بث ... من فضلك

[سين سين]

الصحف المصرية والعربية

من خلال بحثي على انت من اول ألتا فيزتا .... لحد اخر العنقود " جوجل عبد ربه جوجل " لم اصادف مساخر ( جمع مسخره ) مثلما يحدث في مسخرة البث الفضائي لمباريات كرة القدم في المحروسة

ومن الواضح انها سبوبه نضيفة وكبيرة قوي لأعضاء اتحاد الكباب والكفته الموقرين .. وفيها لأخفيها

ويكفي قمة المساخر التي حدثت من السيد سمير زاهر عندما اتصل بمحمد مصيلحي رئيس نادي الانحاد السكندري وامره في نصف مباراته أعتقد من طلائع الجيش بان يقطع البث ويطرد طواقم التصوير ... زي اللي حلق نص دقنه والميه والكهربا قطعوا

ثم أتبعها بان طرد طواقم التصوير في مباراة الاهلي والأوليمبي ولم تذاع المباراة

ثما أعلنوا بإنهم توصلوا لاتفاق مع التليفزيون المصري الذي سيحصل على حق البث ثم يُعيد بيع هذا الحق لباقي القنوات الفضائية الاخرى .... كان هذا من حوالي شهر وأكثر

ثم نفاجأ اليوم بتهديد من ناديي الأهلي والزمالك بعدم اذاعة مبارياتهم التي تبدأ اليوم بمباراة الزمالك والاتحاد ... ثم غداً الأهلي والجيش وذلك لإن التليفزيون لم يعرض عليهم أي اتفاقيات وكذلك أتحاد الكباب حتى الأن ..


وأصبح الموضوع يتطلب تدخل القائد الاعلى للقوات المسلحة سيادة الرئيس حفظه الله لحل تلك المشكلة .....

ودوخيني يا لمونه ..

وفعلاً البلد اللي ما فيهاش كبير .. يستحق أهلها اللي يجرا لهم


وبث بقى عشان قرفت وزهقت

 

[haya]

اقتباس ثم نفاجأ اليوم بتهديد من ناديي الأهلي والزمالك بعدم اذاعة مبارياتهم التي تبدأ اليوم بمباراة الزمالك والاتحاد ..

اول مرة أشوف ناديي الاهلي و الزمالك متفقين علي حاجه ...

 

 

[ana_3enady]

دعوه لموضوعي

RobertInole

تصدقوا بالله

أهه كدة أريح

على الأقل ما حدش يتفرج على المباريات وبعد كدة الأعضاء تدخل تلطض في بعض علشان خاطر فريق ولا لاعب

طوبة على طوبة خلي العاركة منصوبة

يا رب زيدهم

 

 

[af27_3]

اقتباس المشاركة الأصلية كتبت بواسطة haya اول مرة أشوف ناديي الاهلي و الزمالك متفقين علي حاجه ...

هما أتفقوا دلوقت لأن الأتفاق ده فى مصلحتهم الأتنين .....ومش فى مصلحتنا أحنا المشاهدين والمشجعين والمتابعين للمباريات ......أحنا الجانب الضعيف وما فيهاش حاجه لو جاروا علينا شويه ....مش مهم نولع بجاز ...
ومتأسف أنى رديت على الموضوع لأنى بجد كنت ناويت أنى ما أدخلش باب الرياضه ده خالص لاقارىء ولا حتى مشارك ...هى جت كده بالصدفه ...وما عرفتش غير بعد ما رديت ....علشان ألى حصل قبل كده ما يحصلش تانى..........وكله كلام فاضى ما بيصدق شوية ***** يسفتزوا بيه ويستفزوا بيه غيرهم ....ويدافعوا عن فكرتهم حتى لو غلط مادام على هواهم .....أسف تانى أعتبروها المرة الأخيرة أن الخطأ ده يحصل تانى ........

 

 

[ana_3enady]

دعوه لموضوعي

RobertInole

ههههههههههههههه

مش قولتلك يا سين سين كدة أريح

بكرة هاتشوف وهاتعرف

 

 

[kokomen]

اقتباس المشاركة الأصلية كتبت بواسطة سين سين من خلال بحثي على انت من اول ألتا فيزتا .... لحد اخر العنقود " جوجل عبد ربه جوجل " لم اصادف مساخر ( جمع مسخره ) مثلما يحدث في مسخرة البث الفضائي لمباريات كرة القدم في المحروسة ومن الواضح انها سبوبه نضيفة وكبيرة قوي لأعضاء اتحاد الكباب والكفته الموقرين .. وفيها لأخفيها ويكفي قمة المساخر التي حدثت من السيد سمير زاهر عندما اتصل بمحمد مصيلحي رئيس نادي الانحاد السكندري وامره في نصف مباراته أعتقد من طلائع الجيش بان يقطع البث ويطرد طواقم التصوير ... زي اللي حلق نص دقنه والميه والكهربا قطعوا ثم أتبعها بان طرد طواقم التصوير في مباراة الاهلي والأوليمبي ولم تذاع المباراة ثما أعلنوا بإنهم توصلوا لاتفاق مع التليفزيون المصري الذي سيحصل على حق البث ثم يُعيد بيع هذا الحق لباقي القنوات الفضائية الاخرى .... كان هذا من حوالي شهر وأكثر ثم نفاجأ اليوم بتهديد من ناديي الأهلي والزمالك بعدم اذاعة مبارياتهم التي تبدأ اليوم بمباراة الزمالك والاتحاد ... ثم غداً الأهلي والجيش وذلك لإن التليفزيون لم يعرض عليهم أي اتفاقيات وكذلك أتحاد الكباب حتى الأن .. وأصبح الموضوع يتطلب تدخل القائد الاعلى للقوات المسلحة سيادة الرئيس حفظه الله لحل تلك المشكلة ..... ودوخيني يا لمونه .. وفعلاً البلد اللي ما فيهاش كبير .. يستحق أهلها اللي يجرا لهم وبث بقى عشان قرفت وزهقت

الموضوع ده بيثبت أن العشوائية تسود في كل مصر المحروسة

لا فيه قوانين تطبق ..... وإن وجدت لا تحترم

وبعد ده كله يقول لك المواطن المصري بيتعدى على القوانين

صدق اللي قال علينا بلد العشوائيات ...... وسلم لي على القانون والمؤسسات المحترمة