرااااااااااااااااام
الاسم : مجهول

حسبي الله ونعم الوكيل فيكو ياظلمة
الاسم : طالبة أزهرية

حسبى الله و نعم الوكيل
الاسم : مجهول

حسبي الله ونعم الوكيل فيكم لصعوبة امتحان الفيزياء وطوله والوقت غير كافي
الاسم : معلم أول أ

حر ام والله ما يحدث بالأزهر ناس يجيلهم امتحانات الورالأول والتصحيح والدور الثانى وناس قاعدين لا يخرجون فى الملاحطة ولا التصحيح وخصوصا منطقة البحيرة بسبب سمير الغراوى ابن البحيرة والذى يعمل بقطاع المعاهد
الاسم : احمد السعيد شعيب

اناشد فضيلة الإمام الأكبر الدكتور أحمد الطيب شيخ الأزهر بمراعات الطلاب فى التصحيح والتخفيف خصوصا مادة الفيزيا نظرا لصعوبتها ولكم منا جزيل الشكر
الاسم : ايمن الازهرى

بالفعل امتحان الفيزياء كان غاية فى السهولة والوضوح ولكن نحنوا نشتكى من قلت الوقت والحمد لله ابليت بلاء حسن فى مادة الفيزياء ارجوا من شيخ الازهر ان ينظر الى زمن الامتحانات وخاصة المواد الثقافية وشكرا جزيلا واريد ان اعرف الفقرتين يتم حذفهم لمن كانت ورقة الاجابة تحتوى على هذه الاسئلة فقط ويتم احتياب الدرجات ....؟؟؟؟؟؟؟؟؟؟؟
الاسم : مجهول

حراااااااااااااااام

 

 

[سنا الشرق]

الخبر ده بالامس بعد امتحان الميكانيكا

شهدت امتحانات الثانوية الأزهرية، اليوم، 7 حالات إغماء بين الفتيات بسبب صعوبة امتحان مادة الميكانيكا للقسم العلمى، حيث شهد معهد فتيات شبرا الخيمة 3 حالات وتم نقلهن إلى مستشفى النيل للتأمين الصحى، عقب خروجهن من اللجان، بكاء الفتيات بطريقة هستيريا مما وصل بهن إلى درجة الإغماء، وحالتان بمعهد فتيات المعادى النموذجى وحالتان بمجمع فتيات مدينة نصر. وأكد محمود صباحة، عضو لجنة متابعة سير الامتحان أن اللجنة تلقت ما يقرب من 50 شكوى من الطلبة وأولياء الأمور خلال ساعة واحدة بعد الامتحان تؤكد صعوبة امتحان الميكانيكا وتطالب شيخ الأزهر بالتدخل لحل مشاكل الطلبة.
وعلى الجانب الآخر أدى طلاب القسم الأدبى امتحان مادة المنطق، الذى وصفوه بالسهل، ولم يوجد به أى تعقيد أو أسئلة خارج المقرر معترضين فقط على طول الامتحان.