Arabic Discussion Forum with a Special Interest in Travel and Immigration

Remon.soliman · 26th June 2016, 12:56 AM

دعوه لموضوعي

سلام على شباب كيبك

وأنا بحاول أملى الcheck list الخاصة بالأوراق المطلوبة لكيبك وجدت الآتي:

في حالة ان جامعتك ماكنتش موجودة في الليستة وانت كتبتها بإيدك محتاج انك تبعت إثبات بترخيص الجامعة (أنا شايف ان لو جامعة خاصة زي حالاتي ومش موجودة كافي انك تجيب شهادة معادلة من المجلس الأعلى للجامعات وده مركزه جامعة القاهرة في الدقي)

أما لو كليتك ماكنتش موجودة في الليستة وكتبتها بإيدك فتحتاج تجيب من كليتك ملخص دراسي لكل المواد اللي درستها وشروط القبول للكلية

والكلام ده للأسف بالتبعية ينطبق على مؤهل الثانوية العامة للي كتبه واللي أكيد كل مدارسنا مش في الليستة

كله يخش الاكونت ويراجع ملفه ويترجم الحتة دي بنفسه ويتأكد منها

علماً بأن المدة الممنوحة لإرسال الأوراق هي 90 يوم من التقديم يعني بحد أقصي 13 سبتمبر 2016

بغض النظر عن انهم هيبعتوا ايميل إرسال الورق امتي - واللي لسة ماتبعتش حتى كتابة هذه الكلمات - المدة هي 3 شهور من التقديم

اللهم بلغت اللهم فأشهد

كله يراجع ملفه ويبدأ يحضر ورقه الوقت مقصر

بالتوفيق للجميع
posted via mobile device

eagle · 26th June 2016, 08:38 AM

اه يا جماعة وانا وضحت النقطه ديه قبل كده لما كنا بنسجل مع بعض ... مش لازم التخصص لو مش عليه الهمزة واحنا بنسجل يبقي لازم نكتبه ! ,,, يعني بنختار اقرب حاجة ليه ... انا اخترت جامعة وتخصص من الليسته ... لكن طبعا المدرسة الثانوية مش موجودة ديه بقي مش عارف هنعمل فيها ايه .. انا جايب شهادة الثانوية العامة من الادراة التعليمية مترجمه , فهل ده كفاية ؟

Remon.soliman · 26th June 2016, 11:16 AM

دعوه لموضوعي

مطاريد الكويت

تصحيح يا شباب

اللخبطة اللي حصلت معايا ده راجع لغلط في ملي الملف

لأني في الأول كنت فاكر اني لازم اكتب مسمي البكالوريوس كامل فعلمت على ان المسمي مش موجود

وده غلط كبير لأن المقصود في الأول هو نوع المؤهل

بكالوريوس - دبلوم - ثانوي

وطبيعي لو ولا حاجة في دول يبقى بالنسبة لهم ماهيته مش مفهومة وساعتها طبيعي برضو هيحتاجوا يعرفوا المواد اللي انت درستها وشروط الالتحاق بالكلية عشان يحددوا نوع المؤهل

فالوضح الصحيح ان الناس تكتب في الاول بكالوريوس اللا لو كانت ضمن المسميات اللي تحت زي بكالويويس في العلوم ودي الكليات الخمس سنوات ان بكالوريوس في علوم الهندسة المعمارية الخ

اما اي بكالوريوس تاني 4 سنين فيكتفي ببكالوريوس بس

وفي الصفحة اللي بعديها هيلاقي التخصص وغالبا هيلاقي التخصص بتاعه

بس رغم كده يفضل مشكلة شهادة الثانوية العامة لنك أكيد كلنا مدارسنا مش موجودة

khaled_sabry · 26th June 2016, 11:46 AM

مش عارف يا اخى كيبيك دى بحسها انها اصل الروتين اللى فى الدنيا
يعنى مش كفايه التعليقه اللى علقتها للناس من 2015/9 و ماعرفوش يقدمو غير فى يونيو السنه دى و كتير منهم (زى كده ) ماعرفوش بسبب نظام الطابور اللى برضه مشفاهمين لغايه دلوقتى هو بيوزع الادوار على اى اساس
و بعد ده كله يركنك سنتين

Remon.soliman · 26th June 2016, 03:07 PM

دعوه لموضوعي

مطاريد الكويت

اقتباس

المشاركة الأصلية كتبت بواسطة khaled_sabry


	مش عارف يا اخى كيبيك دى بحسها انها اصل الروتين اللى فى الدنيا يعنى مش كفايه التعليقه اللى علقتها للناس من 2015/9 و ماعرفوش يقدمو غير فى يونيو السنه دى و كتير منهم (زى كده ) ماعرفوش بسبب نظام الطابور اللى برضه مشفاهمين لغايه دلوقتى هو بيوزع الادوار على اى اساس و بعد ده كله يركنك سنتين

ده العادي بتاع كيبك وانت سيد العارفين
posted via mobile device

khaled_sabry · 26th June 2016, 04:07 PM

اقتباس

المشاركة الأصلية كتبت بواسطة Remon.soliman


	ده العادي بتاع كيبك وانت سيد العارفين posted via mobile device

بصراحه انا دلوقتى بقيت بقول الحمد لله انى ماعرفتش اقدم فيها
لانى قلوق بطبعى و مش بطيق الانتظار

saam · 27th June 2016, 09:06 AM

اية العبارة يا بشمهندس ريمون

مش هما بيقولو ان تقيم WES مش ضروري في كيبك

والله ما عرفنا نمشي في موضوع كيبيك اولا

Remon.soliman · 27th June 2016, 02:43 PM

دعوه لموضوعي

مطاريد الكويت

اقتباس

المشاركة الأصلية كتبت بواسطة saam


	اية العبارة يا بشمهندس ريمون مش هما بيقولو ان تقيم WES مش ضروري في كيبك والله ما عرفنا نمشي في موضوع كيبيك اولا

اه طبعا WES ملوش علاقة بكيبك
posted via mobile device

dona khair · 28th June 2016, 11:47 AM

لو سمحت يابشمهندس ريمون اناساعدنى عشان انااحترت ....انا اخترت البكالوريوس من اليستة لكن التخصص والثانوية كتبتهاواسم الجامعة انابكالوريوس تجارة جامعة سوهاج وكتبتها عشان مش موجودة ...المفروض اعمل ايه الخطوات اتعبك تقولها ليه بالتفصيل......و3شهور دى بعد التلاتة شهور يبعته الورق اللى عايزينه .....وشكرا ليك على تعبك والملاحظات على حاجات ممكن منعرفهاش ابدا ربنا يوفقك ويوفق كل الناس

dona khair · 28th June 2016, 03:26 PM

اقتباس

المشاركة الأصلية كتبت بواسطة Remon.soliman


	اه طبعا WES ملوش علاقة بكيبك posted via mobile device

احنا مش فاهمين حاجه انا اسم الجامعه مش موجود فى اللسته وهي جامعه سوهاج واصل على بكالوريوس تجاره قسم محاسبه كتبتها Bachelor of Commerce Major: Accounting
والورق ترجمته في الجامعه وعليه ختم النسر وختم الخارجيه

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
الهجرة العشوائية إلى أمريكا 2021	الهجرة بالفيديو	Remon.soliman	2	2853	18th October 2019 11:02 AM
حزب الكنبة l ريمون سليمان	أدب وشعر وقراءات متنوعة	Remon.soliman	0	3415	2nd March 2019 08:43 PM
ليه يا بلدي بتقتليني l ريمون سليمان	أدب وشعر وقراءات متنوعة	قمر الاصيل	4	9358	1st March 2019 09:03 PM
كيبك تقرر إلغاء أغلب طلبات الهجرة الحالية	مقاطعات كندا	Remon.soliman	5	3912	8th February 2019 08:12 AM
وزير هجرة كيبك الجديد يعلق استقبال طلبات الهجرة...	مقاطعات كندا	Remon.soliman	1	3185	27th January 2019 06:50 AM

أدوات الموضوع
أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الهجرة إلى كندا

هام وعاجل لكل من قدموا في كيبك 13 يونيو 2016