Arabic Discussion Forum with a Special Interest in Travel and Immigration

حشيش · 19th October 2009, 04:06 PM

العالم بيتطور بسرعة رهيبة ونحن لا زلنا فى غيبوبة ! ... هذا المقال من بى بى سى يتحدث عن أن العالم قد يستغنى عن نظام التشغيل (ويندوز) تماماً وذلك بإستخدام ما يعرف بنظام السحابة أو الكلاود! ... حد فاهم حاجة! ... طب حد فاهم ليه Windows 7 ينزل السوق بعد أقل من سنتين من نظام التشغيل Vista ! ... طب واحنا حنلاحق ورا ميكروسوفت دى إزاى برنترات واسكنارات مع تغيير نظم التشغيل كل شوية!

ويندوز 7 فرصة مايكروسوفت الوحيدة لاستعادة سمعتها

تيم ويبر
بي بي سي - لندن

تقول مايكروسوفت انها تعلمت الكثير من مشاكل فيستا

تطلق شركة مايكروسوفت للبرمجيات الخميس آخر نسخة من ويندوز، نظامها لتشغيل الحواسيب "ويندوز 7"، وسيحدد نجاح هذه النسخة او فشلها مصير الشركة العملاقة.

عندما يتعلق الامر بمايكروسوفت، من المهم ان تتذكر حجمها الهائل، فـ90 بالمئة من حواسيب العالم تشتغل بنظام ويندوز، وتقول الشركة ان اكثر من مليار شخص يستخدمونه.
كما ان نصيب النظام من مداخيل الشركة لا يستهن به، اذ شكل اكثر من نصف ارباحها في العام الماضي، والتي بلغت 58.4 مليار دولار.

ومنذ اعوام، يتكهن الخبراء بنهاية احتكار مايكروسوفت لسوق انظمة التشغيل، قائلين ان آبل "العائدة" أو نظام لينوكس الحرستطيحان بها، ومنهم من يقول ان ثورة في كيفية استخدام الحواسيب ستكون نهاية مايكروسوفت، حيث لن تحتاج الحواسيب الى تخزين انظمة التشغيل محليا، بل تديرها من خوادم بعيدة فيما يطلق عليه "الكلاود أو السحابة".

لكن الحقيقة ان الد اعداء مايكروسوفت نفسها، فتصرفاتها المتشددة تجاه منافسيها جلب عليها اهتمام صناع القرار في المفوضية الاوروبية ووزارة العدل الامريكية.

واهم من ذلك انها تسرعت في اطلاق نسخة "فيستا" من ويندوز قبل ثلاث سنوات. واضطر مستخدمو ويندوز فيستا، وهو برنامج "منتفخ" صعب التحميل الى التخلي عن الكثير من برامجهم وآلاتهم (هاردوير) التي لم تتلاءم معه. كانت تلك كارثة ضربت مصداقية مايكروسوفت لدى المستهلكين والمبرمجين على حد سواء.

مازال سلف "فيستا"، وهو ويندوزاكس بي" متألقا رغم ان عمره 8 سنوات، ولا يتعدى نصيب فيستا في السوق 18.6 بالمئة، ويقول البعض 35 بالمئة، لكنه يبقى اداء ضعيفا رغم ذلك.

كل هذا يجعل من اطلاق ويندوز 7 فرصة مايكروسوفت الوحيدة لاستعادة سمعتها، ويقول كل موظف بارز في مايكروسوفت تناقشه في الامر: "لقد تعلمنا الكثير من فيستا."
ويبدو الامر كذلك، فمايكروسوفت تطلق ويندوز 7 في موعده، بينما تأخرت فيستا سنتين، كما تفادت الشركة الوقوع في خطأ فادح ارتكبته مع فيستا، وهو اطلاق النظام قبل استعداد شركائها المهمين لتبنيه.

ana_3enady · 19th October 2009, 04:36 PM

دعوه لموضوعي

RobertInole

ع البركة

hoppa · 19th October 2009, 04:41 PM

اقتباس

المشاركة الأصلية كتبت بواسطة حشيش


	حيث لن تحتاج الحواسيب الى تخزين انظمة التشغيل محليا، بل تديرها من خوادم بعيدة فيما يطلق عليه "الكلاود أو السحابة".

يا سلام و نجيبلهم خطوط انترنت سريعة منين دى كمان

د. يحي الشاعر · 19th October 2009, 04:52 PM

لا تستغرب إطلاقا من ميكروسوفت

شوف التطور من إلي DOS إلي MS-DOS إلي WINDOWS-3 إلي WINDOWS 95 إلي WINDOWS 98 إلي إلي WINDOWS -NT إلي WINDOWS 2000 إلي WINDOWS حــاف إلي PEN-WINDOWS إلي WINDOWS-XP إلي WINDOWS 6 إلي VISTA إلي WINDOWS-7 وغير ذلك من ال OPERATING SYSTEMS والناس بتجري وراه ومش لاحقة ....

هو يتماشي ... بل يؤثر علي تطوير النظم بشكل مش معقول ... ويتضخم في متطلباته ..

يعني أيام زمــااااااااااان قوي ، كنا نبرمج ونوجع راسنا ، علشان نشوفBYTE كام وBIT كام ونتحابل ونعمل باكينح وأنباكينج وغير ذلك من التقنيات ب 128 BYTE ، النهاردة بتتعامل مع عدد كبير من الجيجا بايت .. BYTE GIGA BYTE وتيرا بايت TERA BYTE

ونجري ورا التطورات الجديدة "القديمة" .. من PUPPLE STORAGE إلي
VIRTUAL STORAGE إلي CLOUD STORAGE

معلهش يا باشا ... دنيا تتطور .... وإنا بنتعلم ، نجري ..... ورا ميكرو سوفت وإنتيل وغيرهم

والهند تحتكر التقنية وبرجمتها ومبرجميها ..... والخليج بيعمل المركز التقني العالمي ويستورد الخبراء (من الهند وروسيا والمجر وبولندا) ومصر لسه بتحارب "الــفــساد " و " بلاوي ... الفتاوي"

د. يحي الشاعر

O.S.A.M.A · 19th October 2009, 04:55 PM

اقتباس

المشاركة الأصلية كتبت بواسطة hoppa


	يا سلام و نجيبلهم خطوط انترنت سريعة منين دى كمان

تغيير الإنفراستراكتشر يا هبة ...

يعنى ببساطة الإعتماد على الكيبولز الفايبر أوبتيك بصورة أكبر والموضوع بتاع الكلودينج كومبيوتينج Cloud Computing هو مجرد عمل كلاسترينج للخوادم وكلاسترينج للتطبيقات وعمل سنتراليزيشن لقواعد البيانات يعنى كل الداتا تبقى فى مكان واحد هو بس المشكلة كلها فى مدى أمان الأنظمة يعنى لكى أن تتخيلى أن الداتا بتاعة منشأة معينة هاتكون فى خادم بره وتبقى أنتيجريتد مع التطبيقات المشابهة وطبعاً بيبيرمشن معينة

طبعاً الموضوع ده أنا متوقعله الفشل مبدئياً فى دولنا العربية لأن السيكيوريتى هيا نمرة واحد هنا .. ها يحلوها ازاى ؟؟ هانشوف..

haya · 19th October 2009, 06:09 PM

اقتباس

المشاركة الأصلية كتبت بواسطة Abu Youssef


	تغيير الإنفراستراكتشر يا هبة ... يعنى ببساطة الإعتماد على الكيبولز الفايبر أوبتيك بصورة أكبر والموضوع بتاع الكلودينج كومبيوتينج Cloud Computing هو مجرد عمل كلاسترينج للخوادم وكلاسترينج للتطبيقات وعمل سنتراليزيشن لقواعد البيانات يعنى كل الداتا تبقى فى مكان واحد هو بس المشكلة كلها فى مدى أمان الأنظمة يعنى لكى أن تتخيلى أن الداتا بتاعة منشأة معينة هاتكون فى خادم بره وتبقى أنتيجريتد مع التطبيقات المشابهة وطبعاً بيبيرمشن معينة طبعاً الموضوع ده أنا متوقعله الفشل مبدئياً فى دولنا العربية لأن السيكيوريتى هيا نمرة واحد هنا .. ها يحلوها ازاى ؟؟ هانشوف..

ابو يوسف ..جامد جدا علينا الكلام ده هه

طب هيا سحابتنا هاتبقي غير سحابتهم يا ابو يوسف؟
يعني لو حلوا مشكله السيكيورتي في سحابتهم ليه ما يقدروش يحلوها في سحابتنا

اللي يجن بقي ان التنكلوجي بقي يتطور بشكل مرعب
كل ما الواحد يشتري جهاز جديد باحدث إمكانيات يتخيل انه ما فيش منه اتنين وهووووب شهر ولا اتنين تطلع حاجه جديدة تضربله الاختراع الوهمي االلي معاه ..وتخليه بقي قطعه اثرية

O.S.A.M.A · 19th October 2009, 06:20 PM

اقتباس

المشاركة الأصلية كتبت بواسطة haya


	ابو يوسف ..جامد جدا علينا الكلام ده هه طب هيا سحابتنا هاتبقي غير سحابتهم يا ابو يوسف؟ يعني لو حلوا مشكله السيكيورتي في سحابتهم ليه ما يقدروش يحلوها في سحابتنا اللي يجن بقي ان التنكلوجي بقي يتطور بشكل مرعب كل ما الواحد يشتري جهاز جديد باحدث إمكانيات يتخيل انه ما فيش منه اتنين وهووووب شهر ولا اتنين تطلع حاجه جديدة تضربله الاختراع الوهمي االلي معاه ..وتخليه بقي قطعه اثرية

الموضوع بسيط يا هايا ...
الكلاسترينج يعنى تقسيم والتقسيم ده هايحصل على مستوى الدول على مستوى الهيئات وعلى مستوى حتى التطبيقات
من حوالى أكتر من 7 أو 8 سنين كنت حضرت سيمنار فى مصر للجماعة بتوع أوراكل ودى شركة مشهورة بقواعد البيانات وكانوا بيتكلموا عن موضوع تمركز البيانات فى خادم واحد او عمل حاجة بتتسمى لود بلانسينج بين مجموعة من الخوادم وبحيث نقدر نحط كل البيانات الخاصة بالهيئات والشركات فى مكان واحد يعنى مثلاً نظام شئون موظفين كل الهيات والشركات يبقى متمركز فى مكان واحد وده على سبيل المثال وبعدين كل شركة ليها صلاحيات معينة بتدخل بيها على البيانات الخاصة بيها وأمكانية عمل تشارك وهو ده الهدف فى البيانات اللى ممكن يتم التشارك فيها يعنى زى طلبات التوظيف وطبعاً الموضوع ده مامشيش فى مصر لأن ببساطة الداتا سينتر دى لازم يكون فيه جهة راعية ليها وهيا اللى تكون مسئولة عنها ولكى ان تتخيلى البيانات اللى هيا ممكن نقول عليها ثروة كل شركة ما تبقاش فى خوادم الشركة نفسها طبعاً عشان كده الشركات والهيئات وعلى رأسهم طبعاً الوزارات متحمسوش للفكرة

أما بقى السحابة بتاعتنا كل اللى هايحصل أن هايحصل تشارك فقط فى البيانات المصرح بيها زى ماهو بيحصل حالياً يعنى هنا فى الدوحة كل وزارة أو هيئة عندها بيناتها لكن فيه بيانات شيرد وبتتولاها ال ICT أو المجلس الأعلى للإتصالات وفى خوادمها
وطبعاً للأسف الشديد الموضوع ده مش موجود حتى بالصورة دى فى مصر

haya · 19th October 2009, 06:28 PM

طيب معلش يا ابويوسف خدني علي اد عقلي

هو مش احنا بالفعل عندنا دلوقتي الnetwork
وديه بتشتغل بيها مجموعه شركات تابعه لشركه واحده
يعني مثلا شركه كبيرة عندها مصانع في اكتر من مكان
مش هما عندهم نيت ورك واحد ولهم قاعدة بيانات واحده يرجعولها وبرضه اكيد فيه جزء محجوب وله خصوصيه مثلا خاص بالمدراء ...يبقي ايه الجديد في السحابه وايه الميزة ؟

O.S.A.M.A · 19th October 2009, 06:36 PM

اقتباس

المشاركة الأصلية كتبت بواسطة haya


	طيب معلش يا ابويوسف خدني علي اد عقلي هو مش احنا بالفعل عندنا دلوقتي الnetwork وديه بتشتغل بيها مجموعه شركات تابعه لشركه واحده يعني مثلا شركه كبيرة عندها مصانع في اكتر من مكان مش هما عندهم نيت ورك واحد ولهم قاعدة بيانات واحده يرجعولها وبرضه اكيد فيه جزء محجوب وله خصوصيه مثلا خاص بالمدراء ...يبقي ايه الجديد في السحابه وايه الميزة ؟

مانا فعلن باخدك على قد عقلك الكبير يا هايا

الشبكات دى يا هايا هيا وسيلة الإتصال وطبعاً المشكلة مش فى الإتصال وتشارك البيانات فى الشركة أو الجهة الواحدة المشكلة أنك هاتتشاركى البيانات مع اكتر من جهة...

لأ أزيدك من الشعر بيت هاتتشاركى مع أكتر من دولة "واخدة بالك من أكتر من دولة دى

"

وده طبعاً اللى مش مقبول فى مجتماعتنا اللى ثقافتها الإنغلاق

السحابة بقى أيه الجديد فيها الجديد فيها أن ممكن تدخلى النت من أى كمبيوتر وتقدرى تدخلى على نظام كامل بصورة ريموتلى من بعد ينى .. ولا حتى يكون عندك نظام تشغيل يعنى كل الدنيا بره بعيدة فى خوادم وتتصل مع بعض سواء وايرد أو وايرليس يعنى بكابلات أو عن طريق gprs أو الستالايت

والهدف من الموضوع ده الوصول الأسهل للمعلومة وتقليل التكلفة على المستخدم عشان مافيش نظام تشغيل مافيش تطبيق ولا حتى بيانات كله على خوادم مشتركة

O.S.A.M.A · 19th October 2009, 06:38 PM

فيه هنا الجماعة بتوع ويكيبيديا عاملي نبذة عن الموضوع

https://en.wikipedia.org/wiki/Cloud_computing

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
العملة الرقمية Tether ورمزها USDT	مال وأعمال	حشيش	0	2126	5th March 2024 07:09 PM
عطل يضرب فيسبوك وإنستجرام	Facebook	حشيش	1	1714	5th March 2024 03:45 PM
فضائح وأسرار على متن سفينة الأثرياء "ذا...	موضوعات عامة ... موضوعات خفيفة ... منوعات	حشيش	0	1843	27th February 2024 12:42 PM
خطوات التقديم على فيزا أيرلندا	أبناؤنا فى الخارج	حشيش	0	946	16th January 2024 01:41 AM
السعر الحقيقي للجنيه المصري أمام العملات الأجنبية	شؤون مصر الداخلية	حشيش	53	5059	6th January 2024 06:41 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كلاكيت تاني مره ........... الدعم كمان و كمان	brain	شؤون مصر الداخلية	3	23rd January 2010 09:29 AM
الدعم كمان و كمان ......... هي الحكومه ماورهاش حاجه تانيه تشغلها	brain	شؤون مصر الداخلية	3	31st May 2009 10:02 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

أرشيف أبواب الكمبيوتر والإتصالات

إيه موضوع (السحابة) ده كمان ؟