الحقيقة بدون تهميش .. عن سيرة البطل " حشيش " - منتديات المطاريد
بسم الله الرحمن الرحيم
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ (84) وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِندَهُ عِلْمُ السَّاعَةِ وَإِلَيْهِ تُرْجَعُونَ (85) "الزخرف"

منتديات المطاريد | الهجرة الى كندا | الهجرة الى استراليا

 


DeenOnDemand


BBC NEWS

    آخر 10 مشاركات

    Arabic Discussion Forum with a Special Interest in Travel and Immigration

    Immigration to Canada, Australia, and New Zealand

    Egypt and Middle East Politics, History and Economy

    Jobs in Saudi Arabia, USA, Canada, Australia, and New Zealand

    العودة   منتديات المطاريد > الترفيه والفكاهة والسمر > خمسة فرفشة

    خمسة فرفشة طرى على قلبك ... ملعون أبو الهم

    خمسة فرفشة

    الحقيقة بدون تهميش .. عن سيرة البطل " حشيش "


    الهجرة إلى كندا والولايات المتحدة واستراليا

    مواقع هامة وإعلانات نصية

    إضافة رد
     
    أدوات الموضوع انواع عرض الموضوع
    قديم 3rd December 2009, 10:26 AM سين سين غير متواجد حالياً
      رقم المشاركة : 1
    Member
     





    سين سين is on a distinguished road

    افتراضي الحقيقة بدون تهميش .. عن سيرة البطل " حشيش "

    أنا : سين سين




    عشان ما أشتتش موضوع المواهب الشعرية - الله ... انا جوعت - بتاع حشيش .. واللي البعض نكش فيه عن سيرة مسيرة النضال للبطل الشهيد الحي حشيش ... قلت أفتح موضوع جديد ومتقل أستعرض فيه مسيرة حشيش البطولية من أول ما مشي في السكة دي وتحديداً سنة 1798 إبان غزو الفرنسيس لمصر .. مروراً بالعصر العثمانلي وتحديداً ملازمته لمحمد علي باشا الكبير .. إلى مقاومته للأنجليز وتحريره لأرض المحروسة



    إنتظرونا ....

     

    الموضوع الأصلي : الحقيقة بدون تهميش .. عن سيرة البطل " حشيش "     -||-     المصدر : منتديات المطاريد     -||-     الكاتب : سين سين

     

     


     
    رد مع اقتباس


    Latest Threads By This Member
    Thread Forum Last Poster Replies Views Last Post
    الحقيقة بدون تهميش .. عن سيرة البطل " حشيش... خمسة فرفشة valantino348 23 2453 3rd December 2009 10:26 AM
    كيف تعرف انك تشاهد مباراة كرة قدم مصري ؟ خمسة فرفشة msameh 2 1116 10th September 2009 08:46 PM
    بث ... من فضلك الشباب والرياضة kokomen 5 1011 10th September 2009 02:05 PM

    قديم 3rd December 2009, 10:29 AM ana_3enady غير متواجد حالياً
      رقم المشاركة : 2
    ana_3enady
    Field Marshal
     






    ana_3enady has a reputation beyond reputeana_3enady has a reputation beyond reputeana_3enady has a reputation beyond reputeana_3enady has a reputation beyond reputeana_3enady has a reputation beyond reputeana_3enady has a reputation beyond reputeana_3enady has a reputation beyond reputeana_3enady has a reputation beyond reputeana_3enady has a reputation beyond reputeana_3enady has a reputation beyond reputeana_3enady has a reputation beyond repute

    ana_3enady's Flag is: Cape Verde

    افتراضي

    أنا : ana_3enady




    دعوه لموضوعي

    في الانتظار بس يا ريت حضرتك تركز على حملة فريزر .. بكل ما تحتويه

     

     


     
    رد مع اقتباس

    قديم 3rd December 2009, 10:45 AM Farida غير متواجد حالياً
      رقم المشاركة : 3
    Farida
    Brigadier General
     





    Farida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond reputeFarida has a reputation beyond repute

    افتراضي

    أنا : Farida





    ايوه يا سين سين ...............انا برضه قلت لا يفل الحديد الا الحديد قصدى لا يمكن حد يحكى عن البطل المغوار حشيش الا البطل المغوار سى السيد ........قول قول يا سين سين انا جبت تلاته كيلو لب و اربعه كيلو سودانى و بجنيه حمص علشان الحكايات

     

     


     
    رد مع اقتباس

    قديم 3rd December 2009, 11:01 AM عبقرينو غير متواجد حالياً
      رقم المشاركة : 4
    عبقرينو
    Golden Member
     





    عبقرينو has much to be proud ofعبقرينو has much to be proud ofعبقرينو has much to be proud ofعبقرينو has much to be proud ofعبقرينو has much to be proud ofعبقرينو has much to be proud ofعبقرينو has much to be proud ofعبقرينو has much to be proud ofعبقرينو has much to be proud of

    افتراضي

    أنا : عبقرينو






    بعد المديح ف المكمل
    * احمد* ابو درب صادق
    احكي في سيره و كمل
    عرب يذكروا قبل ذلك...
    و يا اه يا عيني علي اه
    يابا اه يا عيني على اه...
    عرب يذكروا قبل ذلك
    سيرة عرب اقدمين
    كانو ناس يخشوا الملامه
    بطلهم بطل سبع و متين
    يسمى الهلالي سلامه (ابو نوسة)
    و يا اه يا عيني علي اه
    يابا اه يا عيني على اه...

     

     


     
    رد مع اقتباس

    قديم 3rd December 2009, 11:09 AM toota غير متواجد حالياً
      رقم المشاركة : 5
    toota
    Platinum Member
     





    toota is on a distinguished road

    افتراضي

    أنا : toota




    !For Medical Professionals Only

    ياه...على كده حشيش طلع اثري......كلنا اذان صاغيه

     

     


     
    رد مع اقتباس

    قديم 3rd December 2009, 11:47 AM Sonesta غير متواجد حالياً
      رقم المشاركة : 6
    Sonesta
    Field Marshal
     






    Sonesta has a reputation beyond reputeSonesta has a reputation beyond reputeSonesta has a reputation beyond reputeSonesta has a reputation beyond reputeSonesta has a reputation beyond reputeSonesta has a reputation beyond reputeSonesta has a reputation beyond reputeSonesta has a reputation beyond reputeSonesta has a reputation beyond reputeSonesta has a reputation beyond reputeSonesta has a reputation beyond repute

    افتراضي

    أنا : Sonesta



    دعوه لموضوعي

    إحكى يا شهر يار

     

     


     
    رد مع اقتباس

    قديم 3rd December 2009, 11:55 AM همستى غير متواجد حالياً
      رقم المشاركة : 7
    همستى
    Senior Member
     






    همستى is on a distinguished road

    افتراضي

    أنا : همستى




    طبعا متشوقين لمعرفة تاريخ الأستاذ حشيش الحافل

    بس ياريت حضرتك تفضى خالص كدة , وتيجى تستقر فى الجبل , وتبتدى الحكاية كدة من أولها وبالراحة خالص, وبراحتك خالص , ده احنا هنبات هنا .

    ابتدى بقى الحكاية

     

     


     
    رد مع اقتباس

    قديم 3rd December 2009, 04:44 PM سين سين غير متواجد حالياً
      رقم المشاركة : 8
    سين سين
    Member
     





    سين سين is on a distinguished road

    افتراضي

    أنا : سين سين




    باديء ذي بدء ... استفزتني كلمات الزميل الفاضل ضبش عندما أقتطع جزء من تاريخ المناضل حشيش وأذاح الستار عن العمليات الاستشهادية التي بلغت سبعة عشر عملية – بعملية البواسير الاخرانية يبقوا 18 – التي قام بها حشيش ضد قوات الاحتلال الانجليزي الغاشم

    فصرخت بعلو صوتي وقلت لأ لأ

    مش هو ده حشيش ..

    حشيش أكبر وأقدم من كده ...

    وتأكدت مطالبتي دوماً للمختصين بضرورة إعادة كتابة التاريخ .. لكي نُعطي كل ذي حق حقه ...وعشان ما بيقاش كتاب التاريخ مليان حشو وخلاص .. وعشان نعرف الأجيال الجديد مين هما الابطال الحقيقيين في تاريخ مصر الحديث والقديم


    المهم مش هاطول عليكو

    - تعرفت على حشيش في كُتاب الشيخ " بيرنار " ايوه ما تستغربوش ... كان راجل فرنساوي جاء الى مصر في عصر المماليك في اواسط القرن الثامن عشر وأعلن اسلامه وفتح كُتاب واستقر في مصر وقضى بها بقية حياته .... ومن وقتها تزاملنا سوياً عالحلوه والمُره – مش كنا متواعدين - . وحتى بلغونا سن الثامنة عشر كنا شباب عاديين من الطبقة المتوسطة ... إلى ان جاءت اللحظه الحاسمة التي تفجرت فيها روح النضال والاستبسال لدينا .. وخصوصاً لدى حشيش – ولدى محلات العربي بالموسكي وبورسعيد –
    - كنا في اواسط عام 1798 عندما كنت أجلس أنا وحشيش على أحد مقاهي حي السيدة زينب نحتسي قرعتين بوظه .. وإذ بموبيل حشيش يرن نص رنه ... فنظر حشيش الى التليفون ليقول لي : ده الشيخ محمد كُريم بتاع إسكندرية .. يا ترى عاوز ايه ؟
    قلت له : ما ترن عليه شوف إيه نظامه ... يمكن فيها اكلة سمك بربوني يا معلم
    قال : ماشي ... وبالفعل .... قال حشيش : أيوه يا محمد ... خير ؟
    محمد كُريم : إلحقنا يا حشيش ... مصيبة وحلت على دماغ الأسكندرانية ... الفرانسيس هجموا علينا .. ومافيش حد في أسكندرية بيعرف فرنساوي ... فقلت ما فيش غير حشيش هو اللي هايحلها ...

    وكان معروف عن حشيش اللهم صلي عالنبي إنه لبلب في الفرنساوي وكان يسمع لك verb etre وفيرب avoir زي اللبلب وعالغايباني كمان ...

    فقال له حشيش : خلاص يا محمد أنا هاتصرف وأجيلك أحل المشكلة دي

    ووجه حشيش الحديث إلي وقال : قوم يا سين سين إتصل على 140 دليل وأعرف لي أول ديزل رايح إسكندرية إمتى

    وبالفعل علمت إن أول ديزل طالع إسكندرية كان الديزل الفرنساوي بتاع تسعه الا ربع الصبح ، وهرعنا سوياً إلى محطة باب الحديد – ما كانش لسه إسمها محطة مصر – وسطحنا على الديزل واستغرقت الرحلة من محطة مصر إلى محطة الرمل حوالي ساعتين ونص .. وعلى رصيف المحطة وجدنا في إنتظارنا الشيخ محمد كُريم ولفيف من وجهاء الإسكندرية .. ووجه الشيخ كُريم الحديث إلى حشيش :

    كريم : سلامات يا ريس حشيش ... هــــا تحب تشق ريقك بسندوتشات فلافل من عند محمد احمد ولا بأكلة سمك من عند قدورة ؟

    حشيش : لأ يا ريس كُريم .. ما فيش وقت ... أنا عاوز اخلص عالفرنسيس وارجع المحروسة في ديزل 11 بالليل عشان ماما ما تستعوقنيش فخلينا نضرب حاجه عالسريع ونحبس بسجارتين بلمونت ..

    كُريم : عالبركة ... نخطف ساندوتشين ونطلع نشوف الكارثة دي .

    وبالفعل توجهنا جميعاً على ظهور الخيل إلى منطقة قلعة قايتباي ... – ملحوظه : لحد هذا الوقت ما كانتش القلعة اتبنت .. ولكن المنطقة كلها كانت مهجورة عالكورنيش وأرض فاضية مالهاش صحاب لكنها كانت ملتقى للعشقاء هناك ...

    وترجل حشيش من على ظهر فرسته الشهباء وأمسك بالنضاره المعضمه الخاصة بالعمليات الحربية وألقى نظرة على جبهة القتال وعلى الأساطيل الفرنسية الضخمه المحاصرة لمنطقة الكورنيش .. وصرخ موجهاً اوامره العسكرية إلي : يا سين سين ...
    فقلت له : نعمين يا ريس .

    فقال : عاوزك تخطف حصانك لحد حي العطارين .. تجيب لي 5 بنايين فراوده .. والفين طوبه ... و5 شكاير أسمنت ... انا قررت أبني قلعة في الحته دي عشان ندافع من وراها ونصد هذا العدوان الغاشم ..

    فقلت له : لكن يا ريس ... ممكن يضربونا وإحنا بنصلي .. قصدي وإحنا بنبني
    فقال : ودي تفوتني برضوا يابو الأسيان ... أنا هاشتت أنتباههم واسحبهم في حته بعيده لحد ما نخلص بُنا ...

    وبالفعل أسرعت إلى منطقة العطارين لأحضار المطلوب ...

    وهنا

    تفتق ذهن شيشو عن فكره جُهنميه وهي ........................


    تابعونا بعد الفاصل

     

     


     
    رد مع اقتباس

    قديم 3rd December 2009, 05:04 PM سين سين غير متواجد حالياً
      رقم المشاركة : 9
    سين سين
    Member
     





    سين سين is on a distinguished road

    افتراضي

    أنا : سين سين




    أعتلى حشيش سور الكورنيش وأمسك بمطوته القرن غزال والتي كان يلطق عليها لقب " ام قويق " ولوح بها موجهاً حديثه لقائد قوات الفرنسيس " نابليون بونابرته "

    حشيش : والله عال يا نبله – كان حشيش بيحب يدلعه ويقول لنابليون يا نبله .. أيام ما كان بيروح فرنسا في الصيف يشتغل في جمع العنب عشان يجيب مصاريف دراسته - ... والله عال وكإن مصر ما فيهاش رجاله .. ولا فيها حشيش ...

    نابليون : مالكش دعوه أنت بالحوار ده يا حشيش .. أنا مش عاوز أعورك ولا أتعرض لك ... أنا جاي أأدب حُكام مصر عشان أفراس النهر بتاعت المالح بتزعجني ومش عارف أنام في باريس ...

    حشيش : أفراس نهر إيه وكتاكيت البحر إيه ؟ إنت بتستهبل في امها يالا ؟؟؟؟؟؟

    ملحوظه : كل الحوار ده كان باللغه الفرنسية الفصحى ... وكان الجميع يستمع إلى هذا الحوار في إذبهلال من جرءة القائد حشيش اللي واقف بصدره وبالسلاح الابيض في وجه الأساطيل الفرنسية الرهيبة ...

    واكمل حشيش حديثه : خد شوية الصيع بتوعك يا نبله واتكل عالله عشان ما امدش إيدي عليك وتبقى مجزرة وأرجعك فرنسا على نقالة ...

    نابليون : اسف يا شيشو .. مستحيل أرجع إيد ورا وإيد قدام .. أنا وعدت العيال اللي معايا بالجنه وبمفاتيح القاهرة ..

    شيشو : آه يبقى أنت عاوزها عركه .. ماشي .... طب انا هاخرج لك في حته أوسع ... حصلني على أبو قير وأنا وإنت وفارس لفارس ..

    وأسرع حشيش بفرسه الشهباء إلى منطقة أبو قير وتبعته الأساطيل الفرنسية ... وكانت هذه هي خطة حشيش لتشتيت الفرنسيس وصرف نظرهم عن منطقة قلعة قايتباي التي سُميت فيما بعد " قلعة حشيش "

    وفي طريقه إلى أبو قير قام حشيش بإجراء عدة إتصالات على أعلى مستوى بقائد الأسطول الحربي الأنجليزي " منتجمري " ودار بينهما هذا الحديث

    شيشو : صباحك عسل يا عم مونتي ... معاك اخوك حشيش

    مونتجمري : يس شيشو ... جود مورننج خبيبي ... وات ديو وونت ؟

    شيشو : يرضيك كده يا مونتي .. الولا نبله يهجم بأساطيله على الأسكندرية وهو عارف إن أنا في مصر وإن البلد تحت حمايتي ؟

    مونتي : إخص ..... لأ عيب .. ودي مش اخلاق ولاد البلد .. ولا ده العهد اللي إحنا التلاته إتعاهدنا عليه في أكاديمية السادات لما كنا بندرس سوا ... طب مطلوب مني إيه يا شيشو ؟

    شيشو : أنا عاوز بأساطيلك اللي في قبرص تيجي تعمل كماشه من ورا على أساطيل الفرنسيس .. وانا من قدام برجالة أسكندرية .. ونعملهم ساندوتش ... ونديهم علقه ماخدهاش حرامي بيسرق جزم في جامع ..

    مونتي : قشطه ... ماشي ياشيشو ... وهاعتبر دي خدمه وحركة جدعنه من اخوك مونتي ..

    شيشو : طول عُمرك رجوله وكفاءه يا مونتي وبإذن الله أردها لك برقبتي في أقرب مصيبة تحصل ليكو ..


    تابعونا

     

     


     
    رد مع اقتباس

    قديم 3rd December 2009, 07:03 PM oskasan غير متواجد حالياً
      رقم المشاركة : 10
    oskasan
    Golden Member
     





    oskasan has a reputation beyond reputeoskasan has a reputation beyond reputeoskasan has a reputation beyond reputeoskasan has a reputation beyond reputeoskasan has a reputation beyond reputeoskasan has a reputation beyond reputeoskasan has a reputation beyond reputeoskasan has a reputation beyond reputeoskasan has a reputation beyond reputeoskasan has a reputation beyond reputeoskasan has a reputation beyond repute

    افتراضي

    أنا : oskasan




    يخرب بيت كده
    الواحد كان فاهم التاريخ غلط

     

     


     
    رد مع اقتباس

    إضافة رد

    مواقع النشر (المفضلة)

    الكلمات الدلالية (Tags)
    البطل, الحقيقة, بدون, تهميش, سيرة

    الحقيقة بدون تهميش .. عن سيرة البطل " حشيش "

    « الموضوع السابق | الموضوع التالي »
    أدوات الموضوع
    انواع عرض الموضوع

    الانتقال السريع

    المواضيع المتشابهه
    الموضوع كاتب الموضوع المنتدى مشاركات آخر مشاركة
    هل باع "حشيش" المطاريد ومـن هـو المالك ومن هو "الحبيب أبو سنه " ال Supermoderator د. يحي الشاعر ترحيبات ... مناسبات ... علاقات عامة 31 22nd May 2012 07:57 AM

    Currency Calculator
    Your Information
    RSS RSS 2.0 XML MAP HTML


    Powered by vBulletin® Version 3.8.8
    .Copyright ©2000 - 2024, Jelsoft Enterprises Ltd
    (جميع الأراء والمواضيع المنشورة تعبِّر عن رأي صاحبها وليس بالضرورة عن رأي إدارة منتديات المطاريد)
    SSL Certificate   DMCA.com Protection Status   Copyright  


    تنبيه هام

     يمنع منعاً باتاً نشر أى موضوعات أو مشاركات على صفحات منتديات المطاريد تحتوى على إنتهاك لحقوق الملكية الفكرية للآخرين أو نشر برامج محمية بحكم القانون ونرجو من الجميع التواصل مع إدارة المنتدى للتبليغ عن تلك الموضوعات والمشاركات إن وجدت من خلال البريد الالكترونى التالى [email protected] وسوف يتم حذف الموضوعات والمشاركات المخالفة تباعاً.

      كذلك تحذر إدارة المنتدى من أى تعاقدات مالية أو تجارية تتم بين الأعضاء وتخلى مسؤوليتها بالكامل من أى عواقب قد تنجم عنها وتنبه إلى عدم جواز نشر أى مواد تتضمن إعلانات تجارية أو الترويج لمواقع عربية أو أجنبية بدون الحصول على إذن مسبق من إدارة المنتدى كما ورد بقواعد المشاركة.

     إن مشرفي وإداريي منتديات المطاريد بالرغم من محاولتهم المستمرة منع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات وإن وجدت اى مخالفات يُرجى التواصل مع ادارة الموقع لإتخاذ اللازم إما بالتبليغ عن مشاركة مخالفة أو بالتراسل مع الإدارة عن طريق البريد الالكترونى التالى [email protected]