مين جاب لبس العيد ....وعمل كحك العيد .!!! - منتديات المطاريد
بسم الله الرحمن الرحيم
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ (84) وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِندَهُ عِلْمُ السَّاعَةِ وَإِلَيْهِ تُرْجَعُونَ (85) "الزخرف"

منتديات المطاريد | الهجرة الى كندا | الهجرة الى استراليا

 


datessea.com.sa

BBC NEWS

    آخر 10 مشاركات

    العودة   منتديات المطاريد > المنتدى العام > موضوعات عامة ... موضوعات خفيفة ... منوعات

    موضوعات عامة ... موضوعات خفيفة ... منوعات

    مين جاب لبس العيد ....وعمل كحك العيد .!!!


    الهجرة إلى كندا والولايات المتحدة واستراليا

    مواقع هامة وإعلانات نصية

    إضافة رد
     
    أدوات الموضوع انواع عرض الموضوع
    قديم 19th September 2008, 11:43 AM Badroora غير متواجد حالياً
      رقم المشاركة : 1
    Platinum Member
     






    Badroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant futureBadroora has a brilliant future

    مين جاب لبس العيد ....وعمل كحك العيد .!!!

    أنا : Badroora




    عينى جيت على الكالندر ولاقيت ان اليوم 19 يعنى باقى على العيد ان شاء الله 11 يوم وانا مش دريانه .
    طبعا هادرى ازاى وهنا الايام شبه بعضها غير لما كنت فى بيت ابويا وكل شيء كان ليه طعم
    رجعت بذاكرتى للماضي وافتكرت فى الايام دى كانت امى بتحضر لكحك العيد كنا كلنا نبقي ملموين حوليها وجيرانا وعماتى والكل قاعد ينقش كحك العيد وكنت دايما انتظر اول صاج يطلع من الفرن عشان اكل الكحك وهو سخن كانت عادة سيئة امى مكنتش تحبها فيا انى اكل الكحك وهو سخن هيوجع بطنى ..لانى مكنتش باكل الكحك بعد كدا هو اول مايطلع من الفرن وخلاص ..
    البسكوت كنت احب انا اللى اشغل ماكينة البسكوت وكنت اسهر معاهم عشان بردوا اكل البسكوت وهو سخن لانى مش هاكله بعد كدا يااااااااه ايام.
    لبس العيد ...يا الله ..ابويا طيب جدا وحنين لاقصي درجة ويبقي هيجيب الحاجة هيبجبها بس كان لازم يوجع قلبنا..معرفش كان مزاج عنده العناد..
    كان يبقي عامل جمعية مخصوص لرمضان والعيد وعامل حساب كل شيء بس مكنش بيقولنا تقريبا كان عاوز يعلمنا درس بطريقته واللى احنا للنهاردة مستوعبنهاش ان الحاجة لو جت بالساهل مش هنحس بها
    كان دايما يبقي عندنا افراح قبل رمضان الناس تحب تخلص بدرى بدرى قبل زحمة رمضان فطبعا كان بيجبلنا لبس للفرح ..ويقولنا .بعد الفرح شيلوه على طول عشان دا هيبقي لبس العيد انا بقي كنت احزن من قبل رمضان على الحركة دى ومرضاش اروح الفرح احتجاجا على كلام ابويا .وكمان عشان محدش يشوف لبس العيد قبل العيد ابويا كان يجي يخدنى فى حضنه ويقولى لا تعالى الفرح والبسي وانبسطى وانا هاجبلك لبس غيرة جديد على العيد كنت بسرعة اقوم البس واروح الفرح ..يجي رمضان ويطلع عينينا ويتعب اعصابنا هاجيب لاء مش هجيب معايا لاء مش معايا ..لغاية قبل العيد ب10 ايام او اقل يقولنا خلاص يلا روحوا اشتروا لبس العيد
    كنت وقتها طبعا بازعل كتير من ابويا واقول فى اب يعامل ولاده كدا وكنت طبعا مش باعزره واقول جايز يكون مش معاه مكنش بيجي فى بالى كدا ..ورغم كل دا مافيش عيد ابويا مجبلناش لبس للعيد
    سبت ابويا واشتغلت والفلوس جريت فى ايدي وودعت الفقر والتحكمات ومعايا فى فلوس اجيب اللى انا عوزاه فى اى وقت ..ومع ذلك عمرى مافتكرت اجيب لنفسي لبس العيد مش عارفه ليه
    السنه اللى فاتت حضرت العيد الكبير فى مصر ورجعت تانى يوم ..لاقيتهم فى البيت جايبين لى لبس العيد
    يعنى انا اللى نازلة عليهم وجيبالهم هدايا ومجبتش لنفسي حاجة مخصوص للعيد ولكن رغم كدا ..ابويا جاب لى ولاخواتى لبس العيد ومقالش اللبس اللى انا جيباه يفى بالغرض وخلاص تصوروا وقتها بس حبيت ابويا قوى وحسيته انه انسان بجد واحنا اللى مكناش فهمينه ..وانى مهما كبرت واتغنيت وافتريت لسه بردوا صغيره وابويا اللى هيجيبلى لبس العيد.
    طيب العيد خلاص على الابواب اهو ...مين اللى هيجيب لى لبس العيد .. تفتكروا ابويا ممكن يبتعهولى بالدى اتش ال ولا يبعتلى الفلوس وانا انزل اشترى واهو يبقي بردوا ابويا اللى جابلي لبس العيد . .خلاص هانزل انا افرح نفسي وادلع نفسي وان شاالله معان حد حوش وهاجيب لبس العيد وافرح ..

    انتم بقي جبتم لبس العيد ولا لسه ؟

    كل عيد وانتم طيبين ..

     

    الموضوع الأصلي : مين جاب لبس العيد ....وعمل كحك العيد .!!!     -||-     المصدر : منتديات المطاريد     -||-     الكاتب : Badroora

     

     



     
    رد مع اقتباس


    Latest Threads By This Member
    Thread Forum Last Poster Replies Views Last Post
    حدش هنا من دفعة 2008 مطاريد ترحيبات ... مناسبات ... علاقات عامة MFaisal 13 2296 31st May 2015 07:14 PM
    احم احم ..ممكن ادخل ؟!! ترحيبات ... مناسبات ... علاقات عامة مصرية 92 6250 15th June 2011 11:23 PM
    Merits and demerits of Immigration Do you speak English MidoTayel 11 7600 14th November 2009 12:56 AM
    بـــرنــــجـــان بالمـــكـــســـرات ( مكدوس).!!! شؤون المطبخ ماتريكس دوت نت 16 3941 13th November 2009 11:15 AM
    Happy Birthday dede_alkady ترحيبات ... مناسبات ... علاقات عامة poulaemad 47 5222 13th November 2009 12:11 AM

    قديم 19th September 2008, 12:38 PM Muhammad Zidan غير متواجد حالياً
      رقم المشاركة : 2
    Muhammad Zidan
    Member
     






    Muhammad Zidan is on a distinguished road

    افتراضي

    أنا : Muhammad Zidan





    كل سنة وانتي طيبة يا بدرية ويارب نشوفك السنة الجاية زي اليومين دول في بيت العدل .. قولي إن شالله

    بالنسبة للبس العيد فالبنت مريم بنتنا جالها طاقمين واحد من أختي الكبيرة .. والتاني من حماتي .. والحقيقة الطاقم اللي جابته أختي الكبيرة أشيك وأحلى وأغلى من اللي جابته حماتي عشان كده في حرب في البيت من أول امبارح

    بالنسبة للولد يوسف ولدنا برضه حتى الآن لم يأتيه أي شيئ وأنا منتظر معونة البرتقال اللي مفروض الحاج زيدان قبضها اليومين دول .. من ثم يوزع الفائض على أولاده ( نفحة كل عيد )

    أما حرمنا المصون ودرة بيتنا الكريم واللي مولعة الدنيا بسبب طاقم العيد اللي جابته أختي فقد قامت بشراء عدد 2 فستان حوامل سعر الواحد 340 جنيه كل جنيه ينطح جنيه ولونين شبه بعض أورنج ونبيتي ..

    بالنسبة للعبد لله الغلبان والله يا بدرية ولا ليكي عليا حلفان .. لغاية دلوقتي ما جبت حاجة أنا والواد الغلبان يوسف .. عشان تعرفوا إن الرجالة مهضوم حقها اليومين دول

    بالنسبة لكحك العيد فده موضوع بعيد عن عائلة محمد زيدان حيث يتم شراءه من كلاسيك أو شهد الملكة ... وكل سنة وانتم طيبين ورمضان كريم وعيد سعيد

     

     



     
    رد مع اقتباس

    قديم 19th September 2008, 02:31 PM hoppa غير متواجد حالياً
      رقم المشاركة : 3
    hoppa
    Golden Member
     





    hoppa is on a distinguished road

    افتراضي

    أنا : hoppa





    احنا فى ايام دى بنكون بعمل الكحك و البيتى فور و البسكويت بتاع العيد
    بنعمل مش بنشترى
    و هو صراحة حلاوته فى عمله بس طبعا بيبوظ ساعات و طبعا انفاق كتير على مقاديره و وقت ضايع بس النتيجة لما بيطللع كويس هى رضاء عن اداء ست البيت

    بالنسبة للبس العيد فأدعوكى لزيارة مدونة الغاليه فيروز
    و شوفى مقالها اشتريت فستان

    https://zamanalwasl.blogspot.com/2008...g-post_08.html
    و ابقى قوليلى امتى آخر مرة اشتريتى فستان

     

     



     
    رد مع اقتباس

    إضافة رد

    مواقع النشر (المفضلة)

    مين جاب لبس العيد ....وعمل كحك العيد .!!!

    أدوات الموضوع
    انواع عرض الموضوع

    الانتقال السريع

    المواضيع المتشابهه
    الموضوع كاتب الموضوع المنتدى مشاركات آخر مشاركة
    العيد بلسانهم مودة خمسة فرفشة 4 31st August 2011 11:03 AM
    العيد في كندا ناوية ع الهجرة الهجرة إلى كندا 6 1st December 2010 09:19 PM
    كل سنة وأنتم طيبين ....حدش جاب خروف العيد af27_3 موضوعات عامة ... موضوعات خفيفة ... منوعات 1 24th November 2009 07:25 PM
    خروف العيد وصل مين عايز مصرية والنعم خمسة فرفشة 3 24th November 2008 08:54 PM

    Almatareed is an Arabic discussion forum with a special interest in travel, study and immigration to Canada, USA, Australia and New Zealand Logo Map
    Currency Calculator
    RSS RSS 2.0 XML MAP HTML


    Powered by vBulletin® Version 3.8.8
    .Copyright ©2000 - 2020, Jelsoft Enterprises Ltd
    (جميع الأراء والمواضيع المنشورة تعبِّر عن رأي صاحبها وليس بالضرورة عن رأي إدارة منتديات المطاريد)
    SSL Certificate   DMCA.com Protection Status   Copyright  
    منتديات المطاريد   Follow us on Google   لشراء مساحة إعلانية بالمطاريد  

    تنبيه هام

     يمنع منعاً باتاً نشر أى موضوعات أو مشاركات على صفحات منتديات المطاريد تحتوى على إنتهاك لحقوق الملكية الفكرية للآخرين أو نشر برامج محمية بحكم القانون ونرجو من الجميع التواصل مع إدارة المنتدى للتبليغ عن تلك الموضوعات والمشاركات إن وجدت من خلال البريد الالكترونى التالى [email protected] وسوف يتم حذف الموضوعات والمشاركات المخالفة تباعاً.

      كذلك تحذر إدارة المنتدى من أى تعاقدات مالية أو تجارية تتم بين الأعضاء وتخلى مسؤوليتها بالكامل من أى عواقب قد تنجم عنها وتنبه إلى عدم جواز نشر أى مواد تتضمن إعلانات تجارية أو الترويج لمواقع عربية أو أجنبية بدون الحصول على إذن مسبق من إدارة المنتدى كما ورد بقواعد المشاركة.

     إن مشرفي وإداريي منتديات المطاريد بالرغم من محاولتهم المستمرة منع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات وإن وجدت اى مخالفات يُرجى التواصل مع ادارة الموقع لإتخاذ اللازم إما بالتبليغ عن مشاركة مخالفة أو بالتراسل مع الإدارة عن طريق البريد الالكترونى التالى [email protected]