الخليج vs كندا .. لماذا يترك الكثيرون العمل بالخليج و يغامرون بالهجرة الى كندا

[shawi]

دكتوره صفا
تحياتي
حيث انك في مجال البحث في الدكتوراه فالقراءه عندك ليست صعبه مثل واحد زيي ترك مقاعد الدراسه من زمن
لكن وللحقيقه لم اترك القراءه العلميه ولا الكتابه
لذلك احيلك الى كتالوج الهجره الموجود في المنتدى والذي يبدأ بالأتي

أنا بافكر أهاجر
طب هل يصلح اني أهاجر

شوفي سعادتك ما ينطبق عليكي وما يلزمك تحقيقه لتنطبق عليكي شروط الهجره سواء الفيدرال او كيبيك
وابداي باللغه الأيلتس و الفرنسي
ثم أكملي المشروع
وبالتوفيق واحنا حاضرين بالشربات أول ما تجهزي بالمطلوب. وإن شاء الله نشوفك معانا هنا
وحارشحلك جامعه مانيتوبا تراسليهم يمكن ربنا ياخد بيدك وحد يقبلك تكملي حاجه اعلى في علوم الدنيا.

شوفي باب وينيبح مانيتوبا....فيه وصلات مفيده ومعلومات عن وينيبج
والهندسه الطبيه ليه زميل دكتور في هندسه منوف بيشرف على رسائل ماجستير ودكتوراه
وكم اتمنى ان اراكما هنا في وينيبج
عنصريه بأه.

 

[Om nour]

أختي الفاضلة Dr Masriya و الأخ الفاضل Ehab Salem ردودكم بصراحة المختصر المفيد و وجعت قلبي خاصة و انا لسة سايبة الخليج من شهرين و استقريت في أخر يوليو هنا في مونتريال اللي تفضلتوا و اوجزتوه هو بالضبط اللي بيحصل في الخليج فلوس كتير أوي و مستوى معيشة عالي يجب ان تجاريه من حيث السكن و المدارس الانترناشيونال و الشغالة و عربيتين في البيت و اشتراك في نادي ولبس ماركات و مكياجات و برفانات من اشهر البيوت و عروض كل يوم و التاني و سفر للدول المجاورة في الويك اند و لكن مافيش تقدم مهني تقريباً معدوم يعني بنتحول لmoney makers و بنحس اننا صدينا على الصعيد المهني و بنعامل كمواطنين درجة تاسعة مش تانية حتى ، و الحر و الرطوبة حدث و لا حرج لكن في الاخر بيكون في مكسب مادي عالي ماقدرش انكر (أمابنعمة ربك فحدث) لكن الحالة النفسية بتكون دايماً مضطربة . ربنا يكرم الجميع سواء في كندا أو في الخليج

 

 

[راحله الى المجهول]

تخيلوا ان فيه مواطنيين خليجيين وعلى درجه عاليه من المهنيه والمستوى الاجتماعى هما نفسهم بيتمنوا يبقى عندهم الجنسيه الكنديه ... !!

 

 

[nour alhudah]

اقتباس المشاركة الأصلية كتبت بواسطة راحله الى المجهول تخيلوا ان فيه مواطنيين خليجيين وعلى درجه عاليه من المهنيه والمستوى الاجتماعى هما نفسهم بيتمنوا يبقى عندهم الجنسيه الكنديه ... !!

فعلا صحيح
لكن هنا السعودييين مش من حقهم يهاجروا زينا ويقدمو هجرة لأي دولة
لانوا حكومة السعودية بتمنعهم
ودي برضو نقطة سودة تضاف للسعودية

 

 

[Dr. masryia]

اقتباس المشاركة الأصلية كتبت بواسطة Om nour أختي الفاضلة Dr Masriya و الأخ الفاضل Ehab Salem ردودكم بصراحة المختصر المفيد و وجعت قلبي خاصة و انا لسة سايبة الخليج من شهرين و استقريت في أخر يوليو هنا في مونتريال اللي تفضلتوا و اوجزتوه هو بالضبط اللي بيحصل في الخليج فلوس كتير أوي و مستوى معيشة عالي يجب ان تجاريه من حيث السكن و المدارس الانترناشيونال و الشغالة و عربيتين في البيت و اشتراك في نادي ولبس ماركات و مكياجات و برفانات من اشهر البيوت و عروض كل يوم و التاني و سفر للدول المجاورة في الويك اند و لكن مافيش تقدم مهني تقريباً معدوم يعني بنتحول لmoney makers و بنحس اننا صدينا على الصعيد المهني و بنعامل كمواطنين درجة تاسعة مش تانية حتى ، و الحر و الرطوبة حدث و لا حرج لكن في الاخر بيكون في مكسب مادي عالي ماقدرش انكر (أمابنعمة ربك فحدث) لكن الحالة النفسية بتكون دايماً مضطربة . ربنا يكرم الجميع سواء في كندا أو في الخليج

Om nourأختى الكريمة
كلنا بندور على حياة كريمة والحياة الكريمة مش بس فلوس لكن بما تعنيه الكلمة من معنى
وهى حياة فيها نظام يحترم الجميع ويطبق على الجميع والاهتمام بالعلم لانه اساس تحضر الشعوب لان المال يجب ان يكون فى خدمة العلم وليس العكس
عايزين نعرف الناس دى محترمة ازاى انظرى سريعا على الموقع الخاص بكل حى فلكل حى فى مونتريال مثلا موقع يقدم فيه كل المعلومات لاهل الحى من اول التعديلات الخاصة بتدوير القمامة حتى الانشطة والفعاليات
كما انه شىء بديهى وجود المكتبة فى كل حى ومساحات خضراء مفتوحة للجميع وليس بالضرورى انك تاخدى الاولاد للنادى حتى يتمكنوا من اللعب
والاهم هو احترام آدمية الانسان فانت فقير لكن من حقك ان يكون لك مكتبة ومساحات خضراء وملاعب مفتوحةووووووووو

انا عايزة اقولك عزيزتى ان هناك كثير من الخليجيين مقيمين فى كندا وهناك جزيرة فى مونتريال معظمهم سعوديين وخليجيين تسمى


nuns island

تحياتى

 

 

[burner]

فكرة ان الخليج يوجد به فرص عمل افضل للمصريين بدون معادلات ولا وجع قلب
الموضوع ده كان زمان دلوقتي اي دكتور او صيدلي بيسافر لازم بيمتحن برومترك و مش بيسمحوله انه يشتغل غير بيهم ده غير بقي المهندسين و بالاخص مديرين المشروع اللي بيطلبوا منهم شهاده بي ام بي فكدة كندا تبقي زيها زي الخليج مع ملحوظة صغيرة ان معادلة كندا اصعب شوية

وفى نفس الووقت التحويش فيه افضل من كندا
هانقول تاني انه لو معاك عيلتك مش هايبقي في توفير بالعكس مصاريفك هاتبقي علي قد المرتب لان هايبقي في مدارس و عربية و خروجات و الكلام ده كله فالنقطة دي كمان كندا زي الخليج

الجو فيه و ان كان حار فانه ليس فى سوء شتاء كندا
موضوع الجو ده لاي شغلانه مش هايحسوا بيه انما لما تبقا مهندس مدني زي حالاتي و تبقي مجبر انك تفضل في الموقع في درجة حرارة فوق الخمسة و اربعين طول اليوم اكيد اكيد شتاء كندا مش هاينفع يتقارن بده لان الشتاء هاتحتاج فيه ملابس ثيرمال بي انما الحرارة دي والله لو قلعت هدومك كلها مالهاش حل و كده تبقي النتيجة 3-0 لصالح كندا

البلاد عربية مسلمة شرقية و ذلك ففيه حفاظ للهوية و الدين
بص عن تجربه كل مجتمع التدين فيه نسبي بمعني اني شفت ناس بعيني هنا في الخليج بيسكروا بس محافظين علي صلاتهم لانهم اتعودوا من البيت من و هما صغيرين انهم لازم يصلوا ف في الاخر المسؤلية تقع علي البيت بس برضه ده لا يمنع ان الجو العام في كندا مع غياب الاحتفال بالمناسبات الدينية بيأثر فالنتيجه هنا هاتبقي 3-1 لصالح كندا

العنصرية قليلة مقارنة بالغرب عموما
موضوع العنصرية ده بقي فانا في حياتي ماشفتش عنصرية زي بتاعت الخليج
يا راجل ده لو حد كلمك بيقلك يا مصري و لا اكنها مسبه
ده ناقص يطلبوا منك موافقة الكفيل و انتا داخل الحمام
كده تبقي النتيجة 4-1 لصالح كندا

بعد ده كله اعتقد انه كده ظهر بوضوح ان كندا افضل بنسبة 4 الي 1
و بعدين بقا بعد الاحداث الاخيرة اللي حاصله في مصر و اللي انا شايفه انه بقا في نسبه فساد و ظلم فاقت الحدود بقي ييجي في دماغي الاية الكريمة [COLOR="rgb(160, 82, 45)"]إِنَّ الَّذِينَ تَوَفَّاهُمُ الْمَلائِكَةُ ظَالِمِي أَنفُسِهِمْ قَالُوا فِيمَ كُنتُمْ قَالُوا كُنَّا مُسْتَضْعَفِينَ فِي الأَرْضِ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا فَأُوْلَئِكَ مَأْوَاهُمْ جَهَنَّمُ وَسَاءَتْ مَصِيرًا مع فارق التشبيه طبعا فالاية نزلت في القوم اللي لم يهاجروا مع الرسول للمدينة و بقوا بمكه و اجبرهم المشكركين انهم يخرجوا معاهم ضد المسلمين في غزوة بدر
بس برضه انا مقتنع ان اللي يقبل باللي حاصل في مصر دلوقتي من ظلم النفس[/COLOR]

 

 

[Remon.soliman]

دعوه لموضوعي

مطاريد الكويت

اقتباس المشاركة الأصلية كتبت بواسطة burner فكرة ان الخليج يوجد به فرص عمل افضل للمصريين بدون معادلات ولا وجع قلب الموضوع ده كان زمان دلوقتي اي دكتور او صيدلي بيسافر لازم بيمتحن برومترك و مش بيسمحوله انه يشتغل غير بيهم ده غير بقي المهندسين و بالاخص مديرين المشروع اللي بيطلبوا منهم شهاده بي ام بي فكدة كندا تبقي زيها زي الخليج مع ملحوظة صغيرة ان معادلة كندا اصعب شوية وفى نفس الووقت التحويش فيه افضل من كندا هانقول تاني انه لو معاك عيلتك مش هايبقي في توفير بالعكس مصاريفك هاتبقي علي قد المرتب لان هايبقي في مدارس و عربية و خروجات و الكلام ده كله فالنقطة دي كمان كندا زي الخليج الجو فيه و ان كان حار فانه ليس فى سوء شتاء كندا موضوع الجو ده لاي شغلانه مش هايحسوا بيه انما لما تبقا مهندس مدني زي حالاتي و تبقي مجبر انك تفضل في الموقع في درجة حرارة فوق الخمسة و اربعين طول اليوم اكيد اكيد شتاء كندا مش هاينفع يتقارن بده لان الشتاء هاتحتاج فيه ملابس ثيرمال بي انما الحرارة دي والله لو قلعت هدومك كلها مالهاش حل و كده تبقي النتيجة 3-0 لصالح كندا البلاد عربية مسلمة شرقية و ذلك ففيه حفاظ للهوية و الدين بص عن تجربه كل مجتمع التدين فيه نسبي بمعني اني شفت ناس بعيني هنا في الخليج بيسكروا بس محافظين علي صلاتهم لانهم اتعودوا من البيت من و هما صغيرين انهم لازم يصلوا ف في الاخر المسؤلية تقع علي البيت بس برضه ده لا يمنع ان الجو العام في كندا مع غياب الاحتفال بالمناسبات الدينية بيأثر فالنتيجه هنا هاتبقي 3-1 لصالح كندا العنصرية قليلة مقارنة بالغرب عموما موضوع العنصرية ده بقي فانا في حياتي ماشفتش عنصرية زي بتاعت الخليج يا راجل ده لو حد كلمك بيقلك يا مصري و لا اكنها مسبه ده ناقص يطلبوا منك موافقة الكفيل و انتا داخل الحمام كده تبقي النتيجة 4-1 لصالح كندا بعد ده كله اعتقد انه كده ظهر بوضوح ان كندا افضل بنسبة 4 الي 1 و بعدين بقا بعد الاحداث الاخيرة اللي حاصله في مصر و اللي انا شايفه انه بقا في نسبه فساد و ظلم فاقت الحدود بقي ييجي في دماغي الاية الكريمة [COLOR="rgb(160, 82, 45)"]إِنَّ الَّذِينَ تَوَفَّاهُمُ الْمَلائِكَةُ ظَالِمِي أَنفُسِهِمْ قَالُوا فِيمَ كُنتُمْ قَالُوا كُنَّا مُسْتَضْعَفِينَ فِي الأَرْضِ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا فَأُوْلَئِكَ مَأْوَاهُمْ جَهَنَّمُ وَسَاءَتْ مَصِيرًا مع فارق التشبيه طبعا فالاية نزلت في القوم اللي لم يهاجروا مع الرسول للمدينة و بقوا بمكه و اجبرهم المشكركين انهم يخرجوا معاهم ضد المسلمين في غزوة بدر بس برضه انا مقتنع ان اللي يقبل باللي حاصل في مصر دلوقتي من ظلم النفس[/COLOR]

اتفق معاك تماماً

 

 

[mahmoodzezo]

اقتباس المشاركة الأصلية كتبت بواسطة burner فكرة ان الخليج يوجد به فرص عمل افضل للمصريين بدون معادلات ولا وجع قلب الموضوع ده كان زمان دلوقتي اي دكتور او صيدلي بيسافر لازم بيمتحن برومترك و مش بيسمحوله انه يشتغل غير بيهم ده غير بقي المهندسين و بالاخص مديرين المشروع اللي بيطلبوا منهم شهاده بي ام بي فكدة كندا تبقي زيها زي الخليج مع ملحوظة صغيرة ان معادلة كندا اصعب شوية وفى نفس الووقت التحويش فيه افضل من كندا هانقول تاني انه لو معاك عيلتك مش هايبقي في توفير بالعكس مصاريفك هاتبقي علي قد المرتب لان هايبقي في مدارس و عربية و خروجات و الكلام ده كله فالنقطة دي كمان كندا زي الخليج الجو فيه و ان كان حار فانه ليس فى سوء شتاء كندا موضوع الجو ده لاي شغلانه مش هايحسوا بيه انما لما تبقا مهندس مدني زي حالاتي و تبقي مجبر انك تفضل في الموقع في درجة حرارة فوق الخمسة و اربعين طول اليوم اكيد اكيد شتاء كندا مش هاينفع يتقارن بده لان الشتاء هاتحتاج فيه ملابس ثيرمال بي انما الحرارة دي والله لو قلعت هدومك كلها مالهاش حل و كده تبقي النتيجة 3-0 لصالح كندا البلاد عربية مسلمة شرقية و ذلك ففيه حفاظ للهوية و الدين بص عن تجربه كل مجتمع التدين فيه نسبي بمعني اني شفت ناس بعيني هنا في الخليج بيسكروا بس محافظين علي صلاتهم لانهم اتعودوا من البيت من و هما صغيرين انهم لازم يصلوا ف في الاخر المسؤلية تقع علي البيت بس برضه ده لا يمنع ان الجو العام في كندا مع غياب الاحتفال بالمناسبات الدينية بيأثر فالنتيجه هنا هاتبقي 3-1 لصالح كندا العنصرية قليلة مقارنة بالغرب عموما موضوع العنصرية ده بقي فانا في حياتي ماشفتش عنصرية زي بتاعت الخليج يا راجل ده لو حد كلمك بيقلك يا مصري و لا اكنها مسبه ده ناقص يطلبوا منك موافقة الكفيل و انتا داخل الحمام كده تبقي النتيجة 4-1 لصالح كندا بعد ده كله اعتقد انه كده ظهر بوضوح ان كندا افضل بنسبة 4 الي 1 و بعدين بقا بعد الاحداث الاخيرة اللي حاصله في مصر و اللي انا شايفه انه بقا في نسبه فساد و ظلم فاقت الحدود بقي ييجي في دماغي الاية الكريمة [COLOR="rgb(160, 82, 45)"]إِنَّ الَّذِينَ تَوَفَّاهُمُ الْمَلائِكَةُ ظَالِمِي أَنفُسِهِمْ قَالُوا فِيمَ كُنتُمْ قَالُوا كُنَّا مُسْتَضْعَفِينَ فِي الأَرْضِ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا فَأُوْلَئِكَ مَأْوَاهُمْ جَهَنَّمُ وَسَاءَتْ مَصِيرًا مع فارق التشبيه طبعا فالاية نزلت في القوم اللي لم يهاجروا مع الرسول للمدينة و بقوا بمكه و اجبرهم المشكركين انهم يخرجوا معاهم ضد المسلمين في غزوة بدر بس برضه انا مقتنع ان اللي يقبل باللي حاصل في مصر دلوقتي من ظلم النفس[/COLOR]

السلام عليكم ورحمة الله وبركاته

ده أول رد لي في المنتدى
وبصراحة انا دخلت المنتدى وانا بعمل search على جوجل عشان الاقي إجابه على سؤال الموضوع ده
انا عمري 35 سنه وبشتغل فالسعوديه بقالي 13 سنة في المبيعات بصفه عامه ومن قبلها اشتغلت 4 سنين في مصر،،،
الرد المقتبس ده يمثلني، وان كان بالنسبه لموضوع العنصريه فيه شخصيات سعوديه محترمه جدا اعرفها وزي اخواتي وعلاقتي بيهم طيبه جدا، لكنهم مش باينين وسط الأغلبيه

الوضع هنا كل سنه بيتصعب أكتر من السنة اللي قبلها وخصوصا في السنة الأخيره البزنس اتأثر جدا بسبب سياسات الحكومة التقشفيه، وكل اللي بيشتغل في المبيعات عموما عارف الكلام ده
وكل شويه رسوم تزيد أو تتفرض رسوم جديده أصلا
وكل شويه مهن تتسعود والكل قاعد خايف الدور ييجي عليه ومهنته تتسعود ويرجع يبدأ من الأول تاني ويدور على شغل جديد أو يضطر يرجع مصر، وما أدراك ما مصر والعيشه في مصر حاليا
وأخيرا مصاريف الحياة عماله تزيد من مصاريف مدارس لإيجار منزل وغيره
وعشان كل ده في نقطه مهمه مخلياني افكر جديا في موضوع الهجره
فرضا انك مستقر وبتقدر تحوش فلوس فالخليج وقدرت تجمع مبلغ كويس،،، ايه اللي ممكن تعمله بيه؟؟؟؟؟؟؟ وخصوصا لما تكون وصلت لمرحلة نفسيه انك مش قادر تشتغل عند حد تاني ونفسك تعمل مشروع لوحدك حتى لو بسيط جدا
أولا:- ماتقدرش تعمل مشروع لوحدك فالسعوديه لأن ده ممنوع ولو عاوز تفضل فيها لازم تفضل موظف مهما ارتفعت درجتك الوظيفيه.
ثانيا:- مصر وضعها الحالي يخوفك انك تعمل فيها مشروع بجنيه واحد، وتخاف لو قررت ترجع فلوسك تخلص بعد كام سنه وبعدين تلاقي نفسك رجعت تاني من فئات الشعب المطحون اللي بنشوفهم بيصوتوا من العيشه فالاعلام والسوشيال ميديا، وأصلا العيشه في مصر لا بقى فيها أمان ولا تعليم ولا صحه وربنا يلطف بالناس هناك.

خلاصة القول اني عاوز مكان استقر فيه واعيش عيشه كويسه انا واسرتي واكون على اتصال بأهلي واصحابي واقدر اكون معاهم وقت ماانا عاوز، وحتى لو اشتغلت موظف تاني هبقى على الأقل عارف اني ممكن بعد فتره من اكتساب الخبره اعمل مشروع لوحدي وبراحتي حتى لو محل بقاله،،، بدل مانا عمال اشتغل دلوقتي زي اللي مربوط فالساقيه وتعبت ونفسي اقف ومش عارف ولا قادر عشان متطلبات الحياه مابتخلصش

أنا مش لاقي حل غير الهجره لكندا
بس بصراحه انا خايف اتبهدل وابهدل اسرتي معايا،،، وانا اصلا اتبهدلت بما فيه الكفايه

أسئلتي بوضوح اللي اتمنى الإجابه عليها من أهل الخبرة كالتالي:-

1- الأرزاق على الله طبعا، بس هل ممكن بعد فتره من عدم الاستقرار فالبداية ممكن ان شاء الله الدنيا تظبط معايا وخصوصا ان خبرتي مش فمهنه متخصصه زي الطب والهندسه والمحاسبه أو حتى حرفه زي النجار والحداد، ولكن خبرتي في المبيعات عموما في اكتر من مجال زي العقار ومواد البناء وغيرها؟

2- هل لازم عشان اقدم تكون خبرتي مرتبطه بالمؤهل بتاعي لأن مؤهلي بكالوريوس تربية رياضية خبرتي كلها في المبيعات زي ما قلت؟

3 - هل ممكن بعد كده اجيب والدتي تعيش معايا؟

4- هل أقدر اخلص إجراءات الهجرة وأروح آخد الإقامة انا واسرتي وارجع تاني الخليج حتى لو فتره مؤقته؟

آسف على الإطالة أتمنى الإجابه على أسئلتي

 

 

[عاشق البحر]

طيب اللى عاوز يهاجر علشان ياخد جنسية
يستفيد منها كحماية له من الظلم العشوائى فى مصر
بجانب انه هاتكون صمام امان له لو تدهور الوضع فى مصر اى لحظة ممكن ساتها يسافر كندا

لكن طول ما الدنيا مستقرة فى مصر هايعيش فيها مهما كانت المساوىء
هل الهجرة للسبب ده ( الجنسية ) كافية لخوض التجربة ؟

مع العلم انى بشتغل فى الخليج و شغلى غير مستقر نهائيا و متوقع انهاء خدمتى اى لحظة

 

 

[AhmedBadawi]

دعوه لموضوعي

مجموعة مطاريد لاندنج 2015

اقتباس المشاركة الأصلية كتبت بواسطة mahmoodzezo أسئلتي بوضوح اللي اتمنى الإجابه عليها من أهل الخبرة كالتالي:- 1- الأرزاق على الله طبعا، بس هل ممكن بعد فتره من عدم الاستقرار فالبداية ممكن ان شاء الله الدنيا تظبط معايا وخصوصا ان خبرتي مش فمهنه متخصصه زي الطب والهندسه والمحاسبه أو حتى حرفه زي النجار والحداد، ولكن خبرتي في المبيعات عموما في اكتر من مجال زي العقار ومواد البناء وغيرها؟ في البداية الأرزاق بإيد ربنا، في ناس بتقعد سنة وأكتر تدور على شغل وما بتعرفش تشتغل أو بتشتغل في أي شغلانة تجيب منها دخل يكفيها يوم بيوم. وفي المقابل في ناس بتلاقي شغل في مجالها في خلال فترة بسيطة من وصولهم. كلمة السر اللي هتسمعها دايما في كندا هي ال Networking أو بمعنى آخر الواسطة. حاول تقوي علاقتك وتبني شبكة علاقات واسعة في كندا لأن معظم الشغل بييجي بالطريقة دي. في كندا بيبقى عندهم تخوف من تشغيل حد جديد لسه جاي لأن مش بيبقوا عارفين لو هيتأقلم على طبيعة وطريقة شغلهم ولا لأ. لكن لو حد يعرفك هو اللي مرشحك ليهم للوظيفة بيبقوا مطمنين ولو جزئيا إن ممكن تمشي في الشغلانة 2- هل لازم عشان اقدم تكون خبرتي مرتبطه بالمؤهل بتاعي لأن مؤهلي بكالوريوس تربية رياضية خبرتي كلها في المبيعات زي ما قلت؟ لا مش لازم. راجع اجابة السؤال الأول 3 - هل ممكن بعد كده اجيب والدتي تعيش معايا؟ ممكن طبعاً، بس ليها اجراءات ونظام معين لو كان قصدك تجيبهم يعيشوا معاك علطول. في حاجة اسمها super visa دي بتسمح للوالدين ييجوا يعيشوا معاك فترات طويلة. هي مش اقامة دائمة، ولكن هي تأشيرة لمدة خمس سنوات تقريبا ويقدروا ييجوا ويروحوا وقت ما يعوزوا وفي كل مرة يقدروا يقعدوا فترة ستة أشهر بدون ما يخرجوا برة كندا 4- هل أقدر اخلص إجراءات الهجرة وأروح آخد الإقامة انا واسرتي وارجع تاني الخليج حتى لو فتره مؤقته؟ تقدر طبعاً، وفي ناس كتير من اللي شغالي في الخليج بيعملوا كده علشان يعوضوا شوية من مصاريف الهجرة واللاندنج قبل ما ييجوا يستقروا نهائياً. انت لما بتحصل على ال PR بيبقى معاك ٣ سنين تعيش برة كندا بحد أقصى قبل ما تيجي للاستقرار. علشان تقدر تجدد الاقامة في كندا لازم تكون قعدت سنتين من آخر خمي سنوات منذ حصولك على الاقامة آسف على الإطالة أتمنى الإجابه على أسئلتي

حاولت أجاوب على اسئلتك على قد ما أقدر وبالتوفيق ان شاء الله